مساجلات الزامــــل الشعبي

[القفيل]

قولولبو راضي في الساحات باننظم ابيات الزوامل
ومن السقيفه تنقطع حنات حنات لقوال اللوايل
ويا

[محمد باعمرالمشجري]

الزامل تراث الاجداد
وياريت تزودنا بشي من قصيد الشيبان

[خالد بن مهنا]

يامن معك رقوه رقى المقبوص=قبل الحمه تقتل عروقه
ولا تبانا نفذح الحرقوص=ونجيب ماتحته وفوقه

[حسن النعماني]

احسنت بابن مهناء وصح لسانك

[طالب النعماني]

ونعم يابن مهنا واعذرني لعدم الرد الان
لاني مستعجل وسوف ياتيك الرد

[ابووخالد]

احسنتم شباب السقيفه على هذا الزوامل واحياء التراث القديم اتمنى ان اشارك معكم ولكن ماشي في الراس احسنتم احسنتم شكرا لكم

[محمد باحاج]

عذب القوافي ساسها مرصوص=واللي بدع زانت بروقه
يكوي بها الوجعان والممغوص=والنوب باتحسن فروقه

[حسن النعماني]

ارسل سلامي لكم مخصوص=ياأهل سهوه وبوقه
والعدو يوما بايضوي مقنوص=كلن يحسب لبيع سوقه

[حسن النعماني]

وينكم ياشباب السقيفه وينكم ياشعار
مساجلات الزامل مهجوره تركتوها وذهبتم الى مواضيع اخرى
خلوكم هنا معا تراث الاجداد يالله للامام بغينا فصل جديد

[مرعي بن صالح بن سميدع]

اخي طالب وين الشعار اول الصفحات وين الثريا من الثرى وين ايام زمان طارق بن حيدره والشعف مع احترامي للجميع

[طالب النعماني]

كل وقت بعده غيره اخي مرعي
واخواننا بن مهنا وحسن وكل الشباب مايقصرون
والبركه فيكم جميعا

[سالم بن سلم]

ابشروا لاهانكم الله.....

هذاالفصل الجديد والعوده الجديده....
مع تحياتي لكم من وادي حضرموت الخير...


زادت همومي والزمن مظلوم=والناس من حولي سعيده
ليهو كمانا مايجيه اللوم=اللوم على ليهم قعيده
ليهم في الدنيا صغار القوم=ماهم من اصحاب العضيده
سبعين واحد قد صبح محروم=والفين في الصحراء شريده

[حسن النعماني]

يامرحبا ببيات من شاعر لها تقدوم=جاب لنا المواضيع المفيده
من عند بن سلم الفتى الصمصوم=جاب لنا خبر صدر فالجريده
جاب لنا خبر ذولاك القوم=ذي اصبحو في الصحراء شريده
عقل ياصاحبي في هذا ليوم=قبل مانضويك صحراء عبيده

[حسن النعماني]

وينكم ياشباب المنتدى لاتهجروا مساجلات الزامل وتراث الاجداد
وين مشرفينا واساتذ تنا الافاضل مشرفي سقيفة عذب القوافي
وينك يابو راضي وين غبت هجرت الزامل الشعبي لك فترة
وينك يالجعيدي وين غبت علينا
تحركوا احيوو تراث الاجداد ياااااالله

[طالب النعماني]

شكرا لك يابوعمار
على هذه الدعوه الصادقه
وان شالله نتحرك مع الزامل

[حسن النعماني]

شكرا جزيلا يابو راضي على مرورك بالدعوه التي قمت بكتابتها
ونرجوا ان تكون التلبيه عاجله غير واجله
لانك انت سوف تسافر للامارات(الشارقه)
ولعاد باتلهاء هناك نرجو منك ان تتحفنا على الاقل ببيتين وفصل جديد ولك خالص الشكر والتقدير

[طالب النعماني]

ياهل الزوامل وينكم ماشفتكم=ماشفت بن ماضي ورواد القصيد
وفيين بوطارق وين امحبكم=وافيين مرعي صاحب الرائ السديد

[حسن النعماني]

شكرا جزيلا ياطالب على تلبيه الطلب
الريال والدرهم شفه قد ركهم=يباتو سهاراء في شان لقمة رغيد
عطهم يالخو رخصه كلهم=وقص لهم تذكره مع كرت الرصيد

[خالد بن مهنا]

بهدي سلامي قال بن سالم لكم=من عبر لنتر... نيت ماهو بالبريد
يبلغ لكم يااهل السقيفه كلكم=بعداد مارالراعد مسى يرعد رعيد
ماشي زبد ياصاحبي في ارضكم=منها صحاب النوب قد باتوا شريد
بنقل نوابي خير لي من عندكم=وش فايده في شيك ماله شي رصيد

[حسن النعماني]

يابن مهنا حدنا من حدكم=وانت فاهم غروضي فالقصيد
ولاهذا سوى يجي منكم=يااهل المعاني والراي السديد
ريتني في كل مندر سعفكم=باجيب كل غالي جديد
وانتم صحابي شوني عزكم=الفسل فيكم عندي كالعقيد

[ابووخالد]

كلام كلام ياشباب كلمات رائعه وابيات ممتازه نود نشارك ولكن ماشي في الراس

[بوطارق]

بالكلف الهاجس يجي عاشانكم=ساعه تعدي عندكم جمعه وعيد
يابن حسن والله لابافراقكم=ذالا شغوب الوقت فادنيا تزيد

[مرعي بن صالح بن سميدع]

احسنت يابوطارق
لاتقطعنا مشاركاتك

[حسن النعماني]

وينكم ياشباب مالكم ايش حصل لكم في مجال الزامل الشعبي وتراث الاجداد هل حصل بينكم وبينه اي مشكله قاطعتوه
والله ماادري ايش اقول لكم
وين ابو راضي وين ابو فيصل وين ابو طارق وين الجعيدي وين بن مهناء وين الشباب وين الشعار والحلان
خفوا واستخفوا يالله بغينا ابداعات تكثر في الزامل الشعبي

[حسن النعماني]

بالله يالخوه ايش قد حصل لكم=تركتم تراث اهلكم والجدود
الوقت ضيق والا الضروف ماتسمح لكم=قريب باقوم بحمله ضد النصارى واليهود

[سالم بن سلم]

سلام يابن سعد يبلغ شانكم=الوقت ماسيبه والعالم شهود
كان السبب مجهول غير حالكم=باهمالنا نمنا واصبحنا رقود

[سالم بن سلم]

سلامي لكم جميعا......
اخ طالب .. وكافة الربع.....بغينا حماس للزامل اكثر من كذا...

وبغينا الاهتمام بهذا تراثنا العريق....

...لاهانكم الله...

[طالب النعماني]

بارك الله فيك اخي سالم بن سلم
ونرحب بعودتك للسقيفه
بعد الغيبه الطويله

[حسن النعماني]

ذا فصل والثاني تكدر خاطري=وانقلب يومي حزن من بعد السرور
لازم نعقر الجمل الدوسري=امام الناس ذي قدهم حضور

[بوطارق]

مرحبا بك
يا بن سلم
ومشكور على اهتمامك باتراث

[طالب النعماني]

ذا فصل ياشعار جبت القول=موزون بالعبره وبالميزان
كله خزا لهل الكدم والفول=ذي هم كما نشره بلا رعيان

[حسن النعماني]

حيا وسهلا بك ياذي جبت القول=ابيات تتناسب مع هذا الزمان
لازم ياطالب نغزي بلد اسطنبول=ونجيب من العدواء خاتم أسليمان

[خفيف الروح]

الزامل الشعبي مورث الاباء مثل ماذكرتوا
ولكن ياليت كل شاعر يتقيد بالوزن والقافيه

[خالد بن مهنا]

قال الصقيري بانجيب الول= من قاعة الغبه مع المرجان
والارض بذرع عرضها والطول=ماخاف من انسي ولا من جان
ياغارة الله من هو المسؤل=كيف الخبر... ياطالب النعمان
النفط قد شلوه والبترول=والباخره تمشي بلا ربان

[حسن النعماني]

اهلا وسهلا بك ياخااالد في مساجلات الزامل الشعبي بعد ان غبت فتره طويله وهجرت التراث الشعبي اهلا وسهلا بك

[حسن النعماني]

جاني الليله خبر منقول=من عند خالد فارس الفرسان
جاني مع شبح مجهول=جاء قبل طلع الفجر يبان
وايش عادني يالفتى باقول=تعجز عن شكرك اللسان
وذي قد شل النفط والبترول=لازم نحاصر يساره واليمان
وكل شي في ذا لوقت معقول=قدنا ياخالد في عالم النسيان
ولاتقول ذا عاقل وذا مهبول=ولاتميز سالم من اسليمان

[خفيف الروح]

اجمل من الزامل مافيه

[مرعي بن صالح بن سميدع]

وين مشاركات الشباب

[مرعي بن صالح بن سميدع]

نريد فصل جديد يابوراضي

[طالب النعماني]

اهلا اخي مرعي
ياليت الفصل يكون من عندك
لانك مبدع حقاء

[بوطارق]

لاحول لاقوه وثم لاحول=لاقدحكم ربك على لنسان
لاتشبه البلده بنجم الشول=ولا السنه هذه كما عيمان
لاخلصت من صمره طلع مهبول=واليوم يفقع طار بن علوان
ماعذر لازم بايدور الحول=كلن يشل قسمه من الشجعان

[محمد باعمرالمشجري]

مبدع مبدع يابوطارق
قلوا لبوطارق نظمت القول=شاعر ولك ديوان يالفنان
ياليتنا باللتقي في الجول=عالمخيره والعز والاحسان

[مرعي بن سرور]

الزامل وبس ياشباب
الله الله لاتبخلون علينا بالمشاركات

[طالب النعماني]

شكرا للاخ ابوطارق على هذه الابيات الجميله
وان شالله ياتيك الرد

[طالب النعماني]

اسهيل قد عداء ونجم الشول=والخير واجد عم في الوديان
قلوا لبوطارق ضوى مقتول=ذي هو يبا فارس من الفرسان

[الحاير]

نجوم السنة زانت وجانا السيل = الوديان عمة يافرحة الرعيان

من قال فارس الشهاده مسافة ميل = مابعدة البصرة وربك الحنان

[ابورائد النعماني]

ابديت بك يالله يامنزل المطر مجري السيول=ياخالق الانسان في هذا الزمان
يقول بورايد وينه وعل الوعول=طالب حسن شاجع الشجعان

واعذروني لان هذه اول مشاركه لي في الزامل الشعبي

[طالب النعماني]

شكرا لكم ياشباب على مشاركاتكم

[بوطارق]

ذى فصل والثاني لبا منكم خبر=وانتو خذومني خباري والعلوم
بنشد من المريخ مع سطح القمر =لي وقت ماشفت الثريا والنجوم

[ابووخالد]

انستنا وارحبت يامن لك في قلبي مقر=وملقي لك احترام زايد عالزوم
القمر غايب وله فتره ماظهر=بعد مالعداء قاموا ضده بالهجوم

اعذروني اول مشاركه لي في الزامل

[طالب النعماني]

قلوا لبوطارق مسلم قد عثر=مابي سعف للوم الا وجه لوم
وانته قدك تعرف كلامي ياعمر=تقراء الحروف الابجديه وارقوم

[بوطارق]

ماباهتم والخصم بسقيه الصبر=وابليس والجني معي له عرق ثوم
والبحربالعبره ذي مايعتبر=في سعفكم لاياقوين العزوم

[السلطان حسين]

أقول فى مبدى أول مابدى يافاتح الابواب ودليل ماله شى دليل

يامن بصط بدايمه ياواسع الصبر الجميل

مانعتقد الابذكرك والشفاعه بنبى000000000000000

[طالب النعماني]

نرحب بك اخي السلطان
اهلا وسهلا بك في مساجلات الزامل

[سعيد محمد علي عبود باوزير]

حط العلم والله من فوق العلم = ماعذر ما نظويك يا جول اليزيد
أهل السقيفة والحضارة والقيم = تاريخكم من زام هارون الرشيد

[ابووخالد]

حيا وسهلا بمن هو قد قدم=هذا ليوم بدع في مجال القصيد
وله عادات يزم الحبل زم=لانه رجل وافي وجيد ابن جيد

تحياتي للاخ سعيد باوزير

[السلطان حسين]

السعاده لنا والعيد حقنا الهناء فى المكلا والبناء

العياده أصبحت خورنا والبحر بنوه ومن فوق السماء

[الصيعـري]

زوامل ممتازة . وهناك اكثر من اسم متميز
اتمنى لكم التوفيق وانتظروا مني المشاركة ولو بزامل واحد طبعا بعد موافقتكم

[سعيد محمد علي عبود باوزير]

مادام عاد الروح يجري والنسم = اللادمي عاده يحصل مايريد
في جبركم حطيت زينات القسم = أرضي بلد لحقاف في نجدي ونيد

[سيح المرار]

سلام مع الاطياب من قلبي لكم=يبلغ لحاضركم ويبلغ ذي بعيد
هوكوا على الشعار يعطون الكلم=وذي مامعه شي مال يغدي له رصيد

[حكيم المعاني]

عضو جديد عسا قصيدي يعجبكم
حيابكم يهل المعزه والكرم===في الدم معزتكم يجري في الوريد
كلنا اصحاب خوه وعيال عم== من حيث كنا وفي شاشات البريد

[حكيم المعاني]

شكرا للجميع على هذا القصيد الجميل تحياتي

[حكيم المعاني]

شكرا لك ياشيخ الرار على هذه القصسده

[حكيم المعاني]

اعذروني على الفوضه بس جرب كيف الرد

[بوطارق]

يسلمو الشباب

[طالب النعماني]

اهلا وسهلا بك حكيم المعاني
وفي انتظار جديدك ومفيدك

[طالب النعماني]

الله يسلمك اخي بوطارق

[حافظ العهد]

نا يافعي قد جيت من لبعوس ومعي جواهر ألف درة
العوش ذاوالاّ عوض الحموس لي روحوا في الشُّعب مرة

[حكيم المعاني]

شكرا ياحافض على هذه القصيده والى الامام

[طالب النعماني]

يامرحبا حيا صلاب االروس=باليافعي ذي هاج بحره
يالهل المخاشب تركوا في الفوس =والجيد بالعده بعشره

[حكيم المعاني]

يليافعي حيا من طيب النفوس= له في القلب عزه وقدره
كلك افكار وعبر ودروس= وا ليل قد شرق بدره

[طالب النعماني]

احسنت ياحكيم المعاني

[سالم بن سلم]

ونعم والف ونعم....

اخواني لكم كل تحيه ..

وعوده لكم عقب الامتحانات....

ومشكوريييييييين ملاييين على الاتمام بتراثنا العريق...

تحياتي...

[طالب النعماني]

ونعم بك اخي سالم ومرورك اكبر تشجيع لنا لحفظ تراث الاجداد

[سالم بن سلم]

تستاهلون ياطالب كبل شكر على جهودكم

واشهد انكم ما قصرتوا....

بس ابسال وينكم اليومين ذي ,,, مالكم حس...
عساكم ترجعون بالسلامه.....

وترعشون المنتدى بالزوامل والقروووح يارجاجيل..

[ابورائد النعماني]

شكرا جزيلا للجميع

[محمد عبدالله بن هادون]

قال هادون لي ما يوم فكر وعوّل=ماحسب قط للوادي وانا صقر عوله
ماحسبنا لها في شدة الوقت لول=نخرج البحر مرجانه نجيبه ولوله

[بان]

هذه اول مشاركه لي في الزامل وارجوا ان تنال اعجابكم :
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ


قل لهادون وينك يوم بوزيد حوّل **** بالسيول الكبيره لي طغت عانحوله
بعدها يامحمد كل شي قد تحوّل **** لي على ا لبال يخطر ما نت والله حوله

[سعيد محمد علي عبود باوزير]

مرحبا قول عا لزامل عسى با يطول =بسبح البحر با شقه بعرضه وطوله
عا طويل الد قل في كل غبه يجول =خل بو زيد في الميدان ترزح خيوله

[محمد عبدالله بن هادون]

غر .غيري وما نا لا. ياجرب قهول =هكذا قالها بوزيد ذا حسب قوله
ترّك النخل لي مخرف وفي المال بطّل =بعد ماقد بذل جهده وخاض البطوله
ياخساره ..على الخبّه وعاالحط والشل =جيت ظميأن ماحصّلت قطره بشوله
مثل لي يطلع الهجرين ينزل محمّل =ان طلع او نزل ماشيءيخف من حموله

[سعيد محمد علي عبود باوزير]

ما يجيك الضماء والغيث فوقك يسبل =ترتوي من كرع في كل وادي سيوله
يوم ضاقت على الحلان كل باب قفل =قفلو الباب يا محمد وشلو قفوله
يرجع اللوم عا لربان مركبه ميل =ضيع المال والركاب ساعت ميوله

[ظلام الليل]

انت يا شيخ اعرف مننا وانت اعقل = عارف المال هذا العام ما لقى سبوله
وان بقينا كذا عا القات هو والمعسل = وصفنا في الرداعي والمريسي وطوله
لا تلاشى الرداعي بايجيبون مطول = في المباراة با يشلون كاس البطوله

[سعيد محمد علي عبود باوزير]

من بلاد الحبش القات جاكم محمل = ما يصدر ذهب والقات حبشي حموله
من بغاء الكاس ما يقعد يخزن وقيل = با يجيب الطلب والناس تعمل بقوله

[سالم بن سلم]

ونعم فيكم كلكم....

ولاهنت اخي باوزير..

بس اللي الاحظه اخواني الشعراء... ان الغياب بدا يسيطر على البعض..

نتمنى العوده بعنف وبالتحديد الى صفحات الزامل ...

اتمنى للجميع كل توفيق.....

تحياتي..

[حكيم المعاني]

السلام عليكم ورحمة الله وبركاته
حنيت للوطن وارجوا ان تنسموا على حالي بالرد الجميل


شلني يامسافر بالله تجمل لاتفوت=حيث ماخلي سكن باشللي نضره وصوت
ماتهنى في منامي قال بوعمار وقوت= شلني بالله تجمل يامسافر حضرموت


بازور خلي دي هجرته لي قرب اربع سنين=ماتحمل نا فراقه والبعد قاسي وشين
لو عاد لي نضره تكفي قبل لافارق وموت= شلني بالله تجمل يامسافر حضرموت

[محمد النعماني]

مني سلام الف والفين كلين يسمعه = من بابحر نعمان حمران
باهدي سلامي للرضي بن الرضي = باتيس غالب ذي جمع كل الفنون
بو راضي فارس على جواده معتلي = رافع الرايات من كل شكل ولون
فارس نعمان بيمينه سيف وباليسرى = قلم يرفعه على كل حاقد ومغبون
نعمان معروفه في الارض من شرقها = الى غربها برجال للمنيه يعشقون
تشهد بذلك شبوه وقبايلها وما حولها = وتشهد لهم قارة الملح والقرون
وشهدت لهم ديار العرب والعجم في = قندهار يوم العوالم يطاحنون
واسأل البحر عنهم واسأل السماء = واسأل وحوش البريوم يقاتلون

[حسن النعماني]

احسنتم ياشباب

[حكيم المعاني]

خرج ذا فصل ولى وسار ==والثاني هبط عا راس قاره
يلي تخبرني عاجمل هدار== شفت من باعه في سوق الزياره
والمعصره دي باعها العصار== يقول انه معد ضوى خصاره

[بوطارق]

وينكم ياهل الزامل

[سبع الليل]

ياالي خلطت الحلو باالقار=أفهم كلامي والعباره
المعصره شف قطبها دوار=والهيج في وسط المداره
وايش عادنا باقول وأختار=والفقر يغلب عاالتجاره
ذا بحر ياصاحبي غدار=ياما سفن دقت قشاره
ماغير بانطفي لهيب النار=ولعاد با تقبس شراره

[حكيم المعاني]

كل من زل حده وجار=با ينقلب ضده خساره
طال السهر والنوم طار=وينها شمس البشاره
النار شبت في الديار=وسبابها جور الحراره
لامتى والجو حار= وين السحب ترش مطاره
بختم ياناس الحوار= وهاجسي صدر قراره
ماللكلب هو والحمار= غير السفر هي والحجاره

[سبع الليل]

كل من بطا في الانتظار=باتلتهب عنده الحراره
الصقر بعد العول طار=والطير قد اعلن فراره
واللول في قاع البحار=مقسوم في قاعة بحاره
قسمه ولا هي بالخيار=بالغصب ماهو باختياره

[حسن النعماني]

شكرا لكم ياشباب

[سبع الليل]

ياويكم ياهل البطون الواسعه =يالي تنهبون اليتاماء والضعاف
دنيا دنيه ما بظني نافعه=فيها الشياطين الخبيثه والعياف
اما الذي هم بالعقول الضايعه=مافكروا في يوم مشهود الوصاف

[العايد1]

جيت با شارك بحجه نافعه=اهل المعزه والرجاجيل الشراف
دايم يخلوا الخواطر واسعه=كل من دخل معهم يحصل اعتراف
يا اهل المعاني والهروج الرافعه=لاحد حضر منكم بلقيله مضاف




على حسب قافية الشاعر سبع الليل

[بوطارق]

يسلمو الشباب

[طالب النعماني]

شكرا لكم يا شباب على اهتمامكم بالتراث
وان شالله اعود لكم من جديد بعد عودتي من السفر
واوعدكم بالجديد

[عبدالله بادعام]

سلامي لكم ياهل العز لكم تحيه ومقدار***تحيه لحلان وادي رخيه ذي هنا سهاره
من الدعامي يقولكم ضيف واقبل عالجار***بانقصد وبالزامل بانبني قصر لكم وعماره

[روح الغلابه]

جيتكم بروح الغلابه ذي ماتهاب الخمم
اصيل بن اصيل راسه بالقمم

حطيت بينكم رحالي ذا اخو وذا ابن عم
قبايل صيتهم شاهر بين العمم

بانسلي خواطرنا من الغربة و الغرم
حنت مزامير خواطرنا على ذيك الدقم


روح الغلاّبه

[خالد بن مهنا]

محتار خالد ياعرب محتار=ماشي اعترف في وقتنا المقلوب
الناس رجعوا كلهم شعار=حد منهم عنتر وحد شيبوب
وحد بغاء منهم كما المحضار=متعوب حالي منهم متعوب
تميت واقف عند باب الدار=يانوب وينك ماتحن يانوب

[العايد1]

يامرحبا بالي اصله المقدار=في القول يعجبني وهرجه المصلوب
في هذه الدنيا وحملها لي جار=والناس اكثرهم مالهم اسلوب
يسقونك الحالي في وسطه القار=ولعادشي ذمه ولاتعتوب
الوقت ياخالد ولفة الاقدار=موتك يانوبي والعسل مصبوب

[فايز باتيس ابو خطاب]

تسلم يا بوراضي في كل مكان ترفع روســــــــــــــــــنا ــ واسمح لي ان اشارك في هذا الزامل رغم أني مبتدء في القول :

قال بو خــطاب بابدع في الكلم = با حكّم القافي على لحن القصيد
بايسمع الأبيات من صابه صمم = وبايفهم المعنى كل شاعر سديد
تحية لبو راضي ترددها القمم = شاعر قبيلتنا وشاعرنا المجيد
بركان لا قد ثار يقذف بالحمم = حارق لكل حاسد وكل منه عنيد

[المعطل]

الهاجس الليله يردد لي نعم=في شان بوراضي بدعنا بالجديد
ياهل السقيفة بانشارك في العلم=بانرفع الراية على كمن فريد
مرحيب من سده إلى وادي دهم=واعداد ما البراق يلمع والرعيد
حيا ببوراضي سمعته قد نهم=لي يكرم الظيفان في اليوم الشديد
للشاعر /عبدالناصر بن شحبل
مع خالص تحيات المعطل

[المعطل]

جينا ورحنا والخواطر صافية =سبحان رب الكون قدر لتفاق
ودعكم الله يالقلوب الوافية=يوم اللقاء ماهوكما يوم الفراق

مع خالص تحيات:
المعطل

[بوطارق]

بالطلب المولى يجيب العافيه=وينسم المكروب يوم الحال ضاق
من ذي يلقونه عصابه مافيه=القتل والتعذيب في شعب العراق

[طالب النعماني]

شكرا لك اخي ابوخطاب وبارك الله فيك
ووجودك بيننا مكسب كبير للحلان وان شالله نكون عند حسن ضنك وضن الجميه

[حكيم المعاني]

خرج ذا فصل انطفت ناره وهف=وثاني دخل يلهب مثل حر الصيوف
حكام امريكى عاثوا بالشرف =وشارون زل حده وخلق الله تشوف

[طالب النعماني]

يامرحبا بك عد ما البراق رف=ورعدها يرعد وبارقها رفوف
مادام بوسالم على المنبر حلف=لوهي ثنعشر حلف يادق الحلوف

[ابومنذر النعماني]

حيابكم يااهل المعزه والشرف = حيابكم يااهل الميازر والقصوف
ذي دخل بغداد وعا لموصل زحف = اليوم قد شفته شارف على النيوف
حصل رجاجيل المعارك والحتف = ذي قد سقوه السم في حر الصيوف

[حكيم المعاني]

فرعون في زامه تكبر ونحرف == عن طاعة المولى ذبحها الوف
وفرعونا ذا من جنسه والخلف == يالله عسى مثواه للموج الجروف

[بوطارق]

كل من دخل للبحر بيشوف الصدف=واللول والمرجان عينه باتشوف
والخط بالعنوان واضح يعترف=فيه النقط والشكل من فوق الحروف

[عامر باتيس]

ما كل من جا غاص في بحر الصدف= وحوت القرش نابه مثل حد السيوف
ورجال يعمونه باللطم الحتف=بايلتوي خشمه من لطم الكفوف

[طالب النعماني]

بارك الله فيكم اخي بوطارق والاخ عامر
واشكركم علي مشاركاتكم الجميله ومواصلتكم معنا

[عامر باتيس]

شكرا جزيلا للاخ ابو راضي

[طالب النعماني]

لا شكر على واجب اخي محمد
لاتبخل علينا بكل جديد ومفيد

[مجمل]

ذا فصل يالشعار بالبناء بلك = ماباك يالمفتل مع درف الصليل
الخرصانه للزمن ايظا ولك = لاتخاف لا كل شعب فالوادي يسيل
كل من معه دولار في لسهم ملك = واحنا قفا نقل الكفاله والكفيل
كل من كبر قالواسرح دور فلك = فلان قد سافر وجاب اخر موديل

[طالب النعماني]

هذه طباع الحضرمي باقولك=ان طبعنا هذا من الزام الدويل
والحضرمي لاقد ضعف جسمه ورك=بايشد عالدنياء ويلقي المستحيل
يسهر على شغل الحراسه في الشرك=يوقف على البيبان في صبحا وليل
ويعود لوطانه متى ماقد برك=وسار شيبه يقمس الا بالصميل

[ليث]

في كل بقعه من العالم له صرك = هيج ما يزنع من الحمل الثقيل
من بلاد الصين لما الجديده يورك= تاريخهم محفور ماهو بقطنه ونيل
وان عليه الزمن جار تحمل واحترك= ولاخلد للنوم غفوه وقت المقيل
ولي انقضى عمره وركت عظامه برك = مايلام الصقر بعد فعل المستحيل

[طالب النعماني]

ياليث بابن الليث حك الصفر حك=والحضرمي معروف له شرعا طويل
له قسم زايد وقتها حل الدرك=وقت المعارك يشلع الحمل الثقيل
وحضرموت العز من جاها هلك=ياكم وكم شاجع يردونه ذليل
تاريخهم معروف شف مافيه شك=ماهو من الليله من الزام الدويل

[ليث]

تحيه قد خطها النقاش بخط الكلك = مني لبوراضي مع الشكر الجزيل
وذي يجهل التاريخ يانسل الملك = خله مع الجهال مع باقي الهضيل
وان كان شمس الامس ضوها دلك= لاحت خطوط الفجر قبل الاصيل
يامن على دربه تهيا قد سلك = حذرك دروب اللوم والقيله وقيل

[طالب النعماني]

مرحيب مرحيب
بارك الله فيك ياليث يابن الليث
هكذا ياشباب حركوا مساجلات الزامل واحييوا تراثكم الاصيل

[مجمل]

طالب حسن محظوظ فالسفره فتك = حتى الحليله جنب بوراضي دليل
حتى الجوايز يالفتى تضوي معك = والله يان سكنك تبا لازم كفيل
ابا المشوره شور بورضي برك =عيني على صالون في شركة جميل
والله يالهيلكس فالمجرا يحك =وان ياتحمل مايشل حمل الثقيل
الجيب ياطالب يجمل فالصرك =لا قد ركبته ماتبدل به بديل

[طالب النعماني]

الجائزه قد شلها جبران موثوقه بصك=اما انا ماشي معي مسوى الحلييل
جبران بايضحك وبايبين الحنك=من فرحته دمعه على خده ىيسيل
واسميت لي في الجيب مرفوع البنك=يابغت من ضواك يااخر موديل
والبخص بايصبح بغبران الحشك=ذي يحلموا حتى بو دبه دويل

[عامر باتيس]

كل من معه ياصاحبي فيزه وفك =حاله منكد يسهر الليل الطويل
يسامر نجوم الليل ورواد الفلك= مسكين بوحضرم سرى قلبه عليل
مسكين حسب كل من بحر جاب السمك= واللول والمرجان بالحمل الثقيل
يوم ماحسب لتاليه وقع في الشبك= سارح وضاوي ويتبعه حدعشر صميل
هكذا حال الحضارم ... وان ملك= ياويل لرقبه من السيف السليل

[طالب النعماني]

احسنت ياعامر وبدايه طيبه
الى الامام

[طالب النعماني]

الاخوه شعار الزامل
شهر مبارك وكل عام وانتم بخير

[طالب النعماني]

وين الزامل ياشباب

[محمد جمعان سالم باتيس]

اهنيكم بشهر رمضان البارك

[عامر باتيس]

اهلا وسهلا بك يامحمد جمعان واهلا بك بيننا ضيف جديد نورة السقيفه بضهورك بيننا ونقولك
شهر مبارك اعاده الله علينا وعليكم وعلى جميع المسلمين
تحياتي

[محمد جمعان سالم باتيس]

انا الذي نظر الاعمى الى ادبي واسمعت كلماتي من به صمم
انام ملىء عيوني عن شواردها ويسهر الخلق جراها ويختصم

[طالب النعماني]

بارك الله فيك اخي محمد
ونقول لك البيت بيتك وفي انتظار الجديد

[طالب النعماني]

ياشباب وين اهل الزامل وين ترحيب رمضان

[منازل]

ممكن ياطالب تتواجد الان على الاميل تبعك

[طالب النعماني]

انا متواجد في الماسنجر كل ما تواجدت في السقيفه

[منازل]

اخوي طالب انا الان متواجد عللى الماسنجر
ابغى اعطيك عنوان الموقع على الانترنت

[منازل]

اربح مابغيته مالي بلرباح=بادي يسدالحال والقلب مرتاح
في شعب من لشعاب با تحت ذلاح=وبغى سلب بلجيك لصاح صياح

[طالب النعماني]

مرحبا اخي منازل
انا كل ما تواجدت في السقفه يكون الاميل شعال على طول

[منازل]

الرسائل الخاصه نضام المنتدى مايسمحلي بالارسال ولا الاستقبال

[الاشتراكي]

كل عام وانتم بخير
شهر مبارك

[المنقد باخريبه]

شهر مبارك
الاخوه هل تغيرتوا بعد ان غبت عنكم والا كما كنتم
يابوراضي هل تغير وغيرت طبع المجامله لما متى سوف تجامل ناس مالهم في الشعر
الرجاء الوقوف ضدهم والا سمح لي انا وكل شي بايصلح

[المنقد باخريبه]

ذا فصل يالشعار بالبناء بلك = ماباك يالمفتل مع درف الصليل
الخرصانه للزمن ايظا ولك = لاتخاف لا كل شعب فالوادي يسيل
كل من معه دولار في لسهم ملك = واحنا قفا نقل الكفاله والكفيل
كل من كبر قالواسرح دور فلك = فلان قد سافر وجاب اخر موديل
هذا القصيد والا بلاش يابوراضي
هذا من يستحق ان يجامله

[المنقد باخريبه]

الجائزه قد شلها جبران موثوقه بصك=اما انا ماشي معي مسوى الحلييل
جبران بايضحك وبايبين الحنك=من فرحته دمعه على خده ىيسيل
واسميت لي في الجيب مرفوع البنك=يابغت من ضواك يااخر موديل
والبخص بايصبح بغبران الحشك=ذي يحلموا حتى بو دبه دويل

هكذا يارعاء الله وقت
ومن هم غبران الحشك الذين تجاملهم مثل ...............
مافيه داعي لذكرهك

[المنقد باخريبه]

حد بايسوي مثل هذا القصيد والا لا يتجراء ياشعار اليوم

[منازل]

اربح مابغيته مالي بلرباح=بادي يسدالحال والقلب مرتاح
في شعب من لشعاب با تحت ذلاح=وبغى سلب بلجيك لصاح صياح
???????????????

[منازل]

كيف حالك ياملح المنتدى

[المنقد باخريبه]

من ملح المنتدى يامنازل

[طالب النعماني]

نرحب بالاخ العزيز الغايب
المنقد ونرحب بكل اقتراحاته

[منازل]

ياعلماء البلد== من يصلح الملح اذا الملح فسد

[مجمل]

لاجيت باتبناء بقر للساس = حط الربع ياصاحبي عالحيد
لازم تمتر توخذ المقياس = مادام عاده كل شي في ليد
القول له معنى وله أحساس= وتعرف المطلوب بالتحديد
يوزن بميزان الذهب والماس = ماينفتح ملسن بدون اقليد
وأن باتحاول يالفتى لاباس = قبل الدراسه خذ سنه تمهيد
لاماحفظت الفاتحه والناس = اكيد ماباتعرف التجويد

هذا الكلام يامجمل جملك ربي ان شالله
وانتظر الجواب ان شالله

[قمرهم كلهم]

السلام عليكم الله يخليكم بحق هذا الشهر
ارجو منكم طردي من هذا المنتدى واتمني المشرف يلقي نضرة عليها

[قمرهم كلهم]

عاد ابيك تطردوني من هذا المنتدى في يعض الاخوات سألوني ليش بس انا ما اقدر اعلم عاد طلبتكم لا تردوني ترى انا بقول لكم شيء انا مب بحرينية انا كويتية بس اسمي جذ ي

[طالب النعماني]

وعليكم السلام
نحن لم نطر احد من المندى مادام ملتزم بالادب
وانتي على العين والراس مادامك في الطريق الصحيح
نتمى لك اقضى وقتنا ممتعا في السقيفه
ولكي تحيات كل اعضاء المنتدى

[مشغول]

روح غير اسمك وبعدين!!!!



(م+ن+ز+أ+ل+)



لانك ماتعرف تشارك

[عامر باتيس]

والله عاد لحنا منقصرين من فيصل القاسم وبس
والاتجاه المعاكس ولا لك حاجه

[مجمل]

ماشي حليله ذي تصم الراس = ذلا معي هاجس وظن تقليد

والا بغيت اقصد لكل الناس = بندر مع الشعار يوم العيد

بلقي كما ماقد لقاء جساس = ماخاف من سالم ولا التهديد

لكن خساره بيدي الا فاس = مثل الاقامه تنتظر تجديد

جدي عوض تركته في نواس = باشلها لا ماعلي تشديد

[طالب النعماني]

ياشباب هذه الزاويه خاصه بمساجلات الزامل
وليس للمهاترات
اهلا بكل مشاركه شعريه والنقاش هناك مواضيع خاصه بها
الرجاء الالتزام

[طالب النعماني]

ماشي حليله ذي تصم الراس = ذلا معي هاجس وظن تقليد

والا بغيت اقصد لكل الناس = بندر مع الشعار يوم العيد

بلقي كما ماقد لقاء جساس = ماخاف من سالم ولا التهديد

لكن خساره بيدي الا فاس = مثل الاقامه تنتظر تجديد

جدي عوض تركته في نواس = باشلها لا ماعلي تشديد


يامرحبا بالشاعر الحساس=يامرحبا بالجيد ولد الجيد
من داخل الملعب ضوى بالكاس=حطم من ارجوله ثنعشر قيد
من بعد ماغابوا شداد الباس=اليوم جاء مرعي مع بوزيد
يالمصنعه يارض الخضر والياس=مبرك لش مبرك عالتجديد

واعذرني جواب سريع

[طالب النعماني]

خلوا الحوار عبر القصيد ياشباب
بارك الله فيكم

[طالب النعماني]

لاجيت باتبناء بقر للساس = حط الربع ياصاحبي عالحيد
لازم تمتر توخذ المقياس = مادام عاده كل شي في ليد
القول له معنى وله أحساس= وتعرف المطلوب بالتحديد
يوزن بميزان الذهب والماس = ماينفتح ملسن بدون اقليد
وأن باتحاول يالفتى لاباس = قبل الدراسه خذ سنه تمهيد
لاماحفظت الفاتحه والناس = اكيد ماباتعرف التجويد

هذا الكلام يامجمل جملك ربي ان شالله
وانتظر الجواب ان شالله

المشاركه الاولى

[طالب النعماني]

ماشي حليله ذي تصم الراس = ذلا معي هاجس وظن تقليد

والا بغيت اقصد لكل الناس = بندر مع الشعار يوم العيد

بلقي كما ماقد لقاء جساس = ماخاف من سالم ولا التهديد

لكن خساره بيدي الا فاس = مثل الاقامه تنتظر تجديد

جدي عوض تركته في نواس = باشلها لا ماعلي تشديد

المشاركه الثانيه

[طالب النعماني]

يامرحبا بالشاعر الحساس=يامرحبا بالجيد ولد الجيد
من داخل الملعب ضوى بالكاس=حطم من ارجوله ثنعشر قيد
من بعد ماغابوا شداد الباس=اليوم جاء مرعي مع بوزيد
يالمصنعه يارض الخضر والياس=مبرك لش مبرك عالتجديد

واعذرني جواب سريع

المشاركه الثالثه
وفي انتظار البقيه

[طالب النعماني]

يالله ياشباب

[طالب النعماني]

جينا على صوت المقدم والحكم=بعد التعب جينا نشارك من بعيد
يهناء لكم رمضان ياخير الامم=رمضان فيه الخير كل ماله يزيد
الريح باتهدى وبيزين النسم=كلين بايلقى كتابه في البريد
فيه المصبغ بانقرب والدسم=بانلقي الشربه وبانلقى عصيد
يابختكم يااهل التباسي واللقم=يابخت بن هاشم وسالم بن وليد
;birth ;birth ;birth ;birth
يارعاء زمان الزامل

[طالب النعماني]

هلا وسهلا ومرحبا باخينا عسكر بن سويد الصيعري !

ياحيا ( بكنده ) صلاب الروس !!
يامرحبا بك وسهلا معنا.
على الرأس والعين .


حيــا ( بكندة ) ذي لهم مقدار جم = ذيهم يوطوا راس من راسه عنيد
افعالهم بأقوالهم تطبق لزم = كل من يوجّههم يحصّل مايريد
حيا ( ببن هاشم ) سليل أهل الكرم = من نسل ( طه ) سيدنا ياخير سيد
مرصص الأقوال مافيها نسم = اقوال مصبوبه مع زبر الحديد


وهذا الرد يارعاء الله وقت

[طالب النعماني]

ياهاجسي حلك من افكارك قسم=لهل السقيفه لي يحبون القصيد
رحب بسبع الليل لي صوته نهم=والصيعري لي هو معه رتبة عقيد
والجيد بن هاشم لطم بحره لطم=واتعالموا به ناس في ساحل ونيد
وابن الشبامي لي في الزامل قدم=رحب بكل الناس لي جوا من بعيد












وهذا ردي عليها

[طالب النعماني]

تذكروا الماضي

ياهل السقيفه ياصلاب الروس=حيابكم مليون مره
عند الشبامي صاحب القاموس=لي قد نفح طيبه وعطره
مابين لمريكي وبين الروس=ابن العروبه ضاع قدره
صدام تمثاله صبح منكوس=والعلج لمريكي يجره


[/QUOTE]

[طالب النعماني]

بسمر معك عالطبل والقمبوس=لما بين الليل فجره
راحوا رجال الكنش والمخموس=لي كل واحد مثل عشره
راحوا علي لي يرفعون الرؤس=لي هم غزوا لما المجره
كل ماجرا عبره لنا وادروس=يامن مثيلي ضاق صبره

تذكروا للماضي

[طالب النعماني]

ماسك لهم من زام دق يانوس=من زام همام ابن مره
كن الخيانه جات من محروس=لي حط تحت الزير عجره
يالله عساء يرجع زمان القوس=من شان بلقي كي شفره
بغزي صحاب الكفر والهندوس=والي لقوا في لرض بطره

هذا والابلاش

[طالب النعماني]

[QUOTE=طالب باتيس النعماني]
مايهمناء الخائن ولا الدبوس= شعب العرب موعود نصره
عاد الامل موجود في قابوس=واهل اليمن والشام بأسره
والمغرب العربي صلاب الرؤس=كل صقر حارس فوق وكره
والصقر مايرجع كما الطاؤس=والجيد مايعطيك ظهره



هذا والا بلاش

[طالب النعماني]

بالحكم المغنى على القمبوس=مولى الوتر قله يزره
طاب السمر عالعز والناموس=كل من حضر بعطيه قدره
والكلمه الزينه حييت لنفوس=ماتجيك شي منها مظره
والكلمه العيفه مثيل الموس=تقطع فؤادي مية مره
هذه نصيحه من ذهب وافلوس=يامن كفى خيره وشره

يالله ياشباب

[مجمل]

هذا طازه والا مثلج يابورضي

[طالب النعماني]

لا قديم موجود في الصفحات الاولى
ذلا من شان يتحركون الشعار ويشوفوا ايام زمان

[مجمل]

اعطنا طري يابوراضي مالبا المرزوم

[طالب النعماني]

من عندك يامجمل
ذيب سعد الغلابه والذيب سعد هوووووووووووووووووو

[طالب النعماني]

ذا فصل والثاني بغينا قول=وابيات محكومه تجمل
لازم نفك الباب ذي مقفول=مادام قد جانا مجمل
بنشدك قلي من هو المسول=ذي كسر الباب المقفل
شف بن حسن قد له زمن مغلول=بشخص ذي ماهو معول

[مجمل]

حيا بذي جانا صباح اليوم = جانا مشارك فالسقيفه
واجب علينا نردف التقدوم = اسمه برز وسط الصحيفه

[مجمل]

اللغز في ظني انا محلول = قلوا لطالب لاتكمل
يبغا القبيله في نفق مجهول = لاجات عيفه بايحمل
شل الثريا هي ويا المحمول = قلوا لبو راضي تحمل

[حكيم المعاني]

يامرحبا ببيات حاكتها عقول=بو راضي والاخ مجمل
ضنه وفكره بايرعض يثول= والسيل من الوادي تهلهل
يصبر من شل فوق حمله حمول= وغيره بايفهم ويعقل
لاحضر ابليس وطبل بالطبول= مايصفق له مغفل

[طالب النعماني]

لا يامجمل كل شي معقول=وانته من العربان اعقل
يمكن غبي والا ولد مهبول=لكن بالظهره لهبل

[مجمل]

والله ياطالب أنا مشغول = بي غل من هذا المغفل

لوم على الحلان ذي فالجول = لازم تجيبونه مكبل



هكوووووو



ذافصل ياطالب يقول الجار = مخلوق لوم عاجويره

انتوا لها ياشاعر الشعار = ذه لوله واخشى كبيره

لازم بغينا تنكشف لسرار = بعدين يتقرر مصيره

ركب قليد العطف والجرار = انشر خباره فالجزيره

[طالب النعماني]

ياصاحبي ياذي عليك البار=اسرار طالب وسط بيره
وانك تباء تعلم بكل ماصار=اتجيك في مده قصيره
اثنين ذي هدموا بركن الدار=ذي مالهم حشمه وغيره
ماعذر مالكشف لهم لسرار=واللي مخباء في السريره

[حكيم المعاني]

بالدخل الزامل معى الشعار = وشونا بانحيي مسيره
يوم القوافي شو لها مقدار= في القلب والهاجس يدره
شبت لهايب يامجمل نار= وحرقت شيخ العشيره
وبنه كما حالت بهم لقدار = والاهل في حاله عسيره
يهوين ماتنفع بعد ماصار = وليدات تصارت قصير

[طالب النعماني]

هكذا ياشباب

[مجمل]

يامرحبا ببيات بوعمار = خرس على راس النصيره

تسلم لنا ياشاعر الشعار = بالحدر قد صفت حجيره

باتسقي الخليان من لمطار = للبدو باتصلح خضيره

واهل الحراثه يمحظوا لوصار = باتصبح الحاله يسيره

ماشي عسر عالواحد القهار = بوصيك لاتشكي لغيره

[بن عوبث]

سلام من عندي على الشعار=مالبرق يلمي فالحجيرة
طالب وربعة ذي لهم مقد ار =عند العرب في كل د يرة
قلة من اعلومك بغيت اخبار=ما با تسمع للجز ير ة

[مجمل]

حيا ببن عوبث مع السمار = شاعر معه رتبه كبيره

يعشق قصيد السيد المحضار = واحد من اركان العشيره

فالسوق شل قسمه مع التجار = ماشي تجاره من عميره

طالب يحاول يكشف الاسرار = باتنكشف اشياء كثيره

المجل طبه بالحديد الحار = شل المسله من جفيره

رجلك على الحيه وذيل الفار = وبعدها قرر مصيره

شل الثقيله ياجمل هدار =سافر ولو سفره قصيره

[طالب النعماني]

حياء ببن عوبث ولد لخيار=يامرحباء هيج القطيره
ذي هو نشد مني وانا محتار=في الامر ماعندي بصيره
لا يامجمل ترك الاعذار=نحن وانته من عشيره
منا وفينا من عيال الدار=كل جيد شفناء نستشيره
وانته من اهل العقل واهل اشار=ملقيك قائد للمسيره

[بن عوبث]

قصيدة للمرحوم سالمين بن عوض باتيس/ابوحمد

سلام لهل الجول بالملــــــيون=لحياوذيهم فالــــقبورامـــوات
للعطفةالسفلاشرف مضمون=شرقي وقبلي لة سلام امـــيات

قدجيت متقهوي بكم محنون=يانسل حيدرذي قبل عيــــــــنات
انتوحبايبناصبي النون=وحناقبايلكم على العادات
شح النضرشوبوحمدمغبون=منضرب بوقلعةبشاميات
انشي دواء من عندكم مسهون=يعقلةربي واسع المدات

[طالب النعماني]

احسنت اخي بن عوبث
وبارك الله فيك على نقل هذه الابيات الجميله
للشاعر المرحوم سالمين بن عوض رحمه الله

[راس البركه]

هوكوووووا
وازتملوا

[العبيثي]

شكرا لكم شكرا لكم
والله انكم ترفعون الراس

[طالب النعماني]

لا شكر على واجب اخي العبيثي
وشكرا على مرورك الكريم

[طالب النعماني]

وين الفصل الجديد يامجمل

[مجمل]

ذا فصل ياطالب وجع فالنون = ماشي عوافي الوجع فالراس

العظم حسه يالفتى مطحون = قالون جاب الهم والوسواس

من بعد ماشفت الجمل مرصون = باينحرونه شف جمل باداس

باينفقونه ذا خبر مظمون = اقروا عليه الفاتحه والناس

[طالب النعماني]

كل ماجراء كله سبب شارون=ذي هو يراهن عاغياب الراس
شارون ياملعون ياملعون=دايم تنكد عاعيال الناس
يالله طلبتك تطلق المسجون=وتبطل الحيله لبانواس

[بزبوز]

الله يلعن شارون واعوانه

[طالب النعماني]

اميين
شكرا لك على مرورك

[مجمل]

بعمل في الحجه وفالمدمون = ودغشين بلقيها في المحماس

ماباالعزيزيه ولاالمدفون = ولاصواني زايده بسباس

بقنص في المنزح وفي ذمرون =يكفي من الغربه كفى ياناس

*****

[بن عوبث]

لايامجمل لاتقع مجـــــــنون=تلقي لنا الكورة كما بوكاس
ماباتحل عثبق ولاذ مرون=ذلاتماني من قفاعـــــــباس

[سعيد محمد علي عبود باوزير]

حنات لليامي وللمثمون = يهل الزوامل ياذهب والماس
عين العزيزيه ماتقع ذمرون = مليار تسقي من عيال الناس

[طالب النعماني]

ودي بشربه من على ظلمون=فيه الدواء يشفي جميع الباس
وكلمة رضاء عندي كما مليون=من عند صاحب غير كل الناس

[طالب النعماني]

هذه المرجوزه من الشاعر احمد الزيبدي بن بدوي العمودي

خمستعشر حسبناها مع خمستعشر=كمل الشهر بأيامه ثلاثين ليله
وان حسبنا ثلاثعشر مع خمستعشر=ينقص الشهر بأمه ليالي قليله

[مجمل]

خدمة القول ياطالب علينا تعثر = بالحاول لبدلها بخدمه بديله

جبر بوشيخ يالشعار واجب لعشر = قول بوشيخ يالحلان ماشي مثيله

[سعيد محمد علي عبود باوزير]

ياسلامي على طالب وخصبه مجمل = يطلع الحسر يطلع في العقاب الطويله
وافي الشرع من شرعه لشهره يكمل = رب يالله نتجمل بدنياجميله

[طالب النعماني]

مرحيب مرحيب
هكذا هكذا ياشباب

[راس البركه]

مرحبا قول من شاعر دخل في المعسكر=ينظم القول من عنده ثنعشر حليله
يامجمل تجمل عبر الوقت لغبر=طال ليلي وكل ليله تعدي طويله

[سالم بادحس]

ماشالله فيه شعار جدد
الى الامام

[بن عوبث]

سلمولي علاطالب حسن الف مخطر=هيج لثقال ذي داهل يشل الثقـــــــيلة
قلة الصبرياطالب كما من تصــــــبر=ودع بلجود ذي يشفي النفوس العليلة

[مجمل]

ريت حد في بلاده يوم ذا العيد يحظر = لجل باشل بوعطفه ونظف مسيله

باتغرض مع الرميان ماباتعذر =بالعاود عرب اهل الشروع الطويله

[طالب النعماني]

مرحبا قول من شاعر وصلني مسطر=من مجمل وبن عوبث رجال القبيله
في حريضه لقوا تاريخ للناس يذكر=والجماله لهم والجود هو الفظيله

[سعيد محمد علي عبود باوزير]

من
من جوار الحرم سبح وهلل وكبر = خذ نصيبك من الدنيا وزور الطويله
شوق في القلب للوديا ن مليون واكثر = روس وديان ياكمين شجره ظليله

[عامر باتيس]

مني سلام الفين يتردد ويتكرر=صافي منقى من اقاذير الرذيله
باردها عاده انا في الوادي الاخضر=من بايوصيني شوني بمشي ياعويله
باشل بو قلعه دي باروته يعكر= طين العيد باخليه قاصف صبحه وليله

[مجمل]

ماتعلم سقط فالدرس صالح منصر =كل مخلوق مستكفي بعقله دليله

وان نزل بايتاجر ماتفود تخسر = كل مخلوق له مهنه وفيها سبيله

[طالب النعماني]

عاد الايام باتجيبه تمهل تصبر=يامجمل تجمل واترك الباهديله
كيف تشكي لنا حالك وحالي مكدر=من نظر حال بوراضي بسرعه رثيله

[طالب النعماني]

مرحيب وينكم ياشعار

[مجمل]

كل من قام ليله قد كسب ماتخســــــــر = شهر رمضان مر يأهل الكرم والفظيــــــــــله

ياكريمان في ذالشهر ترحم وتغفــــــر = شف مجمل محمل والحمـــــــــوله ثقيـــــــــــله

ليلة القدر في ذالشهر فالعشر تظهـر = ياموفق توفقــــــنا بها خير ليــــــــــــــــــــــــله

[طالب النعماني]

مرحيب مرحيب يابوعبدالله
وياليت تقلب الفصل تعمل جوده

[سالم عوض باجخيف]

الله الله الله شي جميل جدا

[مجمل]

اليوم باكربي بلاميزان = جاب البصل يجلبه من سيون

ماشي معه عبره ولاخيذان = حتى البصل ريحه طلع مغفون

*****

[طالب النعماني]

وايش عادني باقول في شرقان=شرقان لاعاقل ولامجنون
شرقان باينكد على الجيران=سروه قبل الناس مايسرون

[سالم عوض باجخيف]

بوركتوا ياشعارنا
واهدي اجمل تحيه للشاعر المبدع ابوراضي ومجمل والى كافة الشعار

[مجمل]

شكرا كثير اخي سالم

[سالم عوض باجخيف]

في انتظار جديدك يامجمل

[طالب النعماني]

يالله يامجمل بن جخفاااااان ينتظر جديدك

[العبيثي]

وانا قول يالله يامجمل الله يجملك شف جدك منتظرك

[طالب النعماني]

وينك يامجمل

[محمد باعمرالمشجري]

نريد فصل جديد وبالشارك معكم

[مرعي بن سميدع **]

خلي الجماعيه شويه يامحمد وبعدين ممكن نشارك
كل عام وانت بخير

[طالب النعماني]

خذ راحتك يااخي مرعي

[بن عوبث]

قولولطالب يدحن الشيطــــــــان=ولادعينالة ولدهـــــــــــــــــادون
شف ولد بن هاشم معة برهان=عندة دواءقاطع وبا تشــــــــفون

[طالب النعماني]

ماكنت متوقع كذا ياخوان=ان عادك بالليل باتسرون
وديت معكم سافر الاوطان=لكن شردتوا دون ماتحكون

[بن عوبث]

يابن حسن ماشي على العدان=والناس خلوالشرع والقانون
والنوحي طاغي علىسيبــــان=ولادريناكيف بايلــــــــــــــقون
يبغاالبنيةغصب ياشــــــــــبان=مندون مايعقدلة المـــــــاذون
شاجع وبن شاجع كماحسـان=من فعلتة كمن ضواءمدفــون

[ابومنذر النعماني]

سلام مني عالسقيفه وعلى الحلان = وسلام لبن عوبث من عندنا مليون
يقول بومنذر بالدعي الرحمان = عساه يجمع العرب مع البشتون
لبغى الصف واحد ألا يالاخوان = من شان نقضي على الحاسد الملعون
ومنهو وقف ضدنا في الميدان = بايذوق الذايبي مع المرشون

[طالب النعماني]

اهلا وسهلا بكم جميعا
وحمدلله على سلامتك يابومنذر بعد العوده



ياخو علي في ذا الزمن وحلان=لاتقول لي عاقل وانا مجنون
ذي هو يباء نفسه كما هامان=قله على هامان يافرعون
يوم البنيه دونها شبان=شف سرهم دايم وهو مكنون
كم من ولد بالمسكره سكران=يوخذ ويعطي وقت مايعطون

[سعيد محمد علي عبود باوزير]

الساس ماكن ماكن البنيان = ريت العرب عا ساسهم يبنون
بلقي ميه لي كلهم رميان = من فوق حيفا خلهم يرمون

[طالب النعماني]

بارك الله فيك يالوزيري
احسنت وكل عام وانته بخير

[اميرالامير]

وين الجديد وين الزامل

[مجمل]

سلام من عندي على الحلان = اهل السقيفه خصهم مليــــــــون

قمنا بجوله لاقدا لوطــــــان = زرنا المكلا هويا ســــــــــــيون

نهظه كبيره خاص فالعمران = والامن متوفر لعد تشكــــــــــون

*****

[سبع الليل]

أظاهر انك ياالفتى غلطان=ماشفت حال الناس لي يبكون
والله ماحد منهم فرحان=ولعاد حد عاقل ولا مجنون
زاد الغلاء وتغير الميزان=وكير الفتن مابينهم مرشون
حتى المكلاء خورها كحيان=اليوم قده الا وسخ معكون

[اميرالامير]

كلام الاخير صحيح

[طالب النعماني]

مرحيب مرحيب
اخواني الاعزا مجمل وسبع الليل
واعذروني لعدم الرد شعرا لاني مستعجل
ولكن سوف ارد قريب عليكم وخولكم معناء

[أبونمر]

طبع الحضارم دائم الشكوان =من يوم ماكانوا وهم يشكون
كان القعيطي عندهم سلطان = شنواعليه الحرب بالمرشون
جاءالحزب قالواجاءلناشيطان=والآن عالشيطان يتباكون
نادو الوحده و آذن الرحمن =وتحققت من دون مايدرون
ذيهم في الضالع وفي ردفان =كانت حكايه للذي يحكون
والآن عالوحده لقوا كلمان =ولا درينا أيش ذي يبغون

[ابورائد النعماني]

مرحيـــــــــــب مرحيب

[سبع الليل]

نحن بغينا الكل في الميدان= يعدل وينصف بينهم قانون
ونعيش معهم كلنا اخوان=نوخذ ونعطي مثل مايلقون
لكنهم حكموا على الحظران=باالقل والتقصير بيحكمون
ماشي عداله قال بوجمعان=ماقسمنا ألا البهذله والهون
هم سيطروا عاالبحر والمرجان=ومن جبوح النوب بيشربون

[اميرالامير]

مرحيب مرحيب

[أبونمر]

هرجك بغيه من عسل جردان =ذاهو على الخاطر وعالمضنون
كن الجماعه ماعليهم مان =من غيرهم ذي للبلد بايجون
حد منهم صاحي وحد سكران =يخرج في الشارع بلا صارون
وحد على الضمنه وعالدخان =وحد بلي بالقات والأفيون
ماحد حضارم كان ياماكان =رحمه لمن هو في الثراء مدفون
هنوه لبوأحمد وكل سنحان =ذي مايحلوها ابد بالدون
ريت الجماعه مثلهم شجعان=إن كان هم في أرضهم يبقون
ماحد لقف مسقط وأم درمان =في عقرها يحيون ويموتون

[طالب النعماني]

هرجك بغيه من عسل جردان =ذاهو على الخاطر وعالمضنون
كن الجماعه ماعليهم مان =من غيرهم ذي للبلد بايجون
حد منهم صاحي وحد سكران =يخرج في الشارع بلا صارون
وحد على الضمنه وعالدخان =وحد بلي بالقات والأفيون
ماحد حضارم كان ياماكان =رحمه لمن هو في الثراء مدفون
هنوه لبوأحمد وكل سنحان =ذي مايحلوها ابد بالدون
ريت الجماعه مثلهم شجعان=إن كان هم في أرضهم يبقون
ماحد لقف مسقط وأم درمان =في عقرها يحيون ويموتون

بارك الله فيك يالغالي
ايداع مابعده ابداع

[مرعي بن سميدع **]

اليله الهاجس بدا له شان =ماهو كذا بصحابنا تلقون
لتزورو بالكذب والبهتان =فالعين حطيتوا القذا والنون
قد كان عنتر قايد الاركان =يمشي على الدستور والقانون
قابض على اليسرىوعاليمان =والنصر بيده دايما مظمون
خلا المراكب في غبب سيلان =من تحت امره كلهم يمشون
والروس جننهم ولمريكان =بالقيد حد رصه وحد مرصون
لاكن حكم الله هو لي كان =لاقال لشي كن لزوم ايكون
الحمدلك يافرد يارحمان=السر يالمولى عساء مكنون

[المنقد باخريبه]

كلااااااااامك صحيح يامرعي

[طالب النعماني]

نعم صحيح وصح لسان اخي ابوفيصل