مساجلات الزامــــل الشعبي

[محمد سعيد بن مخاشن]

وين ردك يالمخشني شكر اخي ابو راضي على تنسيقك للابيات


سلام للمغدور ذي منّي و في=يا نجم من بين النجوم الزاهرين
مشكور عا ما قلت لا يا الأجودي=لكنني معْرِفْك إنته من فيين
وليه يا صاحب تتمي مختفي=مثل العمودي كان خادع في السرين
لُمّـا عرفنا إنه أحمد صاحبي=قمنا سحبنا قفدته هي واليدين
قلنا خرج للضوء يا ولْد الولي=ما يخدع ألا من لقى سيئ وشين

محمد بن سعيــد بن مخــاشــن

[صالح باعمران ابو زايد]

قولو لبو فيصل كلامك لوّلي=زاع الجبل يا صاحب العقل الرزين
شاعر و متمكّن معك هاجس قوي=معروف مابين العرب والمسلمين
لكنْ بعض احيان تتسرع شوي=تمشي على اليسرى وساعة عاليمين
خلّك على نهج السلف يالمربعي=خلّك كما ربعك وأهلك لوّلين
ونته رجل عاقل وتعرف كل شي=ما باك تطلع للحيود النايفين
ما باك من فوق الشوامخ ترتدي= وتحطّ وسْط النار لي ترشين رشين

[طالب النعماني]

كيف ماتبى بوعمود يطلع الحيود العاليه
مابوعمود مايعبر الا عالحيود النائفه ولايجيب الهابطيه يابزوايد

[صالح باعمران ابو زايد]

ابو عمود اخوي
بس مجرد كلام في كلام

[خالد بن مهنا]

قولو لبو فيصل كلامك لوّلي=زاع الجبل يا صاحب العقل الرزين
شاعر و متمكّن معك هاجس قوي=معروف مابين العرب والمسلمين
لكنْ بعض احيان تتسرع شوي=تمشي على اليسرى وساعة عاليمين
خلّك على نهج السلف يالمربعي=خلّك كما ربعك وأهلك لوّلين
ونته رجل عاقل وتعرف كل شي=ما باك تطلع للحيود النايفين
ما باك من فوق الشوامخ ترتدي= وتحطّ وسْط النار لي ترشين رشين
كلااااااااااااااااااااااام كلااااااااااام انا اشهد انك شاعر ياباعمران

بيض الله وجهك والجماعه مايهونون ولافيهم قاصر

[أحمد العمودي أبوفيصل]

سلام للمغدور ذي منّي و في=يا نجم من بين النجوم الزاهرين
مشكور عا ما قلت لا يا الأجودي=لكنني معْرِفْك إنته من فيين
وليه يا صاحب تتمي مختفي=مثل العمودي كان خادع في السرين
لُمّـا عرفنا إنه أحمد صاحبي=قمنا سحبنا قفدته هي واليدين
قلنا خرج للضوء يا ولْد الولي=ما يخدع ألا من لقى سيئ وشين

محمد بن سعيــد بن مخــاشــن

مخدع ساعه دوب نندر لولي = لاسمعت حد صيح بصوت الغافلين
اما السره قسم البقر ياصاحبي = ولادخلها وعل حامل اربعين
يدي توطي الغصن لي مايلتفي = والذري منحطه سوى في خير طين
ولعاد شي حاجه نوضح كل شي = هذا كلامي وانت افطن يافطين

[أحمد العمودي أبوفيصل]

قولو لبو فيصل كلامك لوّلي=زاع الجبل يا صاحب العقل الرزين
شاعر و متمكّن معك هاجس قوي=معروف مابين العرب والمسلمين
لكنْ بعض احيان تتسرع شوي=تمشي على اليسرى وساعة عاليمين
خلّك على نهج السلف يالمربعي=خلّك كما ربعك وأهلك لوّلين
ونته رجل عاقل وتعرف كل شي=ما باك تطلع للحيود النايفين
ما باك من فوق الشوامخ ترتدي= وتحطّ وسْط النار لي ترشين رشين

حيا وسهلا بالعسل هو والضبي = من عند شاعر جات في فيجان صين
من عند بوزايد وهو شرعه وفي = وفي الزين شو قسمه ربع زايد ثمين
ريض ولابسرع بخط الدائري = وان حد تجاوزغصب بيذوق الونين
من كان له مارب وله مغزا خري = مابيصل عند النجوم الزاهرين
رصيت كمن حيد شف عضمي قوي = وترص رجلي عالحيود النايفين
يالي رشنت الكير لازم ينطفي = من قبل معكنها على راسك عكين
وانك بغيت الصدق مني بايجي = لي روع يبدر دوب عالحم السمين
الزين مابيعه سوى له نشتري = والعيف له من خلف حذيه والعنين

[محمد سعيد بن مخاشن]

الجرو ذيله ما طُهُر قل للقفي=لو ميت غسله واحده منهن بطين
نحنا غريسة لرض قبل السامري=وأهل كربل جو قدانا لاجئين

الســــامري = ظهــر أيام سيدنا موســــى
محمد ين سعيــد بن مخــاشــن

[طالب النعماني]

كلاااااااااااااااااااام كلااااااااااااااااااااااااااااام يابوعمود

[مرعي بن صالح بن سميدع]

كلاااااااااااااااااااااااااااام كلااااااااااااااااااااااااااااااااااااااااام ثقيل وابداع جميل

[شجين]

كن الزامل شوفه ؟؟؟؟ قدها ذيول جروان؟؟؟؟؟؟؟؟؟؟؟؟؟؟؟؟؟ بس ومالوه با لقول كلااااااااااااااااااااااااااام
كلاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا م -- ثقيل اثقل من الحيود وابداااااااااااااااااااااع جميييييييييييييييييييييييييييييييييييييييييييييييي يييييييييل

[أحمد العمودي أبوفيصل]

الجرو ذيله ما طُهُر قل للقفي=لو ميت غسله واحده منهن بطين
نحنا غريسة لرض قبل السامري=وأهل كربل جو قدانا لاجئين

الســــامري = ظهــر أيام سيدنا موســــى
محمد ين سعيــد بن مخــاشــن

المخشني وحده بغا نفسه تقي = يومه بغا نفسه سيد العارفين
بعد اللبن والريب راكب كامري = بطل في الثيران والكبش السمين
وش جاك تهجم عالحبيب الهاشمي = سيد ولاعديت بتعده ثنين
الهرج لي جاني انا منه بري = مخصوص للسيد وانتم فاهمين

[أحمد العمودي أبوفيصل]

ذافصل يالهاجس فتح بيبان = مادام لك همه قويه
زعلان من طالب انا زعلان = يعبر ولايسلم عليه
كل ماكتبته داخل الديوان = ان كان جم والاشويه
لو كان عقب ياصحاب الشان = لامر بضرب له تحيه

[محمد سعيد بن مخاشن]

اخي طالب ... نبغى نتعقب شوية. بو عمود يطلع نحن ساعة عقبة وساحة حسر. المهم سمعت أبيات قليلة من قصيدة جدك بو راضي رحمه الله رواها لي سليمان بن غانم بن حيدرة وآل بازير قدهم أخواله:


قال المعنى في الداجي فقد رشده=قاسى الشدايد وغيظه والحمق مكتوم
لا عتم الليل بو راضي نزر قهده=ساعة تقلب على جنبي وساعة قوم
ذلا عسى اللطف لي من واسع المده=ظني وشكواي لك يا حي يا قيوم

أرجو إن كانت هذه القصيدة منشورة في السقيفة كمشاركة مستقلة أن تخبرنا بذلك أو فضلا بادر بنشرها على شان الإخوة يشوفوا الفرق بين البغية والمرمليد ( نوع من المربى القار ).

محمد بن سعيــد بن مخــاشــن

[صالح باعمران ابو زايد]

ذافصل يالهاجس فتح بيبان = مادام لك همه قويه
زعلان من طالب انا زعلان = يعبر ولايسلم عليه
كل ماكتبته داخل الديوان = ان كان جم والاشويه
لو كان عقب ياصحاب الشان = لامر بضرب له تحيه

يامرحبا ما حنت الرعدان=بالغيث لي روّح عشية
بسقي خطم نوح مع سيبان=يالله عسى شربة هنيّة
مولى الخزانة فتّح البيبان=للضيف وصحاب العنية
ريته يعدّل شوكة الميزان=من شان نطلع بالسوية

[صالح باعمران ابو زايد]

كلاااااااااااااااااااااااااااام كلااااااااااااااااااااااااااااااااااااااااام ثقيل وابداع جميل

يابن سميدع يارفيع الشان=مشتاق لقراص البغية
هت لي من الصافي عسل جردان=حتى من الحاصل شوية
لا تعتذر يا شيذر الرميان=لجلي ولو تسري سرية
كل العسل موجود في الدكان=وانواع معروضه عليه
ماشئ عجبني قال باعمران=مرية وسبب لي اذيه

[طالب النعماني]

[QUOTE=المخشني]اخي طالب ... نبغى نتعقب شوية. بو عمود يطلع نحن ساعة عقبة وساحة حسر. المهم سمعت أبيات قليلة من قصيدة جدك بو راضي رحمه الله رواها لي سليمان بن غانم بن حيدرة وآل بازير قدهم أخواله:


قال المعنى في الداجي فقد رشده=قاسى الشدايد وغيظه والحمق مكتوم
لا عتم الليل بو راضي نزر قهده=ساعة تقلب على جنبي وساعة قوم
ذلا عسى اللطف لي من واسع المده=ظني وشكواي لك يا حي يا قيوم

أرجو إن كانت هذه القصيدة منشورة في السقيفة كمشاركة مستقلة أن تخبرنا بذلك أو فضلا بادر بنشرها على شان الإخوة يشوفوا الفرق بين البغية والمرمليد ( نوع من المربى القار ).

محمد بن سعيــد بن مخــاشــن [/QUOT
حياك الله عم محمد
القصيده موجوده تحت عنونان من عيون الشعر الحضرمي بعنوان مستقل
وان شالله سااعيدها للصفحه الاولى
اشكرك جزيل الشكر واتنمى ان لاتتركنا في الزامل ياعم محمد

[طالب النعماني]

ذافصل يالهاجس فتح بيبان = مادام لك همه قويه
زعلان من طالب انا زعلان = يعبر ولايسلم عليه
كل ماكتبته داخل الديوان = ان كان جم والاشويه
لو كان عقب ياصحاب الشان = لامر بضرب له تحيه

ماباك تزعل يارفيع الشان=ياصاحب النفس الزكيه
ياذي كلامك يفرح الحمسان=كانه عسل صافي بغيه
قل للعمودي ولد باعمران=بضرب وضرباته قويه

[أحمد العمودي أبوفيصل]

ماهمني سالم ولاسلمان = وان حد مسويلي اذيه
ليهو بغا نفسه كمى هامان = قله يهدي له شويه
الليل لاغدر تجي الحنشان = فزعان لاتقبصك حيه
لازلت من طالب انا زعلان = مازال طالب عالخطيه
بن عدل الشوكه على الميزان = واوزن بعبره بندريه
والافسحنا في صوات الدان = ياهل الشروع النومسيه

[محمد سعيد بن مخاشن]

سلام منّي عا رفيع الشان=ذي حاز كل المشيخيه
بيت العمودي رازي البنيان=ما با تزوعه مدفعيه
شادوه في السابق عرب ذِرْبان=أهل المواجب والعنيه
لا يا حمد خلِّه على ما كان=لا تنقض إمباني قويه

[محمد سعيد بن مخاشن]

ياذي كلامك يفرح الحمسان=كانه عسل صافي بغيه



وإنته كلامك يشفي المرضان=كنِّه دواء من صيدليه
لكن مِقِل ما تروي الظميان=قاطر دجون(ن) معتليه
وألا شبيه البدر في شعبان=في كل سنه يظهر شويه

[أحمد العمودي أبوفيصل]

سلام منّي عا رفيع الشان=ذي حاز كل المشيخيه
بيت العمودي رازي البنيان=ما با تزوعه مدفعيه
شادوه في السابق عرب ذِرْبان=أهل المواجب والعنيه
لا يا حمد خلِّه على ما كان=لا تنقض إمباني قويه

ساسي قوي منذو قديم ازمان = بانيه عالارض القويه
حليت شفني خيرة الوديان = منذو السنين الاوليه
ونحسب الزايد مع النقصان = لاياهل العقول الذكيه
يالمخشني عدك على الايمان = يشهد علي رب البريه

[المهيب]

هاجس معي بايروي العطشان = واهل العقول النومسيه
لاكن هو قد له سنه وحلان = ماشاف شي حاجه قديه
ماشاف ظابط او لوى وركان = مسوى البيع والمشتريه
ومجامله من صاحب الدكان = واقصد بها مولى العنيه
جمع لنا صكه وجو عميان = كلن معه خبره خليه
قالوا يبو فرعون او هامان = ماحد معه شي طيب نيه
ريت الشبامي يقفل البيبان = باشوف بقعاء مستويه

[خالد بن مهنا]

هاجس معي بايروي العطشان = واهل العقول النومسيه
لاكن هو قد له سنه وحلان = ماشاف شي حاجه قديه
ماشاف ظابط او لوى وركان = مسوى البيع والمشتريه
ومجامله من صاحب الدكان = واقصد بها مولى العنيه
جمع لنا صكه وجو عميان = كلن معه خبره خليه
قالوا يبو فرعون او هامان = ماحد معه شي طيب نيه
ريت الشبامي يقفل البيبان = باشوف بقعاء مستويه

كلااااااااام ياشيخ العكابر والله كلاااااااااام يقسم الحيد

[طالب النعماني]

وإنته كلامك يشفي المرضان=كنِّه دواء من صيدليه
لكن مِقِل ما تروي الظميان=قاطر دجون(ن) معتليه
وألا شبيه البدر في شعبان=في كل سنه يظهر شويه

لي عوده بعدين يالمخشني

[أحمد العمودي أبوفيصل]

ليهو يكلمني وهو فزعان = ياناس ذا صكه بليه
مايعرف الراضي من الحمسان = غلطان جم في الابجديه
قله تراجع ضربنا حنان = من قبل ماتجيك الشضيه
بعض العرب يقودله عوران = قله دخل في العنجهيه
ياريت بايطرف لي الولهان = ليهو تكلم بالخفيه
بادوس يالصاحب على الحنشان = لوشوفها في ميت ليه

[البكري]

هاجس معي بايروي العطشان = واهل العقول النومسيه
لاكن هو قد له سنه وحلان = ماشاف شي حاجه قديه
ماشاف ظابط او لوى وركان = مسوى البيع والمشتريه
ومجامله من صاحب الدكان = واقصد بها مولى العنيه
جمع لنا صكه وجو عميان = كلن معه خبره خليه
قالوا يبو فرعون او هامان = ماحد معه شي طيب نيه
ريت الشبامي يقفل البيبان = باشوف بقعاء مستويه




ماقول لك خاطي ولا غلطان = ولا قول باتحب الاذيه
ليهو بغى نفسه كما طرزان = يدهن من بطه خليه
تركوا السقيفه له جم عربان = ياريت بيده شي مطيه
والمدح له يافارس الفرسان = وكلن به عنده دريه
ياريت حد بايسمح العوجان = وبايردهم عالسويه
بايدخل الزامل كل طربان = لاقدها سواسه قويه

[طـارق صـالح بن حيـدرة]

ســلام مـا قـد حنّـــــــت الرعــدان ×× لهــل الشــرف واهـل الحمــيه
بانرضـي المغضـب ولي حمسـان ×× بعطيــه لــه عيــني هــــــــديه

[صالح باعمران ابو زايد]

ســلام مـا قـد حنّـــــــت الرعــدان ×× لهــل الشــرف واهـل الحمــيه
بانرضـي المغضـب ولي حمسـان ×× بعطيــه لــه عيــني هــــــــديه

تسلم عيونك قال باعمران=ياصاحب النفس السليه
وانك تبى باترضي الزعلان=حُطْ عالعلم مئتين كية
لتقاربت ياصاحبي لوثان=كلين يهزع بالقوية
حتى العرب في سابع الوديان=قد ضيّعوا درب القدية

[طالب النعماني]

اهلا وسهلا بالاخ الشاعر الكبير طارق بن صالح بن حيدره
وعوده حميده يابوصالح
طارووووووووووووووووووووووووووووووووووووووووق

[طـارق صـالح بن حيـدرة]

تسلم عيونك قال باعمـران
ياصاحـب النفـس السليـه
وانك تبى باترضي الزعـلان
حُطْ عالعلـم مئتيـن كيـة
لتقاربت ياصاحبـي لوثـان
كليـن يـهـزع بالقـويـة
حتى العرب في سابع الوديان
قـد ضيّعـوا درب القديـة



----

شهـــــركـ كمــل يا فــارس الميـــدان ×× اسقيتني صــافي بغيــــــه

منته كمـأ فلتــــــــاــن او عـــــــــــلان ×× لي ما درو ايــش القضيــــه

قــــــولو لصـالح حــنّت الرعــــــــدان ×× ياخوكـ والشـــــاره قــــويه

شــي سيــل با يسـري على الوديـان ×× ولا تمـــاني جــاهليــــــــــه ؟؟

[طـارق صـالح بن حيـدرة]

الشااااااااااااعر الكبير ابو راااااضي


الله يبقيييييييييييييييك ويطول عمرك يا شاعرناااا



مشكور يا طالووووووووووب

[طالب النعماني]

الشاعر طارق بن حيدره
موفق بإذن الله ... لك مني أجمل تحية .

[بن قطمان]

حيا رحب ويقول بن قطمان=وين الوعول المعشرية
والسيل لاحدر مع الوديان=باتصبح الدنيا دنية
واكريم لاقد حنت الرعدان=على الشعاب الملتوية
والزور قد ولى ورى البهتان=وامشي معك عاطيب نية
ياريت حد يخرج في الميدان=على العوايد لولية

[طـارق صـالح بن حيـدرة]

حيا رحب ويقول بن قطمان
ويـن الوعـول المعشريـة
والسيل لاحدر مع الوديـان
باتصبـح الدنـيـا دنـيـة
واكريم لاقد حنت الرعـدان
علـى الشعـاب الملتويـة
والزور قد ولى ورى البهتان
وامشي معك عاطيـب نيـة
ياريت حد يخرج في الميدان
علـى العـوايـد لولـيـة


__

مافيـكـ شكـ يا مقصــع العمــدان ×× فيكـ المــروه والحميــــه

كـــن القمـر من فوقنـا لا بـــــان ×× با تصبــح الدنيـــا مــريه

بالكــف با نشــرب على العــدان ×× يالله عسى شــربه هنيــــه

ما جبت لي فتوى ولا بــرهـان ×× وارجعـت وآداتي خليــــه

[طالب النعماني]

طاروووووووووووووووووووووق شرفت ونورت

[ميزان العقول]

شرفت يابن حيدور

[طالب النعماني]

فصل جديد ياشباب

[بن قطمان]

الفصل فاصل في شروع القبوله=والفصل للشعار يعطيهم مجال
ونا طلبت الله بمشي هروله=مادام بالميدان من حولي رجال

[أحمد العمودي أبوفيصل]

مرحيب بن قطمان راعي لوله = أنستنا وارحبت مابين الرجال
كل من عبر قدام عيني أسأله = منك ومثلك مانبدل به بدال
معروف بن قطمان شيخ المرجله = ملقيك عا يمناي منته عالشمال
قولوا لبن قطمان دربي محوله = بعبر طرق وعرات مابين الجبال
وان حد تعرضني أنا بابهذله = برجع على ماكنت ياولد الحلال
وأن حد بغى المعروف شرعي مطوله = باشنف الفيجان من بن الدلال

[صالح باعمران ابو زايد]

كلاااااااااااااااااااااااااااااااااااااااااااااااا م كلاااااااااااااااااااااااااااااااااااااااااام
يامرحيب

[صالح باعمران ابو زايد]

راعد رعد رؤوس الطهوب المثقلة=والبرق يبرق عزت الله والجلال
وصحاب خنفر هم وذي في المعملة=بعد الضما شربو كرع صافي زلال
والله يستر في السنين المقبلة=من جورها يمكن تزوّل بك زوال
عندي في المحضر ثنعشر مشكلة=من زام عنتر هُوْ وبو زيد الهلال

[طالب النعماني]

i;`h dhf,.hd

[البكري]

i;`h dhf,.hd
اه تقول يابوراضي

[البكري]

الفصل فاصل في شروع القبوله=والفصل للشعار يعطيهم مجال
ونا طلبت الله بمشي هروله=مادام بالميدان من حولي رجال




مرحيب بن قطمان يعز المخوله = يومه ساوى بين عم(ن) وخال
نصيحتي بعد من اهل القروله = ولا تساير اصحاب قيل(ن) وقال

[متيم]

هنيأ للسقيفه وأهلها في ثوبها الجديد وشكرا للمشرفين والقائمين عليها لجهدهم ومثابرتهم لتطوير السقيفه
بما تستحق أرجوا من الحميع أن يواكبو هذا التغيير

مع تحيات أخوكم
متيم

[محمد سعيد بن مخاشن]

الفصل فاصل في شروع القبوله=والفصل للشعار يعطيهم مجال
ونا طلبت الله بمشي هروله=مادام بالميدان من حولي رجال

ما دام بالميدان من حولي رجال .......... وينهم؟


مرحيب بالأقوال جتني مكمّله=مثل المصبّح لا دفر لا باعلال
ما هي قوال السوق وأهل النخوله=لكن بعد القول نبغى إن شي عمال
يخوان في عيني إدخلت شوها سِلِه=لو كانت ألا أشحوف بلقي له قذال
إن حد معه فتوى تروني بمهله=يومين وألا يقول لي مقدر بحال


ملاحظة: شعار كبار مثل بو زايد لم يلتزموا بقافية ( الصدر ) وهي حرف الواو قبل اللام والهاء ( قبوله، هروله ) لذلك سمحنا لأنفسنا بعدم الإلتزام مثله وأكتفينا بحرفي اللام والهاء وإستعمال أي حرف قبلهما.

محمد بن سعيد بن مخــاشــن

[محمد سعيد بن مخاشن]

مرحيب بن قطمان يعز المخوله = يومه ساوى بين عم(ن) وخال
نصيحتي بعد من اهل القروله = ولا تساير اصحاب قيل(ن) وقال



سلام للبكري ولا لي به صله=سلام يتخطى شناطيب الجبال
والوزن يا البكري وجوب(ن) إلق له=تدقيق وأوزن لي بميزان القفال
لتكون كالغازي قواله مشعتله=نسنس بها علياء ولا نبغى النفال


1) المسألة مزح يا بو فيصل. الحذر من اللكع.

2) وزن الأبيات أخي البكري كالتالي:


مرحيب بن قطمان ((( عز ))) المخوله=يومه يساوي بين ((( بن ))) عم(ن) وخال
ونصيحتي ((( يبعد ))) من أهل القروله=ولا ((( يقارب ))) ((( ما حيي ))) قيل(ن) وقال

محمد بن سعيــد بن مخــاشــن

[ابوحسين69]

المخشني شاعر قوي لاتجهله=كله كلامه في المحرم والحلال
مايسكن العرشه يحل في بنقله=وعشاه من داهومبرح في التفال

[البكري]

سلام للبكري ولا لي به صله=سلام يتخطى شناطيب الجبال
والوزن يا البكري وجوب(ن) إلق له=تدقيق وأوزن لي بميزان القفال
لتكون كالغازي قواله مشعتله=نسنس بها علياء ولا نبغى النفال


1) المسألة مزح يا بو فيصل. الحذر من اللكع.

2) وزن الأبيات أخي البكري كالتالي:


مرحيب بن قطمان ((( عز ))) المخوله=يومه يساوي بين ((( بن ))) عم(ن) وخال
ونصيحتي ((( يبعد ))) من أهل القروله=ولا ((( يقارب ))) ((( ما حيي ))) قيل(ن) وقال

محمد بن سعيــد بن مخــاشــن



يالمخشني نصحك حنا بانقبله = مقبول منك كل مالي بينقال
وانته رجل معروف حد المرجله = توزن كلامك في ميازين القفال
ولا تحب القسقسه والسندله = يومك حمومي ذري بوزيد الهلال
لا يالحمومي لامتى في بهذله = ولامتى في حزن عالريس جمال

[أحمد العمودي أبوفيصل]

يالمخشني ماليوم خل البلبله = ماباك تظهر شالك رادي وشال
أبغاك تتعوذ وتقرأ البسمله = وأبعد من الرمضا وخلك في الضلال
لانويت بانفتح بواب المقفله = وباخزيكم ياخبيثين العمال
وبنصحك يالشاطر تخلي القروله = ماباتقع عنتر ولازيد الهلال

[محمد سعيد بن مخاشن]

المخشني شاعر قوي لاتجهله=كله كلامه في المحرم والحلال
مايسكن العرشه يحل في بنقله=وعشاه من داهومبرح في التفال



سلام شلّه لبو حسين وهن له=يومه مميز في الفعايل والقوال
شاعر ودرب الشعر لا يا مطوله=كنّه مشى ذا الدرب وإبلغ للكمال

محمد بن سعيــد بن مخــاشــن

[طالب النعماني]

حياكم الله ياشعار
في انتظار في رددوكم

[طالب النعماني]

وينك يالغازي

[أحمد العمودي أبوفيصل]

موجود ياطالب
اشوف حفل السفاره

[طالب النعماني]

منتظر البدع منك

[طالب النعماني]

وين شعار الزامل وينكم ياشباب

[ميزان العقول]

وينكم يالشعار او لما يكون الجو بارد تجود قرايحكم

[خالد بن مهنا]

اسمك عرفته بطرحه في القايمه=قم قبل ماتحنب ولا تقدر تقوم
الصحبه اللي للمعزه دايمه=والصحبه اللي للمصالح ماتدوم

[طالب النعماني]

تسلم تسلم ياشاعرنا خالد بن مهنا
في انتظار الغازي والمخشني

[محمد عبدالرحمن العمودي]

تسلمون ياشعارنا الصماصيم على هلرج مقنسر مايعرفه الا حضرمي اصيل مثلنا وكمانا

[الطامع]

اما نا مابا تصلني اللايمه = والمخشني ماظن حد له بايلوم

نسرح ونضوي في مراكب عايمه = واللول والمرجان من اجله نعوم

[ميزان العقول]

لازالت الاجوا تراها غائمه = مابين فوه هو ياساحل بروم
واعيون جيش الباديه مش نائمه = بيجون لاناديت في ساعة لزوم

[ميزان العقول]

كلاااااااااام ياطالب ماشايف غير الغازي والمخشني ونعم فيهم شعار لاكن لاتكيل بمكيالين خل غيرك يكيل

[طالب النعماني]

انته عليك البار ياميزال العقول

[محمد سعيد بن مخاشن]

إخواني ... إسمحوا لي بهذه الزفرات الخارجة عن السياق ثم عودوا إلى الفصل الذي كنتم فيه:


بلّغ الشعّار بنّي عدت وإتقبّل عزاكم=بعد ما قد مات عبد الله فما لي والحياه
يا عسى ما شر ينصاكم ولا ينزل حماكم=ويا إله الكون للمرحوم عجّل بالنجاه
مات بو فيصل وترّك بوش يا دنيا ( لهاكم )=بعد منّه دمع عيني خل بمنسوب المياه
ريت عزرائيل شاور با ندلّه عا التراكم=من قلال الخير وأشباه الثعاله والشياه

لهـــــاكم = ألهاكم التكاثر

محمد بن سعيــد بن مخــاشــن

[المهيب]

كم اعلنها يقول انه مشكك في ولاكم = مالكم مذهب بالامله تخونون الولاه
لاكن الرحمن من قدرته هو لي قد بلاكم =من بلاء انسان رب العرش بعده اابتلاه

[طالب النعماني]

كلام رائع ياشباب

[خالد بن مهنا]

إخواني ... إسمحوا لي بهذه الزفرات الخارجة عن السياق ثم عودوا إلى الفصل الذي كنتم فيه:


بلّغ الشعّار بنّي عدت وإتقبّل عزاكم=بعد ما قد مات عبد الله فما لي والحياه
يا عسى ما شر ينصاكم ولا ينزل حماكم=ويا إله الكون للمرحوم عجّل بالنجاه
مات بو فيصل وترّك بوش يا دنيا ( لهاكم )=بعد منّه دمع عيني خل بمنسوب المياه
ريت عزرائيل شاور با ندلّه عا التراكم=من قلال الخير وأشباه الثعاله والشياه

لهـــــاكم = ألهاكم التكاثر

محمد بن سعيــد بن مخــاشــن
باالله مات ابو فيصل الله يرحمه ويسكنه فسيح جناته وكل نفس ذايقة الموت

[محمد سعيد بن مخاشن]

باالله مات ابو فيصل الله يرحمه ويسكنه فسيح جناته وكل نفس ذايقة الموت

ليس بو فيصل الشاعر وإنما أحد أقاربي.

[طالب النعماني]

هههههههههههههههههههههههه
الله يطول في عمر ابوفيصل الشاعرر ويرحم قريبك ياعم محمد
ويطول في اعماركم جميعا

[خالد بن مهنا]

ليس بو فيصل الشاعر وإنما أحد أقاربي.

ومن هو اللي قالك بو فيصل الشاعررررررررر ههههههههههههههه

حياك ربي ياالمخشني الله يرحم قريبكم ويطول لنا عمرك لك مني كل الود ودمت بااحسن الاحوال

[طالب النعماني]

فصل جديد ياشعار

[طالب النعماني]

يرفع للاطلاع والمتابعه
واستودكم الله انا مسافر اليوم
وهذا المقال من شروره

[صالح باعمران ابو زايد]

وين قايد مسيرة الزامل الشعبي الشيخ / ابو فيصل ( الغازي 2007 )
اتمنى ان يكون المانع خير

[بدوي حويرة]

حيـــــا رحب بأبيات من شاعر حوت على كل فن .... فيها من العبرات والأمثال حتى الكلام العسل ...
وسلام مني على حلان أرض اليمــــــــــــــــن .... ومخصوص على وادي حويرة وعلى كل من حل ...

>>> تقبلوا تحياتي أخوكم بدوي حويرة <<<

[يسهول]

سلامي لحلان السقيفه من طرف=وسلام ثاني خاص به خص العريف
قد جيتكم عاني نحف الأرض حف=عاصيتكم لي شاع في بندر ونيـف

[محمد سعيد بن مخاشن]

سلامي لحلان السقيفه من طرف=وسلام ثاني خاص به خص العريف
قد جيتكم عاني نحف الأرض حف=عاصيتكم لي شاع في بندر ونيـف


مرحيب يا اليسهول مدروفك درف=من بعد ما الشعار راحوا للكريف
خمجه مشاربهم ومشروبك برف=وفراشهم سلقه ومفروشك تريف
وأما العمودي جف نبعه ما عرف=للدان ينهم به ... وقال أصلي شريف
وقال ما نعرف سوى علوم السلف=ويعيش في عزله بجُزْر المالديف
والناس في المريخ ما لاقوا كلف=وهو في الشُّعبه على أكل الوزيف
والأفضل إنه لو يعوِّد للنجف=أو كربلاء يلقى بهن برجر و بيف

محمد بن سعيــد بن مخــاشــن

[صالح باعمران ابو زايد]

حيّابكم ياهل المعزة والشرف=أعداد مالبرّاق يلمع في القنيف
بالمخشني لي شاع صيته وعترف=بالخرج والوادي ولحساء والقطيف
وين العمودي لي يشف الحيد شف=وينه جمل باداس لي ماله وصيف
قد كان مؤخذ له في الخطمة طرف=في الصيف والشتْوَة وفي فصل الخريف

[بن قطمان]

ويقول بن قطمان برمي عالهدف=بيدي سلب قانص على اليمنى خفيف
ولايميلها وله ضرب الحتف=وهاجسي من بحر بايغرف غريف
بجلس في المجلس ولابجلس طرف=والشعر يعجبني على القرع النظيف
واليوم يالشعار بانلقي محف=ويكون في معناه ماله حد وصيف

[شاعروفنان]

هذه اول مشاركه لي ولن تكون الاخيره
قال:الذي ساهر ليالي في شغف
ياهل السقيفه رددو اسم الشريف
عطاس ماينساك وهو له فيك شف
وده يذوق الحب بالحس الخفيف
اهواك ياخلي وانته لي هدف
واذكر ليالي ماضيه مرت بصيف

[صالح باعمران ابو زايد]

قولوا لبن قطمان يا وعل الدكف=هت لي خبار الناس في عرماء وصيف
يدي بيدّك بانلف الكون لف=انته سعيفي ما بغى غيرك سعيف
اللول بن جيبه وبن جيب الصدف=من داخل الغبّة في البحر المخيف
عشرين شاعر شفتهم كل(ن) خلف=حطّوا الثقيلة كلها هي والخفيف

[محمد سعيد بن مخاشن]

حيّابكم ياهل المعزة والشرف=أعداد مالبرّاق يلمع في القنيف
بالمخشني لي شاع صيته وعترف=بالخرج والوادي ولحساء والقطيف
وين العمودي لي يشف الحيد شف=وينه جمل باداس لي ماله وصيف
قد كان مؤخذ له في الخطمة طرف=في الصيف والشتْوَة وفي فصل الخريف


الليث باعمران في وادي عرف=معروف له شانه وفي بندر وريف
بلّغ سلامي له وقل له معتكف=بن عمرو في داره وحرّمت الهذيف
وألا فما نخلف ولو دمي نشف=في العرق أو يرعف من الطعنه رعيف
وحلفت يا صالح وكم شاعر حلف=لولا العمودي ما وقع مجلس ظريف
كنده ضماري والسكاسك والصّدَف=وفرع بو فيصل كما القصر المنيف

حرّمت الهذيف إلى أن يجاوب بو فيصل.

السكاسك والصّدَف = بطون من كنــــده

محمد بن سعيــد بن مخــاشــن

[محمد سعيد بن مخاشن]

ويقول بن قطمان برمي عالهدف=بيدي سلب قانص على اليمنى خفيف



ونا معي ميم طاء يدف الحيد دف=لا لاحت الفنتوم يلقفها لقيف
من أحسن الآلات ويزوع العطف=صوته كما الراعد وتسمع له حفيف

محمد بن سعيــد بن مخــاشــن

[محمد سعيد بن مخاشن]

هذه اول مشاركه لي ولن تكون الاخيره
قال:الذي ساهر ليالي في شغف
ياهل السقيفه رددو اسم الشريف
عطاس ماينساك وهو له فيك شف
وده يذوق الحب بالحس الخفيف
اهواك ياخلي وانته لي هدف
واذكر ليالي ماضيه مرت بصيف


حيّاه بن هاشم سنافي بن سنَف=في الدين والعشقه لنا قايد عريف
من بعدها الهلباء كِلِف عا أكل الطّهَف=وين النعيري ذي شبع يهرف هريف؟

محمد بن سعيــد بن مخــاشــن

[محمد سعيد بن مخاشن]

مرحيب يا اليسهول مدروفك درف=من بعد ما الشعار راحوا للكريف
خمجه مشاربهم ومشروبك برف=وفراشهم سلقه ومفروشك تريف
وأما العمودي جف نبعه ما عرف=للدان ينهم به ... وقال أصلي شريف
وقال ما نعرف سوى علوم السلف=ويعيش في عزله بجُزْر المالديف
والناس في المريخ ما لاقوا كلف=وهو في الشُّعبه على أكل الوزيف
والأفضل إنه لو يعوِّد للنجف=أو كربلاء يلقى بهن برجر و بيف
دجله تنادي له تقل له شو الصّلف=والكبرياء لعبت بنا والله نصيف

محمد بن سعيــد بن مخــاشــن

وطاب يومكم أيها الإخوة الكرام.

[يسهول]

يامرحبا مليون حيا من هدف=والعذر له من بايجنّب عاطريف
والمخشني قربه يقضي كل شف=لقد ضوى رغبان في معنى وكيف
أحيان تقع زلات منه ويهتـف=لاحس حمل الظهر عافوقه خفيف

[أحمد العمودي أبوفيصل]

باكلف الهاجس مالليله كلف = يومه بطى قاعد معاين للسعيف
قولوا لبو مخشن بحرك مازغف = ماهو كمى بحري مسا يزغف زغيف
قد جينكم ماليوم حاملي ملف = وبكتب غيابك في شتا شفني وصيف
هاجس معي دايم يلف الموج لف = وشالي بلجيك مش كربه وليف
من سمح لي عادات نرمي عالهدف = واهل الفتينيات ضلوا ديف ديف
ماشهر بوزايد تناصف وانتصف = بمشي معه عالرجل من فوق الرصيف

[محمد سعيد بن مخاشن]

قولوا لبو مخشن بحرك مازغف = ماهو كمى بحري مسا يزغف زغيف



بحرك ملوّث خاف في وسْطه جِيَف=وبحر بن مخشون يتلألأ نظيف

محمد بن سعيــد بن مخــاشــن

[خالد بن مهنا]

بحرك ملوّث خاف في وسْطه جِيَف=وبحر بن مخشون يتلألأ نظيف

محمد بن سعيــد بن مخــاشــن

واناااااااااااااااااااااا اشهد وانا اشهد

انكم شعار

[أحمد العمودي أبوفيصل]

يالله يارحمن مالليله لطف = وأصلح عبيدك يامهيمن يالطيف
مابن مخاشن دوب عامد في طرف = مايدخل الغبه وهو عزمه ضعيف
الظاهر انه ذاالسنه له عقل خف = مابانلومه كل من عقله خفيف
تشهد مع الشارح ونخله ماخرف = قدله زمن ياخوي ماذاق الخريف

[يسهول]

كل من ضوى سامر ذلف=يوم السلى يشتاف طيف
كثروا لفالف من طـرف=جابوا لنا تمر الحشيــف
وين البيارق لي تــرف=فوق السحب روس القنيف

[ميزان العقول]

كلاااااااااااااااااااااااااااام يالشعار

[محمد سعيد بن مخاشن]

يالله يارحمن مالليله لطف = وأصلح عبيدك يامهيمن يالطيف
مابن مخاشن دوب عامد في طرف = مايدخل الغبه وهو عزمه ضعيف
الظاهر انه ذاالسنه له عقل خف = مابانلومه كل من عقله خفيف
تشهد مع الشارح ونخله ماخرف = قدله زمن ياخوي ماذاق الخريف


عقلي مرزّن ما يدانيه التلف=جاوزتها الستين من عمري ونيف
مستور في داري وخِيمي ما إنكشف=وعادني فكّر في الخصر النحيف
ريّض ومتإني ووقت الشف شف=وإن لزْمِتْ العفّه معا الإخوه عفيف
ما نربز الصاحب ولا إلكعها الجلف=وإذكر كريم الفعل وإنسى فعل عيف
كل شي بمقياسه ... ترى زين الوتف=ماني رطَب ليّن ولاني فظ عنيف
والحمد له بلجود ماني منكرف=في عيشتي ... ما أغبط محافظ في طريف
ولاني كما بقشان ... لكن الشّظف=ما إعرفه ... ما ظلّي نهجِّز ديف ديف
بقشان!!! وِش بقشان وألاّ برّجف؟=وحط معهم بامعوضه وبن منيف
ُثُمْ صِف بن لادن وبن محفوظ صَف=إفيينهم؟ دنيا الندم فيها الحسيف
الجيد فيهم ما يذوق لحم الغَضَف=ولا يردِّف فوق ثوبه بالرديف
هي كم سنه با نعيش ثُمّا ننغِدِف؟=والروح عزرائيل ينتفها نتيف

محمد بن سعيــد بن مخــاشــن

[بن قطمان]

ذا فصل والثاني على القافي مهم=باقول ياشعار سيرو للامام
والفكر يجبر صاحبه حمل القلم=ويترجم افكاره بتحقيق المرام

[صالح باعمران ابو زايد]

لهل السقيفة لي يشلّوا كل هم=من عند بو زايد ملايين السلام
قولوا لبن قطمان زم لحيد زم=ورْزح برجلك عالنوايف والدقام
يومك ذكي باخاطبك برْبع كلم=والهرج ما قل ودل يابن الكرام
انته من المشقاص وإلا من قسم=وإلا من الريدة رفيعين المقام
وإلا من الصيطان ياذيب الرهم=قل لي ونا بطرح على صدرك وسام

[يسهول]

حيا وسهلا ومرحبا تكرار جم=يالي لكم تقدير بين الخلق قـــــــام
وكلامكم نحسب حسابه والكلم=ماشي عتب يلحق ولايلحق ملام
المشكله لي هو غلط قوله وعم=والعقل عنده والبصر عنده تمام
والشيب وسط الراس طارح له علم=لكن له عادات قل الأحترام

[بن قطمان]

لهل السقيفة لي يشلّوا كل هم=من عند بو زايد ملايين السلام
قولوا لبن قطمان زم لحيد زم=ورْزح برجلك عالنوايف والدقام
يومك ذكي باخاطبك برْبع كلم=والهرج ما قل ودل يابن الكرام
انته من المشقاص وإلا من قسم=وإلا من الريدة رفيعين المقام
وإلا من الصيطان ياذيب الرهم=قل لي ونا بطرح على صدرك وسام


يامرحبا مليون ماالشاعر زهم=بالصوت ناداني ويتكلم كلام
ياولد باعمران نكتب للنسم=جبر الخواطر بين لخوه والعمام
وانته معي تدحق على حيد النشم=والشكر لك مني لهذا الاهتمام
لانا من الريدة ولانا من قسم=ولامن المشقاص واسمعني تمام
وان سرت للسيطان فيها اعيال عم=وشروج لي فيها وبالوادي مقام
عبدالصمد جدي يجلي كل هم=ياولد باعمران يالشيخ الهمام
في واد عرما بين رخية والعرم=وذكرها عالبال واذكرها دوام
واليوم في بوظبي في دار النعم=في دار زايد هو وبناه الكرام

[محمد سعيد بن مخاشن]

ذا فصل والثاني على القافي مهم=باقول ياشعار سيرو للامام
والفكر يجبر صاحبه حمل القلم=ويترجم افكاره بتحقيق المرام


حيّاه بن قطمان والقول الأتم=جابه يهف موزون عا القافي تمام
ما هو كما ( السحبول ) ذي يرعى الغنم=مالك وما للشعر يا راعي الغنام؟
الشعر له معنى وما هو بس كلم=يرصها الشاعر لتربيت الكلام
لا ما وقر قولك في آذان الأصم=وهز في قلبه معاليق الصمام
إعلم بأنك بالهباله متّهم=والستر أحسن لك بوديان التهام

محمد بن سعيــد بن مخــاشــن

[محمد سعيد بن مخاشن]

ذا فصل يا شعار دُخلوا في الأهم=هذا كلامي يخص كل شاعر همام
هاتوا قضيه وناقشوا دَبي الحلم=موضوعها ... وترّكوا منّا الحلام
الفقر في الأوطان نا شوفه يعم=والظلم مستشري بها واجد وعام
ما شاعر إلا في وسَط جيبه قلم=ما إحنا فقط شعار بل حملة قلام

محمد بن سعيــد بن مخــاشــن

[صالح باعمران ابو زايد]

ياهاجسي حط القدم فوق القدم=وقْطع مسافة ميل دحقة عالقدام
والشيخ بن قطمان بيجاوب نَعَم=لا شاف برق الصيف يلمع في الجهام
نِعم النسب لا يالعزيز المحترم=اصلك وفصلك له معزة وحترام
عبد الصمد قد شاع صيته بالكرم=رُجل الموافق والتلاحم والزحام
شيخ (ن) ولي وافي وله ميزات جم=الطيب والحكمة وتصدير الحكام

[ميزان العقول]

كلاااااااااااااااااااااااااااااام يالشعار يصم الراس

[محمد سعيد بن مخاشن]

فيينه الباتيس ما شفته نظم=شي قول خايف من تحاكير النظام
فزعان من شوك الحبظ وألاّ السّلَم=ويقول أحسن لي الدّعه هي والسلام
أو هو قد خطفوه لا وادي دهم=وألا الفعى نفّتِه وألاّ قبصه هام

محمد بن سعيــد بن مخــاشــن

[مرعي بن صالح بن سميدع]

كلام منقوح بارك الله فيكم

[أحمد العمودي أبوفيصل]

ماليوم يالشعار شوني بانهم = ماخاف من عقرب ولاحيه وهام
من قارب الثيران منها ميسلم = ومن مشى عالخط بضرب له سلام
عاصوت بن قطمان نا باقول تم = وبنخلي الاشياء لبو زايد تمام
انتم خواني كلكم واعيال عم = ماطيع شوني في خواني والعمام
والمال عاده قال شاعر منقسم = يالي بغيتوا المال عاسته قسام
يالي تقولوا ذه السنه الحبل رم = والمخشني يطوي على حبال الرمام
ليهو سقا الثيران حط في ماه سم = ياكم وكم من ثور مجفي عالسوام
قولوا لبوزايد خبر ولاعلم = من قبل تتنكس على البندر علام

[خالد بن مهنا]

أو هو قد خطفوه لا وادي دهم=وألا الفعى نفّتِه وألاّ قبصه هام

محمد بن سعيــد بن مخــاشــن


ياالمخشني وين المبادي والقيم=وفيين هم لي هم يصلون القيام
ان كانك اتراجعت وتبعت الظلم=ماباتشوف النورمن بعد الظلام
انحن بغينا بانلم الصوب لم=وانته تبا باتفتح ابواب الملام
الشعر ماياتي بترتيب الكلم=اوزن كلامك قبل تنطق باالكلام
ولا عداك اللي يحزمها حزم=وقنعت به وافسحت في ربط الحزام
لا تقع كما لي مابدى زاروا الحرم= ويحرمون اشياء وهي ماهي حرام

[محمد سعيد بن مخاشن]

ماليوم يالشعار شوني بانهم = ماخاف من عقرب ولاحيه وهام
من قارب الثيران منها ميسلم = ومن مشى عالخط بضرب له سلام
عاصوت بن قطمان نا باقول تم = وبنخلي الاشياء لبو زايد تمام
انتم خواني كلكم واعيال عم = ماطيع شوني في خواني والعمام
والمال عاده قال شاعر منقسم = يالي بغيتوا المال عاسته قسام
يالي تقولوا ذه السنه الحبل رم = والمخشني يطوي على حبال الرمام
ليهو سقا الثيران حط في ماه سم = ياكم وكم من ثور مجفي عالسوام
قولوا لبوزايد خبر ولاعلم = من قبل تتنكس على البندر علام


يا خس ما قاله حميد إعبود حم=ما إنته قطامي شفك يا فرخ الحمام
نحنا حميناكم وكنتوا كالخدم=في مبتداكم عندنا كنتوا خدام

محمد بن سعيــد بن مخــاشــن

[محمد سعيد بن مخاشن]

ياالمخشني وين المبادي والقيم=وفيين هم لي هم يصلون القيام
ان كانك اتراجعت وتبعت الظلم=ماباتشوف النورمن بعد الظلام
انحن بغينا بانلم الصوب لم=وانته تبا باتفتح ابواب الملام
الشعر ماياتي بترتيب الكلم=اوزن كلامك قبل تنطق باالكلام
ولا عداك اللي يحزمها حزم=وقنعت به وافسحت في ربط الحزام
لا تقع كما لي مابدى زاروا الحرم= ويحرمون اشياء وهي ماهي حرام

أخي خالد ... لا تحمّل الأمور ما لا تحتمل وأنا أعرف الموضوع الذي ترمي إليه. حاشا لله أن أتكلم على الصهور والجدود. أنا فقط أسأل عن أبو راضي فقط لا غير:


يا خالد المرّي عسى أنّك بِتْفَهَم=وإنته رجل معروف من أهل الفهام
شفني على باتيس ننشد ما عْلم=إفيين روّح ما معي عنّه علام
ويصيبني الرحمن بالداء والجذم=إن كنت كاذب والعور فوق الجذام
وإنته تبا تحرِش تباها تلتطم=أمواج وسْط الكسر ويزيد اللطام

محمد بن سعيــد بن مخــاشــن

[البكري]

الليل يالشعار شو ذا القول تم = ماتنتكر شمس ولا بدر التمام
للشعر افنون ماهو برص الكلم = شوالناس تتذوق بزين الكلام
الجود والمعروف شيمة اهل الكرم = مايجون العيافه اولاد الكرام
وين هي العادات وين القيم = لي يرحبون بالضيف يقومو له قيام
اهل القصور العاليه واهل الخيم = فرق مابين القصور هي الخيام
وين المعاني الزينه وين الحكم = وين القياده لي تنفذها الحكام

[صالح باعمران ابو زايد]

الاخ الشاعر ابو فيصل ( الغازي2007)
الاخوة الشعار جميعا
استـأذنكم بكتابة هذا الفصل الجديد ارجو العذر والسموحة


المشجري رأسه غلب ما طاعه=ما طاع ينطق بالكلام الداني
المشجري شاري الوفى ما باعه=يشهد عليه الواحد المنّاني
المشجري ربْعه يجوا في ساعه=لا بات ناقوس الخطر حنّاني
المشجري كلا(ن) عرف إبداعه=حتى المشير الرئيس السنحاني

[محمد سعيد بن مخاشن]

الاخ الشاعر ابو فيصل ( الغازي2007)
الاخوة الشعار جميعا
استـأذنكم بكتابة هذا الفصل الجديد ارجو العذر والسموحة


المشجري رأسه غلب ما طاعه=ما طاع ينطق بالكلام الداني
المشجري شاري الوفى ما باعه=يشهد عليه الواحد المنّاني
المشجري ربْعه يجوا في ساعه=لا بات ناقوس الخطر حنّاني
المشجري كلا(ن) عرف إبداعه=حتى المشير الرئيس السنحاني


لكن بغينا إن شي معك إبضاعه=ناقش معي أحوالها الأوطاني
الحزب كم شاجع سحب بكراعه=واليوم عا ظهرك ركب صنعاني
ناقوسنا ما حن لُمُه راعه=معدنه صدّى وحديده فاني
قد دخلوا الدهمان واد إقضاعه=والمشجري بكره يجوا له عاني
بو زايد إللي عزوته قطّاعه=بيكون هو الثالث أ و الثاني

محمد بن سعيــد بن مخــاشــن

[يسهول]

ذا ايش سر النار شبب ولاعه=نبغالها لابد من تبياني
لي دوب يضرمها بغا رضاعه=ولابغا حد الشفر سناني

[البكري]

يالمخشي ماسك فيه بكراعه = ما بافكه الانقر كرعاني
وبيرنا قد ظهروها قاعه = لي ماها كرع في لساني
ورمونا بين ناس طماعه = يعرفهم كل قاصي وداني
يافرحة من وقته طاعه = ماعذرها ماتدور لزماني

[يسهول]

ذا فصل يالشعّار بسري عالوكــــــل=والله وكيلي دوب عامرّ الليـــــــال
ماسك سرى عالخط باقي لــــم ازل=والي نزل توه وقع عاثر وظــــــال
ماشي تعكا هكذا من دون حـــــــــل=الا مرض في ناس أتوغل وغــــل
وان شي حصل باقوا من فعل الدلل=لي هم يدوروا عاتناخيص الحوال
الله يديم الخير والنعمــه تظــــــــــل=تثبت ثبات الحيد ومراسي الجبال

[أحمد العمودي أبوفيصل]

يا خس ما قاله حميد إعبود حم=ما إنته قطامي شفك يا فرخ الحمام
نحنا حميناكم وكنتوا كالخدم=في مبتداكم عندنا كنتوا خدام

محمد بن سعيــد بن مخــاشــن

نحن صحاب الجود واصحاب الكرم = ولنمشي مسوى مع النالس الكرام
ولي مثيلك ريت ماخلق من عدم = اما انا نفذ حكامي بالعدام
جدي بنالي حصن عاحيد النشم = يشهدلي التاريخ في مشرق وشام
مانا مثيلك يالدخيلي لي قيم = لدخلت في مجلس يحطولي قيام

[ابومازن]

اخي طالب باتيس يعطيك العافيه على هذه القصائد الجميله

واتمنى لك التوفيق مع تحيات صديق قديم وتصبح على خير

[أحمد العمودي أبوفيصل]

نحن بنينا الحصن فوق ارباعه = مانحسب الحساد هم والشاني
دايم سيوفي ياعرب قطاعه = لاتفدر الاول لحق بالثاني
مانا صقع او في ذني سماعه = اسمع هبوب الريح كل ماجاني
بعض العرب قله دحق عالقاعه = مانا براس الحيد من يلفاني
مادام بو زايد كلامه ذاعه = بقصد معه على صوات الداني
مايوم بوزايد قصر اذراعه = له ذرع وافي عامدى لزماني

[الطامع]

ذا فصل يالشعّار بسري عالوكــــــل=والله وكيلي دوب عامرّ الليـــــــال
ماسك سرى عالخط باقي لــــم ازل=والي نزل توه وقع عاثر وظــــــال
ماشي تعكا هكذا من دون حـــــــــل=الا مرض في ناس أتوغل وغــــل
وان شي حصل باقوا من فعل الدلل=لي هم يدوروا عاتناخيص الحوال
الله يديم الخير والنعمــه تظــــــــــل=تثبت ثبات الحيد ومراسي الجبال


اتعكست يسهول ولا شي بالسهل = وتخالفت حتى موازين الكيال

والظلم بين الناس شوفه مستقل = من بعد ماجونا خبثين العمال

والمخشني يفتيك لنته بتسال = عن ناس قد تركو مقاطين الجبال

واليوم يا خباب من خلف الفسل = يهوين ثم يهوين عابعض الرجال

[محمد سعيد بن مخاشن]

اتعكست يسهول ولا شي بالسهل = وتخالفت حتى موازين الكيال

والظلم بين الناس شوفه مستقل = من بعد ماجونا خبثين العمال

والمخشني يفتيك لنته بتسال = عن ناس قد تركو مقاطين الجبال

واليوم يا خباب من خلف الفسل = يهوين ثم يهوين عابعض الرجال


الحق باقوله ونا داهل دَهَل=للحق متعصّب ولوه الدم سال
بعد الفسل جو لك خبيثين العمل=كل يوم تشرق يصنعوا خس الفعال
وإلقوا لنا يا الطامعي بيعة بصل=ويسهول جم فرحان يوم الليل طال
لا ذا ولا هاذاك له عندي قَبَل=الويعه الغبراء ترى بوهم نذال


محمد بن سعيــد بن مخــاشــن=

[أحمد العمودي أبوفيصل]

من حللي ماليوم ياربعي بحل = يكفيك ياهاجسي كل ساعه بحال
بدخل في الزامل وخلوا لي محل = من شانكم لعظام بلقيها وصال
لاشفت انا الزامل عضامي ترتقل = برزح برجلي عاشناطيب الجبال
بعض العرب ياناس شهره مكتمل = مايكمل المخلوق لله الكمال
يالمخشني في ساعة القسمه عدل = شفتك تحب نفسك زياده عالرجال
كل من طمع مثلك وباليدين كل = باكلله من هذه الدنيا كلال

[أحمد العمودي أبوفيصل]

وينكم ياشباب

[الطامع]

ياشعبنا ماليوم شوفك عاقلل = شوفك كما شعب الحجاره في احتلال

شوفك نا محتار وفقت الأمل = وضربت بالأيمان عالايد الشمال

[محمد سعيد بن مخاشن]

ياشعبنا ماليوم شوفك عاقلل = شوفك كما شعب الحجاره في احتلال

شوفك نا محتار وفقت الأمل = وضربت بالأيمان عالايد الشمال

عاد الأمل موجود ... با يجي عا مَهَل= فارع من الشارع من أولاد الحلال
باتعود بقعاء مثل ماكانت وبل=أحسن وفجأه باتلاقي الشر زال

الإخوة المشرفون ... زر ( تنسيق قصيدة شعرية ) لايعمل منذ عدة أيام. ما الحكاية؟

[بو فيصل]

أحسنتوا اخواني الشعار واسمحوا لي دخل في العضيدة :

قالوا لنا في الشعب بايندر بطـــل =ونا مساهن وين هاذولا البطال

حد عامد الريده وحد وادي وحـــل =ونا عرض للطعن باذلاق النصال

قد فللوبي بالــــــدعابة والغـــــزل =ونــــا مساهن بانكل لحم الغزال

والظاهر اني من خباثة في العمل=الفعل ماشي غير في قيلا وقال

[محمد سعيد بن مخاشن]

أحسنتوا اخواني الشعار واسمحوا لي دخل في العضيدة :

قالوا لنا في الشعب بايندر بطـــل =ونا مساهن وين هاذولا البطال

حد عامد الريده وحد وادي وحـــل =ونا عرض للطعن باذلاق النصال

قد فللوبي بالــــــدعابة والغـــــزل =ونــــا مساهن بانكل لحم الغزال

والظاهر اني من خباثة في العمل=الفعل ماشي غير في قيلا وقال

عاد الأمل موجود عاده لم يزل= ومْصير كل شي يا رفيقي للزوال
وإعلم بأن ليّام دوّاره دُوَل= قدها مقاله صاغها الناس الدوال

محمد بن سعيــد بن مخــاشــن

[أحمد العمودي أبوفيصل]

دافصل مالليله نبي شعار = كلن يفسر عاكلامي
نمشي سوى وانكمل المشوار = في سعفكم ترزح قدامي

[عبدالله الضريبي ابو محمد]

السلام عليكم ورحمة الله وبركاته اشكر اخواني الشعار على هذه الكلمات الجميله واشكر اخواني ابوراضي وابو زايد حلان وادي عمد اخوكم عبدالله الضريبي ابومحمد شـكــ وبارك الله فيك ـــرا لك ... لك مني أجمل تحية .

[صرقع]

كنده الغلابه ، كم من قبيلي كسرنا نابه واللوم بهم.. واللو بهم

[محمد الحامد1]

وينكم ياشباب
يا مرحبا ببيات من شاعر كما طعم العسل قدشجع الكوره وناديه االهلال
كمن سنه عدت وياكم بعدها من شهر هل واحنا نشجع مع جماهير الهلال
تحياي للغازي

[صالح باعمران ابو زايد]

دافصل مالليله نبي شعار = كلن يفسر عاكلامي
نمشي سوى وانكمل المشوار = في سعفكم ترزح قدامي

يامرحبا مليار في مليار=بالشيخ والصقر القطامي
الشيخ بو فيصل عليه البار=عدّه كما ميتين رامي
نحن معك يالشاعر المغوار=لو تعتلي رؤس الدقامي
واللي خَلَف في حجر بن دغار=يصبر علىبارد وحامي

[الطامع]

بدعي على حلان حلو الكار = وبزر نا معهم حزامي

وبدحق معهم ليل والا نهار = لما نصل دار الشبامي

فيها رجال العز والمقدار = شهدو لهم كل الأنامي

يا طير ذي في الجو شوفك فار = بالله بلغهم سلامي

[أحمد العمودي أبوفيصل]

في جبركم برسل لكم أشعار = حتى ولوجفت قلامي
من الخور باجيب لكم أخبار = مابيننا واحد تهامي

[خالد بن مهنا]

الاوله باقول لي في راسي=والثانيه بهرج ولا بي شحنه
ساسي قوي بييدي بنيت اسواسي=مكّنتها ماشي مثيل المكنه
من لايقع ليّن ولايقع قاسي=لاقد ظمي يشرب كرع في حفنه
ومن وقع عباس بن فرناسي=ليام من راس الجبل يردنه

[يسلم باكتيفه العكبري]

" bkimage="" border="none,4,burlywood" type=0 line=0
align=center use=ex num="0,black""]
يامرحبا بك ياشديد الباسي == يابن مهنا يامليك الفطنه
يامرحبا ماروح النسناسي == وغرد البلبل طرب عاغصنه
ببيات مصبوبه عسل فلكاسي == صافي من الوصله لريحه بنه
ابيات منظومه تهز الراسي == لوهو جبل تسمع لصوته حنه[/poem]

[خالد بن مهنا]

العكبري شاعر قوي نبراسي=شاعر قوي وحلايله يسقنه
مثل النمر لي بارز الخلاسي=يلحق نصيبه من يقارب منه

[صالح باعمران ابو زايد]

الاوله باقول لي في راسي=والثانيه بهرج ولا بي شحنه
ساسي قوي بييدي بنيت اسواسي=مكّنتها ماشي مثيل المكنه
من لايقع ليّن ولايقع قاسي=لاقد ظمي يشرب كرع في حفنه
ومن وقع عباس بن فرناسي=ليام من راس الجبل يردنه

مطلي كلامك بالذهب والماسي=جاني منظّم مكتمل لي وزنه
قد جبت قافي يا حكيم الناسي=عشرين شاعر بايردّوا منه
حُطّوا الثقيله عاجمل باداسي=بطلع بها لمّا طراف العتنه
واللي غلَبه الشك والوسواسي=ضيّع فروضه كلها والسنّه

[يسلم باكتيفه العكبري]

العكبري شاعر قوي نبراسي=شاعر قوي وحلايله يسقنه
مثل النمر لي بارز الخلاسي=يلحق نصيبه من يقارب منه



جابو لنا حاكم غبي مدراسي== يرطن ونحنا مافهمنا رطنه
يبغا مثيل الحاكم العباسي == يابن مهنا لاتقرب منه
كسر علي دلتي والمحماسي == والقشر طيربه وطير بنه
سارق وعنده بلميه حراسي == الله واكبر من زمان الفتنه

[أحمد العمودي أبوفيصل]

باذكر الصاحب يمكن ناسي = عادها حسر صعبه بعقبة شتنه
ياويل من يقرب نحو قلاسي = والايفكر يوم يشرب منه
لابد مايجيني يحب عاراسي = مالعكبري شفته وقعلي حقنه
لابد مايقرأ من الكراسي = يفهم حروف الشعر ويدرس فنه

[الطامع]

من قال نا شاعر ولي احساسي = قل له على ذا الفصل هت من حسنه

يومين يا خالد حبست انفاسي = ومنين ندخل لك يسار أو يمنه

بتبع صلاب الروس ولا بي باسي = لنته ولا الجاويد نخيب ظنه


حقيقتاً الفصل صعب يا خالد بالنسبة لي تسلم على كل حال

ملاحظة مربع التنسيق لا يعمل

[خالد بن مهنا]

مطلي كلامك بالذهب والماسي=جاني منظّم مكتمل لي وزنه
قد جبت قافي يا حكيم الناسي=عشرين شاعر بايردّوا منه
حُطّوا الثقيله عاجمل باداسي=بطلع بها لمّا طراف العتنه
واللي غلَبه الشك والوسواسي=ضيّع فروضه كلها والسنّه


مايختلف فكري ولا هوجاسي=والشك ياصالح مسكنا بذنه
من... صدرت امريكا قرار اسياسي=من هو مطوّع راح يحلق دقنه

[خالد بن مهنا]

من قال نا شاعر ولي احساسي = قل له على ذا الفصل هت من حسنه

يومين يا خالد حبست انفاسي = ومنين ندخل لك يسار أو يمنه

بتبع صلاب الروس ولا بي باسي = لنته ولا الجاويد نخيب ظنه


حقيقتاً الفصل صعب يا خالد بالنسبة لي تسلم على كل حال

ملاحظة مربع التنسيق لا يعمل
الفصل مهوصعب ياالطامع وخصوص على شعار متمكنين امثالكم
لكن اللي ابغى اقوله لك وللاخوه ان اخر الكلمات في العجز تكون مكسوره باالكسر
يعني مثلأ يردنٍه ,, مكنٍه,, شحنِه ,,هذي تميل الى الكسر في النطق
ولا يجوز انّا نقول مثلأ جنه ’’ ضنه ,, فنه ,, بنه ’’حنه,,
له كلمات تكون فيها حرفين تميل الى الكسر في النطق هذا حسب معرفتي البسيطه والله يوفق الجميع
واذا شفتوا ان الفصل صعب هتوا غيره
شكرأ للجميع

[يسلم باكتيفه العكبري]

باذكر الصاحب يمكن ناسي = عادها حسر صعبه بعقبة شتنه
ياويل من يقرب نحو قلاسي = والايفكر يوم يشرب منه
لابد مايجيني يحب عاراسي = مالعكبري شفته وقعلي حقنه
لابد مايقرأ من الكراسي = يفهم حروف الشعر ويدرس فنه


align=center use=ex num="0,black""]
ذا فصل يلغازي رحب حيابك ==ياذي قوالك دايما موزونه
وقعت ماظني حسبت حسابك ==تبغى طمع كمن رجع من دونه
بادرسك في الشعر ربي جابك==الشعر قبلك قد درست فنونه
ون مافهمت الدرس بكسر نابك==ولكل مخطي ناس بيردونه[/poem]

[أحمد العمودي أبوفيصل]

يالعكبري احسن تراجع كتابك = من قبل ماحطك بطريق الهونه
من سمح نا حبك ولا اسخابك = منهو تعنكر ناس بيشلونه

[يسلم باكتيفه العكبري]

يلغازي ارجع صل في محرابك == الجوهره شفها معي مكنونه
باجيك شفني لاتصكر بابك ==حليلتي يبن العرب مجنونه
تلطم وتلفخ مينفع مخلابك == خل السراير بيننا مدفونه
ونك بغيت الحرب هات اسلابك == كل عسكري عندي ميه يسوونه

[أحمد العمودي أبوفيصل]

حافظ على نفسك ومن اعصابك = شف شفرتي ياصاحبي مسنونه
بالموس بانحلق ترانا شنابك = والنار يالصاحب لكم مرشونه
ان جيت والاربنا قد جابك = النوف شفني مارجع من دونه
في شعب خالي بيعون اذيابك = حتى جمالك بتصبح مرصونه

[فائز باكتيفة]

العكبري والغازي ارجو منكم التسامح وعدم التشدد في الكلام
شـكــ وبارك الله فيك ـــرا لك ... لك مني أجمل تحية .

[خالد بن مهنا]

كلاااااااااااام كلاااااااااااااام والله

الله يعطيكم العافيه ياشاعرنا واصلوا الابداع

ونحن من المتابعين ,,,,,,,,,,,,,,,,,,

[يسلم باكتيفه العكبري]

حافظ على نفسك ومن اعصابك = شف شفرتي ياصاحبي مسنونه
بالموس بانحلق ترانا شنابك = والنار يالصاحب لكم مرشونه
ان جيت والاربنا قد جابك = النوف شفني مارجع من دونه
في شعب خالي بيعون اذيابك = حتى جمالك بتصبح مرصونه


ياصاحبي ذلحين وش لي صابك==مثلك دواه الكي بايكوونه
قد جبت لك مسمار وارد سابك == كل من قرب بكويه بين اعيونه
بلغ جميع الناس قل لصحابك == العكبري خزاينه مشحونه
وانك بغيت الصلح سر فشعابك==ولاتقرب من خطم مرهونه

[ابوبرق]

قل للعكبري ذلحين سر بفدابك_الغازي اليوم بنغزي حصونه

قم لاشبت النيران انا قصابك_باسن سكيني بو شوكه

شكرآ اخواني .

[يسلم باكتيفه العكبري]

قل للعكبري ذلحين سر بفدابك_الغازي اليوم بنغزي حصونه

قم لاشبت النيران انا قصابك_باسن سكيني بو شوكه

شكرآ اخواني .


بوبرق شب النار هت شبابك == بالحرق الغازي ومن في عونه
هت لي سكاكينك وهتلي طابك== وانا مجهزله عصا محجونه

[أحمد العمودي أبوفيصل]

يالبارق الرشان وسط سحابك = ماشي مطر قد جات اومسهونه
ووعلى الهدف ماباتصيب اسلابك = لي مثلكم يشكي رمد في عيونه

[يسلم باكتيفه العكبري]

بوبرق وينك وينهو مشهابك == والرعد وينه ناس يتحرونه
قد عاد غازينا رجع لابابك == وانا حسبته قد مغط اقرونه

[ابوبرق]

البرق ياصاحبي لامع وهوفي سحابك_ والرعد عادهم دايم بايسمعونه

والسيل لاقد جاء من روس اشعابك_ بيشل عروقه وبتجف أغصونه

[سبع الليل]

يالي فتحت الباب سكر بابك = نيران وسط اجوافنا مرشونه
من لي لقوه اصحابنا واصحابك=ظهروا لنا حاجات جم مدفونه
مابعضهم يمزح ويتسلاء بك= وبعضهم بايقضمك بسنونه

[صالح باعمران ابو زايد]

الاخوة الشعار الكرام هذه شلة جديدة من الزامل الشعبي مدري هل قصدتوا
عليها في الصفحات السابقة ام لا !

يا سلامي لكم مليون مني مكرر=يبلغ الشيخ بو فيصل وعمه وخاله
يقصع السيل في الليل الظليم المغدّر=لا ظهر شأن في الوادي يجمّل جماله
ساعة الضيق والشدات يحضر ويظهر=يرْبك الخصم في الميدان ساعة نزاله
صار معروف بالبقرين والغار لحمر=صعب يالعكبري تصمد وتوقف قباله

[يسلم باكتيفه العكبري]

الف حيا بمن جاني من السيل منذر = الف حيا بباعمران مولى الجماله
جابلي دهن بوزايد وجلجل معصر = والعسل عندنا والبن فاحت دلاله
باسقيكم من الصافي ومن نهر كوثر = لاقد الغيث سبل باتشوفو سباله
قبل ماجي وحل قد كان مشهور عنتر= لكن اليوم عنتر قد تغطى بشاله

[صالح باعمران ابو زايد]

مرحيب مرحيب مرحيب يا بوعكبر
هكذا هكذا

[سبع الليل]

ماجرى قل لبو عكبر من الله مقدر= بو يماني ترك ماله وضيع حلاله
مادريتو بساس الدار كله مكسر= ايش خلاء عمر باسيف يطرد عياله
عالعفاريت والشيطان الله اكبر= غروا ادم في الجنه وحرموه ظلاله

[أحمد العمودي أبوفيصل]

الاخوة الشعار الكرام هذه شلة جديدة من الزامل الشعبي مدري هل قصدتوا
عليها في الصفحات السابقة ام لا !

يا سلامي لكم مليون مني مكرر=يبلغ الشيخ بو فيصل وعمه وخاله
يقصع السيل في الليل الظليم المغدّر=لا ظهر شأن في الوادي يجمّل جماله
ساعة الضيق والشدات يحضر ويظهر=يرْبك الخصم في الميدان ساعة نزاله
صار معروف بالبقرين والغار لحمر=صعب يالعكبري تصمد وتوقف قباله

قال بوفيصل السالي علينا مقدر = يشكي القدس مالليله وتبكي صلاله
قل صالح معي جيشي وعندي معسكر = مانهاب الخطر من شخص ياخذ دلاله
قل لمنهو علينا قد خطا او تكبر = قله اليوم ودي كل ساعه قباله
بايحس بالخطر في كل مطلع ومندر= بايحرم دخول المنتدى باقلاله

[أحمد العمودي أبوفيصل]

قل لبوزايد الليله غلط مامعمر = ايش باقول في معمر وهذه خصاله
شل سيفه علينا كن سيفه تفدر = عندي السيف ابو حدين تعجب وصاله

[يسلم باكتيفه العكبري]

الف حيا بسبع الليل مليون واكثر = الف حيا بكل نشمي عريب السلاله
لكن اليوم بي ماغص وراسي تكسر = من كلام الردى لي جا من اهل الفساله
كان ودي يقايس قبل ملهرج يندر = ناقص العقل مايحسب عواقب قواله
ماعرفني ولا يعرف على الراس يجمر = ايش سوي بمن مثله ومن كان حاله
الله اكبر على هذا الزمن الله اكبر = لي يخليني ننازل من بعقله هباله
لكن اليوم بترفع على ذي تجبر = الرقايق لهم ولنا بيوت الجزاله
من دخل في حساباتي مؤكد بيخسر = بيخسر قال بونوَح حلاله وماله
من سقاني عسل بسقيه منقا وقيمر = والردي باسقيه السم مني جزاله
وانت ياسبع خلك فلعضيده تزمجر = هات حامل ميه لي قد عمد في جباله
وانظم اقوال محكومه لها البال يستر = هتلي اخبار من مهد الكرم والاصاله
قالو ان ديكهم كل يوم من فوق منبر = جن ياصاحبي او ايش لي قد جراله
صاح كل من عطش يشرب من البحر لحمر = يشرب الملح من فرط بماه وزلاله

[صالح باعمران ابو زايد]

الف حيا عدد مالغيث صعّد وحدّر=بالكلام القوي ينبع بروح الاصاله
من لسان المكرّم والزعيم الموقّر=لا دعا صوت بو عكبر يجونه رجاله
لنقفل باب يفتح باب ما هو مفكّر=يعشق الكنش والباروت شه راس ماله
والعمودي معه قوة ودولة وعسكر=يرقل الشُعب من جيشه وترقل جباله
ميتغطّى بشاله ساعة البرد والحر=يرعض السيل نصف الليل دائم لحاله
ريت ذا الجو يصفى بعد ماكان يعكر=والوفى ساسكم ياهل السمو والجلاله

[صالح باعمران ابو زايد]

ماجرى قل لبو عكبر من الله مقدر= بو يماني ترك ماله وضيع حلاله
مادريتو بساس الدار كله مكسر= ايش خلاء عمر باسيف يطرد عياله
عالعفاريت والشيطان الله اكبر= غروا ادم في الجنه وحرموه ظلاله

صاحب الجود والجودات في كل بندر=له تواريخ مكتوبة توثّق فعاله
ماكن الساس من كل النواحي مزنتر=حط مبناك لو شئ فيك قوة وحاله

[سبع الليل]

منهم خاطري والبال ايظا تكدر= لي رمانا بسهم الغدر عافت خصاله
كننا من قلال الخير جم باتحذر=بقفل الباب بالكالون وبحكم قفاله
كم صبرنا ورابطنا ولاشي تيسر=خمستعشر سنه وعبود كله فواله

[يسلم باكتيفه العكبري]

الف حيا عدد مالغيث صعّد وحدّر=بالكلام القوي ينبع بروح الاصاله
من لسان المكرّم والزعيم الموقّر=لا دعا صوت بو عكبر يجونه رجاله
لنقفل باب يفتح باب ما هو مفكّر=يعشق الكنش والباروت شه راس ماله
والعمودي معه قوة ودولة وعسكر=يرقل الشُعب من جيشه وترقل جباله
ميتغطّى بشاله ساعة البرد والحر=يرعض السيل نصف الليل دائم لحاله
ريت ذا الجو يصفى بعد ماكان يعكر=والوفى ساسكم ياهل السمو والجلاله


سر حالي ابوزايد وحالي مكدر = شيخ معروف فجنوب اليمن اوشماله
بيدك العدل من عندي ثلاثين ميزر = واطلب انته من الشيخ العمودي عداله
من غلط يحتكم ون كان زيد وقصر = ذي يجادل ولكن مانفعني جداله
ون تباني حضر في ساعة الحكم بحضر = باحضر بحتكم مابا رسلك وكاله

[سبع الليل]

أرضنا تسترق والشعب يمشي مخدر=حسبو القات والهروين حشمه ورجاله
ياخساره على ناصر وصالح منصر= والعلم ذي به الحمراء يشوق خياله
وضعنا مايسر ياناس اغبر وادبر= زانت الارض للسرقان واهل الرذاله

[محمد سعيد بن مخاشن]

الف حيا بمن جاني من السيل منذر = الف حيا بباعمران مولى الجماله
جابلي دهن بوزايد وجلجل معصر = والعسل عندنا والبن فاحت دلاله
باسقيكم من الصافي ومن نهر كوثر = لاقد الغيث سبل باتشوفو سباله
قبل ماجي وحل قد كان مشهور عنتر= لكن اليوم عنتر قد تغطى بشاله


جيتكم جيت متأخر ذراعي مكسّر=حادثة سير مابين الحرض والطواله
ما معي هجس يخواني وحالي مشعتر=قلت بسمر معا الجاويد لو في عجاله
رد سلامي على المغوار من نسل عكبر=ضاع ما الهيج قل له والقتب والحماله
هاشه القوم والمكتوب هو والمقدر=يتبعك في ( النويمه ) وإن تذب ( باعلاله )

النويمة وباعلاله = مناطق إحداها في أقصى جنوب البلاد والأخرى في أقصى شمالها.

محمد بن سعيــد بن مخــاشــن

[ابوبرق]

أرضنا تسترق والشعب يمشي مخدر=حسبو القات والهروين حشمه ورجاله
ياخساره على ناصر وصالح منصر= والعلم ذي به الحمراء يشوق خياله
وضعنا مايسر ياناس اغبر وادبر= زانت الارض للسرقان واهل الرذاله

يقول ابو برق للحقيقه ماحد تنكر= غلطة المواطن سمع عبود واقواله

مسكين سبع اليل يتحسر وتيقهر=على وضع اليمن لي راحة جماله

نسي ان الخيانه في دار بو عكبر= هم سمحو لشمالي يدخل عياله

[محمد سعيد بن مخاشن]

الف حيا بمن جاني من السيل منذر = الف حيا بباعمران مولى الجماله
جابلي دهن بوزايد وجلجل معصر = والعسل عندنا والبن فاحت دلاله
باسقيكم من الصافي ومن نهر كوثر = لاقد الغيث سبل باتشوفو سباله
قبل ماجي وحل قد كان مشهور عنتر= لكن اليوم عنتر قد تغطى بشاله

مجرد إعهادة تنسيق فعندما نشرنا الإقتباس للمرة الأولى كان مفتاح ( تنسيق القصيدة ) لا يعمل. وبالمناسبة ... متى سيتم تفعيل برنامج التنسيق والإهتمام به. ما تشوفون الإخوة يشاركون بأحرف صغيرة من كم يوم؟ أين الإهتمام يا مشرفون؟

جيتكم جيت متأخر ذراعي مكسر = حادثة سير ما بين الحرض والطواله
ما معي هجس يخواني وحالي مشعتر = قلت بسمر معا الجاويد لو في عجاله
رد سلامي على المغوار من نسل عكبر = ضاع ما الهيج قل له والقتب والحماله
هاشه القوم والمكتوب هو والمقدر = يتبعك لا ( النويمه ) وإن تذب ( باعلاله )

[يسلم باكتيفه العكبري]

بن مخاشن وصل ويقول قد جيت بسمر = الف حيا بسيد المرجله والبساله
حلها قد وصل المخشني ماتعذر = قد وصلنا وهو فلجبس حالته حاله
جا ويسال على هيج البداوين لصفر = هيجنا ضاع ماباقي سوىالا حباله
قالو انه سقط في في وسط وادي تكسر = ضاع مني ونا مبغيت بدل بداله

[أحمد العمودي أبوفيصل]

عادني عادني لازلت شوني تزهجر = كل حد منكم لايرعض الاحجاله
سيلنا اليوم مروس لاقداكم محدر = بايخم من وقف لاياجماعه قباله
هيجنا هيجنا يهدر ولازال يهدر = هيجنا اليوم يرعى والجماعه بحاله
الف مليون سلمه مني اليوم واكثر = تبلغ المخشني مني عساله جماله

[محمد سعيد بن مخاشن]

بن مخاشن وصل ويقول قد جيت بسمر = الف حيا بسيد المرجله والبساله
حلها قد وصل المخشني ماتعذر = قد وصلنا وهو فلجبس حالته حاله
جا ويسال على هيج البداوين لصفر = هيجنا ضاع ماباقي سوىالا حباله
قالو انه سقط في في وسط وادي تكسر = ضاع مني ونا مبغيت بدل بداله

قل ليسلم على إللي همّل الله وأكبر=همّل الهيج للسارق وطلّق عقاله
عا بعيري حسافه ... بين دهمي وصيعر=صار مبيوع بالسرقه بسوق السفاله
قهر سبب لنا في ضغط زايد وسنكر=صار أكلي جزر أحمر وخبز النخاله
كن عاد الأمل في الله ... في يوم أزهر=با تعود الذهيبه ... با الكرم دوب ساله

الأخ يسلم ... فضلا نسّق قصيدتي وأنشرها تحت تعريفك ( أي في زاويتك ) ولكن أكتب إسمي تحتها. الشبامي ما هو راضي يجيب لنا برنامج زي الناس. تنسيق القصيدة لا يعمل معي بينما يعمل عندما أشارك في منتدى سيبان . الخلل لا يمكن أن يكون من الجهاز. نداء نوجهه للمشرفين أن يهتموا بزبائنهم إللي هم نحن وبمتصفحي سقيفتهم.

محمد بن سعيــد بن مخــاشــن

[محمد سعيد بن مخاشن]

عادني عادني لازلت شوني تزهجر = كل حد منكم لايرعض الاحجاله
سيلنا اليوم مروس لاقداكم محدر = بايخم من وقف لاياجماعه قباله
هيجنا هيجنا يهدر ولازال يهدر = هيجنا اليوم يرعى والجماعه بحاله
الف مليون سلمه مني اليوم واكثر = تبلغ المخشني مني عساله جماله

ألف مرحيب بو فيصل وكادي وعنبر=نسكبه للعمودي لا ظهر لي خياله
راح للخور ( فـ ) زياره ولا بد يظهر=وسْط شعبة عمر مابين أهله وآله

محمد بن سعيــد بن مخــاشــن

[سبع الليل]

بن مخاشن صليب الراس صعد وحدر= من عدن الى المكلاء ماوصل الى صلاله
دار بو زيد بايقع له كما دار بصعر= والعرب باتجهز له وتنوي قتاله
كم وياكم دول قبله وقايد وعسكر= انتهى حكمهم وتمثلوا للعداله

[سبع الليل]

بامشي سعفكم ماليوم ماباتاخر=والذي مايبانا عضو يرسل رساله
ون خطيتا على حد منكم باتعذر=قصدي الا سمر معكم يقع بالسهاله
انتو اهل الكرم والجود والوجه لنور= والقلوب السليه والوفاء والاصاله

[صالح باعمران ابو زايد]

بامشي سعفكم ماليوم ماباتاخر=والذي مايبانا عضو يرسل رساله
ون خطيتا على حد منكم باتعذر=قصدي الا سمر معكم يقع بالسهاله
انتو اهل الكرم والجود والوجه لنور= والقلوب السليه والوفاء والاصاله


يفرح القلب لا شاف الحصان المشهّر=في ربوع الوطن يعبر ويقطع رماله
كل شئ منتهي والجبر يبقى ويعمر=نستقي كلنا من عتم صافي زلاله

[أحمد العمودي أبوفيصل]

ذا فصل يالشعار من جد وجد = كل من زرع نبغاه يحصد لي جناه
مادامه الراعد في المنشي رعد = الغيث لي مقبل علينا ماكماه

[يسلم باكتيفه العكبري]

اليوم زال الهم وانزاح النكد = جاب العمودي فصل يعجب من قرأه
لاغابو الشعار والباب انقلد = بشكي بهم عند المحاكم والقضاه
ومعي كنان الراس لاحط البرد = وفي الشتا جنبي يحصل له دفاه
والهاجس الليله على منهل ورد = لاقد ورد كلن يوخر من قداه

[أحمد العمودي أبوفيصل]

يالعكبري ماحد في الدنيا لحد = كلن على كيفه ويلقي لي بغاه
لاقربت منك يارفيقي تبتعد = والحصن لي منصوب كلن قد رماه
من حر لايالعكبري شه بيبرد = وان حد شكابك انت لاتشكي كماه
خلك في الميدان دايم مستعد = انته وباعمران كلن من قداه

[يسلم باكتيفه العكبري]

لبن العمودي قدر في قلبي وود = لك ود ياصاحبي عالي مستواه
ون قد صعدت لوفوق سعفك باصعد= العكبري دايم يلبي من دعاه
لكنني من شخص واحد بانشد= عساه يرجعلي الى الزامل عساه
بوزايد المشهور ياشبل الاسد = بنشدك وش ذي سار في حلان ساه
قالو ولدكم قد غزاهم بلعمد = احمد سعيد المشجري وش ذي بلاه
بلحق ولا ارهاب ارشنها وقد = حزنت وتاسفت شفني من نباه

[ابوبرق]

الرئس البارح في الملعب رعد - ورعود حنانه والحوثي فهم معناه

ليه يالمرتزقه كل هذا الحسد - الرئس الصالح كل الشعـب بغأه

قولو للعمودي الخير جانا وستعد - ارض اليمن بلخير صالح جاه

[أحمد العمودي أبوفيصل]

غروه عيال أبليس واصحاب الحسد = قد سمموا عقله وربي قد بلاه
المشجري معروف من اب وجد = ياناس متحير ولادري ويش جاه
ماكنت متوقع ينكد بي نكد = وان قلت لي مغروم ماشعق كساه
قد ضيع اسنينه وشكله بالعمد = يالعكبري نبغى نعرف من وراه

[ابوحامدبافياض]

تسليم ما حنت ميازر في بلد=وتعداد ما الباروت يذلح في لضاة

وتسليم ما اميراج في جوة صعد = تشعل صواريخة من عالي سماة

وتسليم ما الرادار في جوة رصد = غازي بجوة في دفاعاتة رماة

تسليم للشعار ذي هي تعتصد = في بحر ظالم واحذرو من موج ماة

قد هاجسي معروف في جزرة مد = في موج ظالم في اليالي قد سراة

وين المناطح وين ذي هو لي ندد= بالله ناطحني وقرنك ما اخشاة

[الطامع]

اسلام لكم مني ولا فند احد = للحضر بايوصل ولي هوفي خلاه

يومي لي ياناس طرفي مارقد = والحال لي يا ناس يشكي من غثاه

واللحم نا باقول من عظمه انجرد = اما البدن شوفوه قد جفت دماه

من كان هو صابر ترى صبره نفذ = وسط البدن احوات ينخر في شواه

اما السبب دوباس ما غيره قصد = لي عالجماعه قد طرح خس الولاه

حد قد صبح مشلول وحد جاه الرمد = ومن به مرض ماظن با يلحق دواه

وان حد قوي عزمه شل نفسه شرد = لا ارض جيرانه وبا يلحق عشاه

عشرين هم مليون لنته با تعد = ثلثينهم هاجر وعاده ما كفاه

[ابوحامدبافياض]

حيا قوافي عد ما العداد عد=واعداد ما ذا الغيث يسكب في خلاة

القافلة با تسير لا شيبك كبد=حاذر لهيجك لا يضيع شي خطاة

وان كان نومك من عيونك في صدد=لوموا الذي قالو باعة واشتراة

حيشا وكلا ما سحبنا ذا الوتد=من بة مرض بالكي حصلنا شفاة

لا هم شي مسعود ولا همة حمد=قد صاحبك يشكي من علة كلاة

قالو يدور الارض يجمع عالحدد=ذا كيرنا شاعل با خمري شواة

ضايع مضيع صاب قلبة ذا الكمد=والشعب يا شاعر من فعلة شناة

واليوم مفتوحة حصوني والسدد=من بعد ذاك العفويامرحب ملاة

[أحمد العمودي أبوفيصل]

يامرحبا بلي على بيري ورد = بسقيه يالشعار وبسقي من معاه
قولوا لبا فياض من بحري بعد = كم واحدن قبلك دخل بحري وتاه
ويقول بوفيصل ولتكلم وعد = كل من دخل بحري عسا يلحق نجاه
انك تبى المعروف ياهذا الولد = معروفنا من سمح لي واصل مداه
البيت لي معمور له عدة سدد = وبابنا مفتوح لكل واحد بغاه
الباب لي مفتوح ساعه ماانقلد = من عهد اجدادي محافظ عالوصاه

[أحمد العمودي أبوفيصل]

دور على الغوده وحيتان الثمد = في السوق ياكمين باعه واشتراه
اما عيال الشيخ بن عبد الصمد = ماباتصلهم نجم عالي في سماه
حد في العرب صاحي وحد شفته رقد = وحد منهم مجنون قدشعق كساه
باقول لطامع تحذر واستعد = بعض العرب نشبه ولامنه بداه

[ابوحامدبافياض]

لا تدحق القيفان يا شاعر وشد=شف بحري الغلاب كم شاعر هماة

اما وكرمني بقرنك واستعد= ا بدعي على الحلان من وادي هداة

قايد على عسكر وانا المعتمد=لا قلت امري نفذو لي ما بغاه

با ينقلون الواد لو لة الف سد= ماهمني من حيد ولا من حصاة

وحذر من البندق لا يجيك الردد= شف بندقي محكوم كم شاجع رماة

واحذر من العاصور لا يجي يعتصد=با يوخذك ما بين فجرك او ضحاة

[ابوحامدبافياض]

اقلبو القاف يا جماعة القاف اندحق بكثرة وانا ما احب النوع هذا يندحق من القوافي

وين راحو الشعار

[أحمد العمودي أبوفيصل]

ذا فصل والثاني تعالوا ياعرب = لاساحة الميدان مابين الصحاب
باحذرك ماليوم لاتبعد قرب = لاتحسبه في الجول قدامك سراب
بلجيك عاظهري من خير السلب = ولجلك وعاشانك مكشر بأنياب
ان جيت لي دحقه والاباتخب = بطلع معك ياصاحبي فوق السحاب

[ابوحامدبافياض]

حيا صوتك يا شاعر السقيفة هذة قوافي تشفي القلب



قال المغني جنبو من ذا النشب=هاتو لنا الرميان شيبة و شباب

شوفو لنا الغازي علينا قد عتب=يا قهر قلبي يا لهابي باللهاب

يا بن العرب قد جيت من وادي الشغب= قد جبتهم اللفين من حصن الغراب

واحذر لهيجك لا يقع بة شي جرب= او شعفنا لا هز برياح الهباب

[سبع الليل]

[poem=font=",6,,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black""]
مرحيب يامرحيب يالقرش الذهب=لي مايخوفنا مجييه والذهاب
الجيد ابن الجيد من نسل الذيب =ما با تخوفه النماره والذياب
لي يقمح الباروت ويموض اللهب= ولايصيبه شي من النار ألتهاب[/poem

[محمد سعيد بن مخاشن]

ذا فصل والثاني تعالوا ياعرب = لاساحة الميدان مابين الصحاب
باحذرك ماليوم لاتبعد قرب = لاتحسبه في الجول قدامك سراب
بلجيك عاظهري من خير السلب = ولجلك وعاشانك مكشر بأنياب
ان جيت لي دحقه والاباتخب = بطلع معك ياصاحبي فوق السحاب

سلام للصاحب بعد وألا قرب = ولْد العمودي ذي شبا كل العقاب
غيره يحمّل ليف ويحمّل كرب = وأحمد يحمّل تمر ويحمّل كزاب
حاز المروّه والحسب هو والنسب = بين الهواشم والمشايخ والعراب
قل له يزور العرض يلقى به محب = شايب ويلقى به محب بين الشباب

محمد بن سعيــد بن مخــاشــن

[ابوبرق]

السلام عليكم ورحمة الله وبركاته


يقول ابوبرق كل عيف له عطب - والزين يقرب الى ضمن الصحاب

ياخوان يكفي الشمالي من نهب- ارض اليمن تشتكي من كثر الخراب

وين الرجاجيل لي يحملون السلب_ عادهم في الدنيا او تحت التراب

[سبع الليل]

ياسامعين الصوت بوزيد انقلب=ما بايجيبه شي خلاف الانقلاب
يوم السفينه ساقها من هب ودب=وركابها ماهم شوي والاهباب
سته وستين الف صبروا عالتعب=فوق الحسر باتوا ومابين العقاب

[ابوحامدبافياض]

[poem=font=",6,,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black""]
مرحيب يامرحيب يالقرش الذهب=لي مايخوفنا مجييه والذهاب
الجيد ابن الجيد من نسل الذيب =ما با تخوفه النماره والذياب
لي يقمح الباروت ويموض اللهب= ولايصيبه شي من النار ألتهاب[/poem


حيا بسبع الليل ماثارت سُحب = واعداد قطر الغيث يسقيها شذاب

اهلا وسهلا عد ماشهدة سكب =من دوعني صافي يجلي لكتائب

با حرمك يا نوم من فوق الهدب= بسري معاكم وين هيجي والزهاب

[ابوحامدبافياض]

ذا فصل والثاني تعالوا ياعرب = لاساحة الميدان مابين الصحاب
باحذرك ماليوم لاتبعد قرب = لاتحسبه في الجول قدامك سراب
بلجيك عاظهري من خير السلب = ولجلك وعاشانك مكشر بأنياب
ان جيت لي دحقه والاباتخب = بطلع معك ياصاحبي فوق السحاب



يا بن العمودي بنشدك من باعزب=قالو مضيع رقمهم وسط الحساب

وش كلفة يدخل بسواق الحدب=قد ضاع مالة بين خورة او نصاب

هذا رجل ما قد قراء شي في الكتب=ردو علي ياذي قريتو في الكتاب

ما ينفعة منهل لا الشارب شرب= واليوم هذا غار قوتة والشراب

[الطامع]

يابن العمودي قم عبد ربك وتب = واكسب فضيله با تحصلك ثواب

شوفك نا قابض طريقة بو لهب = وللآخره ماظن باتحسب حساب

بنبقلك في النار مابين الحطب = وحميم با نسقيك ما غيره شراب

لا لا تغرك شف خطابات العرب = نكرانهم والشجب في هذا الخطاب

[علي باشميل الديني]

الشكر الجزيل لبو راضي

[يسلم باكتيفه العكبري]

هاجسي يلشعار معكم ماطرب = غثى عليَ وخرب الدنيا خراب
قد كان من لول يجي وقت الطلب = يجي ومتجهز بسيفه ولحراب
لقد المهوك فزوامل ينتغب = من عادته يحضر وله مخلب وناب
ون قد حضر كلن بسيفه يعترب = يطلَعه من وسط غمده والجراب
يعطيك دايم من عناقيد العنب = لنته معه واقف وله صاحب وحاب
ون كنت بتعاديه شب النار شب = بتذوق في الدنيا من انواع العذاب

[أحمد العمودي أبوفيصل]

سلام للصاحب بعد وألا قرب = ولْد العمودي ذي شبا كل العقاب
غيره يحمّل ليف ويحمّل كرب = وأحمد يحمّل تمر ويحمّل كزاب
حاز المروّه والحسب هو والنسب = بين الهواشم والمشايخ والعراب
قل له يزور العرض يلقى به محب = شايب ويلقى به محب بين الشباب

محمد بن سعيــد بن مخــاشــن

يامرحبا اعداد ماطلعت سحب = واعداد مالبارق يلملم في السحاب
واعداد ماذبحوا وماوحد حلب = واعداد ماشربوا من الروبه شباب
المخشني معروف من اول كسب = من سمح مايغلط يدقق في الحساب
معروف ذا بلجيك من خير السلب = المخشني معروف من عز النساب

[أحمد العمودي أبوفيصل]

كل من غلط ماليوم بيشوف العجب = يالطامع المعروف بيجيك الجواب
صبرك على نفسك لايجيك الجرب = اليوم انا مشغول اكتب عالخطاب

[الطامع]

وسط السماء الشهر ما بايحتجب = وان شي سحب لتقول هذا الشهر غاب

والمخشني رجال دايم مصطلب = بين العرب معروف من الناس الصلاب

ويقول ما الطامع غلب راسي غلب = باب الغلط مقلود عنده والسباب

قل للعمودي عاد فوق الناس رب = عالم بأنا مانجي غير الصواب

[ابوحامدبافياض]

وسط السماء الشهر ما بايحتجب = وان شي سحب لتقول هذا الشهر غاب

والمخشني رجال دايم مصطلب = بين العرب معروف من الناس الصلاب

ويقول ما الطامع غلب راسي غلب = باب الغلط مقلود عنده والسباب

قل للعمودي عاد فوق الناس رب = عالم بأنا مانجي غير الصواب


قال المغني قد قطفناها شذب=من واد راوي واد محكوم الشعاب

قد ضاع دكتورة ولاشي اليوم طب=واليوم ينحب واسمعو هذا النحاب

ما صاحبي حَبة لنا يا خير حَب=تسعين كيلة طاب حبي اليوم طاب

واحنا نصوم الشهر وهذا في رجب=من موسكو يوكل على لحم الكباب

[ابوبرق]

مسكين ابوسالم في الغربه نشب_ جالس في العزبة يشربله شراب

لايسال عن اهله ولهو لي كسب_ وين الذينا ينصحون ياخوان الشباب

[سبع الليل]

هذه هي الدنيا تمن وألا طلب=مابايصلك ألا المسجل في الكتاب
لو هي بخيره مابغينا حد يهب=وويغيب في الغربه مع الناس الغياب
وان شي بصر والا نظر باننتدب=ذي هم عرب يستاهلون الانتداب

[المهيب]

كلاااام ياشباب

[محمد سعيد بن مخاشن]

هاجسي يلشعار معكم ماطرب = غثى عليَ وخرب الدنيا خراب
قد كان من لول يجي وقت الطلب = يجي ومتجهز بسيفه ولحراب


يا با كتيفه ضاع صوتك في المهب =والشعر هذا الوقت قده ألا سباب
شعارنا ماتوا ودود الأرض دب = من فوقهم لمّان حوّلهم تراب
عد للنويمه وركابك والجلب = جاوش ولو تبلغ إلى عقبة نصاب
ونا مثيلك با نعوّد لا عدب = والجوع بالعقبه في الأرض اليباب
كل يوم صبّح لك إلى المركيت هب = يمّه ونا با هب لا أم القباب
والشعر بترك بوه سبب لي نصَب = لا ويش عدني با تعب عا يات باب
مدخالي النت خس من جمع الحطب = وزر القصيده كالحنش وسْط الجراب

أم القبـــاب = قرية المشهد بالقرب من عدب وبها سوق صغير.

محمد بن سعيــد بن مخــاشــن

[خالد بن مهنا]

ياسلام عليك يالمخشني

ويااااااااااسلام على كل الشعراء

يعطيكم العافيه ........وهكذا هكذا...مرحيب مرحيب

[الطامع]

بعد اذن الشعار الكرام


هذه السنه ماالخير في ارضي كثر = كل من دخل للسوق با يلحق خراج

والجوع ماشي جوع ديع واندفر = والشعب كل الشعب بايشبع دجاج

صنعاء اليمن ماليوم بتنافس قطر = فيها المناظر لي تروق بالمزاج

ماحضرموت الخير تسر الحال سر = فيها السواحل لي تلاطم بالمواج

يا بخت من للخور زاره او نظر = معلم حضاري لي تزينه البراج

والتنميه عمة ريفها والحضر = هذا وصل سائح وهذا للعلاج

اما الطرق شبكه وتعلاها جسر = وانفاق ممدوده ولا فيها عواج

صارت بلادي محط انظار البشر = حتى صبحنا عالعرب عمه وتاج

يا شعبنا اهدي التحيه والشكر = للبيض لي كان السبب في الانفراج

مانا دعي المولى يمده في سقر = والمؤتمر كل يوم دعيله بالهجاج

[يسلم باكتيفه العكبري]

بما ان الاخ الطامع قد ذكر بعض الاشيا الجميله في وطننا الغالي فانني حبيت اشارك معاه واذكر بعض الاشيا التي لم يذكرها ونرجو من جميع الشعار ذكر ماتبقى
واما العماير طين مبنيه مدر = والكهربه فانوس متشوف السراج
والقوت بعد الظهر من خضر الشجر= لاجيت بن عيفان بتشوف الحراج
والنوم عدكه وهي خير السرر = نملك كما نوم البهايم والنعاج
واما الشوارع بلنظافه تزدهر = من النظافه كنها مثل الزجاج

[الطامع]

يا العكبري حيا كلامك لي صدر = بنفنده من بين هاتيك الفواج

عاد التقدم في المنافذ قد ظهر = منفذ حرض مبناه من تنكه وصاج

كل من خرج منه بغا بايعتمر = قال الفرج جانا من الله والخراج

يا بن اليمن اليوم عاحالك صبر = عاده ملفك منطرح وسط الدراج

[عاشق رماله]

سلام للشعار في كل الدير=اعداد ماتلطم في البحرالمواج
واعداد مافالبرمن انواع الشجر=وكل نجماً فالسماء كنه سراج
واعداد من صلى لربه واعتمر=ولي سرح قصده لبيت الله حاج
ضيفاًجديد اليوم جاكم قدحضر=وكل شاعرمنكم بعطيه تاج
يهل الوفاء والطيب فيكم نفتخر=لجل الزوامل جاني الهاجس وهاج

[أحمد العمودي أبوفيصل]

غلطان في غلطان ماعندك نظر = مالطامع المعروف يكسر عالزجاج
يالمخشني وينك مالك شي خبر = ليهو صبح بطران مالليله حتاج

[محمد سعيد بن مخاشن]

يا العكبري حيا كلامك لي صدر = بنفنده من بين هاتيك الفواج

عاد التقدم في المنافذ قد ظهر = منفذ حرض مبناه من تنكه وصاج

كل من خرج منه بغا بايعتمر = قال الفرج جانا من الله والخراج

يا بن اليمن اليوم عاحالك صبر = عاده ملفك منطرح وسط الدراج


ّبيدي عُوَـرْت العين شف قدني عُـوَر = فرّت بي النفله معا شعوف العجاج
واليوم ضايع بين هاذيك النّـشَـر = كل شي معي يا صاحبي كـدّف و باج
مركبي في الغبّه توقّف ما شمر = ركبوا به االياجوج والماجوج ماج
والحكم للرحمن في بحر(ن) وبر = عالم بأن الظلم هو والفقر راج

بــاج = تـخـــــــرّب

محمد بن سعيــد بن مخــاشــن

[بن قطمان]

ويقول بن قطمان يامجل الكدر=ياحافض الركع ومتعبد وحاج
يارب غثنا غيث وافر بالمطر=وسيولها تثجي كما البحر العجاج
والعسر بعده يسرلو شفنا العسر=ياعالم ن بالحال كله والمزاج
الفيل مافكر ولاهم النمر=والفيل جثه بس ناب الفيل عاج

[خالدمسعودبالريس العويني]

شـكــ وبارك الله فيك ـــرا لك ... لك مني أجمل تحية .

[محمد سعيد بن مخاشن]

ويقول بن قطمان يامجل الكدر=ياحافض الركع ومتعبد وحاج
يارب غثنا غيث وافر بالمطر=وسيولها تثجي كما البحر العجاج
والعسر بعده يسرلو شفنا العسر=ياعالم ن بالحال كله والمزاج
الفيل مافكر ولاهم النمر=والفيل جثه بس ناب الفيل عاج

الفيل جثه قد تظنه من حجر = لكن عقله مستوى عقل الجاج
واليوم في الأشباك شفته قد طمر = ما ينفعه سنّه ولو هو نصل عاج

[بن قطمان]

شكرا على هذا الابداع

[الدنصور]

أولاً وقبل كل شي بصفتي شاعر جديد الرجأ المجرأه على الربط والمعنى والهدف من الموضوع

عندما كانوا الرومان في عهد قيصر= ما يميلون من عاداتهم لوليه
بس هذا الزمن فيهم تحكم وسيطر= وأنتهوا من شروق الشمس لمّا عشيه
وأنت ياذي لقيت اليوم عا الكتف ميزر = أيش لك تدعي بوزارة الخارجيه
لنت وارن كرستوفر ولا جمس بيكر= ساير الوقت وأدحق عا الطريق البتيه

[بن لشرم النعماني]

يعطيــــــــــــــــــــــــكم العافيـــــــــــــــــــه ولاتبخلــــــــــــــو علينـــــــــــــــــا بلمزيـــــــــــــــــــــد

[يسلم باكتيفه العكبري]

وينكم يالشعار ؟

[ابوحسين69]

صدقت السقيفه خاويه يمكن عدهم الناس في اجازه

[محمد سعيد بن مخاشن]

أولاً وقبل كل شي بصفتي شاعر جديد الرجأ المجرأه على الربط والمعنى والهدف من الموضوع

عندما كانوا الرومان في عهد قيصر= ما يميلون من عاداتهم لوليه
بس هذا الزمن فيهم تحكم وسيطر= وأنتهوا من شروق الشمس لمّا عشيه
وأنت ياذي لقيت اليوم عا الكتف ميزر = أيش لك تدعي بوزارة الخارجيه
لنت وارن كرستوفر ولا جمس بيكر= ساير الوقت وأدحق عا الطريق البتيه

كنت ظن المعارك طعن ... بطعن وبنحر = ضرب يمناي بيخلّي جثثهم دحيّه
كنّهم جابوا الرادار وشعاع ليزر = تسمع الضرب يا دنصور بفجع دويّه
والعرب كل واحد قال لي: قوم يقشر= وط رأسك وإلا با تجيك البليّه
قع كمانا وطول الوقت خطط وفكر = في البقش والكراسي وإنتهاك الرعيّه
ورث أبناك من بعدك وخلّك مسيطر = وش تبا بالقباعه والأمور الرديّه
ما سمعت النصيحه يوم كوري مدقّر = ماتوا أجواد من فبلي ونا في المعيّه
رحت واليوم بيكر عا العرب قد تأمر = ما تنازل يجيهم يرسل ألا البنيه
موتنا أحسن كما الدنصور عظمه تكسّر = كبر حجمه وقع عايق وجاب المنيّه

محمد بن سعيــد بن مخــاشــن

[خالد بن مهنا]

كنت ظن المعارك طعن ... بطعن وبنحر = ضرب يمناي بيخلّي جثثهم دحيّه
كنّهم جابوا الرادار وشعاع ليزر = تسمع الضرب يا دنصور بفجع دويّه
والعرب كل واحد قال لي: قوم يقشر= وط رأسك وإلا با تجيك البليّه
قع كمانا وطول الوقت خطط وفكر = في البقش والكراسي وإنتهاك الرعيّه
ورث أبناك من بعدك وخلّك مسيطر = وش تبا بالقباعه والأمور الرديّه
ما سمعت النصيحه يوم كوري مدقّر = ماتوا أجواد من فبلي ونا في المعيّه
رحت واليوم بيكر عا العرب قد تأمر = ما تنازل يجيهم يرسل ألا البنيه
موتنا أحسن كما الدنصور عظمه تكسّر = كبر حجمه وقع عايق وجاب المنيّه

محمد بن سعيــد بن مخــاشــن
والله كلام ياالمخشني تشقص في راسك..

[سالم عاشور حسنون]

يامــــرحبا باقوال من شــــــاعر فهم
يعرف اصول الشعر واصول القصيد
من عند بوراضـــــــي يعدَل لا حكـــم
ويقيم عهـــــد الله والقــــــول السديد
شفنـــــــــــا بغيتك فـــــي قضيتنا هتم
يـــــوم امنا تبكي مع خــــــوها سعيد
دركاه يهل الفكــــر شـــــــو سال بغم
والقلب متكــــدر ونا قلبــــــــــي نكيد
واليوم شــــــو حسنون ذا بحره لطم
لي ما عرف للبحر لايدخـــــــل بعيد

[عاشق رماله]

ياسلامي على الشعارفي كل بندر=وينكم يارجال الطيب وهل الحميه
وين خالد وبوفيصل مع ولدعكبر=والدينصوروبن قطمان وباقي البقيه

[يسلم باكتيفه العكبري]

من دعاني حضر من عادتي ماتاخر = باسقيكم من الصافي بشربه هنيه
باسقيكم عسل بفرش لكم لرض مرمر = ون تعجت علي فك القفول العجيه
عاد سيفي معي هو والحصان المشهر= بامشي سعفكم في صبح ولا عشيه
بالزور الوطن بلزور كم وادي اخضر = من شحن لاعتق لاحجر لما سهيه

[عاشق رماله]

عالتفاعل انا باقول يلقرم تشكر=با كتيفه في الشعارمافيه زيه
ذا سمع صوت من يدعي حضرما تأخر=يوم بعض العرب مايسمعون الدعيه

[أحمد العمودي أبوفيصل]

جيتكم جيت للزامل وشوني مكشر = بانوطي حسركم لي بطت ملتويه
مانهاب الخطر وحنا في البحر نمهر = بانجيب الدرر ليهي بطت مختفيه

[أحمد العمودي أبوفيصل]

ذا فصل والثاني بصوتي بانهم = والفصل بانبداه شونا بالسلام
وسلام لاياهل المعزه والكرم = يأهل السقيفه يالرجاجيل الكرام

[محمد سعيد بن مخاشن]

راح شعبان مادامه وصل سبعتعشر = با الرماضين واصلكم بقي له شويه
شهر بيغيب يخواني عليكم ويظهر = يا عرب وش تحقق ما سوى الهومليه؟

محمد بن سعيــد بن مخــاشــن

[محمد سعيد بن مخاشن]

ذا فصل والثاني بصوتي بانهم = والفصل بانبداه شونا بالسلام
وسلام لاياهل المعزه والكرم = يأهل السقيفه يالرجاجيل الكرام

وليه تفصل لك عبيده أو دهم = يعارضونك قبل توصل لرض يام
وإنته معوّد با تمر جنب الحرم = ما تعتمر قد لك قدر عشرين عام

وإنك ذكي ستعرف أن هذه دعابه أو مزحة

[عاشق رماله]

ذا فصل والثاني بصوتي بانهم = والفصل بانبداه شونا بالسلام
وسلام لاياهل المعزه والكرم = يأهل السقيفه يالرجاجيل الكرام


يامرحبا اعداد مالطاهب يزم=واعداد مايبرق ويرعد فالغمام
رحمه من الله ضاقيه والخير عم=والسيل من دوعن وصل لما شبام

[صالح باعمران ابو زايد]

جات القوافي لي تصم الرأس صم=قد جات والبرّاق في راس الجهام
واليوم في الميدان نبغى نلتحم=والكنش والباروت يتكلم كلام

[المهيب]

الصقر ماشفتوه عداء عالرخم = فالجو لاقد شاف شي علا وحام
حط المكاوي ناجحه فوق العلم = خطط لهم من شهر ماهو من لعام

[سبع الليل]

حيا وسهلا بالمقدم والحكم=والله لهم عندي معزه واحترام
انتم رجاجيل الشدايد والهمم=انتو رجال الامن ورجال السلام
لاقد دعو في حلها قلنا نعم=جينا على الداعي نلبي والعزام
جينا لكم خبه وسيره بالقدم=باخوطها وديان في عز الظلام

[أحمد العمودي أبوفيصل]

قولوا لبو مخشن كلامك مفتهم = معروف قد حليت مابين الدقام
ماليوم يالشعار حضرت القلم = بكتب لمى الصبح حضرت القلام
قولوا لبو زايد يزم الحيد زم = معروف باعمران من زامن وزام
سبع الليالي جا معدل محتكم = ويقول انا حاضر لتنفيذ الحكام
ماليوم في الميدان يابصم بصم = كلن يوقعلي ويبصم بالبهام
من مد لي علقم انا بسقيه سم = ومن عطاني تاج قلدته وسام

[سبع الليل]

هذا الكلام الزين ويافاهم فهم=ماليوم بانبداء بترتيب الكلام
كل من لقاء حجه تفرعن وانتقم=ويقع في التهمه ويوقع في الحرام
وين الشهامه والموده والكرم=وين التعاطف وين ذولك الكرام
سالت دموع العين ماذلحين دم=والنفس تتألم من الناس اللام
لي مالهم في الدين والدنيا كلم=ولا لهم شي فعل في التاريخ هام

[أحمد العمودي أبوفيصل]

قال بوشيخ نبغى الحرب ماليوم واصل = والمسابت ملانه عندنا بالذخيره
لاتتابع قناة الامبسي او فواصل = كل للخبار تنقلها قناة الجزيره

[محمد سعيد بن مخاشن]

قال بوشيخ نبغى الحرب ماليوم واصل = والمسابت ملانه عندنا بالذخيره
لاتتابع قناة الامبسي او فواصل = كل للخبار تنقلها قناة الجزيره

زبن لا يا العمودي زبن هذا التواصل = دوب بالقول تتحفنا حلاء فيه شيره
شاشة أبليس شفني فوقها نا مواصل = جبركم يومكم لي مصهريه وجيره

محمد بن سعيــد بن مخــاشــن

[سبع الليل]

بانعيد الامل في مابيننا والتفاؤل =والشمالي نبا له حد يحدد مصيره
عالارض باالمروه والشرف بانقاتل=وكل خين نباه يصحى ويصحى ضميره
لامتى بانتمي تحت ظلم التخاذل=بانعيد الاراضي غصب والا بخيره
هكذا مكسب الوحده مصايب مشاكل= بعيرهم في الوصر يعصر ويشرب عصيره
i;1h l;sf

[أحمد العمودي أبوفيصل]

يوم شفت القوافي لي تهز المحافل = جيتكم ياجماعه جيت خبه وسيره
عاش رئس جمع ماليوم كل الفصائل = وحد اوطان وأنجازات شوها كبيره
لاتصوع الجمل ليهو يقود القوفل = والدواسر لها عاده تقود القطيره
وايش سويت يالي دوب طالع ونازل = مانجزتوا عمل ماغير مشروب صيره

[ميزان العقول]

شكرا ياشباب على المساجلات الحلوه بس اهم شي الوزن والقافيه وانتقاء المفردات الجميله

[سبع الليل]

ماسمعنا باصحاب الرشاوي تناطل=والسرق والحراميه تقود العشيره
لاتكابر ولاتغتر بهم اوتجامل=مايجامل سوى الا ذي شروعه قصيره
وانت أسال عليهم كل عاقل وجاهل=بايدلك على اصحاب النفوس الكسيره

[علوي الحامد]

يـاسـلامي على الشعـار واهـل الزوامـل == عـد مـايـلمع البـراق راس الحجيـرة

يـارجـال الهمم واهل الشروع الافاضــل = = جيـتكم معتـني قاصد وبرضى وخيــرة

بـدخل اليـوم وسـط الـمعـركة بانـنـاضــل == والمسـابـت مـلانه من صناف الذخيرة

لـي عـوايـد قـديـمه في جـميـع المحـافـل == نـعمـد الاولـه ماعمـد بـذيــل القـطيـرة

كلـمت الحـق بـانطـــقـها ولانـي مجـامــل == يــومهـا فـي الـزمن هذا قليله عسيرة

نـنقح العـود لي هو فـيه سـوسه وهـامـل == واقطف التين والرمان من غصن ظيرة

[أحمد العمودي أبوفيصل]

مرحبا مرحبا بالحامدي لي يقابل = مرحبا بالمناضر ارض تعجب خضيره
جبت ذيك المناضر من عمد والاسواحل = شف لنا قسم فيها سار برضى و بخيره
قال بوشيخ شفني دوب فاهم وعاقل = شرعنا دوب وافي و العقول الكبيره
مانحب الهبل والساس لي دوب هامل = مانهاب الخطر ولا الجموع الغفيره

[علوي الحامد]

بانرحب بكم بطلعك غلب البناقل == قل لبو شيخ بلقي لك عزومة كبــيــرة

بـاننـزلك يالجيـد بخـير المنــازل == لاجل لجواد بانشبي العقاب العســـيرة

الف حيا وسهلا بالرجال البواسل== لي لهم صيط في الوادي وفي كل ديرة

بطلب الله يجمعنا كما البعد حاصل== لان لانسان في الدنيا حياته قصــيــرة

[محمد سعيد بن مخاشن]

يـاسـلامي على الشعـار واهـل الزوامـل == عـد مـايـلمع البـراق راس الحجيـرة

يـارجـال الهمم واهل الشروع الافاضــل = = جيـتكم معتـني قاصد وبرضى وخيــرة

بـدخل اليـوم وسـط الـمعـركة بانـنـاضــل == والمسـابـت مـلانه من صناف الذخيرة

لـي عـوايـد قـديـمه في جـميـع المحـافـل == نـعمـد الاولـه ماعمـد بـذيــل القـطيـرة

كلـمت الحـق بـانطـــقـها ولانـي مجـامــل == يــومهـا فـي الـزمن هذا قليله عسيرة

نـنقح العـود لي هو فـيه سـوسه وهـامـل == واقطف التين والرمان من غصن ظيرة



قل لعلوي يخلـّــي السوق ناشط وراقل = يا قمر قد بزغ لي في الليالي الغديره
يا أمرأ القيس وينك؟ في عدب أو ببابل؟ = وضـّــح القول خـُــصّه في الأمور الخطيره
نا بديوي قفا السادات دايم نقاتل = با حُضـُــر لا أطلبوني ليل وألا ظهيره

محمد بن سعيــد بن مخــاشــن

[علوي الحامد]

قل لعلوي يخلـّــي السوق ناشط وراقل = يا قمر قد بزغ لي في الليالي الغديره
يا أمرأ القيس وينك؟ في عدب أو ببابل؟ = وضـّــح القول خـُــصّه في الأمور الخطيره
نا بديوي قفا السادات دايم نقاتل = با حُضـُــر لا أطلبوني ليل وألا ظهيره


حي ذا الصوت لي جانا من العرض واصل== يفرح القلب يدخل للفؤاد السريرة

جـاء من المخـشني عـز العـرب والقبـايـل == صم راسي وجبر للعظام الكسيرة

جيـت تنـشد علي مـن عـمــد والا سـواحـل == الف والنعم بالاخوان في كل ديرة

لـكن الصـدق انـا مـن وادي الـيـوم سـايـل== وادي الخير لي فيه العقاب الكبيرة

مســقـط الـراس وادي بن علي فيـه بـاحل == لكن البعد والغربه مريرة عسيرة

عـامـد اليـوم في مـكـه ولـلـحمـل شـايــــل == ارض جدي وقدنا اليوم فيها نكيرة

مـشـكلـه في مـثـاويـنـا صـبـحنــا نـقـايــــل == والنقايل مسو اصحاب مثوا وديرة