مساجلات الزامــــل الشعبي

[حنطبه]

يارجال ربما عاده باقي في فصل الاخ معضد وانا تسرعت في الفصل ..عذرا يااخ معضد وخلينا على فصلك ياغالي .

[صالح الديمه]

وسلام لك مرسول ياوعل النتر = ايام لك مابيننا محزور
راضي بحكمه .والقضاء هو والقدر = عالم بهم ذي خالق المعموره

واصل سلامك يارئيس الموتمر=والصوت جاء عبر الهواء والصوره
يامرحبا يانور عيني والبصر=والنفس منّك دائما مجبوره

[الشبامي]

خذ راحتك يابوالح

وش ذا اسم الدلع :FRlol::FRlol:
وووووووووينك يابوصالح ماتقول لنا مخبي علينا اسم الدلع حقك ;kis

[صالح الديمه]

يارجال ربما عاده باقي في فصل الاخ معضد وانا تسرعت في الفصل ..عذرا يااخ معضد وخلينا على فصلك ياغالي .
معضد طوفها على راعي الميزان الرولكسي في الفصل السابق شوف البد والثنوه
حق معضد وشوف بن مخاشن وين ووين باسعيده مايشوفه

[حنطبه]

واصل سلامك يارئيس الموتمر=والصوت جاء عبر الهواء والصوره
يامرحبا يانور عيني والبصر=والنفس منّك دائما مجبوره


صميت رأسي بالكلام المختصر = مثل الدرر عابساطنا منثوره
بسأك عاد الذيب مايدخل قطر = وفي عدن عامد وفي المنصوره ؟

[حنطبه]

معضد طوفها على راعي الميزان الرولكسي في الفصل السابق شوف البد والثنوه
حق معضد وشوف بن مخاشن وين ووين باسعيده مايشوفه

انا (اخوك وصديقك ) غير ماخرجت من الفصل او كررت في فصل الاخ معضد ..نورني يارجل ؟

[صالح الديمه]

صمت رأسي بالكلام المختصر = مثل الدرر عابساطنا منثوره
بسأك عاد الذيب مايدخل قطر = وفي عدن عامد وفي المنصوره ؟

كانت عيونه عالدراهم ف الكمر=وعلى الصرر لي عادها مصروره
والظاهر انّه راح في جزر القمر=يوم الحكومه خالفت له شوره

[صالح الديمه]

انا (اخوك وصديقك ) غير ماخرجت من الفصل او كررت في فصل الاخ معضد ..نورني يارجل ؟
انته جيت تالي وكل مشاركتك قاف واحد وبالملّي افا عليك بس مهو ببو الحناطب

[حنطبه]

كانت عيونه عالدراهم ف الكمر=وعلى الصرر لي عادها مصروره
والظاهر انّه راح في جزر القمر=يوم الحكومه خالفت له شوره


لاحول لاقوه .بغينا له بصر = ويعود يدخل مع رجال الثوره
ون قد بعد ولاعاد بيعيد النظر = مخباط واحد منكم عالخوره

[حنطبه]

انته جيت تالي وكل مشاركتك قاف واحد وبالملّي افا عليك بس مهو ببو الحناطب

انت صبرك قليل لاتكون عجل ..اذا استقرت الاوضاع وكل شيء تم بعينك سترى الاسم الكامل ..بس خلنا نأخذ حرية كامله في الكلام ياغالي .

[حنطبه]

وينكم يارجال ..اذهب للسرير ؟

[صالح الديمه]

لاحول لاقوه .بغينا له بصر = ويعود يدخل مع رجال الثوره
ون قد بعد ولاعاد بيعيد النظر = مخباط واحد منكم عالخوره

اصل القور ماينفع اصحاب القور=لو ترتخي لحبال ذي مزروره
ان بت نفر ون جاء كما واحد نفر=اصل المحله بهلها معموره

[صالح الديمه]

انت صبرك قليل لاتكون عجل ..اذا استقرت الاوضاع وكل شيء تم بعينك سترى الاسم الكامل ..بس خلنا نأخذ حرية كامله في الكلام ياغالي .
ترى الكتاب ينقري من عنوانه والحليم فهيم

[حنطبه]

اصل القور ماينفع اصحاب القور=لو ترتخي لحبال ذي مزروره
ان بت نفر ون جاء كما واحد نفر=اصل المحله بهلها معموره


وصحيح فيما قلت لكن العبر = في غيرنا بين العرب مشهوره
لكن ياصالح على بالي خطر = وسمعت .داره في الوطن مهجوره

[حنطبه]

ترى الكتاب ينقري من عنوانه والحليم فهيم

بصرك ..قراءتك وأنت حر فيها وقدرك على رأسي ومعزتك عالية ياغالي .

[حنطبه]

حاسس إن ابي صالح معنا ..هل هذا صحيح يااباصالح ؟

[صالح الديمه]

وصحيح فيما قلت لكن العبر = في غيرنا بين العرب مشهوره
لكن ياصالح على بالي خطر = وسمعت .داره في الوطن مهجوره

ان قلت حن باقول ياخوك انكسر=لاجبرت العظمان ذي مكسوره
حتى ولو هي دار مبناها حجر=تبقى دليل احواله الميسوره

[صالح الديمه]

بصرك ..قراءتك وأنت حر فيها وقدرك على رأسي ومعزتك عالية ياغالي .
تسلم يالغالي تسلم

[حنطبه]

ان قلت حن باقول ياخوك انكسر=لاجبرت العظمان ذي مكسوره
حتى ولو هي دار مبناها حجر=تبقى دليل احواله الميسوره


هذا الكلام الصدق ذي يترك اثر = يبقى جمل في قلوبنا محفوره
ومن ترك داره يظل بين الحفر = واوامره مهما يكن محظوره

[الشبامي]

أخي المشرف العام أبو صالح ......

أبدو هنا وكأنني أدافع عن( الإقليم الجنوبي :FRlol: ).

لكن قبل كم ليلة أنظر ما قلت:





بني الأحقاف شو الصفراء بحق ما هيش معيوفه=وذلا في السمر كلن يجيب القول ذي معيوف
وألاّ القلب بفته ... حِب مركزنا معا ريوفه=وفي الصفراء وخم لكن فيها من لحوم الروف
ومولاها أبد ما يوم ما اكرم فيه إضيوفه=معه ميزان جدِّه با الربيعه ... فخر له مضيوف
و حِد الوعل ألا يا الذيب ... حدِّه من قدا نوفه=وخلّك في سلاسه ... لا تقرّب للوعر والنوف



:FRlol:
:FRlol: تقدر تقول عنّي أنني أقول كلمة الحق عند السلاطين الجائرين وكل المسئولين العرب من رؤساء الدول إلى رؤساء البلديات سلاطين جائرين :FRlol:
:FRlol:

شكرا لك على كلماتك الطيبه عن هذا الصرح الكبير سقيفة الشبامي ولكنك مثل من يكتب على الرمل لامن شاف ولا من وثّق !!
اذا اردت كتابة شئ مهم اكتبه هنا ليراه الآلاف بدل الصياح في صحراء قاحله :FRlol:

[حنطبه]

صالح ياصالح الله يصلح حالك وحالي !..أليس وقت النوم حان ؟

[صالح الديمه]

صالح ياصالح الله يصلح حالك وحالي !..أليس وقت النوم حان ؟
مرخوص يابو الحناطب توك الله يعافيك وانت فعلا ثوره مشكور

[حنطبه]

خلينا نضحك قليل ياصالح ..بيني وبين احد الاحبه كلمه نرددها عندما تكون بيننا مساجله وينتهي المسبت عند احدنا ..فعليه يقول كلمه للآخر ..الكلمه سوف ارسلها لك بالخاص ..بس لاتضحك منها هههههه!

[صالح الديمه]

هذا الكلام الصدق ذي يترك اثر = يبقى جمل في قلوبنا محفوره
ومن ترك داره يظل بين الحفر = واوامره مهما يكن محظوره

انته كلامك وقر في وسط الحجر=ياصاحب الكلمات ذي ماثوره
مالك وماله من طلع ولا ندر=كلن بماجوده مع مقدوره

[صالح الديمه]

تصبح على خير هههههههههههههههههههههه
وهذه ضحكة الرساله

[حنطبه]

انته كلامك وقر في وسط الحجر=ياصاحب الكلمات ذي ماثوره
مالك وماله من طلع ولا ندر=كلن بماجوده مع مقدوره

وكيف بانسوي اذا سدي طمر = سكتتي ياصالح تظل منكوره
مانا كماهم ذي اذا خاصم فجر= لو كان لك دوره لغيرك دوره

طلع ان شيء معك واللا ..قلها ..ههههههه

[حنطبه]

صالح كلامك فرقزه يااخي ..أنت من اليوم صديقي وأخي .

[صالح الديمه]

وكيف بانسوي اذا سدي طمر = سكتتي ياصالح تظل منكوره
مانا كماهم ذي اذا خاصم فجر= لو كان لك دوره لغيرك دوره

طلع ان شيء معك واللا ..قلها ..ههههههه

ياحنطبه ماحد يدورعالقشر=وهو فعوله كلها مخبوره
كيه اسر ماذلحين لو حليك سبر=ولا مسح ماكان ف السبوره

[حنطبه]

ياصديقي هل نمت ؟ طبعا كيف سترد وانت نائم !!سؤال ليس في محله !! هل عاد فيك سمر ؟

[صالح الديمه]

ياصديقي هل نمت ؟ طبعا كيف سترد وانت نائم !!سؤال ليس في محله !! هل عاد فيك سمر ؟
كفيت ووفيت يابن لجواد تصبح على خير

[صالح الديمه]

صالح كلامك فرقزه يااخي ..أنت من اليوم صديقي وأخي .
وش الفرقزه ذي

[حنطبه]

ياحنطبه ماحد يدورعالقشر=وهو فعوله كلها مخبوره
كيه اسر ماذلحين لو حليك سبر=ولا مسح ماكان ف السبوره

ماباسري والغيث دلهم بالمطر = طلابنا كلين في طابوره
لوني معك ع طول مابيجي الضجر= مانظر لهم ذي يلعبون الكوره

[حنطبه]

وش الفرقزه ذي
أنت ماهي معك قصة الفرقزه ؟ طيب بكره في العصريه سأقول لك بها إذا لم يسبقني الواقعي ويقول لك ..قصة برضه في الشعر وماادراك مالشعر .

[حنطبه]

لن اذهب حتى ارى لمباتك off

[حنطبه]

وش الفرقزه ذي

سألت عن الفرقزه ..ولم تتطرق في باقي المداخله ..أنت من اليوم صديقي وأخي يارجل !!.

[حنطبه]

حد في العضيده يارجال ؟..اذن تصبحون على خير وفي خير وكل الحب لكم ولكم تقديري وتحيتي وشكري بحجم الكون .

[حنطبه]

السلام عليكم يارجال ..حد في العضيدة ؟

[البكري]

السلام عليكم يارجال ..حد في العضيدة ؟

وعليكم السلام والرحمه هت مامعك وخد

[حنطبه]

آسف أخي البكري لقد عصلج النت عندي ..حد في العضيدة يارجال !

[حنطبه]

من بعد ماتكلمت وعرفنا سمك = تناركم بيت وظلى قالح
عزك وتقديرك ابد مافيه شك = وتقول لي راجع علي بن صالح

[حنطبه]

تنبيه يارجال ..القافية مفتوحة في الصدر والعجز .

[سعود بن كردوس]

تنبيه يارجال ..القافية مفتوحة في الصدر والعجز .
مادامه مفتوحه اثني عليها الله يرضى عليك لشان نعرف روسنا من رجولنا يابو الحناطب

[حنطبه]

حاشي مع الزمره في السيله برك = والنخل سده ماعليها شارح
ماتراجعوا المالك يلقي له شبك = ومن سرق بعد الشبك لايسامح

[باسعيده]

مبدع يابوالحناطب مبدع لله درك على كلام سابق ولاحق انت الذي يستحق التكريم بحق وحقيق .

[حنطبه]

صلاه يارجال .عذرا .

[سعود بن كردوس]

حاشي مع الزمره في السيله برك = والنخل سده ماعليها شارح
ماتراجعوا المالك يلقي له شبك = ومن سرق بعد الشبك لايسامح

راح الولاء للموتمر والمشترك=من لي حصل للناس قبل البارح
كلين شل نفسه بما لمّه فرك=ياريتنا الا اسرح سعيف السارح

[سعود بن كردوس]

صلاه يارجال .عذرا .
شكلك في الدمام يتقبل الله

[سعود بن كردوس]

حاشي مع الزمره في السيله برك = والنخل سده ماعليها شارح
ماتراجعوا المالك يلقي له شبك = ومن سرق بعد الشبك لايسامح

ماعادهو حاشي ترى قدها شرك=وعادهم ياخوك تحت الطارح
واخلاقهم ياحنطبه فوق المحك=وقاتهم يابو الحناطب قارح

[حنطبه]

شكلك في الدمام يتقبل الله

لا في الرياض ..بس بعيد المسجد ويادوبك تستعد لها .

[سعود بن كردوس]

لا في الرياض ..بس بعيد المسجد ويادوبك تستعد لها .
وعدنا المساء اذا احيانا الله ادعي لنا ان الله يوفق الاخضر اليوم ويفوز على الوحده امين

[سعود بن كردوس]

وين الناس ياهوه

[عاشق رماله]

السلام عليكم ورحمة الله وبركاته

[حنطبه]

السلام عليكم يارجال ..حد في العضيدة ؟.

[حنطبه]

ماعادهو حاشي ترى قدها شرك=وعادهم ياخوك تحت الطارح
واخلاقهم ياحنطبه فوق المحك=وقاتهم يابو الحناطب قارح


مالي وماله ذي من الشله فرك = كل اعتمادي ع الرزين الناصح
ذي من غبش صبح على بابي ودك = جاب الخبر من عن عمامه ناجح

[حنطبه]

ماشي وثيقه جات من عندك وصك = حتى عرف منك مكاني الواضح
حالي مدي مادام عاد العين بك = اليوم هرجه عكس هرج البارح
وينكم ياشعار ؟

[حنطبه]

صباحكم فل يارجال ..حد في العضيدة ؟

[حنطبه]

لانويت ع العوده بجد خذني معك = قلبي تهيض للنسيم النافح
أرض العذيبي والمديني والسمك = باشوف فيها من يكد ويكافح

[حنطبه]

ع المرجله يالحضرمي علم بنك = وعلى الامانه والكلام الراجح
خله بلاحذيان يمشي ع الصرك = يمشي على درب النزيه الصالح

[صبي العول]

ع المرجله يالحضرمي علم بنك = وعلى الامانه والكلام الراجح
خله بلاحذيان يمشي ع الصرك = يمشي على درب النزيه الصالح

وهل كلمة بنك تقترب من الصرك ياحنطبه انتبه لنفسك

[حنطبه]

الوقت يالصمصوم ماهو دوب لك = احسب حسابك قبل ضيق الفاسح
هذه حقيقه ثابته من غير شك = وعسى كلامي يالمسافر واضح

[حنطبه]

وهل كلمة بنك تقترب من الصرك ياحنطبه انتبه لنفسك

نعم تقرب لها ياغالي .. هي أبنك وحتى يستقيم الوزن والجرس الموسيقي تنطق بنك . صباحك خير وفل وياسمين .

[صبي العول]

ياحنطبه بالله دك القاع دك=مادام ذا البستان ماله شارح
لاالله خلدني ولا الله خلدك=امرح في الدنيا تراني مارح

[صبي العول]

يوم الجمل شفته في الرملة برك=والغيث صب ومنتظر للجارح
واهل السياحة فرعوا واهل الشرك=والزائر المسكين قالوا نازح

[حنطبه]

ياحنطبه بالله دك القاع دك=مادام ذا البستان مله شارح
لاالله خلدني ولا الله خلدك=امرح في الدنيا تراني مارح

شيبه في الخمسين لا فرط وعك = سامحه لاتجيب الكلام الجارح
بستاننا من زام بابه ماصتك = والعذب من كل الجوانب ذالح

[حنطبه]

خروج كما يقولون ..عفوا ياغالي .

[الواقعي]

ع المرجله يالحضرمي علم بنك = وعلى الامانه والكلام الراجح
خله بلاحذيان يمشي ع الصرك = يمشي على درب النزيه الصالح


بالمرجله لجداد خلوا لك شرك=لا ياولد خلّك كما اهلك ناجح
ماشي في ارض الغير مهما عشت صك=لازم تعدّ نفسك الى ارضك سارح

اعذروني دخلت عرض والله مدري ان كنت دحقت ربوطكم ام لا
عجبني كلاك الفرقزه:FRlol:

[الواقعي]

يا حنطبه جاني في المرقد مَلَكّ=واخبرني ان سهمك مؤاكد رابح
واخبرني ان نجمك على علم الفلك=فوق المجرّه غصب يطلع واضح

[ديناميت الجنوب]

يا حنطبه جاني في المرقد مَلَكّ=واخبرني ان سهمك مؤاكد رابح
واخبرني ان نجمك على علم الفلك=فوق المجرّه غصب يطلع واضح
السلام عليكم ورحمة الله وبركاته
ماحد صاحي من صباح الله خير غير
الشيبان

[الواقعي]

السلام عليكم ورحمة الله وبركاته
ماحد صاحي من صباح الله خير غير
الشيبان


ابشّرك انا لم انم من امس يعني مواصل :FRlol:وهذه من علامات الشباب .

بس قل لي وش مصحيك انت يا شيبة عرعر.

والا باتجيب فول مثل حنطبه.

حكم القوي عالضعيف

نفذوا ثم ناقشوا.

:FRlol::FRlol::FRlol:

[ديناميت الجنوب]

ابشّرك انا لم انم من امس يعني مواصل :FRlol:وهذه من علامات الشباب .

بس قل لي وش مصحيك انت يا شيبة عرعر.

والا باتجيب فول مثل حنطبه.

حكم القوي عالضعيف

نفذوا ثم ناقشوا.

:FRlol::FRlol::FRlol:

ياريته صدق بالنفذ ولا بالناقش لكن بعيد السماء
على المتناول خوك يدّرج راسه في عزبه

[الواقعي]

ياريته صدق بالنفذ ولا بالناقش لكن بعيد السماء
على المتناول خوك يدّرج راسه في عزبه

نسأل الله أن يفرّج همّك ويجمع شملك بأهلك ومن تحب ..... بحق بركة هذا اليوم المبارك .

يييييييييييييييييييييييييارب

[حنطبه]

بالمرجله لجداد خلوا لك شرك=لا ياولد خلّك كما اهلك ناجح
ماشي في ارض الغير مهما عشت صك=لازم تعدّ نفسك الى ارضك سارح

اعذروني دخلت عرض والله مدري ان كنت دحقت ربوطكم ام لا
عجبني كلاك الفرقزه:FRlol:


وأكيد بتخرج لأبنك من فمك = لقمتك وانته في طريقك رايح
ارضي عزيزه منها مابافتك = برجع لها رجعة محرر فاتح

[الواقعي]

ما دام اقطاب السقيفه حنطبه ودينميت الجنوب متواجدين نبا فصل جديد ونتابع ابداع ولو لاح الفصل نعدكم اننا مابانقصر.

ولكن رحم الله امرؤ عرف نفسه

ونحن تلاميذكم

[ديناميت الجنوب]

نسأل الله أن يفرّج همّك ويجمع شملك بأهلك ومن تحب ..... بحق بركة هذا اليوم المبارك .

يييييييييييييييييييييييييارب

اّأأميــــــــــــــــــــــــــــــــــــــــــــ ـــــــــــــــــن

[حنطبه]

ما دام اقطاب السقيفه حنطبه ودينميت الجنوب متواجدين نبا فصل جديد ونتابع ابداع ولو لاح الفصل نعدكم اننا مابانقصر.

ولكن رحم الله امرؤ عرف نفسه

ونحن تلاميذكم

تم ..يتفضل الاخ ديناميت الجنوب ويفصل وأنت فيك الخير والبركة ..فرقزتك فرقزة ياغالي .

[ديناميت الجنوب]

تم ..يتفضل الاخ ديناميت الجنوب ويفصل وأنت فيك الخير والبركة ..فرقزتك فرقزة ياغالي .

انا مواصل شفني ياحنطبه مغمض وحده من عيوني معاد شوف من السهر
ان باتفصل بالحاول انشي بيتين جات

[حنطبه]

انا مواصل شفني ياحنطبه مغمض وحده من عيوني معاد شوف من السهر
ان باتفصل بالحاول انشي بيتين جات

ياخوي من عيوني ولكن النوم داهمني الآن !!

[حنطبه]

مارأيكم في الزامل بعد العصر ؟نرتاح الآن .

[ديناميت الجنوب]

مارأيكم في الزامل بعد العصر ؟نرتاح الآن .

ذي تشوفه يابلحناطب حيابكم

[الواقعي]

مارأيكم في الزامل بعد العصر ؟نرتاح الآن .


أول اعراض الفول تبدو واضحه

راحتك ... اهم

:tongue:

[حنطبه]

أول اعراض الفول تبدو واضحه

راحتك ... اهم

:tongue:
هههههههههههه اضحكتني اعزك الله وأبقاك !!!!!!!!

[الواقعي]

جمعه مباركه للجميع .

[ديناميت الجنوب]

أول اعراض الفول تبدو واضحه

راحتك ... اهم

:tongue:

:FRlol::FRlol::FRlol::FRlol::FRlol::FRlol::FRlol:
بكيف حنطبه وفوله

[صبي العول]

فصل جديد ياشعارنا ولكم قوافل الشكر


ياهل السقيفة من طلع ظهر الجبل=لاهو رجع باقول مالك داعي
خلك مكانك والثقل لااهل الثقل=فكر بعقلك لنت شاطر واعي

[صقروادي عمد]

فصل جديد ياشعارنا ولكم قوافل الشكر


ياهل السقيفة من طلع ظهر الجبل=لاهو رجع باقول مالك داعي
خلك مكانك والثقل لااهل الثقل=فكر بعقلك لنت شاطر واعي



لاتحسدون الدينميتي عاالجفل=ساعي وخلك انت مثله ساعي
خله يصرف عالجماعه والعول=بفلوس جاته من عيال الراعي

[الخرمان]

جمعه مباركه على جميع الحلان

[الخرمان]

سلام له ريح الخزاما والنفل=عا حنطبه من السماء للقاعي
ماليوم روح في الغبب مابودقل=معاد حاجه لا تزيد اوجاعي

[حنطبه]

سلام له ريح الخزاما والنفل=عا حنطبه من السماء للقاعي
ماليوم روح في الغبب مابودقل=معاد حاجه لا تزيد اوجاعي


حيا بمن سلم بسرعه وارتجل = ابيات تشرح للخوه اوضاعي
روح ولكنه على الشاطي زقل = اسلاح ضد الطاغيه الاقطاعي

[صبي العول]

حيا وسهلا بالجماعة في المحل=في مجلس الشعار يسعى الساعي
وبالربيعة مرتكح مثل الجمل=كريم بوصالح طويل اذراعي

[حنطبه]

وكل من شاور بظني ماقتل = ياريتها إلا رقشت يا الناعي
قصه سمعناها وصاحبها بطل = لاهو من انصاري ولا اتباعي

[صبي العول]

حيا عدد مالشهر قد شوع وهل=وارسل ضياء في الارض فوق اشعاعي
واهل السخاء كلن يبا حسن العمل=والمشتكي يبغا دواء الاوجاعي

[حنطبه]

أخوتي ..ياأيها الاحبة ..قدر الامكان نبتعد عن تكرار القوافي لنستفيد من حضورنا في السقيفة ..مارأيكم ؟

[حنطبه]

حذف الحصى ماهو كما حذف الجحل = لاتحاولوا بالمختصر اقناعي
وفي السقيفة عاد شيء ياناس حل = في من قطع سلكي وشل مذياعي

[صبي العول]

رجم الجحل ذي منه العاني رقل=امسى معذب من بنات القاعي
وانا بغيت البحر ورفعت الدقل=وان هزت العليا شبحت اشراعي

[تاج العليب فؤاد باطويح]

حذف الحصى ماهو كما حذف الجحل = لاتحاولوا بالمختصر اقناعي
وفي السقيفة عاد شيء ياناس حل = في من قطع سلكي وشل مذياعي


ياحنطبة خل للدواء عندك أمل = اعطيك قلبي من وسط اَضلاعي
اصبر وبعد الصبر يفتح ما نقفل = ويغيب كل من جاء بقصد اقماعي

[صقروادي عمد]

حيا عدد مالشهر قد شوع وهل=وارسل ضياء في الارض فوق اشعاعي
واهل السخاء كلن يبا حسن العمل=والمشتكي يبغا دواء الاوجاعي

وارسل ضياء في الارض فوق اشعاعي حبيبنا لاتزعل ممكن تفهمني وش معنى الشطرهذا نبغامنك نستفيد

[حنطبه]

ياحنطبة خل للدواء عندك أمل = اعطيك قلبي من وسط اَضلاعي
اصبر وبعد الصبر يفتح ما نقفل = ويغيب كل من جاء بقصد اقماعي



لابارك الله فيك ياعود القطل = قللت من جهدي ومن ابداعي
ماكرهك من حبك ولا استاذا ومل؟ = أنت سبب جهلي وقل اشباعي

عود القطل =القات

[تاج العليب فؤاد باطويح]

لابارك الله فيك ياعود القطل = قللت من جهدي ومن ابداعي
ماكرهك من حبك ولا استاذا ومل؟ = أنت سبب جهلي وقل اشباعي

عود القطل =القات


هذه حصيلة نجمنا من يوم فل = يومه قطع يدي وجا لكراعي
والحين في الانعاش من كثر العلل= خائف يجي بكرة بصورة ناعي

[ديناميت الجنوب]

وكل من شاور بظني ماقتل = ياريتها إلا رقشت يا الناعي
قصه سمعناها وصاحبها بطل = لاهو من انصاري ولا اتباعي

:FRlol::FRlol::FRlol::FRlol::FRlol::FRlol::FRlol:

[حنطبه]

هذه حصيلة نجمنا من يوم فل = يومه قطع يدي وجا لكراعي
والحين في الانعاش من كثر العلل= خائف يجي بكرة بصورة ناعي


صرنا لجيرانه في الماضي مثل = واليوم مايقدر على اخداعي
كل من تبع جاهل وحاقد مايصل = كثرت عقارب ارضنا وافاعي

[تاج العليب فؤاد باطويح]

صرنا لجيرانه في الماضي مثل = واليوم مايقدر على اخداعي
كل من تبع جاهل وحاقد مايصل = كثرت عقارب ارضنا وافاعي

بارك الله فيك ياحنطبة والحين صلاة عندنا في الرياض
أعذرني رايح المسجد ( دعواتك )

[باسعيده]

زامل على اصوووووووووووله ,احسنتم .

[خالد بن مهنا]

مبروك للاخ حنطبه...البدله الحمراء,,فعلا هو من كبار الشخصيات في السقيفه,,,,


الف الف مبروك...

[صقروادي عمد]

صرنا لجيرانه في الماضي مثل = واليوم مايقدر على اخداعي
كل من تبع جاهل وحاقد مايصل = كثرت عقارب ارضنا وافاعي

والله يستاهل ابوالحناطب مثل هذا التميز لاني اعرفه انسان مثقف بس ياريت يضهر اسمه كان احسن

[حنطبه]

تحيتي ومحبتي وتقديري للأخ خالد وللأخ صقر وادي عمد ..هو تكليف وليس تشريف لأن السقيفة تحتاج جهد كبير لماتحتويه من كنوز في تراثنا الراقي .

[حنطبه]

حد في العضيدة يارجال .

[عيبون]

مبروك يابو الحناطب وتستاهل والله

[بن احمد]

مبروك يابو الحناطب تستاهل الناموس والله اللقب فاز فيك يالغالي
ونت قده واهلا له تستاهل والله

[حنطبه]

مبروك يابو الحناطب وتستاهل والله

شكرا لك بحجم الكون .



(ماحال (صاحبك ) صنوك أننا = قسما لفي شوقاً إليه شديد)

[صبي العول]

فصل جديد على شان هذة البدلة الحمرا ويستاهل حنطبه هذا اللون الخطير
بصراحة يعتبر المحرك لقسم الزامل لله درك يالاجودي على قول
من المعجبين ولولا زواملك لما عدنا الى السقيفة تحياااتي
سؤال اين القحص لو سمحت

[حنطبه]

مبروك يابو الحناطب تستاهل الناموس والله اللقب فاز فيك يالغالي
ونت قده واهلا له تستاهل والله

فالفضل في الحالين نحوك راجع ..شكرجزيلا لك بحجم الكون ياصديقي ولك العسل الدوعني الذي اعرفه وتحية عاطرة بعطر العطر ..نريد فصل والتبريك يعتبر واصل من الجميع يارجال .

[حنطبه]

فصل جديد على شان هذة البدلة الحمرا ويستاهل حنطبه هذا اللون الخطير
بصراحة يعتبر المحرك لقسم الزامل لله درك يالاجودي على قول
من المعجبين ولولا زواملك لما عدنا الى السقيفة تحياااتي
سؤال اين القحص لو سمحت

شكرا جزيلا لك بحجم الكون ..نعم أين صديقي القحص ؟ سؤال يتردد!.

[الخليفي الهلالي]

صرنا لجيرانه في الماضي مثل = واليوم مايقدر على اخداعي
كل من تبع جاهل وحاقد مايصل = كثرت عقارب ارضنا وافاعي


ياحافظ عليك تقرأ الكتاب من عنوانه يا حنطبه؛ أنت شاعر سريع البديهه لمـــــــــــاح

ثانياً...........مبروك اللقب الجديد؛؛؛؛؛

[عيبون]

دركو بفصل يالربع

[صبي العول]

ذا فصل والثاني صبر من لاقدر=دنيا دنية والسنه مقلوبه
ياحنطبه دندن وبيطيب السمر=والبدله الحمراء لكم محسوبه

[حنطبه]

ياحافظ عليك تقرأ الكتاب من عنوانه يا حنطبه؛ أنت شاعر سريع البديهه لمـــــــــــاح

ثانياً...........مبروك اللقب الجديد؛؛؛؛؛

تقديري وحبي لك ..نعم هذا البيت حقيقة كانت توجه من قبل الجيران ..سابقا في النهج الاشتراكي وحاليا في الديمقراطي ..عليه جعلونا مثل لشعوبهم حتى لايفكروا لا في الأولى ولا في الثانية .
يارجال ربما يزعج الاخ طالب النعماني حضورنا النثري هنا .جزيتم خيرا جميعا .

[بن احمد]

ياحنطبه مبروك ياشيخ العرب=اصل اللقب ياحنطبه يزها بك
مبروك عالناموس يامولى اللقب=بسمي وسم ربعك وكل احبابك

[بن احمد]

ارجوكم سمروا على فصل اخي صبي العول واجلوا فصلي بعدين

[عيبون]

ذا فصل والثاني صبر من لاقدر=دنيا دنية والسنه مقلوبه
ياحنطبه دندن وبيطيب السمر=والبدله الحمراء لكم محسوبه


يستاهل الدسمال مرصوص العجر= ياراعي القرنين ذي منصوبه

ذي يرد لك فالشبر بالقامه وفر=هرجه مفضل عارحيق النوبه

[بن احمد]

ذا فصل والثاني صبر من لاقدر=دنيا دنية والسنه مقلوبه
ياحنطبه دندن وبيطيب السمر=والبدله الحمراء لكم محسوبه

يستاهل الناموس واللون الحمر=لي كمّل الزومه مع ماجوبه
ابوالحناطب شمسنا هي والقمر=عساه يتحصل على مطلوبه

[حنطبه]

ذا فصل والثاني صبر من لاقدر=دنيا دنية والسنه مقلوبه
ياحنطبه دندن وبيطيب السمر=والبدله الحمراء لكم محسوبه

الماس لك والدر والتبر الحمر = ولي تراثي والكلم مكتوبه
دنيا تهب ولاتجي ملها اثر = بدوي القفل يرتاح عاشنطوبه

[صبي العول]

هذا قمر شعبان في الربع عشر=والتهنيئه ياربعنا مطلوبه
شاعر ومتمرس كما يحيى عمر=والحب صافي ماعليه الشوبه

[صبي العول]

الماس لك والدر والتبر الحمر = ولي تراثي والكلم مكتوبه
دنيا تهب ولاتجي ملها اثر = بدوي القفل يرتاح عاشنطوبه


بعض العرب ياحنطبه مثل الخضر=يستاهل المصبوب شغل النوبه
شاعر ومتمكن وللشدة عسر=ذكرتني ثاير سكن بعقوبة

[عيبون]

الماس لك والدر والتبر الحمر = ولي تراثي والكلم مكتوبه
دنيا تهب ولاتجي ملها اثر = بدوي القفل يرتاح عاشنطوبه


يامرحبا ياسيل من وديان سر=تلقي حيا فالواد هو واعلوبه

بسري معك شفني فالليل الغدر=من دون كشّافه ولا زنوبه

لمّا يصيح الديك ويغيب القمر=هلبان في سُعفتك يبرا صوبه

[صبي العول]

يامن بنا له حصن واسواسه حجر=ماشي يهمه لو تطول احروبه
والوزن بالميزان محكوم العبر=وانهو دخل ولا خرج يدروبه

[حنطبه]

يستاهل الدسمال مرصوص العجر= ياراعي القرنين ذي منصوبه

ذي يرد لك فالشبر بالقامه وفر=هرجه مفضل عارحيق النوبه

لجلك وعاشانك نزر الحبل زر= ماهمني الريس ولامندوبه
هلمان لك تقدير عالي ماحتزر = يملي سواقيي الوطن وجروبه

[حنطبه]

يستاهل الناموس واللون الحمر=لي كمّل الزومه مع ماجوبه
ابوالحناطب شمسنا هي والقمر=عساه يتحصل على مطلوبه

حيا بمن عزه إذا بشبره شبر = بايخطي الخرطوم وارض النوبه
معدنك صافي بالشوايب ماعتكر = عارف مكايين الادب ودروبه

[عيبون]

لجلك وعاشانك نزر الحبل زر= ماهمني الريس ولامندوبه
هلمان لك تقدير عالي ماحتزر = يملي سواقيي الوطن وجروبه


مادام مخباطك في الدكسه عكر=شف قرحة الميزر تجي مصلوبه

شفني معي مسبتي من فوق الكمر=مكبوس والميزر تهيض اضروبه

[الواقعي]

:
يا حنطبه جاني في المرقد مَلَكّ=واخبرني ان سهمك مؤاكد رابح
واخبرني ان نجمك على علم الفلك=فوق المجرّه غصب يطلع واضح


حلمي حق البارح جا يهف

:FRlol:

وسهمك طلع فوق اعلى من المجره.

تستاهل التاج والصولجان الأحمر مبروك وفالك الناموس.

[عيبون]

من لي يقع ياحنطبه كيف البصر=وارض الوطن فيها الغنم مذيوبه

والذيب يدرج عاحوالين الوصر=فزعان شفني عاللبن والروبه

[حنطبه]

:


حلمي حق البارح جا يهف

:FRlol:

وسهمك طلع فوق اعلى من المجره.

تستاهل التاج والصولجان الأحمر مبروك وفالك الناموس.

ياسبحان الله ..كنت الآن مقرر التنويه عن حلمك ..سبقتني ..عمرك اطول من عمري كما يقال في حضرموت ..لك ولنا العمر المديد والستر والصحة والعافية !شكرا جزيلا بحجم الكون .

[عيبون]

:


حلمي حق البارح جا يهف

:FRlol:

وسهمك طلع فوق اعلى من المجره.

تستاهل التاج والصولجان الأحمر مبروك وفالك الناموس.


يامرحبابك ياهماليل المطر=تعجب رشوخه لا انطرح اشبوبه

والسيل فالوادي وياساتر ستر=يوم السواقي ذي السنه مقطوبه

[عيبون]

خروج للصلاه ولنا عوده انشالله

[حنطبه]

من لي يقع ياحنطبه كيف البصر=وارض الوطن فيها الغنم مذيوبه

والذيب يدرج عاحوالين الوصر=فزعان شفني عاللبن والروبه


حول الوصر عمدوا قصيرين العصر = ونارهم مابينهم مشبوبه
اما الوطن مجروح والقاني يخر = ومسيلمه كل يوم له اكذوبه

[عيبون]

حول الوصر عمدوا قصيرين العصر = ونارهم مابينهم مشبوبه
اما الوطن مجروح والقاني يخر = ومسيلمه كل يوم له اكذوبه


من لفحة النيران وصلتني شرر=رشنت في الجلمود هو ولهوبه

امسيلمه مصعِد ولا جالك حدر=مايحتزر مثل الشتا وهبوبه

[حنطبه]

من لفحة النيران وصلتني شرر=رشنت في الجلمود هو ولهوبه

امسيلمه مصعِد ولا جالك حدر=مايحتزر مثل الشتا وهبوبه


الصبر مفتاح الفرج مهما بدر = ومن الشرر صبحت امم منكوبه
بايحن باديهم وبيحس بالخطر = بعد المجلد باعلنها التوبه

[حنطبه]

اترككم في خير وبخير حتى نلتقي .

[بن احمد]

ياحنطبه مبروك ياشيخ العرب=اصل اللقب ياحنطبه يزها بك
مبروك عالناموس يامولى اللقب=بسمي وسم ربعك وكل احبابك
يرفع للاطلاع والمتابعه

[مبارك طويحس]

ياحنطبه مبروك ياشيخ العرب=اصل اللقب ياحنطبه يزها بك
مبروك عالناموس يامولى اللقب=بسمي وسم ربعك وكل احبابك

يامرحبا بالشيخ والمبعد قرب=يابن حمد انستنا حيابك
وياحنطبه مبروك شهرك ماغرب=سامر على قومك وكل اصحابك

[سعود بن كردوس]

يامرحبا بالشيخ والمبعد قرب=يابن حمد انستنا حيابك
وياحنطبه مبروك شهرك ماغرب=سامر على قومك وكل اصحابك

يابن طويحس لا تزود ف اللهب=النار يمكن تحرق الا اعصابك
بيروح مجهودك اذا هب المهب=احسن لك اتمسكن وقفّل بابك

[مبارك طويحس]

يابن طويحس لا تزود ف اللهب=النار يمكن تحرق الا اعصابك
بيروح مجهودك اذا هب المهب=احسن لك اتمسكن وقفّل بابك

انا معي رميان تعرف للسلب=جهّز زهابك ياولد واسلابك
موقفي انا بحميه في حل الطلب =لا تحسبنّا خيب من طلابك

[سعود بن كردوس]

انا معي رميان تعرف للسلب=جهّز زهابك ياولد واسلابك
موقفي انا بحميه في حل الطلب =لا تحسبنّا خيب من طلابك

نا عوبثاني من رفيعين الرتب=ون كنت ماتعرف قراء فكتابك
لكن عي مخلوق ماقل الادب=يالحارثي ماليوم ربي جابك

[مبارك طويحس]

نا عوبثاني من رفيعين الرتب=ون كنت ماتعرف قراء فكتابك
لكن عي مخلوق ماقل الادب=يالحارثي ماليوم ربي جابك

ماقول فيك اقصور وانعم بالنسب=واعرف صهورك كلهم وانسابك
لكن انا راسي على الجوده غلب=ماشفت انا غيثك رعد ف سحابك

[سعود بن كردوس]

ماقول فيك اقصور وانعم بالنسب=واعرف صهورك كلهم وانسابك
لكن انا راسي على الجوده غلب=ماشفت انا غيثك رعد ف سحابك

سلم ذهب يالحارثي واقبض ذهب=واحسب حسابك بيبتك وذهابك
والظاهر ان عندك خل وسط العصب=يشفيك رب الكون مما صابك

[ميراد باسودان]

كلام كلام يابوعبث وبن كردوس
امتعونا متابعين

[صبي العول]

استمرو يالحارثي والعوبثاني ثنائي مرعب ومساجلة لاتحتمل الدخول العرضي يكفينا المتابعة في بعض الاحيان لله دركم متابع في صمت رهيب

[مبارك طويحس]

سلم ذهب يالحارثي واقبض ذهب=واحسب حسابك بيبتك وذهابك
والظاهر ان عندك خل وسط العصب=يشفيك رب الكون مما صابك

يالعوبثاني لا توقع في مطب=ياصاحبي حاسب على دبابك
تجني على نفسك تقع فيها سبب=ويروحوا فيها عرب بسبابك

[ابوفضل سالم]

ماجمل زامل الليله استمروا متابعيين

[مبارك طويحس]

استمرو يالحارثي والعوبثاني ثنائي مرعب ومساجلة لاتحتمل الدخول العرضي يكفينا المتابعة في بعض الاحيان لله دركم متابع في صمت رهيب
سلمكم ربي يالربع انا اختلا ءحزامي توكم تولهوا مرحيب وينك يابو عوبث

[سعود بن كردوس]

يالعوبثاني لا توقع في مطب=ياصاحبي حاسب على دبابك
تجني على نفسك تقع فيها سبب=ويروحوا فيها عرب بسبابك

يابن طويحس نوبكم مبعد حلب=وناقتك عصيت على حلابك
لا شفتها بركت ركب توك ركب=قدام ماتشرد عليك اركابك

[مبارك طويحس]

يابن طويحس نوبكم مبعد حلب=وناقتك عصيت على حلابك
لا شفتها بركت ركب توك ركب=قدام ماتشرد عليك اركابك

انته تحب اللوم وتحب العتب=كل يوم عالعالم يزيد اعتابك
واحنا ترى ماهمنا اطلق شنب=يسعود لا تفتل علي اشنابك

[سعود بن كردوس]

انته تحب اللوم وتحب العتب=كل يوم عالعالم يزيد اعتابك
واحنا ترى ماهمنا اطلق شنب=يسعود لا تفتل علي اشنابك

ونته تدور عالمشاكل والتعب=ولقيت منهم يدفعون اتعابك
خليت كل نوبه توقع عاشذب=والفيد عبيته بوسط جرابك

[مبارك طويحس]

ونته تدور عالمشاكل والتعب=ولقيت منهم يدفعون اتعابك
خليت كل نوبه توقع عاشذب=والفيد عبيته بوسط جرابك

العوبثاني ياجماعه ماحسب=يسعود دقق وانتبه لحسابك
خل لوم مولى عمد عامولى حبب=مكّن نمورك وانتبه لذيابك

[سعود بن كردوس]

شكرا يامبارك الله يعافيك والعفو لو جاء قصور تصبحون على خير

[مبارك طويحس]

شكرا يامبارك الله يعافيك والعفو لو جاء قصور تصبحون على خير
ونت من اهله والقصور مايجي منك ابد في حفظ الباري ياخوي

[سبع الليل]

ذا خرج فصل ياشعب اليمن لك تحيه= سلم الأمر للمولى عظيم الأراده
عبد ربه ولد منصور هادي ضحيه=خوف خوفي يقع له ذبح فوق الوساده

[سبع الليل]

طالبينك عظيم الشأن رب البريه=تقطع الظلم والظالم وزمرة فساده
والذي عاونوا عالشر والمرتشيه=يومهم يوم اسود مايفارق سواده

[حنطبه]

حد في العضيدة يارجال .

[حنطبه]

ذا خرج فصل ياشعب اليمن لك تحيه= سلم الأمر للمولى عظيم الأراده
عبد ربه ولد منصور هادي ضحيه=خوف خوفي يقع له ذبح فوق الوساده


التحيه لهم فوق التحيه هديه = والإشاده إذا ثاروا علينا الإشاده
لايحسبون ذي شارد بخبره خليه = تعبوا الشعب ماهتموا بشربه وزاده

[مصعوف]

جيت يالسبع مالليله بهمه قويه=تطلب الشر وحنا نطلب الاستفاده
اليمن صارت اظروفه شديده قسيّه=والذي عاسرير الموت باقي عناده

[سبع الليل]

جيت يالسبع مالليله بهمه قويه=تطلب الشر وحنا نطلب الاستفاده
اليمن صارت اظروفه شديده قسيّه=والذي عاسرير الموت باقي عناده


قصدنا في التساوي مانباء العتصريه=وكل مخلوق من حقه يحقق مراده
والعصابه نباها تعبر الهابطيه=مانباء خلق تحكم بالجهل والبلاده

[مصعوف]

قصدنا في التساوي مانباء العتصريه=وكل مخلوق من حقه يحقق مراده
والعصابه نباها تعبر الهابطيه=مانباء خلق تحكم بالجهل والبلاده

يابعيد النظر احفظ بنود الوصيه=والبس المرجله يالسبع خذها قلاده
كل مايطلبوه الناس عيشه هنيه=بس عاده يهز الذيل مابارماده

[سبع الليل]

يابعيد النظر احفظ بنود الوصيه=والبس المرجله يالسبع خذها قلاده
كل مايطلبوه الناس عيشه هنيه=بس عاده يهز الذيل مابارماده


يالمصيعوف لا تلعب بلُب القضيه=انت راس الشقاء واحنا قلوب السعاده
صاحبك شل نفسه وسط خبره خليه=والبنت مشنجه ماجاتها شي ولاده

[الشبامي]

جيت يالسبع مالليله بهمه قويه=تطلب الشر وحنا نطلب الاستفاده
اليمن صارت اظروفه شديده قسيّه=والذي عاسرير الموت باقي عناده

حيّاك أخي مصعوف ياشاعر السقيفه !!
وسبع الليل شرٌ على الشر خير على الخير !!
مرحبا ألف أخي بوجمعان !!

[الطامع]

يالمصيعوف لا تلعب بلُب القضيه=انت راس الشقاء واحنا قلوب السعاده
صاحبك شل نفسه وسط خبره خليه=والبنت مشنجه ماجاتها شي ولاده


كل ما قرب الموسم ووقت الجنيه = ماتهنا بمحصولي ويخطي حصاده

والسبب حسب ظني من قدى المجوريه = صاحب الضر دايم باتمنى بعاده

[مصعوف]

حيّاك أخي مصعوف ياشاعر السقيفه !!
وسبع الليل شرٌ على الشر خير على الخير !!
مرحبا ألف أخي بوجمعان !!
شكرا لك سيدي الفاضل
فانت غمرت الجميع بعطفك ودعمك واهتمامك
وسيبقى بيتنا الالكتروني هاذا شامخا بشموخك يالغالي

[مصعوف]

حد في العضيده؟؟؟؟؟؟؟؟؟؟؟؟؟؟؟؟؟

[مصعوف]

فصل جديد ياشباب

[حنطبه]

السلام عليكم يارجال .

[حنطبه]

حد في العضيدة يارجال .

[الواقعي]

حد في العضيدة يارجال .




وذي هوكه ياحنطبه

فصل وبا يصلونك الرجاجيل

[حنطبه]

وذي هوكه ياحنطبه

فصل وبا يصلونك الرجاجيل


في الحقيقة عندي فصل مقارب لفصل الأخ سبع الليل ,احتفظت به حينما قرأت وشاركت مع المذكور ,فمارأيك في طرحه الآن ؟

[الواقعي]

في الحقيقة عندي فصل مقارب لفصل الأخ سبع الليل ,احتفظت به حينما قرأت وشاركت مع المذكور ,فمارأيك في طرحه الآن ؟



لي تباه فوقه

توكل على الله

[حنطبه]

يالبيض مابين البوه خليتني = بين القبايل سبتني والساده
سيفك مفدر وانت به غشيتني = والحاصل إنه داخل المحداده

لابارك الله فيك مادليتني = لماوقع لي من جبل كدكاده
ومن الذخيره ذي معك ماعطيتني = وبغيت نفسك من كبار القاده

[الواقعي]

يالبيض مابين البوه خليتني = بين القبايل سبتني والساده
سيفك مفدر وانت به غشيتني = والحاصل إنه داخل المحداده

لابارك الله فيك مادليتني = لماوقع لي من جبل كدكاده
ومن الذخيره ذي معك ماعطيتني = وبغيت نفسك من كبار القاده



من زام صغري يلغبيي ضريتني=لما وقع لبوابكم قلّاده
واخر حياتي يمهم وديتني=اقوام طبع الغدر فيهم عاده

[الواقعي]

لنا عوده بعد التاسعه والنصف
انشاء الله

[حنطبه]

من زام صغري يلغبيي ضريتني=لما وقع لبوابكم قلّاده
واخر حياتي يمهم وديتني=اقوام طبع الغدر فيهم عاده


الهرج به يالواقعي حييتني = وفيت كيلك في الزمل بزياده
بين المرابي بالذكاء حطيتني = ذاك الزمن ربي عسى لاعاده

[المدروف]

يالبيض مابين البوه خليتني = بين القبايل سبتني والساده
سيفك مفدر وانت به غشيتني = والحاصل إنه داخل المحداده

لابارك الله فيك مادليتني = لماوقع لي من جبل كدكاده
ومن الذخيره ذي معك ماعطيتني = وبغيت نفسك من كبار القاده


لنته ولد خالي ولاأنته بني = لامن النجف أنته ولا الكراده
بدوي وسخ مكروه قد وسختني= والعفن في جسمك يزيد إزياده
لقداك ماباشط وباقفل ذني= مالي في الأخدام والمعباده
لاطرتني أنته ولاذي جبتني= ماباتهد وأبعد من الهداده

[عيبون]

لاياعلي سالم غلط ارميتني=بين البيع والناس ذي عصّاده

ياريتني نرجع نشب ياريتني=كن الزمن صفّر علي عدّاده

وسط العيَق لمّا الركب اسبيتني=هلبان ضيّع زاده ومزناده

[حنطبه]

كلام كلام جزيتم خيرا .

[حنطبه]

لنته ولد خالي ولاأنته بني = لامن النجف أنته ولا الكراده
بدوي وسخ مكروه قد وسختني= والعفن في جسمك يزيد إزياده
لقداك ماباشط وباقفل ذني= مالي في الأخدام والمعباده
لاطرتني أنته ولاذي جبتني= ماباتهد وأبعد من الهداده

برصاص حارق ليش به رشيتني = حالي مدي مالي ومال اعناده
ذي قالك غلطان لو باريتني = بسألك عن جدك وعن اجداده

ياغالي فضلا لا أمرا تركز قليلا على قوافي الفصول من البداية حتى النهاية !

[الواقعي]

لي جاء الى دار الشبامي معتني=مدروف يتحطرم بيد اسياده
خس البظائع بالذهب مايقتني=والصهد كسرى مالبسه اقلاده

[عيبون]

عن بوك ياتالي زمن ذلّيتني=وصدّام ذلّيته وسط بغداده

من حيد عالي ليش قد وطّيتني=قاسي علي ماهو شوي بزياده

بين الحظف والضيق قد وزّيتني=واحرمتني حيد الرضم وسعاده

[حنطبه]

كلام كلام ..جزيتم خيرا .مارأيكم في فصل جديد من الاخ الكريم الصديق عيبون ؟

[عيبون]

كلام كلام ..جزيتم خيرا .مارأيكم في فصل جديد من الاخ الكريم الصديق عيبون ؟


ذا فصل له بفتح لهوجي والسدد=وانته دخل من حيث مابغيت الدخول

والواقعي بيجيك لارعده رعد=اشرب بحفنك من تقاديم السيول

هذا الفصل وانا باتعشى وبرجعلكم

[حنطبه]

ذا فصل له بفتح لهوجي والسدد=وانته دخل من حيث مابغيت الدخول

والواقعي بيجيك لارعده رعد=اشرب بحفنك من تقاديم السيول

هذا الفصل وانا باتعشى وبرجعلكم




قلبك لنا مفتوح ياشبل الاسد = صميت رأسي يوم سرحت الفصول
لاياذهب صافي ولافيه الرشد = وعسى كلامي عندكم يلقى قبول

[عيبون]

ياحنطبه هات الخبر من بوحمد=هو زرع يانع او بدايته الذبول

هل عاد نوبه بايحن فوق الزبد=ماظنّتي والصوب بيده والرجول

[الواقعي]

ذا فصل له بفتح لهوجي والسدد=وانته دخل من حيث مابغيت الدخول

والواقعي بيجيك لارعده رعد=اشرب بحفنك من تقاديم السيول

هذا الفصل وانا باتعشى وبرجعلكم




حياك ياعنبر نفح ريحه وند=يا بن هلابي يوم فتحت القفول
كل من معه مهره تعرّب واستعد=وسط الملز من حيث تتمارا الخيول

[عيبون]

قلبك لنا مفتوح ياشبل الاسد = صميت رأسي يوم سرحت الفصول
لاياذهب صافي ولافيه الرشد = وعسى كلامي عندكم يلقى قبول


مفتوح قلبي مابدا يوم انقلد=ذه عادتي ووصي بها كل النسول

والجود والناموس عند اهله يجد=اوصار قدها يارفيقي للسبول

وانته من اهل العز ياوعل المقد=سهمك طلع ياحنطبه مابه نزول

[عيبون]

حياك ياعنبر نفح ريحه وند=يا بن هلابي يوم فتحت القفول
كل من معه مهره تعرّب واستعد=وسط الملز من حيث تتمارا الخيول


يامرحبا من هو علينا قد نشد=هرجه ذوق بيشل من جوفي كلول

لاقد دعيته قالي جيتك شتد=وان كان شي ميله يساويها العدول

[حنطبه]

ياحنطبه هات الخبر من بوحمد=هو زرع يانع او بدايته الذبول

هل عاد نوبه بايحن فوق الزبد=ماظنّتي والصوب بيده والرجول

اسمعت انه قد رفع قشه وشد = ماهو مأكد غير من جابه يقول
ثابت وله يومين مايحرك وتد = واما حمد عاده في الجوله يجول

[عيبون]

اسمعت انه قد رفع قشه وشد = ماهو مأكد غير من جابه يقول
ثابت وله يومين مايحرك وتد = واما حمد عاده في الجوله يجول


الشوت ظنّي قد وقع بين القدد=والحارس المسكين به عشرين قول

ترّك في الملعب وعالسكّه قعد=وحلان يالصاحب ولا بيده حلول

[عاشق رماله]

يااهل الوفاءوالطيب جاكم بن كند=وده يساعفكم على حسب الاصول
قال المثل من يجتهد لازم يجد=ولايجي له شي كل من هو كسول

[حنطبه]

الشوت ظنّي قد وقع بين القدد=والحارس المسكين به عشرين قول

ترّك في الملعب وعالسكّه قعد=وحلان يالصاحب ولا بيده حلول


ماهمني الحارس .ومن فين المدد = ماكان متمرن وفي ضربه عجول
لو هو ضرب مخباط من فوق الفند = بتجي العوافي في الوطن عرضه طول

[عيبون]

يااهل الوفاءوالطيب جاكم بن كند=وده يساعفكم على حسب الاصول
قال المثل من يجتهد لازم يجد=ولايجي له شي كل من هو كسول


يامرحبا ياعاشق الرمله عدد=مايلتحق فالبحر مرجانه ولول

عاشق رماله قد وصلنا (م)الريَد=هتلي خبار الواد وهضاب وسهول

[عيبون]

ماهمني الحارس .ومن فين المدد = ماكان متمرن وفي ضربه عجول
لو هو ضرب مخباط من فوق الفند = بتجي العوافي في الوطن عرضه طول


لاتعتجل بتذوق غوده والثمد=والدايره حاطت على من بايحول

الصبر بتزين البوادي والبلد=وبايريض الصيد ذي كانن جفول

[عاشق رماله]

سرحان بايرجع الى كل الريد=وباتشوفه يدرج مع كل جول
وكل حاجه بايقع فيها فقد=وبايغيب روؤسهم كمين زول

[عيبون]

سرحان بايرجع الى كل الريد=وباتشوفه يدرج مع كل جول
وكل حاجه بايقع فيها فقد=وبايغيب روؤسهم كمين زول


سرحان به مخباط مثنات الكبد=ولعاد يوكل تحت نيبانه فُلول

قد صادله نطحه من التيس الكرد=وش عاد بيقدّره عانطح العجول

[شطرنج]

يا اهل الزوامل عاد حد من بعد حد=من لي يصيدون الكبيرات الوعول
ما بحسف الزامل على روس الصيد=فهموا كلامي يا كبيرين العقول

[حنطبه]

لاتعتجل بتذوق غوده والثمد=والدايره حاطت على من بايحول

الصبر بتزين البوادي والبلد=وبايريض الصيد ذي كانن جفول


الكير عاده حار مابظني برد = والناس في الميدان ع دق الطبول
تمشي وتترنم ولو واحد حتد = اما اسد يلقفه او يلقفه غول

[شطرنج]

المشكله متعقده باربع عقد=وعبود بانواس ما عنده حلول
انكانها الا عنكله فوق الرقد=شو كلنا نعرف لعنكال الرجول

[حنطبه]

تصبحون على خير .

[عيبون]

يا اهل الزوامل عاد حد من بعد حد=من لي يصيدون الكبيرات الوعول
ما بحسف الزامل على روس الصيد=فهموا كلامي يا كبيرين العقول


ارحب وبانسقيك من صافي وعد=والبسط مظبي مانقدّم بسط فول

في مفتك الوديان شف جدي عمَد=ميحطّها واطي يحطها في قلول

[عيبون]

تصبحون على خير .

وانت من اهله يابوالحناطب

[عيبون]

فصل ياشباب الفصل ملان

[عاشق رماله]

تصبحون على خير
والعفوا منكم
عيبون اشكرك يالنشمي على تواصلك
ولنا لقاء ان شاء الله

[عيبون]

تصبحون على خير
والعفوا منكم
عيبون اشكرك يالنشمي على تواصلك
ولنا لقاء ان شاء الله

وانت من اهله ماقصرت

[مبارك طويحس]

فصل ياشباب الفصل ملان

ذا فصل ف اللي راح واللي مقبل=تفاقدو يهل اللحون الزينه
كل من يزمّر لي انا باطبل=اما العدو حط اصبعي في عينه

[عيبون]

تصبحو على خير

[مبارك طويحس]

تصبحو على خير
افا يالمري تونا حطينا الفصل

[عيبون]

ذا فصل ف اللي راح واللي مقبل=تفاقدو يهل اللحون الزينه
كل من يزمّر لي انا باطبل=اما العدو حط اصبعي في عينه


قد جيتني والورد عندي مذبِل=ماجيتني والسيل (ف)معايينه

لكنّني بخلط هنا باغربِل=والزين باجيبه وبترك شينه

اعذرني يامبارك والله الراس خشره والنوم كااااااابس

وورانا دوام بدري ولا مساجلتك مكسب والله

[مبارك طويحس]

قد جيتني والورد عندي مذبِل=ماجيتني والسيل (ف)معايينه

لكنّني بخلط هنا باغربِل=والزين باجيبه وبترك شينه

اعذرني يامبارك والله الراس خشره والنوم كااااااابس

وورانا دوام بدري ولا مساجلتك مكسب والله
معذور يالدار الزينه وبيتك يسوى مساوي عندي وابشرك حتى انا قدنا الا هههههههههه

[مبارك طويحس]

ياهاجسي فين القلم باسجل=يامحسن التسجيل لي في حينه
واركد تمهل لا بعد تستعجل=اعرفك انا ماباتجيب الشينه

[مصعوف]

ياهاجسي فين القلم باسجل=يامحسن التسجيل لي في حينه
واركد تمهل لا بعد تستعجل=اعرفك انا ماباتجيب الشينه

يابن طويحس عالعرب لا تدجل=شف كل واحد في يده سكينه
ايش فيك بوزار العرب متحمل=وش لك سنع فيما العرب ملقينه

[باشراحيل]

المشكله متعقده باربع عقد=وعبود بانواس ما عنده حلول
انكانها الا عنكله فوق الرقد=شو كلنا نعرف لعنكال الرجول

رائع جدا هذا التعبير الرمزي من الشاعر شطرنج ..

توصيف لواقع حال نعيشه كل يوم ..

شكرا لك ياشاعرنا القدير ..

[القانع]

سلام الله عليكم

[مبارك طويحس]

يابن طويحس عالعرب لا تدجل=شف كل واحد في يده سكينه
ايش فيك بوزار العرب متحمل=وش لك سنع فيما العرب ملقينه

مصعوف يامصعوف لا تستهبل=الظاهر انك شارب القنينه
ان كان جاء من شرق انا باقّبل=انا على ديني وهو عادينه

[مصعوف]

مصعوف يامصعوف لا تستهبل=الظاهر انك شارب القنينه
ان كان جاء من شرق انا باقّبل=انا على ديني وهو عادينه

ارسل ونا يالحارثي بستقبل=مصعوف متعود على تمرينه
من هنجمتك اليوم وش بتحصل=عيده وان كبرت تقع سردينه

[الطامع]

بعد الصواعق خافها با تهطل = فوق الحيود الشاقه لاطينه

اما النشر عازربها باقفل = مادامها ترعى تنعشر عينه

[ميراد باسودان]

كلااااااااام حيا الله الرجال
أمتعونا متابعين

[مبارك طويحس]

ارسل ونا يالحارثي بستقبل=مصعوف متعود على تمرينه
من هنجمتك اليوم وش بتحصل=عيده وان كبرت تقع سردينه

لو قلت لي بلبس انا بافصل=والعهد يامصعوف ماباخينه
ون قلت صن عاصنكم باذبّل=بابين اللي في الخفاء مخفينه

[عاشق ترابك ياوطن]

يابايعين القات حطو بندل=من شان يتكرسع و يكشف خينه
لا تحسب انك في وسطنا جنتل=غلطان ذلا قرحة التخزينه

[حنطبه]

بعض العرب في حلها يتحمل = غالي الثمن وتزيد في تثمينه
بالمخيره من قابله يتقبل = والآدمي يوزنه بموازينه
ون جاك لايزعج ولايتدخل = يعجبك في هرجه وفي تدوينه
وعلى جبل لاقد بنى يتقلل = ومن الصعوبه في الوطأ توطينه

[حنطبه]

السلام عليكم يارجال ..في العضيدة أحد ؟

[حنطبه]

لنا لقاء يارجال !

[الواقعي]

بعض العرب في حلها يتحمل = غالي الثمن وتزيد في تثمينه
بالمخيره من قابله يتقبل = والآدمي يوزنه بموازينه
ون جاك لايزعج ولايتدخل = يعجبك في هرجه وفي تدوينه
وعلى جبل لاقد بنى يتقلل = ومن الصعوبه في الوطأ توطينه




ياحنطبه بعض العرب يتجمّل=والمرجله عالوجه شفها زينه
ذلا على قردان قالوا شمل=ماشي لبن فالظرع لي مخفينه
وان جا الى المجلس لقيته تمبل=لا خير في علمه ولا تلقينه
لو كان حتى ثور يمكن يعمل=والا نضحي به نهار الزينه

[حنطبه]

ياحنطبه بعض العرب يتجمّل=والمرجله عالوجه شفها زينه
ذلا على قردان قالوا شمل=ماشي لبن فالظرع لي مخفينه
وان جا الى المجلس لقيته تمبل=لا خير في علمه ولا تلقينه
لو كان حتى ثور يمكن يعمل=والا نضحي به نهار الزينه

كلام كلام ..فرقزه ..مارأيك فصل جديد أو نواصل عليه ؟

[حنطبه]

بطبيعة الحال دائما يكون الزامل متعدد الهدف مفتوح القوافي ليس سياسة وحسب وأنما يكون فيه عتاب بين الأحبة ..لهذا مايلي إلى من يهمه الأمر (هو عارف نفسه ):


عالوعد عادك أومعك شيء عذر لي =هت لي خبر عاشان رتب حالي
وأن بترجع لي ع الكلام الأولي = بتقول شغلي ماعطاني أمجالي
بعرفك أنك مامعك خاطر سلي = وتخاف لاهبت مهب وتبالي
خلك كما صاحبك شف كيسه خلي = لايحسب الكعكي ولا الجفالي

[حنطبه]

37731 رقم المشاركة السابقة نتركها لمن تهمه أمرها ..فصل جديد يارجال .

[عبدالله غريب]

بطبيعة الحال دائما يكون الزامل متعدد الهدف مفتوح القوافي ليس سياسة وحسب وأنما يكون فيه عتاب بين الأحبة ..لهذا مايلي إلى من يهمه الأمر (هو عارف نفسه ):


عالوعد عادك أومعك شيء عذر لي =هت لي خبر عاشان رتب حالي
وأن بترجع لي ع الكلام الأولي = بتقول شغلي ماعطاني أمجالي
بعرفك أنك مامعك خاطر سلي = وتخاف لاهبت مهب وتبالي
خلك كما صاحبك شف كيسه خلي = لايحسب الكعكي ولا الجفالي

مرحيب مرحيب

منه عليكم بهذا الفصل

[بن احمد]

بطبيعة الحال دائما يكون الزامل متعدد الهدف مفتوح القوافي ليس سياسة وحسب وأنما يكون فيه عتاب بين الأحبة ..لهذا مايلي إلى من يهمه الأمر (هو عارف نفسه ):


عالوعد عادك أومعك شيء عذر لي =هت لي خبر عاشان رتب حالي
وأن بترجع لي ع الكلام الأولي = بتقول شغلي ماعطاني أمجالي
بعرفك أنك مامعك خاطر سلي = وتخاف لاهبت مهب وتبالي
خلك كما صاحبك شف كيسه خلي = لايحسب الكعكي ولا الجفالي

يابو الحناطب شف صديقك قد بلي=عربي وقدنا الا كما البنقالي
والنار شفها ف المحاني تصطلي=حرقت فوادي والريه وطحالي
مابامدح نفسي ونا قرم وشلي=واقف وحولي اخوتي وعيالي
لكنني يالشهم عارف منزلي=فوق الثريا والمقام العالي
في يوم لازم للحقايق تنجلي=وبايبان الاولي والتالي

[الواقعي]

يابو الحناطب شف صديقك قد بلي=عربي وقدنا الا كما البنقالي
والنار شفها ف المحاني تصطلي=حرقت فوادي والريه وطحالي
مابامدح نفسي ونا قرم وشلي=واقف وحولي اخوتي وعيالي
لكنني يالشهم عارف منزلي=فوق الثريا والمقام العالي
في يوم لازم للحقايق تنجلي=وبايبان الاولي والتالي

هكذا خلوها الله يعطيكم الف عافيه

مادام الناس داخلين على أجازات واكثر الشعّار مسافرين خلونا شوية محاورات مفتوحه وشوية خاصه .

[بن احمد]

هكذا خلوها الله يعطيكم الف عافيه

مادام الناس داخلين على أجازات واكثر الشعّار مسافرين خلونا شوية محاورات مفتوحه وشوية خاصه .
قد قالك ذاك انك رجعت الا ثرثار والدليل الوله طيب هت لك بيت وتقمص الدور كماي ههههههههههه

[الواقعي]

قد قالك ذاك انك رجعت الا ثرثار والدليل الوله طيب هت لك بيت وتقمص الدور كماي ههههههههههه


خل عنّك !!!!!!!

ياحنطبه بعض العرب يتجمّل=والمرجله عالوجه شفها زينه
ذلا على قردان قالوا شمل=ماشي لبن فالظرع لي مخفينه
وان جا الى المجلس لقيته تمبل=لا خير في علمه ولا تلقينه
لو كان حتى ثور يمكن يعمل=والا نضحي به نهار الزينه


اكيد ما شفت هالابيات والعتب على النظر .

[حنطبه]

يابو الحناطب شف صديقك قد بلي=عربي وقدنا الا كما البنقالي
والنار شفها ف المحاني تصطلي=حرقت فوادي والريه وطحالي
مابامدح نفسي ونا قرم وشلي=واقف وحولي اخوتي وعيالي
لكنني يالشهم عارف منزلي=فوق الثريا والمقام العالي
في يوم لازم للحقايق تنجلي=وبايبان الاولي والتالي


وخر شوي ولا في الخبت الخلي = مابين بايوسف وبين الدالي
باننصب الخيمه وبتكون الولي = فيها وقسمك في النفيس الغالي
ماباحضر صاحبك قرب العشدلي = إلا اذا حس بالذوق والحالي
واليوم سواها وجاء يكذب علي = كلما على بالك ترى ع بالي

[حنطبه]

في العضيدة يارجال أحد ؟

[بن احمد]

خل عنّك !!!!!!!



اكيد ما شفت هالابيات والعتب على النظر .
له ماشفتها وما النظر معك حق قدها الا جهرره
وحت ذي يالواقعي قدها الا كما بيض الديك هههههههههههههه يخليك ربي
تصدق ان بعض الثرثره احلا من بعض ابيات ؟؟؟؟؟؟؟

[حنطبه]

العين ماهي مبعده ع الناس = في البير ذلا الحبل قاصر
ردك علي ياطيب الانفاس =سره قوي حاضر بحاضر

[حنطبه]

صباحكم خير يارجال .

[الكلفوت]

وخر شوي ولا في الخبت الخلي = مابين بايوسف وبين الدالي
باننصب الخيمه وبتكون الولي = فيها وقسمك في النفيس الغالي
ماباحضر صاحبك قرب العشدلي = إلا اذا حس بالذوق والحالي
واليوم سواها وجاء يكذب علي = كلما على بالك ترى ع بالي


( إلا اذا حس بالذوق والحالي )

مالوّن بالأحمر (أي الشطر الثاني من البيت رقم3مكسور)هل أنت معي
الشطرالأول من البيت 3 أعتقد أنك تريد أن تقول( ماباخضر) وليس ماباحضر
فرقزه فرقزه:FRlol::FRlol::FRlol::FRlol:

[القعيطي رقم واحد]

الغرب يصنع طائرات وصواريخ **** والشرق الاوسط ضاع نفطه بلاشي
حطوا لهم في صفحة العلم تاريخ **** وحــــنا بماضينا نعيد النقــــــــاشي
من عقب ماكنا جبال شواميـــــخ **** صرنا تحــــــت حكم الاجانب ولاشي
شي يدوخ الراس تدويـــــــــــــخ **** وشلون عقب الحر حــــــام الفراشي
اقولها والقلب اقوى من الصيخ **** متى نشوف الحق في الارض ماشي
لاني ولد تاجر ولاني ولد شيـــخ **** انا فقير وراس مـــــــالي معــــاشي

[ديسبة]

( إلا اذا حس بالذوق والحالي )

مالوّن بالأحمر (أي الشطر الثاني من البيت رقم3مكسور)هل أنت معي
الشطرالأول من البيت 3 أعتقد أنك تريد أن تقول( ماباخضر) وليس ماباحضر
فرقزه فرقزه:FRlol::FRlol::FRlol::FRlol:

صدق المتنبي بقوله:

وكم من عائبٍ قولا صحيحا =وآفته من الفهم السقيم
يبدو أنك ياكلفوتنا الفاضل لم تقرأ الأبيات قرآءةً توافق مراد الشاعر وإلا لما بدت لك هذه الملاحظات أو أنك لاتعرف شيئا عن تنوع لهجات البادية الحضرمية فحنطبة الشاعر المتمكن كما يبدو لي من ردوده ومشاركاته لا ينبغي أن يأتي بأبيات مكسورة ولكن قرآءتك هي المكسورة فكلمة الذوق في بيت حنطبة لاتقرأ كما قرأت الذوْق وإنما تقرأ الذوِق بكسر الواو والمراد بها الذويق - ذا الذوق- وليس الذوق آمل أن أكون قد أوضحت.

[الكلفوت]

صدق المتنبي بقوله:

وكم من عائبٍ قولا صحيحا =وآفته من الفهم السقيم
يبدو أنك ياكلفوتنا الفاضل لم تقرأ الأبيات قرآءةً توافق مراد الشاعر وإلا لما بدت لك هذه الملاحظات أو أنك لاتعرف شيئا عن تنوع لهجات البادية الحضرمية فحنطبة الشاعر المتمكن كما يبدو لي من ردوده ومشاركاته لا ينبغي أن يأتي بأبيات مكسورة ولكن قرآءتك هي المكسورة فكلمة الذوق في بيت حنطبة لاتقرأ كما قرأت الذوْق وإنما تقرأ الذوِق بكسر الواو والمراد بها الذويق - ذا الذوق- وليس الذوق آمل أن أكون قد أوضحت.

( إلا اذا حس بالذوق والحالي ) حتى ولو قال (إلا اذا حس بالذويق والحالي) فهي مكسوره وحرف الواو زايد وأرائك لم تتطرق للملاحظة الثانية( فرقزه فرقزه)
على العموم رد خنطبه فيه الفائده وأزيدك من الشعر بيت كلمت الذويق تكتب باليا المطلقه وليس بالكسر تحت الواو

[ديسبة]

( إلا اذا حس بالذوق والحالي ) حتى ولو قال (إلا اذا حس بالذويق والحالي) فهي مكسوره وحرف الواو زايد وأرائك لم تتطرق للملاحظة الثانية( فرقزه فرقزه)
على العموم رد خنطبه فيه الفائده وأزيدك من الشعر بيت كلمت الذويق تكتب باليا المطلقه وليس بالكسر تحت الواو

سبحان الله القائل: ( فإنّها لاتعمى الأبصار ولكن تعمى القلوب التي في الصدور)
بارك الله فيك أخي الفاضل لو أعدت القرآءة لما كتبتُ لما كان هذا ردك ولكن التسرع دوما يوقع صاحبه أعد القرآءة بارك الله فيك وستجد أنني قلت الذوِق بكسر الواو والمراد به والمراد به والمراد به الذويق -ذا الذوق- ولكن الكلمة في البيت الذوِق بكسر الواو لا الذويق فاللفظ مختلف والمعنى واحد أما الملاحظات الأخرى فلم يتأكد لي خطأك في طرحها وآمل من الشاعر أن يوضح لك ما أشكل عليك.

[الكلفوت]

سبحان الله القائل: ( فإنّها لاتعمى الأبصار ولكن تعمى القلوب التي في الصدور)
بارك الله فيك أخي الفاضل لو أعدت القرآءة لما كتبتُ لما كان هذا ردك ولكن التسرع دوما يوقع صاحبه أعد القرآءة بارك الله فيك وستجد أنني قلت الذوِق بكسر الواو والمراد به والمراد به والمراد به الذويق -ذا الذوق- ولكن الكلمة في البيت الذوِق بكسر الواو لا الذويق فاللفظ مختلف والمعنى واحد أما الملاحظات الأخرى فلم يتأكد لي خطأك في طرحها وآمل من الشاعر أن يوضح لك ما أشكل عليك.

تقرأ الذوِق بكسر الواو والمراد بها( الذويق) - ذا الذوق- وليس الذوق آمل أن أكون قد أوضحت.
الأخ دسيبه تناقض نفسك بنفسك كما سبق وقلت الفائدة في رد حنطبه
( إلا اذا حس بالذوق والحالي ) حتى ولو قال (إلا اذا حس بالذويق والحالي) وفي كل الحالتين مكسور
وندعو صاحب الميزان السويسري لقول وجهة نظره0

[حنطبه]

( إلا اذا حس بالذوق والحالي )

مالوّن بالأحمر (أي الشطر الثاني من البيت رقم3مكسور)هل أنت معي
الشطرالأول من البيت 3 أعتقد أنك تريد أن تقول( ماباخضر) وليس ماباحضر
فرقزه فرقزه:FRlol::FRlol::FRlol::FRlol:

شرفت أخي بوجهة نظرك .
من النهاية دعني ابدأ ..ذكر ماباحضر(لن يحضر هو ) يعطي تصورا لحدة خلاف بيني وبين صاحب (أبن أحمد .. ليس حقيقي مجرد مداعبة )..لن يحضر الصاحب إلا بوجود الذْ ..وق ..على حرف الذال شدة بالكسرة وحرف الواو مكسورة ايضا وتسكين القاف زائد الحالي ,بوجودهما سيحضر طويل العمر ..أما الكسر إلى تاريخ رد الرد لم أحس بأي خلل في جرسه الموسيقي والزمني ..ولم لا يخلو شعري من ماقلت ؟لم لا ؟ سؤال ياغالي هل تعرف مانعني بالفرقزة ؟ بل هل حضرتك تقصد الفرقزة فيما اقتبست ؟.

[حنطبه]

يارجال في العضيدة أحد ؟

[حنطبه]

فصل جديد بعد الهوك يارجال ..فصل جديد .

[باسعيده]

الغرب يصنع طائرات وصواريخ **** والشرق الاوسط ضاع نفطه بلاشي
حطوا لهم في صفحة العلم تاريخ **** وحــــنا بماضينا نعيد النقــــــــاشي
من عقب ماكنا جبال شواميـــــخ **** صرنا تحــــــت حكم الاجانب ولاشي
شي يدوخ الراس تدويـــــــــــــخ **** وشلون عقب الحر حــــــام الفراشي
اقولها والقلب اقوى من الصيخ **** متى نشوف الحق في الارض ماشي
لاني ولد تاجر ولاني ولد شيـــخ **** انا فقير وراس مـــــــالي معــــاشي


ابيات لشاعر كويتي معروف وعليك الاشارة بذلك .

[حنطبه]

ومن الزمل والهوك قلبي ماقنع = ومن الكلام الزين والراي السديد
اما في الدنيا انا ماني طمع = ان جات وان راحت طبعي مايحيد