مساجلات الزامــــل الشعبي [الأرشيف] - الصفحة 162

إبن البادية

11-27-2011, 08:42 PM

ترحيب بالشاعر طالب النعماني

مرحب الف مرحب بن حسن يوم شرف=مرحبابك الى دار الكرم في السقيفه
بالربيعه سندها والحكم والمعرف=عنده العيد لاشرف رفيقه و ضيفه

قال شاعر سمر وان حد مدرف يدرف = ان تبى شرح قطني او نشله دحيفة
بادخل للمدارة للبرع خوك يعرف =عاد طالب مريض في الجبال المنيفة

الواثق بالله

11-27-2011, 09:02 PM

قال شاعر سمر وان حد مدرف يدرف = ان تبى شرح قطني او نشله دحيفة
بادخل للمدارة للبرع خوك يعرف =عاد طالب مريض في الجبال المنيفة

في خفيا كلامك عادني باتحرف=جبتلي هرج مامثله ولاشي وصيفه
مايجيبه سواء شاعر وعنا مطرف=ماسمعناه من مده ولامر طيفه

الهواوي

11-27-2011, 09:04 PM

رب تلطف على دماج يارب تلطف = حاصروهم جنود ابليس كمين جيفه
عصبة الرفض والتزوير هي والتطرف = رب يالله فرقهم ثمانين طيفه

سبع الليل

11-27-2011, 09:10 PM

قال شاعر سمر وان حد مدرف يدرف = ان تبى شرح قطني او نشله دحيفة
بادخل للمدارة للبرع خوك يعرف =عاد طالب مريض في الجبال المنيفة

قل لطالب غدو شيخ الدحاميل خرّف=لا تمسي وخف نفسك وشل الخفيفه
ابرقت وارعدت والسيل مقبل تصرّف=روسها تلتوي مثل الحناش المخيفه

الواثق بالله

11-27-2011, 09:18 PM

رب تلطف على دماج يارب تلطف = حاصروهم جنود ابليس كمين جيفه
عصبة الرفض والتزوير هي والتطرف = رب يالله فرقهم ثمانين طيفه

بايقع فدر باهل الزيغ واهل التخلف=خالفوا الشرع والسنه وامر الخليفه
ذه جزيره حما الله من كل مسرف=باتتمي من انجاس الروافض نضيفه

إبن البادية

11-27-2011, 09:49 PM

قل لسالم تحذر خاف للسيل يردف = خايل الغيث برقه يشتعل في قنيفه
بايشل الضمر لا جالت هملات تعزف =والبخيصة تقع للي ضمرهم ضعيفة

الواثق بالله

11-27-2011, 10:16 PM

قل لسالم تحذر خاف للسيل يردف = خايل الغيث برقه يشتعل في قنيفه
بايشل الضمر لا جالت هملات تعزف =والبخيصة تقع للي ضمرهم ضعيفة

اعرف الزقر والشيبه ومن ذي يكدف=واللعب بالورق كلن ويفهم وليفه
والذي بيده الجوكر وحسن التصرف=بايخل الذي سده بخبصه طريفه

إبن البادية

11-27-2011, 10:32 PM

[QUOTE=الواثق بالله;687592]
اعرف الزقر والشيبه ومن ذي يكدف=واللعب بالورق كلن ويفهم وليفه
والذي بيده الجوكر وحسن التصرف=بايخل الذي سده بخبصه طريفه[/QUOTE

شف معك شيخ ياصاحب مهرج يغضف=والمرة ذي معه شفها ركيكة كفيفة
ما يفيد البذخ من سمح يدفع ويصرف=والمرة خايفة لا هو يضوي حريفة

الواثق بالله

11-27-2011, 10:44 PM

[QUOTE=align=center use=ex num="0,black""]

شف معك شيخ ياصاحب مهرج يغضف=والمرة ذي معه شفها ركيكة كفيفة
ما يفيد البذخ من سمح يدفع ويصرف=والمرة خايفة لا هو يضوي حريفة

شف بلادي وارضي لجلها باتكلف=والذي مايبى ارضه حسيبه كليفه
باسقيها وبذراء مال فيها وبطهف=لجل يصبح خضارالارض مثل القطيفه

إبن البادية

11-27-2011, 11:05 PM

[QUOTE=إبن البادية;687593]

شف بلادي وارضي لجلها باتكلف=والذي مايبى ارضه حسيبه كليفه
باسقيها وبذراء مال فيها وبطهف=لجل يصبح خضارالارض مثل القطيفه

ما معك شي بواسق با تكرد مقلف =وان معك جدر با تقحى قصامه وليفه
غير باقول يا رباه تستر وتلطف=والمقدر مقدر قد كتب في الصحيفة

سبع الليل

11-28-2011, 12:12 AM

[QUOTE=إبن البادية;687593]

شف بلادي وارضي لجلها باتكلف=والذي مايبى ارضه حسيبه كليفه
باسقيها وبذراء مال فيها وبطهف=لجل يصبح خضارالارض مثل القطيفه

جردوها عيال أبليس مرشد ومشرف=نخل ذهبان يابس ماطعمنا خريفه
والضمر والموازع كل ابوها تنعوف=والهواء ماستقل يكثب علينا شعيفه

الهواوي

11-29-2011, 08:50 PM

بعض العرب ياناس من سمح يهذف = وأزعج الناس في هرجة وكثرة هذيفه
يحسب أنه زعيم الحضر واهل المخلّف = ريته الا مع لحّاح او في كريفه

سبع الليل

11-30-2011, 01:38 PM

بعض العرب ياناس من سمح يهذف = وأزعج الناس في هرجة وكثرة هذيفه
يحسب أنه زعيم الحضر واهل المخلّف = ريته الا مع لحّاح او في كريفه

يالهواوي تراك انسان موزون تعرف =قدر كل العرب وانته من أسره شريفه

كلنا من عيال الحضر قدّر وشّرف =من دعاء عالعرب باطل ترد في صنيفه

مساعد المري

11-30-2011, 08:09 PM

كلام يالسبع كلام وبكل الاحوال المجتمع الحضري افضل من البدوي بمراحل

مساعد المري

11-30-2011, 08:29 PM

سبع الليل

11-30-2011, 09:06 PM

فصل جديد

ذا فصل بانرخي وساعه بانشد=ملزوم في وقت الرخا والشده
يالعيف انا وياك قط مابانسد=بانقفل البيبان هن والسده
زام القداما زام وش زام الجدد=وش رايكم ياللي سكنتو جده
واليوم ياعداد باتبطي تعد=يالسبع جهز لازمك والعده

بتشوف مني يامساعد كل ود =راعي الشرف والقدر لابد وده
عالعز والناموس في دنياك هد=واللي تشوفه شين طبعه هده

مساعد المري

11-30-2011, 09:51 PM

بتشوف مني يامساعد كل ود =راعي الشرف والقدر لابد وده
عالعز والناموس في دنياك هد=واللي تشوفه شين طبعه هده

انته على اسمك بالشدايد منفرد=منته من اهل الموسطه والفرده
هت لي خبار الكاف واخبار الخرد=واخبار سوق الكهرباء والخرده
كل شخص له ميّد في الدنيا وضد=ونته مع محيسون ولّا ضده
انك تبا الجوده توكل واجتهد=والمجتهد بلجود بارك جهده

الهواوي

11-30-2011, 10:26 PM

يالهواوي تراك انسان موزون تعرف =قدر كل العرب وانته من أسره شريفه

كلنا من عيال الحضر قدّر وشّرف =من دعاء عالعرب باطل ترد في صنيفه

********* لا أدري عن تفسيرك لأبياتي فأنا ليس في كلامي كلمة واحدة في سب الحضر .. او التنقص من حقهم فكلمة المخلّف بكسر اللام المشدوده هنا من المخلاف اي توابع المدن من بادية ومن أرياف وهذه دارجة في كلام اهل اليمن جميع بما فيها حضرموت هناك كتاب للسيد الحداد بعنوان تاريح حضرموت ومخاليفها ***********
لذا جرى التنويه فلا نبغض لا بدوا ولا حضرا

سبع الليل

11-30-2011, 11:22 PM

********* لا أدري عن تفسيرك لأبياتي فأنا ليس في كلامي كلمة واحدة في سب الحضر .. او التنقص من حقهم فكلمة المخلّف بكسر اللام المشدوده هنا من المخلاف اي توابع المدن من بادية ومن أرياف وهذه دارجة في كلام اهل اليمن جميع بما فيها حضرموت هناك كتاب للسيد الحداد بعنوان تاريح حضرموت ومخاليفها ***********
لذا جرى التنويه فلا نبغض لا بدوا ولا حضرا

يالهواوي لا تخلي في بالك شي هنا مجرد اخذ وعطا والمساله هو سلى وسمر مابيننا لا اقل ولا اكثر وكلين له قدره واحترامه احترامك وقدرك علينا واجب
وكلمة ليه تبغض اذا زعلتك بانحذفها ولا تزعل يالطيب محشوم سمر وطيّب خاطرك

بحرالعرب

12-01-2011, 02:32 AM

انته على اسمك بالشدايد منفرد=منته من اهل الموسطه والفرده
هت لي خبار الكاف واخبار الخرد=واخبار سوق الكهرباء والخرده
كل شخص له ميّد في الدنيا وضد=ونته مع محيسون ولّا ضده
انك تبا الجوده توكل واجتهد=والمجتهد بلجود بارك جهده

جو السواحل زين ماشي فيه برد= وجوكم ياسعد معيف برده
بحر العرب من جاه ماواحد شرد= وهل الفيافي يعرفون الشرده
ف الخوف لاجاء الليل ماواحدرقد= والصبح لاجاهم بدوفالهده
الــجهـل فـيــهـم كلهـم او بل عمد = وكل واحد يحسب انه عمده

الواقعي

12-01-2011, 02:53 PM

سلام

وين الزامل واهله يا اهل العضيده

نجم سهيل

12-03-2011, 11:42 PM

كل عام وانتم بخير تحياتي للجميع

نجم سهيل

12-04-2011, 08:14 PM

عاشق رماله

12-04-2011, 10:13 PM

فصل جديد

يقول نجم اسهيل يصحاب الزمل=محتار بين الناقصه والكامله
لكن باقي عاد في قلبي امل=راجي من الرحمن رحمه شامله
يالواقعي بالله قم رد الهمل=ماباك تسري والاصايل هامله
لخلاص مطلوبي واتقان العمل=زي مايعاملني رفيقي عامله

ياهاجسي حيي معي شيخ الشمل=النجم لي بالفعل يعجب زامله
لاحضروا اهل الزمل فالزمل اكتمل=هذا الذي لاشك كلن يامله

الواثق بالله

12-04-2011, 10:59 PM

حط الثقيله يارفيقي عالجمل=مولى الخطاء ياصاحبي ماجامله
ذي مايهاب البعد ويهاب الثقل=خطوطته زينه ماتقع لك خامله

الواثق بالله

12-04-2011, 11:03 PM

اعتقد ان الفصل مقيد وشبه ملان
بغينا فصل جديد

المصنعه

12-04-2011, 11:20 PM

الفصل باجيبه وباحز فصله=من قبل مايدخل مكاني شاعر
لان المشاكل بعتهابالجمله=والمشتري في حسب ظني خاسر

الواثق بالله

12-04-2011, 11:28 PM

الفصل باجيبه وباحز فصله=من قبل مايدخل مكاني شاعر
لان المشاكل بعتهابالجمله=والمشتري في حسب ظني خاسر

العذر ماشي يابعار الرمله=لابد ماتعمل وشل الجاير
كلن شلع حمله وحملك شله=والعلو بانطرحه فوق الجابر

المصنعه

12-04-2011, 11:37 PM

العذر ماشي يابعار الرمله=لابد ماتعمل وشل الجاير
كلن شلع حمله وحملك شله=والعلو بانطرحه فوق الجابر

من زام دق يانوس محسب ثقله=من قبل ماتخلق بحليي سابر
وانته تبا تدخل مع اهل الحفله=في وسط حفلتهم يضيع الشاطر

محمد سعيد بن مخاشن

12-05-2011, 03:50 PM

وِسْلام لا يهل القوال الجزله=حِذْروا خطر كاظم ومعْه الباقر
دمّاج شوها معضله مش سهله=خلّوا وصوف الثّلب هو والفاطر

المصنعه

12-05-2011, 08:35 PM

وِسْلام لا يهل القوال الجزله=حِذْروا خطر كاظم ومعْه الباقر
دمّاج شوها معضله مش سهله=خلّوا وصوف الثّلب هو والفاطر

صميل معنا ذي يصيب القمله=لاكن بعض احيان هومش حاضر
وانتوبغيتوتوخذون الزمله=ماباتجيكم بالسهل عالطاير

طالب النعماني

12-05-2011, 08:59 PM

السلام عليكم ورحمة الله وبركاته

المصنعه

12-05-2011, 09:49 PM

السلام عليكم ورحمة الله وبركاته

مساك الله بالخير يابو راضي
عسى الوجبه زينه

طالب النعماني

12-05-2011, 10:50 PM

مساك الله بالخير يابو راضي
عسى الوجبه زينه

مساك الله بالنور والسرور
والله ماخبنا الحمد لله اتمنى انكم ماخبتوا مثلنا

سيكول

12-06-2011, 05:28 PM

السلام عليكم ورحمة الله وبركاته

وعليكم السلام ورحمة الله وبركاته
وين المغوبات ياشاعرنا

طالب النعماني

12-07-2011, 12:34 PM

حيااااااااااااك الله اخي سيكول شكرا لك كنت في البلاد

محمد سعيد بن مخاشن

12-07-2011, 11:44 PM

صميل معنا ذي يصيب القمله=لاكن بعض احيان هومش حاضر
وانتوبغيتوتوخذون الزمله=ماباتجيكم بالسهل عالطاير

راس الحنش يا المصنعه له قزلِه=عَدْها تنف لنسان ذي هو عابر
لازم على الحنشان شنّوا حمله=أو سُمّهِن يرديك في لِمْقابر

المصنعه

12-08-2011, 09:48 PM

راس الحنش يا المصنعه له قزلِه=عَدْها تنف لنسان ذي هو عابر
لازم على الحنشان شنّوا حمله=أو سُمّهِن يرديك في لِمْقابر

راس الحنش واحد بعشره دقله=ولاعيوتك ماتخيل الماطر
درب المعالي ماطريقه سهله=لاتسهن انه من دخلهاعابر

العائد1

12-08-2011, 11:23 PM

راس الحنش يا المصنعه له قزلِه=عَدْها تنف لنسان ذي هو عابر
لازم على الحنشان شنّوا حمله=أو سُمّهِن يرديك في لِمْقابر

عارف لسانك ما تجيب الزله= والصدق ما تخفيه عندك ظاهر
لاقال ابغى خمس منك مهله= قله لنا موعد نهار العاشر
ان كان عافل بايرده عقله =وان كان قاصر لا ترد ع القاصر

محمد سعيد بن مخاشن

12-09-2011, 11:29 AM

عارف لسانك ما تجيب الزله= والصدق ما تخفيه عندك ظاهر
لاقال ابغى خمس منك مهله= قله لنا موعد نهار العاشر
ان كان عافل بايرده عقله =وان كان قاصر لا ترد ع القاصر

يا مرحبا بالعائد المتولِّه=غايب سنه ... ظنّي بجاوا إمسافر
با انشده عن رخيه وفيها أهله=يا الله عساه الخير فيها وافر
والخوف لا توقع بها شر قتله=ما بينها ضنِّه معا لِشْنافر

طالب النعماني

12-09-2011, 02:43 PM

السلام عليكم ورحمة الله وبركاته

طالب النعماني

12-10-2011, 12:07 AM

وين شعار الزامل

فهد العوش

12-10-2011, 08:47 PM

سلام عليكم ... مساكم بالخير يأهل السقيفة !

فهد العوش

12-10-2011, 09:12 PM

ذا فصل قال العوش جينا عالطلب = في جبركم ذا الليل قد جينا عناه
جينا وحضرّنا الجواهر والذهب = واللول فوق الماس يبرق في سماه

فهد العوش

12-10-2011, 09:55 PM

ما دافعوا عالحصن رميان السلب = وقت البلاء كلين روح في خلاه
في راسها والقاع شبينا الحطب = والبن من يافع مركى في دلاه

محمد سعيد بن مخاشن

12-10-2011, 10:17 PM

ذا فصل قال العوش جينا عالطلب = في جبركم ذا الليل قد جينا عناه
جينا وحضرّنا الجواهر والذهب = واللول فوق الماس يبرق في سماه

مرحيب بك يا العوش يا خير العرب=يا من طرح ساس الحجر وأعلى بناه
ظنّي بعير الشِّعْر قد صابه جرب=يا فهد وأصبح ثِلب ما له شي لهاه

محمد سعيد بن مخاشن

12-10-2011, 10:25 PM

ما دافعوا عالحصن رميان السلب = وقت البلاء كلين روح في خلاه
في راسها والقاع شبينا الحطب = والبن من يافع مركى في دلاه

اليافعي ما اليوم ريحه ما ينَب=غشّوه بالزّعتر علي سالم وأخاه
صوبك من إيدك وإنت يا راعي الجلب=الذيب جبته والغنم وِقْعِن عشاه

فهد العوش

12-10-2011, 10:35 PM

حيابكم يأهل المعزة والنسب = يالمخشني ترحيب بلغنا مداه
نبغى خبر سيبان لي خلوا الرشب = والمشجري والشيخ لي ضيع دفاه

سبع الليل

12-10-2011, 10:43 PM

مرحيب بك يا العوش يا خير العرب=يا من طرح ساس الحجر وأعلى بناه
ظنّي بعير الشِّعْر قد صابه جرب=يا فهد وأصبح ثِلب ما له شي لهاه

الفين ياحيا بنغمات الطرب=مابن مخاشن عامد الا في سلاه
والناس في زره تنتخها الكرب= من حد بن عيفان لما حد ساه

فهد العوش

12-10-2011, 10:49 PM

العيـّـنة ذا اليوم في مولى حلب = والمغتصب مضمون بايضوي مساه
والأزرق العملاق فالصحراء نشب = والمشترك مشلول قد ربي بلاه

فهد العوش

12-10-2011, 11:03 PM

استئذنكم يالربع ! تمسون على خير . ورانا داوم الفجر .

طالب النعماني

12-14-2011, 02:29 PM

اسعد الله اوقاتك يالعوش

مبارك المهاجر

12-16-2011, 10:52 AM

العينة عينات وانته ذي تحب =ان باتسامرني وان با تضوي دفاه
الدم لحمر بين ال لحمر ملتهب=ربي يحولها من قدم شي لقاه

بوشايع

12-18-2011, 07:14 PM

عالمرجله والجود كلن قد غلب @@@ ومن يهون ذيب بيوكل عشاه
أما عزيزه زوجها فيها محــــب @@@ ما بيطلقها وعاده فالحيــــــاه

حيا بذي يوزن بميزان الذهب=غالي وبين الناس زايد في غلاه
واما عزيزه زوجها غصبا يهب=لانه غثي ماتضن تصبر عاغثاااااااه

طالب النعماني

12-18-2011, 08:03 PM

وين الشعار

حنطبه

12-18-2011, 10:42 PM

يابن حسن كيف حالك يامقدم ؟
في العضيدة أحد يارجال ؟

بن احمد

12-18-2011, 11:01 PM

ذا خرج فصل والثاني ظهر يامقدم=لوله بنشدك ياصاحبي كيف حالك
لكن الثانيه شي صدت مكسب ومغنم=غير ماضاع ف الاسواق نص راسمالك

الواقعي

12-19-2011, 12:23 AM

ذا خرج فصل والثاني ظهر يامقدم=لوله بنشدك ياصاحبي كيف حالك
لكن الثانيه شي صدت مكسب ومغنم=غير ماضاع ف الاسواق نص راسمالك

لا لبوزه بقي صامد ولا دام مدرم=والدثيني حنب بين الطرق والمسالك
من عبر في سط درب الزلق غصب يندم=وانت ياشيخ لا تغتر بنكسة عقالك

محمد سعيد بن مخاشن

12-19-2011, 12:11 PM

ذا خرج فصل والثاني ظهر يامقدم=لوله بنشدك ياصاحبي كيف حالك
لكن الثانيه شي صدت مكسب ومغنم=غير ماضاع ف الاسواق نص راسمالك

QUOTE=الواقعي;690509]

لا لبوزه بقي صامد ولا دام مدرم=والدثيني حنب بين الطرق والمسالك
من عبر في سط درب الزلق غصب يندم=وانت ياشيخ لا تغتر بنكسة عقالك[/QUOTE]

آل سالم في الغرفه مكان آل يسلم=أصلحوا بينهم بالسّر عمّك وخالك
لك وللواقعي شنطوب حيد المسندم=إكزموا ... واطلب الرحمن يلطف بحالك

الغرفـــــه = قرية آل عبدات

حنطبه

12-19-2011, 06:20 PM

ذا خرج فصل والثاني ظهر يامقدم=لوله بنشدك ياصاحبي كيف حالك
لكن الثانيه شي صدت مكسب ومغنم=غير ماضاع ف الاسواق نص راسمالك

باظهر سدكم ماباخلف وأنت تعلم = ذي ببالي عسى ذلحين يطرأ ببالك
حالي اليوم متنعم وكل ماتقدم = باتناسيه حتى مانرجع للمهالك
رأسمالي مثيلك بك أنا باتكلم = لانقطع من حبالي بعتمد ع حبالك
عاد شيء نود في صاحبك كسر وهدم = لانتهى من جبالي باقرب لاجبالك

حنطبه

12-19-2011, 07:07 PM

في العضيدة أحد يارجال ؟.

رحبة العين

12-20-2011, 06:17 PM

في العضيدة أحد يارجال ؟.

نعم اني وعيون المكلا نتقهوا قرب العضيده بس ما عندنا هايس
داريتبك تسأل عن الريال بس نحنا الثنتين بريال واحد

حسن محمد سالم باقديم

12-21-2011, 09:22 PM

نعم اني وعيون المكلا نتقهوا قرب العضيده بس ما عندنا هايس
داريتبك تسأل عن الريال بس نحنا الثنتين بريال واحد

يامرحبا بحلول رحبة عين = اهل المروه والمسار الزين
وريالهم عندي بعشره =
ملكم وراثه في الكلام الشين = صنتوا المخوه عن حسن وحسين
مامنكم قد جات قصره =

محمد سعيد بن مخاشن

12-21-2011, 10:32 PM

يامرحبا بحلول رحبة عين = اهل المروه والمسار الزين
وريالهم عندي بعشره =
ملكم وراثه في الكلام الشين = صنتوا المخوه عن حسن وحسين
مامنكم قد جات قصره =

شف عندها للمخشني جم دين=لكنّها شردت إلى الشّجنين
وحرّقت قلبي بجمره=

إمسلّطه هي من طرف وحدين=أو من طرف بحّار في البقرين
يا الله عسى للعيف دمره=

سبع الليل

12-21-2011, 11:03 PM

شف عندها للمخشني جم دين=لكنّها شردت إلى الشّجنين
وحرّقت قلبي بجمره=

إمسلّطه هي من طرف وحدين=أو من طرف بحّار في البقرين
يا الله عسى للعيف دمره=

لي ماحسب للتاليه يهوين=خلاء الحرايف كلهن يبكين=
من قعطبه لمان شقره
بايدفعونه قرش بالقرشين=والصرف لاقد زاد بايبكين=
بعد الشبع سكره وبطره

البكري

12-22-2011, 01:00 AM

لي ماحسب للتاليه يهوين=خلاء الحرايف كلهن يبكين=
من قعطبه لمان شقره
بايدفعونه قرش بالقرشين=والصرف لاقد زاد بايبكين=
بعد الشبع سكره وبطره

بكرم مدينه لجل عين = والقلب باقسمه نصفين =
والزين قوده بشعره
بالشده باخذه واللين = من يقاوي وعل بو قرنين =
والوقت عثره بعثره

حسن محمد سالم باقديم

12-22-2011, 02:12 PM

شف عندها للمخشني جم دين=لكنّها شردت إلى الشّجنين
وحرّقت قلبي بجمره=

إمسلّطه هي من طرف وحدين=أو من طرف بحّار في البقرين
يا الله عسى للعيف دمره=

فكري شتر مدريت راح فيين = او ياعلا السبعين ضف سنتين
يا من العمل هتفه وقدره =
يعبد ويتحافظ على البردين = والى خرج يركب على الشدين
ويذم في حوره وبدره =
من القرض ماوجدت له عودين = حملته قرطب ماتوفي الدين
نفعه نظب كله مضره =
ياتي بلا داعي الى الحجلين = كما الحزز يدخل في الاثنين
وصبح بعين الناس حشره =

حسن محمد سالم باقديم

12-22-2011, 04:50 PM

الوزن يخوي عند باشعفين = والعقل خاوي والكفف يخوين
ربك عمى قلبه وبصره =

تأتيه جنه ينقلب نارين = ترفع مقامه يغمض العينين
تعطيه تمره رد جمره =

ولسان وتعراض واليدين = تكتب مهازل ماتسر البين
وهتان محذوره وقدره =

مذهات تأتي حاجب القبرين = من ساكن الدهمه وهل صبحين
ماله حشف فيها ونثره =

بارد رطلك قل لبن حطبين = قفله ونص لاشتدت الحبلين
في الراس ذا ماتهز شعره =

قال المشفع سيد الثقلين = شحاً مطاعاً والهوى شرين
وعجاب ذي امراً باامره =

حسن محمد سالم باقديم

12-22-2011, 06:42 PM

رنين الوتر

12-23-2011, 03:13 AM

رساله الى شاعرنا المتالق الهادي النبيل رنين الوتر
فصل جديد

يارنين الوتر مشتاق بسمع رنينك = حرك اوتار قنبوسك ونسم عليه
سل قلبك على دنياك وجهد لدينك = والامور الوسط قد قال خير البريه
شل صيني شرب منه وبشرب بصينك = والمروه زراعه في النفوس الهنيه
وان بلاها لقاء جنحه على عاشقينك =غطت القاع ونجوم السماء الطالعيه
عدنا خوك في الشده وخاتم يمينك= يوم راسي وراسك ينطح الزاهريه

يحفظك بالكرم ربي يطول سنينك=يبن سيبان لي مثل الحيود العصيه
انت شاعر ولك صيت العرب عارفينك=غير انا عندكم تلميذ وابغى وصيه
عّلم ابنك ووصه ربنا لا يهينك=واختر الوقت كانه صبح ولّا عشيه
للصعايب ترى ياعم حسن ذاخرينك=ونت نعم الخوي ذي مايخلّي خويه
ياعريب المناسب نطلب الله يعينك=واعرف انّ نيتك زينه وياخير نيه

حسن محمد سالم باقديم

12-23-2011, 02:20 PM

يحفظك بالكرم ربي يطول سنينك=يبن سيبان لي مثل الحيود العصيه
انت شاعر ولك صيت العرب عارفينك=غير انا عندكم تلميذ وابغى وصيه
عّلم ابنك ووصه ربنا لا يهينك=واختر الوقت كانه صبح ولّا عشيه
للصعايب ترى ياعم حسن ذاخرينك=ونت نعم الخوي ذي مايخلّي خويه
ياعريب المناسب نطلب الله يعينك=واعرف انّ نيتك زينه وياخير نيه

كلام كلام كلام وجزاله ووطى وسهوله ولين وهذا الشعر ... تشكر ياشاعرنا الجدير

جمعه مباركه

حنت اوتارك العذبه وجاني حنينك = مثل مفرع عرمرم من ضروع النشيه
جاد غيثك وسيلك قد طفح عاصفينك = من سباله رميت الشول والزمزميه
قلت ياحول للتكريم يافهد وينك = باضرب له مشط ناولني البندقيه
قال بندقك في راسك وورثك قرينك = بلغ الجود لاحده ورد التحيه
ياالمسقي شرب والذبر والطين طينك = وانتشل ماك من صبر الفروع القويه
عشت نبراس خان الله من بايخينك = بايخون المعايش والقراص البغيه
يرفع الله عنك العسر ويدوم لينك = والجديد الغثي طعمه وريحه غثيه
مابغيته يصل صرمي ولايجي عرينك = عد ذيهوا في الصاحب وفي الجار فيه

ابو محسن الهميمي

12-23-2011, 09:59 PM

السلام عليكم ورحمة الله وبركاته

حسن محمد سالم باقديم

12-23-2011, 10:15 PM

السلام عليكم ورحمة الله وبركاته

وعليكم السلام ورحمة الله وبركاته حيا الله ابومحسن
بدع ياالهميمي عصبنا البدع براسك طرح الساس
وانا في زحمه اذا مداني باسامركم

ابو محسن الهميمي

12-23-2011, 10:56 PM

باقوم بتوكل على باب الوكل =بابلغ المطلوب في ساعه وين
من قد طلبني جيه خبه في عجل =مابا خلف لو ينطحن عظمي طحين

محمد سعيد بن مخاشن

12-23-2011, 11:02 PM

كلام كلام كلام وجزاله ووطى وسهوله ولين وهذا الشعر ... تشكر ياشاعرنا الجدير

جمعه مباركه

حنت اوتارك العذبه وجاني حنينك = مثل مفرع عرمرم من ضروع النشيه
جاد غيثك وسيلك قد طفح عاصفينك = من سباله رميت الشول والزمزميه
قلت ياحول للتكريم يافهد وينك = باضرب له مشط ناولني البندقيه
قال بندقك في راسك وورثك قرينك = بلغ الجود لاحده ورد التحيه
ياالمسقي شرب والذبر والطين طينك = وانتشل ماك من صبر الفروع القويه
عشت نبراس خان الله من بايخينك = بايخون المعايش والقراص البغيه
يرفع الله عنك العسر ويدوم لينك = والجديد الغثي طعمه وريحه غثيه
مابغيته يصل صرمي ولايجي عرينك = عد ذيهوا في الصاحب وفي الجار فيه

والجـديـد الغـثـي طعـمـه وريـحـه غثـيـه

دين لِسْلام يا باقديم ديني ودينك=جدّد الله رسالاته وأرسل نبيّه
سنّة الله في التجديد ... بيني وبينك=تمر مرزوم وألاّ مِمْلي العشدليّه؟؟؟

محمد سعيد بن مخاشن

12-23-2011, 11:15 PM

باقوم بتوكل على باب الوكل =بابلغ الطلوب في ساعه وين
من قد طلبني جيه خبه في عجل =مابا خلف لو ينطحن عظمي طحين

هاذي صفات الشّهم والقرم البطل=يتبع شروعن ساسها تقوى ودين
ودّي نسامركم إلى غيابه زحل=لكن مثاري معا الدّيوك الصارخين

تصبحـــون علــــى خيــــــر

محمد سعيد بن مخاشن

12-24-2011, 09:49 PM

ترفع للإطلاع

طالب النعماني

12-28-2011, 12:38 AM

السلام عليكم ورحمة الله وبركاته

ميزان العقول

12-28-2011, 02:30 PM

وعليكم السلام ورحمة الله وبركاته

راس البركه

12-29-2011, 05:35 PM

وين الشعار

رنين الوتر

12-29-2011, 07:01 PM

السلام عليكم ورحمة الله وبركاته

عاشق رماله

12-29-2011, 10:55 PM

السلام عليكم ورحمة الله وبركاته

وعليكم السلام ورحمة الله وبركاته
وبغينا فصل منك لوتكرمت

راس البركه

12-30-2011, 05:16 PM

وين عاشق رماله

عاشق رماله

12-30-2011, 07:58 PM

وين عاشق رماله
حياك الله ياراس البركه انا
موجود لكن وين الشعار نبا
واحد يعطينا فصل جديد

رنين الوتر

12-30-2011, 08:05 PM

حياك الله ياراس البركه انا
موجود لكن وين الشعار نبا
واحد يعطينا فصل جديد
الفصل ذا مخصوص لجل الصيعري=يابن كند شف كل شي لجلك يهون
يابن كند هت لي رساله تنقري=الشغب يامرعي قتلنا والشطون

رنين الوتر

12-30-2011, 08:09 PM

يالذيب في ذا الليل سعفك باسري=حتى تبا سيؤن وبغيت القطون
حد قد دري ياخوك واخر مادري=وف الوفي والشهم متخيب الظنون

محمد سعيد بن مخاشن

12-30-2011, 08:40 PM

الفصل ذا مخصوص لجل الصيعري=يابن كند شف كل شي لجلك يهون
يابن كند هت لي رساله تنقري=الشغب يامرعي قتلنا والشطون

من ذي يحيكونه أنا شوني بري=في الخافيه ما بينهم جملة شئون
عا الصّيعري وزران جاء يهري هري=الله يعلم بالذي هم يبطنون
الشيخ عا المنقه في النقعه ظري=والصيعري في الحزم شربه في شنون
ما يعرف الراحه ولكنّه جري=في حلّها الكندي ينط وسْط الأتون

عاشق رماله

12-30-2011, 08:48 PM

الفصل ذا مخصوص لجل الصيعري=يابن كند شف كل شي لجلك يهون
يابن كند هت لي رساله تنقري=الشغب يامرعي قتلنا والشطون

ياهاجسي لاتستحي خلك جري=وقت اللقاء رحب بحمران العيون
رنين انا باسجله في دفتري=لانه رجل طيب وللعليا زبون

عاشق رماله

12-30-2011, 09:03 PM

يالذيب في ذا الليل سعفك باسري=حتى تبا سيؤن وبغيت القطون
حد قد دري ياخوك واخر مادري=وف الوفي والشهم متخيب الظنون

يامرحبا لاجيت بانلعب سري=حد قسمه القبضه وحد بس يلمسون
شف صاحبك قاسي وعظمه مش طري=لكنها ما تعجبه بعض اللحون

حانى قرونة

12-30-2011, 10:52 PM

السلام وعليكم

راس البركه

01-02-2012, 03:15 PM

السلام عليكم ورحمة الله وبركاته

طالب النعماني

01-03-2012, 12:58 AM

اسعدالله اوقاتكم بكل خير

طالب النعماني

01-03-2012, 04:49 PM

السلام عليكم ورحمة الله وبركاته

سبع الليل

01-03-2012, 11:04 PM

بن احمد

01-03-2012, 11:57 PM

اسمحوا لي بالفصل بعد أذنكم الله يبارك فيكم

[poem=font=",7,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الف مرحيب ياحيا بربعي وناس =لي لهم في وسط قلبي مكانه رفيعه
قدرهم والمعزه ما لها شي قياسي=من زمان المجاعه والظروف الوجيعه
الموده وحًسن الخلق ناموس راسي=والنوايا حسينه والخواطر وسيعه

مرحبا ونت ف الميدان لا عب اساسي=مـرحـبــا بـالـقـوافـي والـبــيــوت الـبـديـعــه
لا تـقـول الـوزيـري قــده غـافـل ونـاسـي=مانسـى الجيـد والنامـوس ابــد مانبيـعـه
شوفـهـا قـــل لبوجـمـعـان لـعـبـة كـراســي=كــل مــن عـانـده وقـتـه لـزومـن يطـيـعـه

بن بريك

01-04-2012, 12:19 AM

اسمحوا لي بالفصل بعد أذنكم الله يبارك فيكم

الف مرحيب ياحيا بربعي وناسي =لي لهم في وسط قلبي مكانه رفيعه
قدرهم والمعزه ما لها شي قياسي=من زمان المجاعه والظروف الوجيعه
الموده وحًسن الخلق ناموس راسي=والنوايا حسينه والخواطر وسيعه

ما رأيناه يامحفوظ عالقلب قاسي = يدمي القلب لاشفته بلمحه سريعه
من حسبناه طيب قلت عنه سياسي = خاب ظني عرفت اليوم نفسه وجيعه
زاد همي يريد الذل لاهلي وناسي = طبع خاين كما طبع الرجال الوضيعه
عاده اليوم يامحفوظ ماشاف باسي = ماعرف قدرتي .. هز الجبال الرفيعه
عاش يحفر كما الفيران من تحت ساسي = بعد ماقد تركته عندهم لي وديعه

طالب النعماني

01-05-2012, 04:41 PM

ماشالله تبارك الله الزامل مرعوش هذه الليله

الواثق بالله

01-05-2012, 08:19 PM

ماشالله تبارك الله الزامل مرعوش هذه الليله

الليله خميس كل شاعر يرتعش

المسافر @

01-05-2012, 08:36 PM

ليلة الانس فكولي وسع فلعضيده=بالمسي علا طالب وكمين فارس
عندي احلام في هذا السنه ذي جديده=باتحقق بفبراير في وسط مارس

طالب النعماني

01-05-2012, 11:34 PM

وين الشعار خميس اليوم

البكري

01-06-2012, 06:19 AM

ليلة الانس فكولي وسع فلعضيده=بالمسي علا طالب وكمين فارس
عندي احلام في هذا السنه ذي جديده=باتحقق بفبراير في وسط مارس

السنه الماضيه فيها مصايب عديده = مافتى فيها يالفتى الف دارس
تاريخ الان يكتب الاججال باتعيده = عن السنين الخوالي يدرسوه في المدارس

طالب النعماني

01-08-2012, 02:49 PM

السلام عليكم ورحمة الله وبركاته

طالب النعماني

01-09-2012, 02:20 PM

حد في العضيده

طالب النعماني

01-10-2012, 09:17 PM

السلام عليكم ورحمة الله وبركاته

الواقعي

01-10-2012, 09:29 PM

السلام عليكم ورحمة الله وبركاته

وعليكم السلام

شي قصيد ولا خليت الحليله هوهناك :FRlol::FRlol:

طالب النعماني

01-10-2012, 10:15 PM

ماشي هواجس يالواقعي

الواقعي

01-10-2012, 10:23 PM

ماشي هواجس يالواقعي

معذور يابوراضي

ماشي يخارج عندك في بلاد القبول حتى لو دخّلوا النت الى شرقي باتيس !!!!!!!!!!!!!!!!!!

:FRlol::FRlol::FRlol::FRlol::FRlol::FRlol:

;kis

حسن محمد سالم باقديم

01-10-2012, 11:00 PM

معذور يابوراضي

ماشي يخارج عندك في بلاد القبول حتى لو دخّلوا النت الى شرقي باتيس !!!!!!!!!!!!!!!!!!

:FRlol::FRlol::FRlol::FRlol::FRlol::FRlol:

;kis

فصل جديد يابوالوليد

في السماء قربعه ماسمعها = من سمعها عطيته بشاره
وان فشلها ينادي خجعها = خل كل فسل يفقع بطاره

وتصبحون على خير ولنا عوده

الواقعي

01-10-2012, 11:23 PM

فصل جديد يابوالوليد

في السماء قربعه ماسمعها = من سمعها عطيته بشاره
والفشل والكاعه صنعها = مايضوون غير الخساره

وتصبحون على خير ولنا عوده

قوم تضرب وتخطي نصعها=كل ميزر محدد عياره
للصبيه مزمّر تبعها=شرحهم زين وسط المداره

وانت بالف خير يا بو الجويد نم قرير العين

محمد سعيد بن مخاشن

01-11-2012, 07:59 PM

قوم تضرب وتخطي نصعها=كل ميزر محدد عياره
للصبيه مزمّر تبعها=شرحهم زين وسط المداره

وانت بالف خير يا بو الجويد نم قرير العين

لا تهتم بالحَـيَــك والحَـجَــم

هرجة الحيك يا الخو قلَعْهــا=حيك وأيضًـا صبي وسْط حاره
ماشي أخلاق عنده رضعها=من عجوزه رضِع لا الكواره

لا = إلاّ

الخليفي الهلالي

01-12-2012, 10:22 PM

لا تهتم بالحَـيَــك والحَـجَــم

هرجة الحيك يا الخو قلَعْهــا=حيك وأيضًـا صبي وسْط حاره
ماشي أخلاق عنده رضعها=من عجوزه رضِع لا الكواره

لا = إلاّ

الله الله ياالمخشني؛؛؛؛؛

العائد1

01-14-2012, 09:04 PM

فصل جديد يابوالوليد

في السماء قربعه ماسمعها = من سمعها عطيته بشاره
وان فشلها ينادي خجعها = خل كل فسل يفقع بطاره

وتصبحون على خير ولنا عوده

ولد فلحه تعنى جمعها = شي صحيحه وشي مستعاره
عملته زائفه ذي طبعها= خانته فطنته والمهاره

طالب النعماني

01-15-2012, 12:13 AM

السلام عليكم ورحمة الله وبركاته

حسن محمد سالم باقديم

01-15-2012, 06:53 AM

صوب مرماه كل من دفعها = يحمل الذنب هو والخساره
كل بدعه ظلاله بدعها = نارها تشتعل وسط داره
لاتجيها ومنك رفعها = يامدقق صحيح العباره
ون كل نفس تهوى صنعها = خاف تلشع يون باالصداره

حسن محمد سالم باقديم

01-15-2012, 12:55 PM

باسعيده

01-15-2012, 01:11 PM

حذف ..تأني .

بن بلخير

01-15-2012, 02:31 PM

كم سئمنا وعفنا لتعها = والطعاره لااهل الطعاره
وانت قايس ضيقها من وسعها = والعسل والصبر في الغضاره
للوجوه القبل في سلعها = والتنطاع خلف الستاره
منه الروس يكثر صدعها = عاكذا الصمت عندي تجاره
وانت توك بشرعك شرعها = حسب نيتك يابن نماره
كل من شل طاقه ذرعها = عامزاجه ورايه وشاره

وانت قايس ضيقها من وسعها = والعسل والصبر في الغضاره
مكسووووووووووووووووووووووووووووووووووووووور
حرفين زائدة والحق عند بن مخاشن!!!!!
والصحيح هو:
وانت قس ضيقها من وسعها !!!!!!!!!! الالف والهاء زائدة يا بو الجويد !!!!!!!!!!!!

حسن محمد سالم باقديم

01-15-2012, 02:57 PM

حياك الله اخي بلخير شكرا لك ودي واحترامي لك نتقبل وجهة نظرك بصدر رحب
من وجهة نظري مافيها كسور والدليل زمل باالقافيه او القوافي كلها وزمل باالفصل ذي ذكرته شكرا جزيلا مع اختصار الحوار لهادف البناء

حسن محمد سالم باقديم

01-15-2012, 04:37 PM

( فصل جديد )

نقدك وتنبيهك كما قرص العسل = ياولد بن بلخير ياسيد الرجال
والنقد لاجاء في محله للعول = يشبه شراب الغيل ومزون السبال
وعلى الصغاير والتربص والجدل = ماهو لكم مكسب ولا لي راس مال
قدرك وقدر القوم لوعندي ثقل = متشابكين الليد عاطيب الفعال
يعلمه ذي عنده مقادير الاجل = ذيهوا عمر كونه بشمسه والظلال
وانته وانا والناس عرضه للزلل = ماحد بري منا ولله الكمال

شكرا لكم نحمل للجميع التقدير والاحترام ومساجلات الزامل لانريد فيها يطول الجدل حيث اسس ذلك شاعرنا الكبير طالب النعماني يشكر على ذلك له ولكم ازكى التحيات

يمامه

01-15-2012, 06:04 PM

حيد العضيده ذا السنه شفته رقل=وان شي غلط بسحب كلامي والمقال
بوصيك ياجلموش لاتسرّع عقل=لاشفت ذي لابس شماغه والعقال

واصل أبن عطاء

01-15-2012, 06:22 PM

حيد العضيده ذا السنه شفته رقل=وان شي غلط بسحب كلامي والمقال
بوصيك ياجلموش لاتسرّع عقل=لاشفت ذي لابس شماغه والعقال

لنسان لا كثرت مزوحه و الهقل=لازم يضويها وتصبح فالتفال
يابنت قولش يشبه البن الجفل=ترمين بالحربه وساعه بالنبال

يمامه

01-15-2012, 06:30 PM

لنسان لا كثرت مزوحه و الهقل=لازم يضويها وتصبح فالتفال
يابنت قولش يشبه البن الجفل=ترمين بالحربه وساعه بالنبال

ماقلت شي والله لايجيب الزعل=مابين لخوه كل شي عاده ينال
ذلا ظننت الشد في ظهر الجمل=لكن ظني بعد ذي قالوه زال

حسن محمد سالم باقديم

01-15-2012, 06:34 PM

عاد الحياء داخل شعابي والعقل = مابعد قصر عمره ولا غادر وزال
ولاغزاه الوقت وسنين الوحل = ولا زمان القرش كلل به كلال
هو حاب في اهله واهله باالمثل = حبوه اهل الصدق والرزق الحلال
ذي جهدهم والسعي عاخير العمل = خير العمل يدفع خبيثين العمال
وان نطعوهم من شبع اهل الفشل= معهم حصانتهم من الفرد الجلال
والثانيه ماني دوع ولا خبل = فطرتي ومواهبي سهمي والنبال
والطيب والايمان في قلبي سبل = باصيبهم باالسهم في جوف الليال
يلهمني المولى خصومي في عجل = وهبات ربك في عبيده لاتزال
عارف لهم والهام من ربي نزل = لاهم وسط جاوه وانا بين الجبال
باب الوكل سلطان واحنا باالوكل = نسمع حوافرهم وقرعات النعال
ماعندنا ناقه لهم ولا جمل = علة فشل والنقص جلاب الوبال
واذية المؤمن كما وزن الجبل = فالي صدق ان كان لي رحمه وفال
جهز كفانك والحنط والمغتسل = من حال عامؤمن عليه الله حال

يمامه

01-15-2012, 06:35 PM

واصل وصل للسوق مثل القرش صل=والجانيه عنده على العلقا وصال
لبغاء الزبد باقوم باجيب الوصل=بانصّب الطيبان بقطب بالنصال

يمامه

01-15-2012, 06:41 PM

يعجبني المكنون من تحت الطفل=يوم انتكش للذري سلّى كل حال
شف في النفس كلن يبا نفسه بطل=لكن وقت الضيق مايصمد محال

البرت

01-15-2012, 06:45 PM

لنسان لا كثرت مزوحه و الهقل=لازم يضويها وتصبح فالتفال
يابنت قولش يشبه البن الجفل=ترمين بالحربه وساعه بالنبال

يابن عطاء النار رشنت في الذبل = وشيذر الرميان عزة في الذبال
لبغا خبر في اللي دخل واللي نزل = والناس مشغوله بميدان النزال
لوشي شفافية وقع مخرج وحل = ومن دغل مفروض ماله شي حلال
وأن كانه إلا زي قوانين الدول = باندفن المبدا مع الناس الدوال

يمامه

01-15-2012, 06:47 PM

الكلام البتي والزين مبدا مشرّع= بين لجواد يلقوا له عبر بندريه
جبت فاسي وفي الخليان ذه باتبرّع=عند لنمار ذي متحب قول البتيه

يرفع للاطلاع

حسن محمد سالم باقديم

01-15-2012, 06:48 PM

واصل وصل للسوق مثل القرش صل=والجانيه عنده على العلقا وصال
لبغاء الزبد باقوم باجيب الوصل=بانصّب الطيبان بقطب بالنصال

من له طلابه يااليمامه مادخل = من كل حرامه لاتقبضه الحلال
قفل النعم لاهو مع واحد هبل = كان الرضه حطبت سددنا والقبال

واصل أبن عطاء

01-15-2012, 06:49 PM

ماقلت شي والله لايجيب الزعل=مابين لخوه كل شي عاده ينال
ذلا ظننت الشد في ظهر الجمل=لكن ظني بعد ذي قالوه زال

منارة المحضار شو فيها خلل=وان ما تصلّح تاليتها للزوالا
والنخله الزينه نخر فيها الجعل=لاتمر با تلقي ولا صلح ضلال

يمامه

01-15-2012, 06:50 PM

على الفصل الجديد ياعم حسن ذاك احترق ومسّاك الله بالرضاء والعافيه

حسن محمد سالم باقديم

01-15-2012, 06:52 PM

الكلام البتي والزين مبدا مشرّع= بين لجواد يلقوا له عبر بندريه
جبت فاسي وفي الخليان ذه باتبرّع=عند لنمار ذي متحب قول البتيه

يرفع للاطلاع

الف حيا بذي له الف منزل ومطلع = نسم الحال من جور السنين الغثيه
كل ماملت من ثنتين وقعت باربع = شي يجيني وشي نااتيه من غير نيه

يمامه

01-15-2012, 06:56 PM

هيل هيلوب في الجلبوب شفت المقطّع=والصواعق وزخات البرد كافريه
من معه زبن بيكنّه يقلد ويخسع= اقبل الغيث مثل الليل تسمع حطيّه

البرت

01-15-2012, 06:57 PM

الكلام البتي والزين مبدا مشرّع= بين لجواد يلقوا له عبر بندريه
جبت فاسي وفي الخليان ذه باتبرّع=عند لنمار ذي متحب قول البتيه

يرفع للاطلاع

من معه فاس لاسنه وخلاه يقطع = قام بهذل بعضيان الخبوت الخليه
مايخاف الذي من فوق ينظر ويسمع = وين بي روح من تعذيب رب البريه

البرت

01-15-2012, 07:03 PM

شي تجمع وشي للأن مبعد تجمع = بس موجود في مكة وفي الخاسكيه
والبضاعة مناظرها تهيّض وتلمع = تايواني ولكن تعجب المشتريه

يمامه

01-15-2012, 07:07 PM

من معه فاس لاسنه وخلاه يقطع = قام بهذل بعضيان الخبوت الخليه
مايخاف الذي من فوق ينظر ويسمع = وين بي روح من تعذيب رب البريه

كل كسوتي من جاوه وتاجي مرصّع=بالجواهر من الصايغ صناعه نقيّه
هاجسي لازعل فوق الاماره تربّع=مثل هيج الجند يهدر عزومه قويّه

يمامه

01-15-2012, 07:09 PM

وينك ياباقديم لحق علينا لبغا فصل جديد

حسن محمد سالم باقديم

01-15-2012, 07:11 PM

من معه فاس لاسنه وخلاه يقطع = قام بهذل بعضيان الخبوت الخليه
مايخاف الذي من فوق ينظر ويسمع = وين بي روح من تعذيب رب البريه

قل مساك الرضاء يازامل ازمل توسع = لليمامه وكم من جيد يسوى سريه
بعطي البرت مقداره وفي الزين بذرع = من عطاني جفل يؤخذ بديله بغيه
والوشل باالوشل والخير عاالخير يجمع = سنة الله في خلقه تجاره نقيه
من حفظها حفظ ذبره ونخله ومقلع = كرمت السيده مريم بغيته هديه

يمامه

01-15-2012, 07:13 PM

ضرب البرت ماهيّض الخاطر=وين المضلع ذي له الردات
ياعم حسن لاتنكّي القاطر=السيل مقبل جود بالمدّات

ديسبة

01-15-2012, 07:15 PM

ضرب البرت ماهيّض الخاطر=وين المضلع ذي له الردات
ياعم حسن لاتنكّي القاطر=السيل مقبل جود بالمدّات

علي أي زامل هذا الفصل بارك الله فيكم؟؟؟؟؟؟؟؟

حسن محمد سالم باقديم

01-15-2012, 07:16 PM

وينك ياباقديم لحق علينا لبغا فصل جديد

فصلوه برؤسكم وتسمروا ياالرجاجيل والقلوب مثل الشاش

يمامه

01-15-2012, 07:16 PM

تزملوا نصف ساعه وبارد لكم خروج اضطراري

حسن محمد سالم باقديم

01-15-2012, 07:19 PM

علي أي زامل هذا الفصل بارك الله فيكم؟؟؟؟؟؟؟؟

كلامك في عين الصواب بارك الله فيك

البرت

01-15-2012, 07:25 PM

علي أي زامل هذا الفصل بارك الله فيكم؟؟؟؟؟؟؟؟

زامل يادسيبة لعد تدقق واجد

المسافر @

01-15-2012, 07:29 PM

سعفكم ياوجيه الخير ابغا تبرع=شي وسع عندكم يهل القلوب السليه
ع صوات الزمل هاجس مع دوب يبدع=مثل ميراج وسط الجو تسمع دويه

ديسبة

01-15-2012, 07:32 PM

زامل يادسيبة لعد تدقق واجد وأنت الصادق حلمنتيشي.

المسافر @

01-15-2012, 07:36 PM

ضرب البرت ماهيّض الخاطر=وين المضلع ذي له الردات
ياعم حسن لاتنكّي القاطر=السيل مقبل جود بالمدّات

يامرحبا بقوال من شاطر=من صغر سنه داهل الجودات
في الضيق يابنت العرب حاضر=علبير بالرسيل لك الزانات

يمامه

01-15-2012, 07:38 PM

يادبيشه انته والبرت ومن شكك في فصلي هذا زامل قبلي من بيحان حبيت اغير به نمط الروتين وان حد بايناطح نحنا بالعضيده حياكم الله جمعا او فرادا وانا لكلمتي

حسن محمد سالم باقديم

01-15-2012, 07:42 PM

ياديسبة هل شي مطر وسبال = عمت دقامش وامتلى المسيال
مشتاق لاشربه هنيه =
وانش زمينه ربنا متعال = واجد وماجد بايزين الحال
جوده ومداته قويه =

ديسبة

01-15-2012, 07:42 PM

يادبيشه انته والبرت ومن شكك في فصلي هذا زامل قبلي من بيحان حبيت اغير به نمط الروتين وان حد بايناطح نحنا بالعضيده حياكم الله جمعا او فرادا وانا لكلمتي

حي بوش ماقصرتي .

يمامه

01-15-2012, 07:43 PM

يامرحبا بقوال من شاطر=من صغر سنه داهل الجودات
في الضيق يابنت العرب حاضر=علبير بالرسيل لك الزانات

حيا المسافر كعبه النامر=في الشعر والقعده وفي الهدّات
ارحب قدم للمجلس العامر=عند الشبامي ذي على العادات

المسافر @

01-15-2012, 07:57 PM

قد جيت من شبوه ومن صافر=في سعفكم باقضي الساعات
حل الدرك شف صاحبك حاظر=لدعيتني باجيك من عينات

يمامه

01-15-2012, 08:13 PM

قد جيت من شبوه ومن صافر=في سعفكم باقضي الساعات
حل الدرك شف صاحبك حاظر=لدعيتني باجيك من عينات

في الهده المهبور والهابر=ماشي ملامه كلها صولات
لكن ذي لكّع لي الخاطر= وبعد قفّا حكّم الشردات
والله ثم والله كل غادر= لابد يرجع وانجح الكيّات
اما المسافر شعره الفاخر=فيه الدوى لي يبري العلات

يمامه

01-15-2012, 08:15 PM

فصل جديد يامسافر ويكون يفهمونه اهل الساحل والوادي والصحرى بارك الله فيك مشتاقين لفصولك

المسافر @

01-15-2012, 08:22 PM

ابشرو بلفصل

ياهجسي في ساحة الميدان =هز المحف عرضه وطوله
ومنهو معه قوه في العظمان= لاقام ماترقل رجوله

ديسبة

01-15-2012, 08:30 PM

ابشرو بلفصل

ياهجسي في ساحة الميدان =هز المحف عرضه وطوله
(ومنهو معه قوه في العظمان)= لاقام ماترقل رجوله
وذا مكسور.........

يمامه

01-15-2012, 08:30 PM

ابشرو بلفصل

ياهجسي في ساحة الميدان =هز المحف عرضه وطوله
ومنهو معه قوه في العظمان= لاقام ماترقل رجوله

طنوب جبته من وطا جردان=ذاك الجنش مجلل سبوله
ذي سار والشقه على العيدان= ماظن بيخايل نزوله

يمامه

01-15-2012, 08:33 PM

وذا مكسور.........

مامكسوره غير لسانك وعزيمتك دخل للساحه وربط على الفصل نفسه من خلال ردي عليه

الخليفي الهلالي

01-15-2012, 08:37 PM

نتابع بشغف لشعراء كبار

يمامه ,المسافر, تقبلوا مروري الثقيل؛؛؛؛؛

يمامه

01-15-2012, 08:39 PM

ياديسبه عوّد من الشطان=الهيج باينقل حموله
والا تعرّب لك بلفة طان=اللحد قد لفّيت حوله

يمامه

01-15-2012, 08:43 PM

يامرحبا ياخليفي شكرا للمتابعه

المسافر @

01-15-2012, 08:50 PM

عندي جفل باقهو الخرمان=متقون جبته ع اصوله
للوعل ذي ينزل علا الرميان=والثعل بايسحب ذيوله

يمامه

01-15-2012, 08:54 PM

طالب حسن وينه هنا مابان= واحنا لهزّج في دهوله
لما متى ياشاعر الرميان=الصيد ماجا بالنهوله

يمامه

01-15-2012, 08:56 PM

اعتذر منك يالمسافر ساعه وبارد ان شالله انشغلت شوي

المسافر @

01-15-2012, 08:57 PM

نتابع بشغف لشعراء كبار

يمامه ,المسافر, تقبلوا مروري الثقيل؛؛؛؛؛

يامرحبا ماحنت الرعدان=ياشهم مبني ع الرجوله
مالحسب الزايد ولاالنقصان=كل باب عندي له قفوله

الخليفي الهلالي

01-15-2012, 09:03 PM

عندي جفل باقهوي الخرمان=متقون جبته ع اصوله
للوعل ذي ينزل علا الرميان=والثعل بايسحب ذيوله

كريم أبن كرام شاعرنا المسافر؛؛؛؛؛

المسافر @

01-15-2012, 09:05 PM

اعتذر منك يالمسافر ساعه وبارد ان شالله انشغلت شوي

معذوره يابنت الرجال وناباروح بامزلي رشبه وباعود

الخليفي الهلالي

01-15-2012, 09:10 PM

يامرحبا ماحنت الرعدان=ياشهم مبني ع الرجوله
مالحسب الزايد ولاالنقصان=كل باب عندي له قفوله

مليووووووووون مرحباً بسعفتك أيها الشاعر القدير؛؛؛؛؛

المسافر @

01-15-2012, 09:33 PM

مليووووووووون مرحباً بسعفتك أيها الشاعر القدير؛؛؛؛؛

وحنا نتشرف بوجودك معنا يلهلاالي

طالب النعماني

01-16-2012, 03:43 PM

السلام عليكم ورحمة الله وبركاته

المسافر @

01-16-2012, 08:11 PM

البرت

01-16-2012, 11:46 PM

فصل جديد

ماديسبه معروف ذلا ديسبه=بلقيه مابين المطاحن والسنون
من مثل ذا فحسابنا مالحسبه=دقق حسابي لجل حمران العيون
مثل الخليفي جيد لاباتكسبه=انشهد انه وعل محجون القرون
معروف من لول ولعرف منسبه=ابن الهلاالي فل المقاعد مايهون

(ماديسبه معـروف ذلا ديسبـه) بدون زعل أخي المسافر راجع هذا الشطر

طالب النعماني

01-17-2012, 03:19 PM

(ماديسبه معـروف ذلا ديسبـه) بدون زعل أخي المسافر راجع هذا الشطر
اخي البريت
هذا البيت موزون تماما
اعتقد انك تقرا البيت خطأ
يجب ان يقراء كذاء
ماديّسبه معروف ذلا ديّسبه يجب تشديد حرف الياء وليس حرف الباء
شكرا لك اخي المسافر وبارك الله فيك ابقاااااااااااك

مصعوف

01-17-2012, 07:03 PM

فصل جديد

ماديسبه معروف ذلا ديسبه=بلقيه مابين المطاحن والسنون
من مثل ذا فحسابنا مالحسبه=دقق حسابي لجل حمران العيون
مثل الخليفي جيد لاباتكسبه=انشهد انه وعل محجون القرون
معروف من لول ولعرف منسبه=ابن الهلاالي فل المقاعد مايهون
والنعم والله فيك وفي الخليفي الهلالي ولا يهون الباقون

مصعوف

01-17-2012, 07:15 PM

فصل جديد

ماديسبه معروف ذلا ديسبه=بلقيه مابين المطاحن والسنون
من مثل ذا فحسابنا مالحسبه=دقق حسابي لجل حمران العيون
مثل الخليفي جيد لاباتكسبه=انشهد انه وعل محجون القرون
معروف من لول ولعرف منسبه=ابن الهلاالي فل المقاعد مايهون

يحسب مخاسيره ويحسب مكسبه=يدخل مع التجار ذي هم يدخلون
والسوق بينّجحه ولّا يرّسبه=والصدق في حله عرب بايرسبون

طالب النعماني

01-18-2012, 03:23 PM

كلاااااااااااااااام كلاااااااااااااااااااام ياشعار
متابعين

سبع الليل

01-20-2012, 04:54 PM

مالليله ألا كل واحد ينتبه=لا قد سمع باهل الزوامل يزملون
أم السلاسل عازمه ومصّلبه=وعيال سنديه عليها يشرحون
ماهي ملامه لاضوت متسّلبه=البخص عامأت الشواهي والدخون

سبع الليل

01-20-2012, 11:57 PM

جاب الفواكه في القصاع امعلبه=واهل الطماعه سبّروا باياكلون
لي ماتعّرب بانجي بنعربه=لكن ابوهم مابغوا يتعربون

بن بريك

01-22-2012, 12:19 AM

جاب الفواكه في القصاع امعلبه=واهل الطماعه سبّروا باياكلون
لي ماتعّرب بانجي بنعربه=لكن ابوهم مابغوا يتعربون

العلم عندك والكره في ملعبه = واهل الطمع شبعوا وقدهم يجشعون
كل من لعب معهم عطوله مرتبه = ذي يحسبون الناس عميان العيون

طالب النعماني

01-23-2012, 07:05 PM

السلام عليكم ورحمة الله وبركاته

ابوبصير

01-24-2012, 10:43 PM

جاب الفواكه في القصاع امعلبه=واهل الطماعه سبّروا باياكلون
لي ماتعّرب بانجي بنعربه=لكن ابوهم مابغوا يتعربون

يالسبع ما عندك ابد شي تجربه = منته من اللي للحلوم يفسرون
تهذر علينا والديار مخربه = شل السلب واخرج مع من يخرجون

ابوبصير

01-24-2012, 10:49 PM

تصبحون على خير

الخليفي الهلالي

01-25-2012, 12:03 AM

اقتباس : المشاركة الأصلية كتبت بواسطة سبع الليل [ مشاهدة المشاركة ]

جاب الفواكه في القصاع امعلبه
واهـل الطماعـه سبّـروا باياكلـون
لــــي مـاتـعّــرب بـانــجــي بـنـعـربــه
لــكــن ابــوهــم مـابـغــوا يـتـعـربـون

العلم عندك والكره في ملعبه = واهل الطمع شبعوا وقدهم يجشعون
كل من لعب معهم عطوله مرتبه = ذي يحسبون الناس عميان العيون

كم هي رائعه وغزيرة تلك المعاني في كلماتكم أخواني الشعار سبع الليل وبن بريك.
أما أبو راضي يبدو أن حليلته مخطوفه أو أنها عجوز مخرًفه لم تعد تجمًع:):)

ماسيل أحتجاء في شئ عقله؛؛؛؛؛

سبع الليل

01-25-2012, 09:17 PM

يالسبع ما عندك ابد شي تجربه = منته من اللي للحلوم يفسرون
تهذر علينا والديار مخربه = شل السلب واخرج مع من يخرجون

هذه بشر يابوبصير امذبذبه= على المصاحف الاربعه بايحلفون
من دِلّهم كُل لن يكذب صاحبه=حتى على خمسه شلن يتقاتلون
واحنا أوادم صاغيه ومهذبه=والله ما أتبعهم على مايشتهون

يمامه

01-25-2012, 10:00 PM

باع المحر والهيج طالب بن حسن=والضمد باعه والحجل كلّه قلاط
قد كان ذاك الوقت يفتح عالوثن=خبره ومرجع للعرب وادي وساط

يمامه

01-25-2012, 10:02 PM

معذره التنسيق مايعمل عندي

بن بريك

01-25-2012, 11:27 PM

هذه بشر يابوبصير امذبذبه= على المصاحف الاربعه بايحلفون
من دِلّهم كُل لن يكذب صاحبه=حتى على خمسه شلن يتقاتلون
واحنا أوادم صاغيه ومهذبه=والله ما أتبعهم على مايشتهون

من شان ذاك الحلم لازم ننتبه = نحذر من الصاحب ومن حسن الظنون
من درسنا الاول حفظنا التجربه = والطعن يا معسره طعن الاقربون

بو مجيد

01-26-2012, 01:31 AM

باع المحر والهيج طالب بن حسن=والضمد باعه والحجل كلّه قلاط
قد كان ذاك الوقت يفتح عالوثن=خبره ومرجع للعرب وادي وصاط

طالب وقف بالباب قابض باللّون=شيّب وجاه الضعف من بعد النشاط
مرة مع الثوار يدعي للوطن= و احيان يدعيهم بفك الارتباط

المصنعه

01-26-2012, 10:51 AM

صباح الخير

الخليفي الهلالي

01-26-2012, 12:08 PM

طالب وقف بالباب قابض باللّون=شيّب وجاه الضعف من بعد النشاط
مرة مع الثوار يدعي للوطن= و احيان يدعيهم بفك الارتباط

مرحيب مرحيب با بومجيد بك وبكل الشعًار وحقيقه أفتقدنا شعار كثر ومنهم ,المسافر,ديسبه,حنطبه,وآخرين نحبهم ونقدرهم
وليسامحوني في عدم ذكر أسمائهم حتى لا أطيل على القارئ.
ويا حول حولاه بالسيل الكبير,الشاعر طالب باتيس النعماني وينك.؟. اليوم مساجلات الزامل الشعبي أمتلت بالبر الميساني ولبا
منك معصوبه مع العسل الدوعني والسمن بلدي:FRlol::FRlol:؛؛؛؛؛

محمد سعيد بن مخاشن

01-26-2012, 02:02 PM

طالب وقف بالباب قابض باللّون=شيّب وجاه الضعف من بعد النشاط
مرة مع الثوار يدعي للوطن= و احيان يدعيهم بفك الارتباط

والله نرجا الخير لا كل اليمن=ويومهم قد وقّفوني عا الصراط
حبّك وحب مجناك يا وادي تبن=لكن قدا عندل فؤآدي دوب شاط
با احزم اموري بعد ما ضوّي رشَن=وإعطوني المهله إلى تالي شباط

بو مجيد

01-26-2012, 02:28 PM

مرحيب مرحيب با بومجيد بك وبكل الشعًار وحقيقه أفتقدنا شعار كثر ومنهم ,المسافر,ديسبه,حنطبه,وآخرين نحبهم ونقدرهم
وليسامحوني في عدم ذكر أسمائهم حتى لا أطيل على القارئ.
ويا حول حولاه بالسيل الكبير,الشاعر طالب باتيس النعماني وينك.؟. اليوم مساجلات الزامل الشعبي أمتلت بالبر الميساني ولبا
منك معصوبه مع العسل الدوعني والسمن بلدي:FRlol::FRlol:؛؛؛؛؛

و مرحيب بك اكثر يا عم محمد و الف مبروك على الجايزة و قصيدك تعيد الامل لدى كل الفئات العمرية و الشباب كلهم في صفك و الى الأمام يا شيخ العشاق:FRlol::FRlol: وقال الشاعر :
و لا يا مرحبا اهلا وسهلا = وسنّد بندقك عند الرماحي
ولو شفت راس الشاب ينطح = شف عاد راس الشيبة اقوى للنطاحي

ولقد مررت بكثير من المنتديات اما سقيفة الشبامي فلها نكهة اخرى فهي البوتقة التي انصهرت فيها جميع الثقافات الحضرمية بكل اطيافها وها انا ذا عدتُ.

بو مجيد

01-26-2012, 02:54 PM

والله نرجا الخير لا كل اليمن=ويومهم قد وقّفوني عا الصراط
حبّك وحب مجناك يا وادي تبن=لكن قدا عندل فؤآدي دوب شاط
با احزم اموري بعد ما ضوّي رشَن=وإعطوني المهله إلى تالي شباط

ابن الحمومي في الثقافة من عدن=رمز التفاني اسوتي في الانضباط
يشبه في الميدان مستر تايسن=لا ما كَفَا ضربه تفوّق بالنقاط

بو مجيد

01-26-2012, 03:20 PM

با احزم اموري بعد ما ضوّي رشَن=وإعطوني المهله إلى تالي شباط

دنيا عجيبه و انت يا فاطن فطن= من قد تبلّت به يظلّي في صعاط
من ما حَكَم مبناه عالساس اعتكن= بعد الفراش الزين يمسي عالبلاط

انت خطيييييييير يالمخشني

سبع الليل

01-26-2012, 09:33 PM

والله نرجا الخير لا كل اليمن=ويومهم قد وقّفوني عا الصراط
حبّك وحب مجناك يا وادي تبن=لكن قدا عندل فؤآدي دوب شاط
با احزم اموري بعد ما ضوّي رشَن=وإعطوني المهله إلى تالي شباط

يابن مخاشن من معه رطنه رطن=لي كسّروا راسي وراسك بالخراط

معاد بانظهر لهم شي حُسن ظن=ماليوم شفه الا عبر وقت الصفاط

مادامه السكين يدري عالمسن=ماشي عوافي باتقع لك وامبساط

بن بريك

01-27-2012, 01:02 AM

والله نرجا الخير لا كل اليمن=ويومهم قد وقّفوني عا الصراط
حبّك وحب مجناك يا وادي تبن=لكن قدا عندل فؤآدي دوب شاط
با احزم اموري بعد ما ضوّي رشَن=وإعطوني المهله إلى تالي شباط

جيناكم الليله وبعلنها علن = احساس عندي ماتعيش الامبساط
هذه بلدنا والنفوس إلها تحن = لكن بها شيطان يضرب بالسياط

شهد الملكه

01-27-2012, 02:08 PM

السلام عليكم ورحمة الله وبركاته

المسافر @

01-27-2012, 08:01 PM

باع المحر والهيج طالب بن حسن=والضمد باعه والحجل كلّه قلاط
قد كان ذاك الوقت يفتح عالوثن=خبره ومرجع للعرب وادي وساط

الحب فطاحون عاده منطحن= ياذي تبا تكزم ومديت البساط
لاتحسب ان صنعا كما بندر عدن= والقاهره ماهي مثيله لرباط

المسافر @

01-27-2012, 08:04 PM

السلام عليكم ورحمة الله وبركاته

وعليكم سلام الله ياشهد حالي=صنعت النوب ذي يجنى الغصون الطريه
شي وسل عندكم للعشق ذي سم حالي=مملكتكم تحن فيها ثنعشر سريه

شهد الملكه

01-27-2012, 10:18 PM

السلام عليكم ورحمة الله وبركاته

معاد ذه كُبره فيكم حتى السلام متردونه

سبع الليل

01-27-2012, 10:47 PM

معاد ذه كُبره فيكم حتى السلام متردونه

ماعاش لي يتكبر عليك ياشهد
وعليكم السلام ورحمة الله وبركاته واسعد الله مساك الله يحفظك ويبارك فيك يالطيب

ابو محسن الهميمي

01-27-2012, 11:32 PM

السلام عليكم ورحمة الله وبركاته

ابو محسن الهميمي

01-27-2012, 11:35 PM

حد في العضيده

شهد الملكه

01-27-2012, 11:36 PM

السلام عليكم ورحمة الله وبركاته

وعليكم السلام ورحمة الله وبركاته

بو مجيد

01-27-2012, 11:38 PM

مرحيب مرحيب با بومجيد بك وبكل الشعًار وحقيقه أفتقدنا شعار كثر ومنهم ,المسافر,ديسبه,حنطبه,وآخرين نحبهم ونقدرهم
وليسامحوني في عدم ذكر أسمائهم حتى لا أطيل على القارئ.
ويا حول حولاه بالسيل الكبير,الشاعر طالب باتيس النعماني وينك.؟. اليوم مساجلات الزامل الشعبي أمتلت بالبر الميساني ولبا
منك معصوبه مع العسل الدوعني والسمن بلدي:FRlol::FRlol:؛؛؛؛؛

و مرحيب بك اكثر يا نسل بو زيد و العفو انا اعتقدت ان المشاركة و الترحيب بواسطة العم محمد بن مخاشن وقد ربشني باقوالة التي تحتمل عشرين معنى كما تعرفون و ما اخذت بالي من الاسم و على العموم اعتذر اليك يا مشرفنا العزيز الخليفي الهلالي

ابو محسن الهميمي

01-27-2012, 11:52 PM

حد في العضيده ياشباب

شهد الملكه

01-27-2012, 11:57 PM

حد في العضيده ياشباب

نقح طرح لي في راسك يالهميمي

الخليفي الهلالي

01-28-2012, 01:04 AM

و مرحيب بك اكثر يا نسل بو زيد و العفو انا اعتقدت ان المشاركة و الترحيب بواسطة العم محمد بن مخاشن وقد ربشني باقوالة التي تحتمل عشرين معنى كما تعرفون و ما اخذت بالي من الاسم و على العموم اعتذر اليك يا مشرفنا العزيز الخليفي الهلالي

أنا والمخشني واحد وأنا عرفت أنك سارف في الرد ولذالك سكت حتى ابعد عنك الأحراج

وكلكم على راسي يابومجيد؛؛؛؛؛

ابو محسن الهميمي

01-28-2012, 01:09 AM

هاجسي لاحضر بيجيب ستين محضر =والنبي ماقصر واليوم شبت نياره
بايجيب الدرر والهرج فني مزرزر =مايهاب العسر بين الذيب والنماره

المسافر @

01-28-2012, 01:14 PM

مرحبا بدرر=من عند هيج بتهدر=ذي تجي فلعسر=تندرمع كل غاره
هاجسي لاحظر=بيجيك من خور مكسر=بايصدر خبر=يحظر معك فصداره

الخليفي الهلالي

01-28-2012, 01:50 PM

مرحبا بدرر=من عند هيج بتهدر=ذي تجي فلعسر=تندرمع كل غاره
هاجسي لاحظر=بيجيك من خور مكسر=بايصدر خبر=يحظر معك فصداره

متابعين من على ساحل أبين يالمسافر سلمت بما خطيت ونظمت؛؛؛؛؛

ابو محسن الهميمي

01-28-2012, 11:02 PM

مرحبا بدرر=من عند هيج بتهدر=ذي تجي فلعسر=تندرمع كل غاره
هاجسي لاحظر=بيجيك من خور مكسر=بايصدر خبر=يحظر معك فصداره

باتسمر سمر لما قد الشمش تظهر =والمسافر حضر جاب الدرر من بحاره
والمشير انتصر صفر وحمر وخضر =باالجواز العسر يختم ويدخل مطاره

بن بريك

01-28-2012, 11:32 PM

شفتها بالنظر واللي معه عين ينظر = باتجي بالبصر والشعب يطلب بثاره
تحت رش المطر واقف وعالبرد بصبر = طالبين السمر والعاف يكوى بناره

ابو محسن الهميمي

01-28-2012, 11:59 PM

حس عضمي بشر والحال عندي مكدر =يوم ذولا البشر كلين نفذ قراره
والمواطن صبر ياشيخ عالبرد والحر =ماهني واستقر حارس على باب داره

بن بريك

01-29-2012, 12:22 AM

يالهميمي صبر مادامك اليوم تقدر = من صبر قد ظفر ولا تجيه الخساره
باتطول القمر بالين في العسر تعبر = والقسي ينكسر ولا تجيه البشاره

ابو محسن الهميمي

01-29-2012, 12:41 AM

بالزر الوتر عالخصم والجيد يحذر =لاوصله الخبر يوبه لاول اشاره
وين وعل النتر في الدقم ينزل ويضهر =مايهاب العسر عامد براس المساره

طالب النعماني

01-29-2012, 04:16 PM

السلام عليكم ورحمة الله وبركاته

ابو محسن الهميمي

01-29-2012, 08:23 PM

وعليكم السلام ورحمة الله وبركاته

الطامع

02-01-2012, 12:37 AM

السلام عليكم ورحمة الله وبركاته .. وعساكم بخير يالحلان جميعاً

عد شي معاكم في السقيفه قوت = جيعان وعروقي ظمانه

ماحوق عارجلي دحق لو فوت = يهل الكرم يهل الزيانه

نا آدمي جيز الخلائق موت = مغصوب عا رد الأمانه

عد الذيهم فالبيوت اسكوت = مثل الذي هو في كفانه

الطامع

02-01-2012, 11:28 AM

غلق رصاص الميزر المصيوت = والعيلماني من امانه

ليهو ثرم يمضغ على الفرتوت = تحسبه في اثمه لبانه

من يوم صار الحصن مثل الكوت = هاجسي وقف في مكانه

اشباب ظاهر والعظام اربوت = وعلي تحصل عا حصانه

حنطبه

02-01-2012, 04:57 PM

ابخيت يتخبر على مبخوت = واثنينهم بأرض الكنانه
والحبل ذي مابينهم مفلوت = كلن يدور ع رصانه
والحيد ذي فوق البوه منحوت = من ضرب بيت عيلمانه
من فوقهم خلى الخبل مفروت = ماعرف يساره من يمانه

حنطبه

02-01-2012, 05:13 PM

في العضيدة أحد يارجال ؟

بن بريك

02-01-2012, 09:16 PM

الطامع

02-02-2012, 01:01 AM

ابخيت يتخبر على مبخوت = واثنينهم بأرض الكنانه
والحبل ذي مابينهم مفلوت = كلن يدور ع رصانه
والحيد ذي فوق البوه منحوت = من ضرب بيت عيلمانه
من فوقهم خلى الخبل مفروت = ماعرف يساره من يمانه

من قبولت بخضر وبايعشوت = الهيثمي قرت لسانه

كله سبب ذا بوعصا مسحوت = شيطان طاري عالشطانه

خرج ذا فصل والثاني

02-02-2012, 01:49 AM

مــــــــــن حــنــطـــبـــه تـــســــمــــع قـــــوافــــــي شــنـــطــــــبـــه**مــــــثــــــل الــــمــــشــــوك والــــــرصــــــاص الــعــيـــلـــمـــان
والــشــنــطــبـــه ســـــــــــر الــــــبــــــوه فــــــــــــي حـــنـــطـــبـــه**بــــــــه يــعـــرفـــوه الــــنــــاس فـــــــــي هـــــــــذا الــــزمـــــان

قله توقع وعل شوني با انطبه**ماكرسع الا بالقناصة في السمان
واللحم وسط الجلد حطه قنطبه**مفروت ع الصليات خليت الامان

خرج ذا فصل والثاني

02-02-2012, 02:04 AM

مرحبا مرحبا والشعب هلل وكبّر = قاد ثوره على الفاسد وزلزل حصونه
مقصده للوطن دستور ثاني يسطّر = ينشر العدل في الديره يثبت ركونه
أرفع الصوت شله خلني باتسمّر = كل حاقد عساه اليوم تعمى عيونه
كل عالم مفكر عن بلدنا تخبّر = منهل العلم والحكمة وفيها مزونه

الف حيا وســــــــــــهلا بالكلام المشفر=ريت ذا صدق ياشيخ العرب يفعلونه
غاب سكني انا فزعــــان شيطان يظهر=يالبريكي بفعل الظــــــلم با يظهرونه
والتآمر حصـــــــل بس قــول هذا مقدر=خافوا الله ياللي بالحـــــــصانه تبونه
والرصاصه لها بالصوب مدخل ومـندر=دمو الجرح مـا من الشمالي مـــعونه

طالب النعماني

02-02-2012, 08:51 PM

السلام عليكم ورحمة الله وبركاته

يمامه

02-02-2012, 11:24 PM

السلام عليكم ورحمة الله وبركاته

باع المحر والهيج طالب بن حسن=والضمد باعه والحجل كلّه قلاط
قد كان ذاك الوقت يفتح عالوثن=خبره ومرجع للعرب وادي وساط

طالب النعماني

02-03-2012, 12:05 AM

باع المحر والهيج طالب بن حسن=والضمد باعه والحجل كلّه قلاط
قد كان ذاك الوقت يفتح عالوثن=خبره ومرجع للعرب وادي وساط

واش عاد لي في الهيج يافاطن فطن=نحن مطالبنا بفك الارتباط
ولعاد ابا وحده مع شعب اليمن=في الراهده لازم تردون النقاط

يمامه

02-03-2012, 12:15 AM

حيّا زمان السمن ذي فوق اللبن=وحدك شربته يوم تمشي بالسراط
واليوم مولا موديه خلّا عدن=معاد له فيها ولاشل الخطاط

خرج ذا فصل والثاني

02-03-2012, 02:41 AM

الله يفك التعكــــــــــيه بين الزون**تملا الدلا والشعق يوقع له خياط

بو مجيد

02-03-2012, 04:30 AM

واش عاد لي في الهيج يافاطن فطن=نحن مطالبنا بفك الارتباط
ولعاد ابا وحده مع شعب اليمن=في الراهده لازم تردون النقاط

دعوة قديمة من قدا اجدادك سرت = حاطت بك الدعوة اثرها فيك حاط
انته يماني قولها لك من محب = لا له في الطُرّف و لا له في الوساط

يمامه

02-03-2012, 08:58 AM

صباح الخير فيه خلل بعذب القوافي المشاركات ماتطلع

سبع الليل

02-03-2012, 06:41 PM

دعوة قديمة من قدا اجدادك سرت = حاطت بك الدعوة اثرها فيك حاط
انته يماني قولها لك من محب = لا له في الطُرّف و لا له في الوساط

ماحد يباء الدعوه سرت ولا ضوت=نحنا نفيناها بقوه واشتراط
واليوم بانلقي لها يالجيد طب=وانته معانا بالوفاء والانطباط:lol:

شهد الملكه

02-03-2012, 06:59 PM

السلام عليكم ورحمة الله وبركاته

المسافر @

02-03-2012, 08:45 PM

صباح الخير فيه خلل بعذب القوافي المشاركات ماتطلع

خل عنك الخلل والهرج ذيهو مخلل=شل منه وخل كل خل يسند خليله
من يريد العمل شور علا ضمد تعمل=ذي تطلع جحل وسط الدهول الطويله

يمامه

02-03-2012, 10:11 PM

خل عنك الخلل والهرج ذيهو مخلل=شل منه وخل كل خل يسند خليله
من يريد العمل شور علا ضمد تعمل=ذي تطلع جحل وسط الدهول الطويله

لاترتّب وقل والصيد مبعد تقلل=لاطلع عالعقل باقول لك حقليله
حصنهم مارقل حاسب تريّض تعقّل=ناظرين القبل والشهم يكرم قبيله

ابو محسن الهميمي

02-04-2012, 02:36 AM

فصل محكوم من شاعر مثيل المهلهل =لانظر لليمامه صاح وسط القبيله
قربوله حصانه حرب مابا يتمهل =يارجال الزلب يهل القرون الجليله

طالب النعماني

02-05-2012, 03:19 PM

السلام عليكم ورحمة الله وبركاته

شهد الملكه

02-05-2012, 03:22 PM

السلام عليكم ورحمة الله وبركاته

وعليكم السلام ورحمة الله وبركاته

شطرنج

02-05-2012, 06:52 PM

السلام عليكم ورحمة الله وبركاته

طالب النعماني

02-06-2012, 05:30 PM

وعليكم السلام ورحمة الله وبركاته

سبع

02-09-2012, 10:21 AM

حان وقت الزمل والجيد يدخل ويفصل =هاجسي في عجل والقول عندي دليله
راعده قد زجل في راس منشي ورسل =وين اهل المحل ذي ساكنين الطويله

صقر الوديان

02-09-2012, 10:37 AM

السلام عليكم ورحمة الله وبركاته

سبع

02-09-2012, 10:59 AM

الهبل والخبل قدهم من العام لول =خربو في المحل كمن محلل هبيله
حد مقاتل يقاتل جيت انااليوم بقتل =في الوعول الهمل وسط الجبال الظليله

بوشاكر

02-09-2012, 02:15 PM

السلام عليكم ورحمة الله وبركاته

سالم الدهبلي

02-09-2012, 06:43 PM

وعليكم السلام ورحمة الله وبركاته

الطامع

02-10-2012, 12:43 PM

الهبل والخبل قدهم من العام لول =خربو في المحل كمن محلل هبيله
حد مقاتل يقاتل جيت انااليوم بقتل =في الوعول الهمل وسط الجبال الظليله

ريت واحد قبل والفسل ما با تقبل = شوفهم عاقلل في كل سمره وقيله

شل غرس البقل في وسط بطحه وبقل = مات زرعه وكل ذي مايشاور خليله

سبع الليل

02-10-2012, 11:33 PM

ريت واحد قبل والفسل ما با تقبل = شوفهم عاقلل في كل سمره وقيله

شل غرس البقل في وسط بطحه وبقل = مات زرعه وكل ذي مايشاور خليله

عاد شي في الوسل قل لليماني توسّل= واعترف بالدول وأهل الحقوق الدويله
بدلّوبك بدل يا ذا الغشيم المبّدل= من يساير هبل قل له سرح يالهبيله

الطامع

02-11-2012, 01:20 AM

عاد شي في الوسل قل لليماني توسّل= واعترف بالدول وأهل الحقوق الدويله
بدلّوبك بدل يا ذا الغشيم المبّدل= من يساير هبل قل له سرح يالهبيله

فين ذاك الجمل يا السبع وينه مجمل = لي يشل الحمل لافوق شنته وخيله

مافي ظن يصل والدرب كله مفصل = وان عمل ما عمل عاد الحموله ثقيله