مساجلات الزامــــل الشعبي [الأرشيف] - الصفحة 61

صوت سيبان

10-21-2009, 06:48 PM

نبتهل للذي بيداته الخير والشّر= عالم الغيب عبده لادعاء يستجيبه
أفتح الباب يارحمن ذيهو مسمّر=للمحبين ملينا الوجوه الغريبه
شربوا الماء وشي منهم بعمده مطيّر=كل مصيبه يسووها قفاها مصيبه
والبضاعه من التقليد هو والمزوّر=كدسوا السوق والأصلي حذر لاتجيبه

ويستحسن قصيده واحده حتى يتمكن الجميع من المشاركه
وعدم التكرير

الواقعي

10-21-2009, 07:19 PM

صوت سيبان

10-21-2009, 07:41 PM

شفت قايدكم المغوار بالنصر بشر=قال ذا ا لعيد با جيب الجلب للزريبه
عدت اعياد والقائد ينهص مجور=يوم نشوان ما يقدر ينهص قريبه

مشينا سيب لحنوياك فا البحر والبر= والضرر مقترن ماحد يخلي نسيبه
وين تبغاء من الشاعوف والبرد والحر=شل قسمك وسالم يكتلف عا نصيبه
بيننا بعد المباراه

صالح بن احمد المشجري

10-21-2009, 07:48 PM

ضرب والضرب عالمسكين بالغ واثر=في الذي هو يشل مايعجبه يرتقيبه
جبت عودي معي طربان بوري معمر=ماهدي بال ًلي وقع الزمون العصيبه

الواقعي

10-21-2009, 07:52 PM

مشينا سيب لحنوياك فا البحر والبر= والضرر مقترن ماحد يخلي نسيبه
وين تبغاء من الشاعوف والبرد والحر=شل قسمك وسالم يكتلف عا نصيبه
بيننا بعد المباراه

شف كلامك سمر ينقال في وسط مسمر=وانت لك فالسمر حركات والله عجيبه
لا تصدق تقول العافيه بيد مجفر=يوم قربه مرض فالوجه باين قطيبه

خالد بن مهنا

10-21-2009, 07:53 PM

زاد شوقي لذي في الجنب رقمه حدعشر=لي رصاصه يجيب المبعده والقريبه
والجبل والقرى والطين والعلب لخضر=والشجر والثمر لي في الغصون الرطيبه

الرواسي

10-21-2009, 07:58 PM

ياسلامي لكم ما طاير الميج شمر
======= والرصاص المفرقع فض مجرى قصيبه
بعدها با نزمل سعف مذحج وحمير
======== جنب ذي لا دعا الداعي بسرعة يجيبه

صالح بن احمد المشجري

10-21-2009, 08:13 PM

ياسلامي لكم ما طاير الميج شمر
======= والرصاص المفرقع فض مجرى قصيبه
بعدها با نزمل سعف مذحج وحمير
======== جنب ذي لا دعا الداعي بسرعة يجيبه

مرحبابك هلا تعداد ماسيل حدر=جباها عرص ماخلاء رحيبه كثيبه
للزمل شي معك طربه بمدخل ومندر=باحسبك ساعدي لا عزمت قود الكتيبه

صالح بن احمد المشجري

10-21-2009, 08:23 PM

زاد شوقي لذي في الجنب رقمه حدعشر=لي رصاصه يجيب المبعده والقريبه
والجبل والقرى والطين والعلب لخضر=والشجر والثمر لي في الغصون الرطيبه

قل لخالد بطىء منهو معك قد تحسر=من فعول الزمن دي هي غريبه عجيبه
مانصف قلب عبلى في زمن سيف عنتر=تاليتها غدى لطين ماحد دريبه

الرواسي

10-21-2009, 08:31 PM

مرحبابك هلا تعداد ماسيل حدر=جباها عرص ماخلاء رحيبه كثيبه
للزمل شي معك طربه بمدخل ومندر=باحسبك ساعدي لا عزمت قود الكتيبه

دام لي نظم نادر" مثل ما عقد جوهر " = ويل ذي ما يهادن الهزيمه نصيبه
كيف يا صالح أحمد فهد يتبع غضنفر = مزح وإلا حقيقة ! شوف فالامر ريبه

صالح بن احمد المشجري

10-21-2009, 09:12 PM

دام لي نظم نادر" مثل ما عقد جوهر " = ويل ذي ما يهادن الهزيمه نصيبه
كيف يا صالح أحمد فهد يتبع غضنفر = مزح وإلا حقيقة ! شوف فالامر ريبه

في المدائن طغاء فارس على حكم قيصر=والسياسات يحكمها بحنكه رهيبه
لا تظن الوغى يكسبه كمين حيدر=لا معه ما معه قوه وهمه صليبه

الواقعي

10-21-2009, 10:13 PM

سرى الليل حد في العضيده

أحمد العمودي أبوفيصل

10-21-2009, 10:25 PM

في المدائن طغاء فارس على حكم قيصر=والسياسات يحكمها بحنكه رهيبه
لا تظن الوغى يكسبه كمين حيدر=لا معه ما معه قوه وهمه صليبه

قل لصالح مساك الخير يانسل عنتر = شفت همه معك قال العمودي عجيبه
متضحلي كلامك وضح الامر أكثر = هرجكم قال شاعر مالحقنا نجيبه

الواثق بالله

10-21-2009, 10:31 PM

من عندك السمر
ياطيب
لاسمرت بايجون السمار
هت لنا فصل
من شان يسمرون الشعار

سبع الليل

10-21-2009, 10:33 PM

في المدائن طغاء فارس على حكم قيصر=والسياسات يحكمها بحنكه رهيبه
لا تظن الوغى يكسبه كمين حيدر=لا معه ما معه قوه وهمه صليبه

صرقعة خرف ياصالح ذعرها المصٌور=كم ويكم نميري قد مسى في الزريبه
لو حسبنا حساب القوم كان غيره اشطر=لكن الوقت عزٌر بالبذور الخصيبه

أحمد العمودي أبوفيصل

10-21-2009, 10:34 PM

يومه الواقعي قالوا علينا تخبر = كل منهو دخل للعضيده نجيبه
يوم بومخشن السالي علينا تكبر = كل منهو تكبر يارفيقي نسيبه

بن احمد

10-21-2009, 10:34 PM

مرحيب يالواقعي مرحيب

صوت سيبان

10-21-2009, 10:38 PM

شف كلامك سمر ينقال في وسط مسمر=وانت لك فالسمر حركات والله عجيبه
لا تصدق تقول العافيه بيد مجفر=يوم قربه مرض فالوجه باين قطيبه

لك مسوي في الخزنه ثلاثين دفتر=حافظنها مثيل الضؤ ذي باسريبه
لادمي مش مخير أصله إلاّ مسير=مثل ما الذّر لي شوفه ومسمع دبيبه

صالح بن احمد المشجري

10-21-2009, 10:45 PM

قل لصالح مساك الخير يانسل عنتر = شفت همه معك قال العمودي عجيبه
متضحلي كلامك وضح الامر أكثر = هرجكم قال شاعر مالحقنا نجيبه

انت زادي ولي فالقول محسوب مصدر=وانت لي اخ لا ضاقت عليه هريبه
لا نزلنا قدى المهرى رجعنا لمظهر=ياحمد قللي ايش الفعال الغريبه

صوت سيبان

10-21-2009, 10:49 PM

يومه الواقعي قالوا علينا تخبر = كل منهو دخل للعضيده نجيبه
يوم بومخشن السالي علينا تكبر = كل منهو تكبر يارفيقي نسيبه

صاحبك ياحمد يابن العمودي تأثر=قل صبره ويسكر ياولدمن زبيبه
من دخل فا الهرج بايزقل السيف لبتر=والبلاجيك لي فيها المعانق لبيبه

أحمد العمودي أبوفيصل

10-21-2009, 10:49 PM

مرحبا مرحبا بالي دخل بيتبخطر = قل لولد الوزيري لاتقع مثل شيبه
شفني الا على شانك دخلت المعسكر = يومكم قال شاعر مادفعتوا الضريبه

الواقعي

10-21-2009, 10:49 PM

بسم الله وصلنا ومرحيب لو با يتغير الفصل يكون احسن

بن احمد

10-21-2009, 10:54 PM

مرحبا مرحبا بالي دخل بيتبخطر = قل لولد الوزيري لاتقع مثل شيبه
شفني الا على شانك دخلت المعسكر = يومكم قال شاعر مادفعتوا الضريبه

الضريبه دفعناها وشيكك مصدّر=والذي يبتلينا باتجيله مصيبه
ونت طماع يحمد مقصدك قل واكثر=اجتهد يالعمودي ف السنين العصيبه

صوت سيبان

10-21-2009, 10:55 PM

بسم الله وصلنا ومرحيب لو با يتغير الفصل يكون احسن

براسك يا الواقعي وقل تم

صالح بن احمد المشجري

10-21-2009, 10:57 PM

صرقعة خرف ياصالح ذعرها المصٌور=كم ويكم نميري قد مسى في الزريبه
لو حسبنا حساب القوم كان غيره اشطر=لكن الوقت عزٌر بالبذور الخصيبه

من طرح شال عاظهره وعالكتف ميزر=لا يغرك ومن دور يحصل طليبه
وانت عارف وسبع الليل معروف يكبر=عند صالح كما طرح المضلع يجيبه

بن احمد

10-21-2009, 10:58 PM

ذا خرج فصل ياللي تحسبون الدقايق=كل واحد يدقق لا حسب في حسابه
نهد يانهد ياللي تشعلون الحرايق=كل واحد معه ثعبان داخل جرابه

بن احمد

10-21-2009, 11:00 PM

طلعوا على الفصل يابورايد وخلوا العزام مرحيب

الواقعي

10-21-2009, 11:02 PM

صاحبك ياحمد يابن العمودي تأثر=قل صبره ويسكر ياولدمن زبيبه
من دخل فا الهرج بايزقل السيف لبتر=والبلاجيك لي فيها المعانق لبيبه

بن مخاشن في الميدان يغلب ثنعشر=فيه همه يراطس عبد مركز سبيبه
شفه شيبوب لاكن لا عدا مثل عنتر=سالم الزير قد صاهره واصبح نسيبه

أحمد العمودي أبوفيصل

10-21-2009, 11:02 PM

انت زادي ولي فالقول محسوب مصدر=وانت لي اخ لا ضاقت عليه هريبه
لا نزلنا قدى المهرى رجعنا لمظهر=ياحمد قللي ايش الفعال الغريبه

كل هذا علينا يارفيقي مقدر = كل ليله تجيني يارفيقي مصيبه
كل ماهو حصل من ولد عمك منصر = كل منهو طغى عاد ربي حسيبه

الاسد القرشي

10-21-2009, 11:05 PM

العمودي وافي لكن جيشه تقهقر = ضاعت اخطوط علمه في صفوف الكتيبه
والمصاب الاسير اللي معاهم تحرر = وانتهى الوضع الاول والحياة الرتيبه

صالح بن احمد المشجري

10-21-2009, 11:06 PM

كل هذا علينا يارفيقي مقدر = كل ليله تجيني يارفيقي مصيبه
كل ماهو حصل من ولد عمك منصر = كل منهو طغى عاد ربي حسيبه

كلام يابو فيصل .ولنا عوده على فصل بن احمد.

الواثق بالله

10-21-2009, 11:12 PM

ماوجدنا في الوديان واحد يذكر=ينصح الناس من مولى الفعول الغريبه
قد لقاء له نقط تفتيش فيها ومخفر=ياهل دوعن وراءماتدركون الخريبه

صالح بن احمد المشجري

10-21-2009, 11:15 PM

ذا خرج فصل ياللي تحسبون الدقايق=كل واحد يدقق لا حسب في حسابه
نهد يانهد ياللي تشعلون الحرايق=كل واحد معه ثعبان داخل جرابه

دي معي ملك في مالي بوسط الوثائق=ذي ورثته من جدودي ومن ملك لابه
مابعد يوم قد قلت علي الشقائق=حمل الهجن ووفيها عطى في زهابه

سبع الليل

10-21-2009, 11:21 PM

بن مخاشن في الميدان يغلب ثنعشر=فيه همه يراطس عبد مركز سبيبه
شفه شيبوب لاكن لا عدا مثل عنتر=سالم الزير قد صاهره واصبح نسيبه

بن مخاشن على محفوظ ظني مزرزر=شف دموعي على لخدود قدها صبيبه
نسم الحبل يامحمد ترانا مكدر=من محب مايقدر يوم فرقت حبيبه

بن احمد

10-21-2009, 11:21 PM

دي معي ملك في مالي بوسط الوثائق=ذي ورثته من جدودي ومن ملك لابه
مابعد يوم قد قلت علي الشقائق=حمل الهجن ووفيها عطى في زهابه

النكاير نكاير والحقايق حقايق=يوم بعض العرب نشتاق له في غيابه
ون حضر بانقدم له زهور الحدايق=مثل باسد صالح يوم بالجود جابه

بن احمد

10-21-2009, 11:22 PM

ياجماعه فصلكم ملان اطلعوا على الفصل الجديد رجا

الواثق بالله

10-21-2009, 11:28 PM

ذا خرج فصل ياللي تحسبون الدقايق=كل واحد يدقق لا حسب في حسابه
نهد يانهد ياللي تشعلون الحرايق=كل واحد معه ثعبان داخل جرابه

من يبى الصدق بايهرج لقوا الف عايق=مجلس الشيخ عاده ماكتمل في نصابه

خافك اليوم باتظهر جميع الحقايق=مالبا صوت متحظر ولاحد درا به

الواقعي

10-21-2009, 11:29 PM

ذا خرج فصل ياللي تحسبون الدقايق=كل واحد يدقق لا حسب في حسابه
نهد يانهد ياللي تشعلون الحرايق=كل واحد معه ثعبان داخل جرابه

ليه ياشيخ تتنكر وتخفي الحقايق=وانت منصب ولا نحسبك واحد زلابه
نهد لا قد نوو ما يهمرون العوايق=خصمهم طير عشه جات ساعة خرابه

سبع الليل

10-21-2009, 11:30 PM

النكاير نكاير والحقايق حقايق=يوم بعض العرب نشتاق له في غيابه
ون حضر بانقدم له زهور الحدايق=مثل باسد صالح يوم بالجود جابه

ضونا في السماء يابن حمد دوب شارق=والذي ماحضر قل له يلاحق صحابه
صاحب الجود والمعروف مابايفارق=قلب سبع الليالي دوب مفتوح بابه

الاسد القرشي

10-21-2009, 11:35 PM

ذا خرج فصل ياللي تحسبون الدقايق=كل واحد يدقق لا حسب في حسابه
نهد يانهد ياللي تشعلون الحرايق=كل واحد معه ثعبان داخل جرابه

من دعا الحكم عندي بشروه ابحقايق = صاحب الحق واثق من نتيجه جوابه
كل شيء مسجل في صحاف السبايق = عسى ناصر يسلّم في يمينه كتابه

سبع الليل

10-21-2009, 11:36 PM

من يبى الصدق بايهرج لقوا الف عايق=مجلس الشيخ عاده ماكتمل في نصابه

خافك اليوم باتظهر جميع الحقايق=مالبا صوت متحظر ولاحد درا به

يالوثيقي حكم انت الونيس المصادق=هت خبر في الخشيني راح ماحد درابه
ان سمع صوت بوجمعان مسرع يعالق=وفي السقيفه كذا شعار زعلوا سبابه

صالح بن احمد المشجري

10-21-2009, 11:38 PM

النكاير نكاير والحقايق حقايق=يوم بعض العرب نشتاق له في غيابه
ون حضر بانقدم له زهور الحدايق=مثل باسد صالح يوم بالجود جابه

لك من القدر مايبقى على الدوم فائق=وانت جنبي طلع مادامني عاصلابه
والكلام الذي جبته مصدر و لائق=بايسر خاطري والقلب دي في حجابه

أحمد العمودي أبوفيصل

10-21-2009, 11:42 PM

ذا خرج فصل ياللي تحسبون الدقايق=كل واحد يدقق لا حسب في حسابه
نهد يانهد ياللي تشعلون الحرايق=كل واحد معه ثعبان داخل جرابه

قل لمنهو فصل بانعدي العوايق = لويحطوا مائه والفين عائق ببابه
دامني قال بوفيصل على النت رايق = مانهاب الذي ياناس كشر نيابه

سبع الليل

10-21-2009, 11:57 PM

قل لمنهو فصل بانعدي العوايق = لويحطوا مائه والفين عائق ببابه
دامني قال بوفيصل على النت رايق = مانهاب الذي ياناس كشر نيابه

والنعم قل لبوفيصل معك بانوافق=انت تؤمر ونحن للاوامر مجابه
من تبع شيخ بايحظى بعز الطوابق=الكرم فيه والتقدير منهج حزى به

سبع الليل

10-22-2009, 12:10 AM

لك من القدر مايبقى على الدوم فائق=وانت جنبي طلع مادامني عاصلابه
والكلام الذي جبته مصدر و لائق=بايسر خاطري والقلب دي في حجابه

هكذا القول ياصالح رواعد وبارق=زين مجراها وسط القلب مجرى البابه
له صدي بين كل محبوب غاوي وعاشق =يشرح الصدر ويزيل الغمم والكئابه

أحمد العمودي أبوفيصل

10-22-2009, 12:12 AM

والنعم قل لبوفيصل معك بانوافق=انت تؤمر ونحن للاوامر مجابه
من تبع شيخ بايحظى بعز الطوابق=الكرم فيه والتقدير منهج حزى به

لجلكم قال ابوفيصل حمد دوب قايق = بانواصل معاكم من دعانا هلابه
قل لسبع الليالي عندنا الحال ضايق = يومنا اليوم حطينا وسط حوره رقابه

بن احمد

10-22-2009, 01:01 AM

ليه ياشيخ تتنكر وتخفي الحقايق=وانت منصب ولا نحسبك واحد زلابه
نهد لا قد نوو ما يهمرون العوايق=خصمهم طير عشه جات ساعة خرابه

من يبا التفرقه بين الخوات الشقايق=المحاكم تراها بطلت مّدعابه
نهد تاريخها معروف عند الخلايق=فوق راسي ونعمك بالخوه والنسابه

اهل الجنوب

10-22-2009, 01:43 AM

شـكــ وبارك الله فيك ـــرا لك ... لك مني أجمل تحية .

صوت سيبان

10-22-2009, 02:02 AM

الرواسي

10-22-2009, 09:54 AM

اين هو ابن أحمد يفتح الفصل الجديد وإلا فتحناه

محمد سعيد بن مخاشن

10-22-2009, 10:43 AM

شيخنا لول وخصوصا إذا قده رايق
ما يشينه إذا النهدي أبد ما درى به

ما يشينه إذا فوزي نظر له كــ ( سايق )
منصب الكسر متعدّي أمامه ذبابه

محمد بن مخــاشــن

صوت سيبان

10-22-2009, 10:49 AM

شيخنا لول وخصوصا إذا قده رايق
ما يشينه إذا النهدي أبد ما درى به

ما يشينه إذا فوزي نظر له كــ ( سايق )
منصب الكسر متعدّي أمامه ذبابه

محمد بن مخــاشــن

ياشيخ محمد الفصل لول مكسور وليس على الزامل فيستحب المراجعه والتعديل

الرواسي

10-22-2009, 11:11 AM

شيخنا لول وخصوصا إذا قده رايق
ما يشينه إذا النهدي أبد ما درى به

ما يشينه إذا فوزي نظر له كــ ( سايق )
منصب الكسر متعدّي أمامه ذبابه

محمد بن مخــاشــن

إمض كالطود لا يثنيك حائل وعائق
========= دام قصر الكرامه أنت مغلاق بابه
فالضريبه أكيده قلّها صوت ناعق
======== فصفح الصفح عن من جاز حد الحرابه

صوت سيبان

10-22-2009, 11:16 AM

إمض كالطود لا يثنيك حائل وعائق
========= دام قصر الكرامه أنت مغلاق بابه
فالضريبه أكيد قلّها صوت ناعق
======== فصفح الصفح عماً جاز حد الحرابه

الفصل الأخير مكسور ولايناسب الزامل فا الرجاء المراجعه

الرواسي

10-22-2009, 11:19 AM

الفصل الأخير مكسور ولايناسب الزامل فا الرجاء المراجعه

يا شاعرنا الهمام وضح اين الخلل هل في صدر البيت أو في عجزه
لعلنا نستفيد منك ..سلام

صوت سيبان

10-22-2009, 11:25 AM

إمض كالطود لا يثنيك حائل وعائق
========= دام قصر الكرامه أنت مغلاق بابه
فالضريبه أكيد قلّها صوت ناعق
======== فصفح الصفح عن من جاز حد الحرابه
فالضريبه أكيد قلها صوت ناعق هل ياترى هذا زامل أم زفه
أو أعملها أكيد(أكيّد) وهذا غير مناسب ولامتناسب كمان فصفح الصفح ع من جاز حد الحرابه إجازه القضاء
هل القضاء بحاجه لك أن تصفح عن ماحكمبه ربناء وسنة رسوله
ترفع للأطلاع ياشاطر

الرواسي

10-22-2009, 11:30 AM

فالضريبه أكيد قلها صوت ناعق هل ياترى هذا زامل أم زفه
أو أعملها أكيد

هههههههه اضحك الله سنك
المعني يا استاذي انه ما دام والاخ محمد مغلاق باب الكرامة فلابد من دفع ضريبه

وأقلها صوت ناعق من هنا وهناك !! ليس فيها أي خلل أو ثقل .. إلا في القراءه
واللهجه
للعلم الكلمة هي ( أكيده ) وليست ( أكيد) وانما سقط حرف الهاء سهواً عند الكتابة
!!!........سلام

صوت سيبان

10-22-2009, 11:43 AM

إمض كالطود لا يثنيك حائل وعائق
========= دام قصر الكرامه أنت مغلاق بابه
فالضريبه أكيده قلّها صوت ناعق
======== فصفح الصفح عن من جاز حد الحرابه
فصفح الصفح ع من جاز حد الحرابه=فسر هذا البيت ومعناه نحن نعرف (كتاب الله والسنه التي أجازت الحرابه)
فهل ينتظر منك الصفح وأنا ناقد لايهمني ؟تسقط حرف يخل با المعنى كاملاً
وباالشله هذا يخصك صقط سهواً ولا عمداً راجع المشاركه قبل الأرسال

الواثق بالله

10-22-2009, 01:30 PM

بغينا فصل ياشباب

بن احمد

10-22-2009, 01:47 PM

المباراه وتحليلها أخرنا ولاكن وصلناكم يا نشاماء
وأحتراماً لتوقيع بن أحمد الطويل العريض والشعار تابعنا المباراه وأكيد هو فرحان
ولزم علينا الفرح تضامناً مع بن أحمد وبما أن الفصل مخلص لزم علية
يفصل مره ثانيه ومنظرين يابن أحمد
وخلصنا بسرعه الليله رائقين للسمر
ابشر يابورايد الله يبارك فيك وعلى خزى عمر الذيب الهلالي ولّا البارح معادها جماهير اتحاديه ولكنها جماهير
سعوديه وعلى خزاه برضه المهم يابورايد افسد علينا الفرحه الشيخ احمد بن سالم صدره مكتوم وهذا ورثه من اهله
معاد رجعنا من المستشفى الا ساعه متاخره الحمد لله المهم انه بخير

انتشت بالفرح والفوز بالامس جده=والعميد البطل كان العريس المتّوج
وانتشى البحر لحمر بين جزره ومده=صفّر الموج واتوشح سوادن مموج

صوت سيبان

10-22-2009, 02:27 PM

ابشر يابورايد الله يبارك فيك وعلى خزى عمر الذيب الهلالي ولّا البارح معادها جماهير اتحاديه ولكنها جماهير
سعوديه وعلى خزاه برضه المهم يابورايد افسد علينا الفرحه الشيخ احمد بن سالم صدره مكتوم وهذا ورثه من اهله
معاد رجعنا من المستشفى الا ساعه متاخره الحمد لله المهم انه بخير

انتشت بالفرح والفوز بالامس جده=والعميد البطل كان العريس المتّوج

وانتشى البحر لحمر بين جزره ومده=صفّر الموج واتوشح سوادن مموج

مانحبه ولاكن جبت شده وعده= لجل صهري غصيبه ياجماعه تفرج
بس بيض وجيه الناس ماشفت قده=وأفرح البدو ذي في الباطنه وهل بروج

الواقعي

10-22-2009, 02:27 PM

ابشر يابورايد الله يبارك فيك وعلى خزى عمر الذيب الهلالي ولّا البارح معادها جماهير اتحاديه ولكنها جماهير
سعوديه وعلى خزاه برضه المهم يابورايد افسد علينا الفرحه الشيخ احمد بن سالم صدره مكتوم وهذا ورثه من اهله
معاد رجعنا من المستشفى الا ساعه متاخره الحمد لله المهم انه بخير

انتشت بالفرح والفوز بالامس جده=والعميد البطل كان العريس المتّوج
وانتشى البحر لحمر بين جزره ومده=صفّر الموج واتوشح سوادن مموج

حي ذا الصوط لي زلا علا الحزر حده=ولد وزران با يردّه سماح المعوج
له في الجود والمعروف شده وعده= نسل عباس من مجلس جدوده تخرج

صوت سيبان

10-22-2009, 02:44 PM

حي ذا الصوط لي زلا علا الحزر حده=ولد وزران با يردّه سماح المعوج
له في الجود والمعروف شده وعده= نسل عباس من مجلس جدوده تخرج

قدت الباب شفناها كما ميت قده=حط فيها الهدف ورجع ولاكن تدحرج
نور راسه مثيل الباب ون قلت سده=ودخله فا الهدف ذا راس يوليد أعوج

الواقعي

10-22-2009, 03:03 PM

قدت الباب شفناها كما ميت قده=حط فيها الهدف ورجع ولاكن تدحرج
نور راسه مثيل الباب ون قلت سده=ودخله فا الهدف ذا راس يوليد أعوج

راس للنطح قد سواه ربي لوحده=ريتك الا في العكه تجي له تفرج
كور مصبوب صبه والجبل ما يرده=وان ضحك بانت الاسنان بيضاء توهج

شامخ 2

10-22-2009, 03:34 PM

راس للنطح قد سواه ربي لوحده=ريتك الا في العكه تجي له تفرج
كور مصبوب صبه والجبل ما يرده=وان ضحك بانت الاسنان بيضاء توهج
ههههههه
اضحك الله سنك والله ضحكت من قلبي في زمن قل فيه الضحك
هذه تنفع يافطه للقاره كلها
الواقعي دام الله عليك هذا التوهج

محمد سعيد بن مخاشن

10-22-2009, 04:03 PM

ابشر يابورايد الله يبارك فيك وعلى خزى عمر الذيب الهلالي ولّا البارح معادها جماهير اتحاديه ولكنها جماهير
سعوديه وعلى خزاه برضه المهم يابورايد افسد علينا الفرحه الشيخ احمد بن سالم صدره مكتوم وهذا ورثه من اهله
معاد رجعنا من المستشفى الا ساعه متاخره الحمد لله المهم انه بخير

انتشت بالفرح والفوز بالامس جده=والعميد البطل كان العريس المتّوج
وانتشى البحر لحمر بين جزره ومده=صفّر الموج واتوشح سوادن مموج

كم مقهور حط يدِّه زعل فوق خدِّه

والوزيري عميده للعدو أمس هبّج

شفت وزران رايق متـّــكي عا المخدِّه

ما همر كل من صرّخ وقربع ودربج

محمد بن مخــاشــن

الواثق بالله

10-22-2009, 08:20 PM

سلام الفين مني لكم ياهل المشوره=ليالي السعد هلت وقدجات الاشاره
وبان الشهر سامر وقد شوع بنوره=وعاد المخشني مارشن للضيف ناره

محمد سعيد بن مخاشن

10-22-2009, 09:17 PM

سلام الفين مني لكم ياهل المشوره=ليالي السعد هلت وقدجات الاشاره
وبان الشهر سامر وقد شوع بنوره=وعاد المخشني مارشن للضيف ناره

رحب حيّا بواثق ترك أهله وجوره

نشد عا المخشني يومنا صهره وجاره

إذا الشعّار ماتوا حْفـَـظ كمّـين سوره

حْسَن لك يا سليل الشـّــكـَــل هو والجساره

محمد بن مخــاشــن

محمد سعيد بن مخاشن

10-22-2009, 09:33 PM

رثى للشعر شفني وقد ماتت نموره

سلام الله منـّـي على عهد النـّـماره

عبر زام المعرّي ويكدح عا زقوره

ونحنا اليوم خلف الوضاره والزّقاره

محمد بن مخــاشــن

الواثق بالله

10-22-2009, 09:52 PM

سمر يالمخشني عالزمل وعبر بحوره=بغينا اللول تظهرلنا ذي في بحاره

وخل كل من خلف ينتظروقته ودوره=وبايبقى لوحده قفا اهل المداره

محمد سعيد بن مخاشن

10-22-2009, 10:05 PM

سمر يالمخشني عالزمل وعبر بحوره=بغينا اللول تظهرلنا ذي في بحاره

وخل كل من خلف ينتظروقته ودوره=وبايبقى لوحده قفا اهل المداره

خرج قولوا لـ ( واثق ) فرج من عرْض طوره

معا أهل البقش دوب يفقع له بطاره

ونا مسكين غافل ندحّق شوك بوره

وهو يبغى لي ألاّ المذلّه والبواره

محمد بن مخــاشــن

سبع الليل

10-22-2009, 10:07 PM

رثى للشعر شفني وقد ماتت نموره

سلام الله منـّـي على عهد النـّـماره

عبر زام المعرّي ويكدح عا زقوره

ونحنا اليوم خلف الوضاره والزّقاره

محمد بن مخــاشــن

عرض يالمخشني بالسلامه لا شروره=وخل سالم علي يلتقي ود بن شراره
يجيب الصدق لا قد تمثل في حضوره=فسحنا في العلم كلها هي والحضاره

محمد سعيد بن مخاشن

10-22-2009, 10:14 PM

ألا يا الله بعصري يحط من فوق قوره

ولا تغضب علينا بسبب أهل القواره

ونا إنسان عاقل وغيري عبد كوره

ولا حب اللجاجه سمعني والكواره

محمد بن مخــاشــن

سبع الليل

10-22-2009, 10:21 PM

بغينا البسمتي مابغينا رز كوره=عبر ذاك الزمن لي يحزمنا بكاره
وخضنا البحر لحمر ويامسهل عبوره=وشقينا الجبل وايش فهمتوا في العباره

محمد سعيد بن مخاشن

10-22-2009, 10:32 PM

عرض يالمخشني بالسلامه لا شروره=وخل سالم علي يلتقي ود بن شراره
يجيب الصدق لا قد تمثل في حضوره=فسحنا في العلم كلها هي والحضاره

رحب محفوظ جانا سروري من سروره

ونا بعطيه سرّي ويعطيني سراره

وباصويتين ما تحس شذوذه أو غروره

ألا يا ريت كل العرب هم عا غراره

محمد بن مخــاشــن

محمد سعيد بن مخاشن

10-22-2009, 10:35 PM

السموحة. خارج لمدة ساعتين وقد أعود. تصبحون على خير.

أحمد العمودي أبوفيصل

10-23-2009, 12:24 AM

سمر يالمخشني عالزمل وعبر بحوره=بغينا اللول تظهرلنا ذي في بحاره

وخل كل من خلف ينتظروقته ودوره=وبايبقى لوحده قفا اهل المداره

بعضهم قال شاعر مامعه وسط كوره = غير قفله ترجعه لاارضه وكاره
عاده الابزغ نجم ياضي بنوره = يومه الا يولع كل ساعه بناره

الواثق بالله

10-23-2009, 01:05 AM

وخل مولى الهويه يتمي عاسبوره=وكل عاشق يتمي ضروري عاسباره
ترك حبل المود حذر تقطع سيوره=عسى كل سير يسلم ويبقى في مساره

سبع الليل

10-23-2009, 01:07 AM

اسمحوا لي بالفصل الله يبارك فيكم

ذا خرج فصل كرينا الكره مية كره=لكن القول مبعد والملاعب خليه
فارضنا لا تساوم ارضنا ارض حره=ارض لحقاف من تهمت عويشق بريه
مابها الا سوى قلت لدب والمضره=من عيال الحزق لي هم نوها بنيه

الواثق بالله

10-23-2009, 01:27 AM

كل طامع يرد لرضه ويرجع مقره=باتتمي جبالي عالاعادي عصيه
لا بغيته وانا ماريد خيره وشره=كل محتال ومراوغ ويده دنيه

سبع الليل

10-23-2009, 02:55 AM

كل طامع يرد لرضه ويرجع مقره=باتتمي جبالي عالاعادي عصيه
لا بغيته وانا ماريد خيره وشره=كل محتال ومراوغ ويده دنيه

لو حسبنا من الواحد لتسعه وعشره=كان نحن عرفنا وين صلب القضيه
لكن المشكله في لي عطى الباب دفره=ماترخص ولا استاذن تكى عالقويه
سمٌحوا له عيال الزيلعي وال جبره=ريتهم ماعتضوا والقواعلى الباب صيه
لكن الحمر والدولار يلقين قمره=والطمع لا دخل مخلوق يمسي ضحيه

صوت سيبان

10-23-2009, 07:14 AM

ماعليش الليله كان عندنا عرس بيننا العصر

سبع الليل

10-23-2009, 11:00 AM

جمعه مباركه للجميع

محمد سعيد بن مخاشن

10-23-2009, 01:48 PM

لو حسبنا من الواحد لتسعه وعشره=كان نحن عرفنا وين صلب القضيه
لكن المشكله في لي عطى الباب دفره=ماترخص ولا استاذن تكى عالقويه
سمٌحوا له عيال الزيلعي وال جبره=ريتهم ماعتضوا والقواعلى الباب صيه
لكن الحمر والدولار يلقين قمره=والطمع لا دخل مخلوق يمسي ضحيه

صُلـْــب القضيِّـة

في بلاد العرب لو كنت عالم بذرّه

ما لبوك أي حوافز لا ولا لك مزيِّه

والمكنـِّـس في أمريكا كويكب مجرّه

بعد كم عام يصبح ريّس الداخليّه

محمد بن مخــاشــن

سبع الليل

10-23-2009, 02:15 PM

صُلـْــب القضيِّـة

في بلاد العرب لو كنت عالم بذرّه

ما لبوك أي حوافز لا ولا لك مزيِّه

والمكنـِّـس في أمريكا كويكب مجرّه

بعد كم عام يصبح ريّس الداخليّه

محمد بن مخــاشــن

مانبسطنا ولاذقنا الفرح والمسره=بعد ما شاركونا روس غبراء شقيه
بالنصايح تقدمنا لهم الف مره=والكلام الحسن والزين صبح وعشيه
لكن النصح والناصح على ذلق شفره=ماتصير الشراكه مع عرب مفتريه

بن احمد

10-23-2009, 05:55 PM

لو حسبنا من الواحد لتسعه وعشره=كان نحن عرفنا وين صلب القضيه
لكن المشكله في لي عطى الباب دفره=ماترخص ولا استاذن تكى عالقويه
سمٌحوا له عيال الزيلعي وال جبره=ريتهم ماعتضوا والقواعلى الباب صيه
لكن الحمر والدولار يلقين قمره=والطمع لا دخل مخلوق يمسي ضحيه
الحمر والدولار
كلام ياسبع الليل كلام رغم اختلافي معك في ماترمي اليه

سبع الليل

10-23-2009, 06:27 PM

الحمر والدولار
كلام ياسبع الليل كلام رغم اختلافي معك في ماترمي اليه

يعبنك يابن احمد اختلاف في الراي لكن المضمون مابانختلف عليه

ابوشحوف

10-23-2009, 07:50 PM

بغينا فصل جديد للسمر

الرواسي

10-23-2009, 07:51 PM

بغينا فصل جديد للسمر

نعم وأنا معك

الاسد القرشي

10-23-2009, 08:10 PM

فصل جديد ياشعارنا الكبار

ابوشحوف

10-23-2009, 08:10 PM

استاذنكم بالفصل

قال من قد قرا كل الكتب والمراجع = كل ماسرت خطوه للورا رجعوني
قد صبرنا عليهم عام ثامن وتاسع = يالرواسي بغو بهروجهم يقنعوني

ابوشحوف

10-23-2009, 08:14 PM

صحت ناديت لكن العطب فلمسامع = فاكر اني اذا ناديت بايسمعوني
مابينفع معاهم غير شغل المقاصع = دامهم قال بوعكبر تجرو عصوني

الاسد القرشي

10-23-2009, 08:15 PM

راجع عجز البيت الثاني يابوشحوف

ابوشحوف

10-23-2009, 08:27 PM

اخي الاسد القرشي في البدايه اشكرك على اهتمامك وتم التعديل ولكن ليس بالضروره التقيد في القافيه الاخيره باربعه احرف فيكفي ثلاثه للتوسيع وعدم جعل الفصل ضيق

الرواسي

10-23-2009, 08:32 PM

استاذنكم بالفصل

قال من قد قرا كل الكتب والمراجع = كل ماسرت خطوه للورا رجعوني
قد صبرنا عليهم عام ثامن وتاسع = يالرواسي من احقوقي بغو يحرموني

صحت ناديت لكن العطب فلمسامع = فاكر اني اذا ناديت بايسمعوني
مابينفع معاهم غير شغل المقاصع = دامهم قال بوعكبر تجرو عصوني

ألف حيا ومرحب وزن كل المصانع
======== بالمعني ونظمه قبل ما يسبقوني
من لهم يد طولا حاملين المدافع
======== قمت رحب وبعدَ خير لو يفصلوني
دام والكل غائب والطيس والمرافع
====== صوتها هز راسي يا نشاما اعذروني
وانت يا داعي الخير سك سبعه مصارع
========= ما يفد التباكي يكفي الزنكلوني

الاسد القرشي

10-23-2009, 08:46 PM

صحت ناديت لكن العطب فلمسامع = فاكر اني اذا ناديت بايسمعوني
مابينفع معاهم غير شغل المقاصع = دامهم قال بوعكبر تجرو عصوني

من فراق الحبايب قد هليت المدامع=والعواذل على دمع العيون عاتبوني
مات قلبي وهو عاده جويهل ويافع = في سواد عين خلي ياعرب إدفنوني

أحمد العمودي أبوفيصل

10-23-2009, 08:51 PM

صحت ناديت لكن العطب فلمسامع = فاكر اني اذا ناديت بايسمعوني
مابينفع معاهم غير شغل المقاصع = دامهم قال بوعكبر تجرو عصوني

خذها الا نصيحه يارفيقي تراجع = قلهم لاطلبنا منكم رجعوني
كنت مثلك أنا في الملاعب مدافع = لين جمهورنا كلهم هاجموني

ابوشحوف

10-23-2009, 08:55 PM

ألف حيا ومرحب وزن كل المصانع
======== بالمعني ونظمه قبل ما يسبقوني
من لهم يد طولا حاملين المدافع
======== قمت رحب وبعدَ خير لو يفصلوني
دام والكل غائب والطيس والمرافع
====== صوتها هز راسي يا نشاما اعذروني
وانت يا داعي الخير سك سبعه مصارع
========= ما يفد التباكي يكفي الزنكلوني

جبت لي يالرواسي من خيار المنابع = جيت واسقيتني يوم انهم ماسقوني
جبت لي ذري ماهو من حبوب الصوامع = ذري صافي نقي من شان تثمر غصوني

ابوشحوف

10-23-2009, 09:00 PM

خذها الا نصيحه يارفيقي تراجع = قلهم لاطلبنا منكم رجعوني
كنت مثلك أنا في الملاعب مدافع = لين جمهورنا كلهم هاجموني

سرت معهم ولاقاطعت مانا مقاطع = كنهم ياحمد بالغصب هم قاطعوني
عاد كل العتب لهل الخطب فلجوامع = شجعوهم على ظلمي وجو ينصحوني

الرواسي

10-23-2009, 09:15 PM

جبت لي يالرواسي من خيار المنابع = جيت واسقيتني يوم انهم ماسقوني
جبت لي ذري ماهو من حبوب الصوامع = ذري صافي نقي من شان تثمر غصوني

أضحك الله سنك جيد بالنظم بارع
======= كيف بي والجماعه همهم يبعدوني
لكن ابشر وطمن من معك لا يطالع
====== ان حب السنابل لك ولو من عيوني

ابوشحوف

10-23-2009, 09:19 PM

أضحك الله سنك جيد بالنظم بارع
======= كيف بي والجماعه همهم يبعدوني
لكن ابشر وطمن من معك لا يطالع
====== ان حب السنابل لك ولو من عيوني

كلمة الحق قلها لو ينازع منازع = كنت مثلك وهم ياكم قد نازعوني
ماعلينا من اهروج السقل فلشوارع = لايوطوني بما قالو ولا يرفعوني

أحمد العمودي أبوفيصل

10-23-2009, 09:21 PM

سرت معهم ولاقاطعت مانا مقاطع = كنهم ياحمد بالغصب هم قاطعوني
عاد كل العتب لهل الخطب فلجوامع = شجعوهم على ظلمي وجو ينصحوني

لاتقلب علينا قال شاعر مواجع = يوم أهل الخطب مابغوا يفهموني
لاتصدق كلام الكذب واهل المنافع = من كلام الخطب كم سهروها عيوني

ابوشحوف

10-23-2009, 09:31 PM

فصل يالشعار

الرواسي

10-23-2009, 09:38 PM

كلمة الحق قلها لو ينازع منازع = كنت مثلك وهم ياكم قد نازعوني
ماعلينا من اهروج السقل فلشوارع = لايوطوني بما قالو ولا يرفعوني

دام والحال واحد با نسل اللوامع
======== اعتبرني حسامك وأنت حامي حصوني
قد معي قرن يابس من قرم الشوافع
======== دوني النجم ما والله يلامس قروني

الاسد القرشي

10-23-2009, 09:40 PM

اليوم ضاع الخبر مابين شاري وبايع = بن حمد غاب صوته ف غيبته خبروني
عساه في الخير دائم والمحبه طبايع = دايم القلب يسأل عن كحيل العيوني

صالح باعمران ابو زايد

10-23-2009, 09:40 PM

والله مساجلة شعرية رائعة كل الشكر لكم جميعا على الكلام
المتسلسل الاكثر من رائع..

الرواسي

10-23-2009, 09:42 PM

يا أهل الشيم هل عاد به موضع قدم
======== وإلا كما قالوا على الدنيا السلام
الوضع مزري طاف حده والعلم
====== واهل السقيفه من صحي عود ونام

ابوشحوف

10-23-2009, 09:47 PM

يا أهل الشيم هل عاد به موضع قدم
======== وإلا كما قالوا على الدنيا السلام
الوضع مزري طاف حده والعلم
====== واهل السقيفه من صحي عود ونام

حيا بترتيب القوافي والكلم = زميت راسي يوم زميت الكلام
شاعر رفع راسي وصل حيد النشم = يعتز راسي بالرجاجيل الحشام

سبع الليل

10-23-2009, 09:51 PM

كلمة الحق قلها لو ينازع منازع = كنت مثلك وهم ياكم قد نازعوني
ماعلينا من اهروج السقل فلشوارع = لايوطوني بما قالو ولا يرفعوني

لنته اول والا ثاني ولنته برابع=نا تكلمة مثلك كنهم لثموني
كلمة الحق عالريسان ضربة مخالع=مابغوها كبيرين الشدق والبطوني

ابوشحوف

10-23-2009, 09:51 PM

قولو لباعمران لاقد قمت قم = لك عندنا تقدير ياعالي المقام
همه بغيناها من اصحاب الهمم = والراسي اليله عطيناه الوسام

الرواسي

10-23-2009, 09:52 PM

والله مساجلة شعرية رائعة كل الشكر لكم جميعا على الكلام
المتسلسل الاكثر من رائع..

يا صاحبي من حبنا لأهل الشيم
======== اتيت قاصد مطرح القوم الكرام
فدخل وشارك جنب كمن محترم
======== وإلا فقط يممت والقيت السلام

الرواسي

10-23-2009, 10:00 PM

حيا بترتيب القوافي والكلم = زميت راسي يوم زميت الكلام
شاعر رفع راسي وصل حيد النشم = يعتز راسي بالرجاجيل الحشام

بك مرحبا حيا وزن شامخ رمم
======== يا معدن النامس ودرعي والحسام
طاولت بك شمسان وصرواح الاشم
====== نظمك على السوداء كما فيض الغمام

ابوشحوف

10-23-2009, 10:00 PM

واجب علي رحب بكم ياهل الكرم = يالسبع يانسل الرجاجيل الكرام
مسكنك يالشاهين عاروس القمم = خل الحدايق للصخاري والحمام

صالح باعمران ابو زايد

10-23-2009, 10:01 PM

سلام مني عد مالراعد زجم=وعداد مالبراق في راس الجهام
في سعفكم حط القدم فوق القدم=ياللي تجيبوا الجوهره من راس هام

أحمد العمودي أبوفيصل

10-23-2009, 10:06 PM

قولوا لباعمران بنزم القدم = ابغاك تتقدم ولاترجع تنام
لانك من اصحاب المبادي والشيم = نبغاك ياصالح تحافظ عالنظام

الرواسي

10-23-2009, 10:07 PM

سلام مني عد مالراعد زجم=وعداد مالبراق في راس الجهام
في سعفكم حط القدم فوق القدم=ياللي تجيبوا الجوهره من راس هام

بك مرحبا ما طاف حجاج الحرم
======= باليت سبعاً تالي الشهر الحرام
أثلجت صدر حال ما شفت القلم
======= يسطر الزامل وحققنا المرام

أحمد العمودي أبوفيصل

10-23-2009, 10:08 PM

اسف لتكرار القوافي ماشفتها الابعد مانزلت المشاركه

ابوشحوف

10-23-2009, 10:11 PM

الراسي الليله على المسرى عزم = وانا معه فلبنج بربط لي حزام
بلزور لي بدوان في صوط القثم = مالي وللهندي ومالي والشوام

أحمد العمودي أبوفيصل

10-23-2009, 10:18 PM

الراسي الليله على المسرى عزم = وانا معه فلبنج بربط لي حزام
بلزور لي بدوان في صوط القثم = مالي وللهندي ومالي والشوام

وأنا معك شفني ندور عالنسم = طفشان من دنيا بها دايم زحام
لارحت لي شارع لقيته مزدحم = وابغيت انا واياك لاصوط القثام

الرواسي

10-23-2009, 10:19 PM

الراسي الليله على المسرى عزم = وانا معه فلبنج بربط لي حزام
بلزور لي بدوان في صوط القثم = مالي وللهندي ومالي والشوام

وأنا بجنك بر وإلأ موج يم
========= لما نصيد الوعل من سود اللكام
وإلا جلبنا النوق من صحراء إرم
========= ماقلت لي نبوت أو زاكي كرام

صوت سيبان

10-23-2009, 10:23 PM

يامرحبا بلي يمصون العجم= حد منهم قاضي وحد قايم مقام
لهريت با الواحد يحط منك وثم=ما يعتذر لوبي طحن نص العظام

ابوشحوف

10-23-2009, 10:26 PM

وأنا معك شفني ندور عالنسم = طفشان من دنيا بها دايم زحام
لارحت لي شارع لقيته مزدحم = وابغيت انا واياك لاصوط القثام

وادي عدم ماشي كما وادي عدم = قولو لبوفيصل ولاباكنجهام
فيه الدوا للقلب من كل السقم = فيه الذهب واللول وزنه بلجرام

أحمد العمودي أبوفيصل

10-23-2009, 10:27 PM

قولوا لبوعكبر مالليله فهم = ماركب المشواف شفني عالحمام
ياصيد بوقرنيين ياحيد النشم = من سمح مافكر في صيد الرخام

الاسد القرشي

10-23-2009, 10:31 PM

الراسي الليله على المسرى عزم = وانا معه فلبنج بربط لي حزام
بلزور لي بدوان في صوط القثم = مالي وللهندي ومالي والشوام

خلك من المسرى في الليل العتم = واحجز معي اوكي عادار السلام
في الزين والخضره مابتشوف هم= ووجوه زينه مابغت منك كلام

الرواسي

10-23-2009, 10:31 PM

يامرحبا بلي يمصون العجم= حد منهم قاضي وحد قايم مقام
لهريت با الواحد يحط منك وثم=ما يعتذر لوبي طحن نص العظام

من شل حمل العيس يعنى بالنسم
====== وإلا انكسر واصبح مكبل فالدرام
فاحسب حسابك دام ما قد طار دم
======== في النهاية مقتل الغر الكلام

ابوشحوف

10-23-2009, 10:32 PM

تصبحون على خير

سبع الليل

10-23-2009, 10:37 PM

واجب علي رحب بكم ياهل الكرم = يالسبع يانسل الرجاجيل الكرام
مسكنك يالشاهين عاروس القمم = خل الحدايق للصخاري والحمام

انت الشهامه والعزيز المحترم=يابوشحوف لك قدر عندي واحترام
انت الاهم ياصاحب ثم الاهم=تستاهل الا جائزة نوبل وسام

أحمد العمودي أبوفيصل

10-23-2009, 10:38 PM

يامرحبا بلي يمصون العجم= حد منهم قاضي وحد قايم مقام
لهريت با الواحد يحط منك وثم=ما يعتذر لوبي طحن نص العظام

يالي بصوته قال شاعر قد نهم = لادخلت للميدان بتسوي زحام
معروف بورايد بسيفه لاقدم = حطوا عيال ابليس قدام قيام

الرواسي

10-23-2009, 10:39 PM

خلك من المسرى في الليل العتم = واحجز معي اوكي عادار السلام
في الزين والخضره مابتشوف هم= ووجوه زينه مابغت منك كلام

إحلم وأنا باقول مسراكم عدم
======= دامك كشفت المختفي خلف اللثام
مسرى بلا مركوب والمؤنه كدم
======= تنزل على المعدة كما بارود سام

الرواسي

10-23-2009, 10:44 PM

السموحة يا رجال استودعكم الله

الواثق بالله

10-23-2009, 10:45 PM

ياسعيد شي مقلوب في عود السلم=لاجاء على الموفر ولا القاسم تمام
عاد شي مخالع باتتطرق في النشم=والا مقاطع باتقطب في البشام

صوت سيبان

10-23-2009, 10:51 PM

يالي بصوته قال شاعر قد نهم = لادخلت للميدان بتسوي زحام
معروف بورايد بسيفه لاقدم = حطوا عيال ابليس قدام قيام

يامرحباء بهل المبادي والقيّم=واهل الوفاء والطيب والمبداء تمام
سيل العمودي قد تعدا عا العلم=ووصل إلي روس الشوامخ والدقام

سبع الليل

10-23-2009, 10:53 PM

يالي بصوته قال شاعر قد نهم = لادخلت للميدان بتسوي زحام
معروف بورايد بسيفه لاقدم = حطوا عيال ابليس قدام قيام

هت لي خبرياشيخ من مولى قسم=لي باع خط برلين بطره وانتقام
حصل فرص جاته وللفرصه اغتنم=قل له رويد الضرب في الميت حرام

الاسد القرشي

10-23-2009, 10:54 PM

إحلم وأنا باقول مسراكم عدم
======= دامك كشفت المختفي خلف اللثام
مسرى بلا مركوب والمؤنه كدم
======= تنزل على المعدة كما بارود سام

وايش بايفيد القول للمربوط رم = ناصر تولاها وخلاها عِدام
مايرجع المرحوم ولو زاد اللطم = حتى بكيته ياخوي ميتين عام

أحمد العمودي أبوفيصل

10-23-2009, 10:56 PM

يالواقعي ماشي مبادي أوقيم = مادام خلق الله تبكي في الخيام
من شل كبيره يارفيقي مارجم = ماشي معانا غير تقسير الحلام

صوت سيبان

10-23-2009, 11:03 PM

ياسعيد شي مقلوب في عود السلم=لاجاء على الموفر ولا القاسم تمام
عاد شي مخالع باتتطرق في النشم=والا مقاطع باتقطب في البشام

نجارنا ظالم من إكبار الظلم = قد قطب العيدان والدنياء ظلام
خرب علي شغله بها دائم حلم=وأتبخرت بين الحقيقه والحلام

أحمد العمودي أبوفيصل

10-23-2009, 11:06 PM

هت لي خبرياشيخ من مولى قسم=لي باع خط برلين بطره وانتقام
حصل فرص جاته وللفرصه اغتنم=قل له رويد الضرب في الميت حرام

لهو سلم احسن من لي ماسلم = قد ضيعوا برلين في عهد السلام
لاتقولي هذا لطم والا كدم = ذلا لمع بارق في راس الجهام

أحمد العمودي أبوفيصل

10-23-2009, 11:13 PM

يامرحباء بهل المبادي والقيّم=واهل الوفاء والطيب والمبداء تمام
سيل العمودي قد تعدا عا العلم=ووصل إلي روس الشوامخ والدقام

يسالك الا ياسعيد من اهل الهمم = من لي وصل حليه لاكل السوام
ماله خبر ياسعيد مابين الامم = قد كان هنا موجود عامن بعد عام

الواثق بالله

10-23-2009, 11:22 PM

انته بنيت الساس واطرحت العلم=ومن عزم ربه يعينه بالمقام
والعايب المكار بايجنى الندم=ومايمر درب الفضيله عالدوام

محمد سعيد بن مخاشن

10-24-2009, 12:56 AM

الحافظ الله من بشر صاغة تهم

وإعقولهم عوجاء كما عقول التهام

لو كان هو بو الهول سدّه والهرم

بيقول ذي الكعبه وبا يلبس حرام

محمد بن مخــاشــن

الواثق بالله

10-24-2009, 02:04 PM

مساكم الله بالخير

ابوداعر

10-24-2009, 06:49 PM

وين الشعار الليله دخلنا ماشفنا حد
والعفوا منكم نصلح الجهاز في الورشه

اابوداعر

10-24-2009, 07:12 PM

فصل جد يد يا شعا ر

اابوداعر

10-24-2009, 07:22 PM

من بعدماغبناثلاث ايام00جيناعلى صفوالخوار
باخبارناجينالكم واعلام00يالي تحبون المسامر

الواقعي

10-24-2009, 07:28 PM

من بعدماغبناثلاث ايام00جيناعلى صفوالخوار
باخبارناجينالكم واعلام00يالي تحبون المسامر

مرحيب ...... مرحيب

ابوشحوف

10-24-2009, 07:50 PM

من بعدماغبناثلاث ايام00جيناعلى صفوالخوار
باخبارناجينالكم واعلام00يالي تحبون المسامر

حيا بصقر الجو لي قد حام = بحضوركم ذا القسم عامر
هتلي خبر لاجيت وادي سام = واخبار من قرية خشامر

الواقعي

10-24-2009, 08:16 PM

حيا بصقر الجو لي قد حام = بحضوركم ذا القسم عامر
هتلي خبر لاجيت وادي سام = واخبار من قرية خشامر

حياك يا شيذر حرير الشام=يا نجم هادي للمسافر
من ربع لقصى او مع القسام=يا العكبري لقدين ساير

طه الحسين

10-24-2009, 08:19 PM

تنبكنا حمي عساء الرشبه معموره
باندريبهاعلى الشعارمن دون تقصوره
شعريابن مخاشن شف الليل ارخا استوره
ونا معك باشل ذي ليله سمرمقموره
مابنسري مالليله لين الصبح يطلع نوره

ابوشحوف

10-24-2009, 08:21 PM

حياك يا شيذر حرير الشام=يا نجم هادي للمسافر
من ربع لقصى او مع القسام=يا العكبري لقدين ساير

انا مع اللي سيرهم قدام = ماهي خطب فوق المنابر
كم من اسد من بينهم ضرغام = بفعالهم يبست حناجر

ابوشحوف

10-24-2009, 08:25 PM

حلمت شوني حلم قبل العام = حد بايفسر حلم عابر
حلمت في عودة عدي صدام = وشفت فيه الشيخ جابر

طه الحسين

10-24-2009, 08:30 PM

لله درك يابن مخاشن

بن احمد

10-24-2009, 08:32 PM

حلمت شوني حلم قبل العام = حد بايفسر حلم عابر
حلمت في عودة عدي صدام = وشفت فيه الشيخ جابر

ياليت حلمك صدق يالمقدام=يتحقق الليله وباكر
من مات في قبره بقايا عظام=وش بايرد لي ف المقابر

الواقعي

10-24-2009, 08:49 PM

انا مع اللي سيرهم قدام = ماهي خطب فوق المنابر
كم من اسد من بينهم ضرغام = بفعالهم يبست حناجر

قصدك كمى ضرغامنا صدام=لي كان با عياله يغامر
مثل البقيه للفلوس اخدام=قلعه وفيها الساس دامر

بن احمد

10-24-2009, 08:58 PM

قصدك كمى ضرغامنا صدام=لي كان با عياله يغامر
مثل البقيه للفلوس اخدام=قلعه وفيها الساس دامر

يالواقعي كنك كذا هجاّم=دخلت مارب في عساكر
المال يرفع قيمة الحجام=وايضا يداوي صوب نافر

ابوشحوف

10-24-2009, 09:06 PM

يالواقعي مرت كثير اعوام = وانا على بلواي صابر
وانا انتظر يطلع بطل همام = مايحسب احساب الخسائر

الواثق بالله

10-24-2009, 09:19 PM

باتقرب البصره لارض الشام=من شان عقبه للمسافر
وبايجي جدي وعمي سام=وبايديرون المعاصر

الواقعي

10-24-2009, 09:20 PM

يالواقعي مرت كثير اعوام = وانا على بلواي صابر
وانا انتظر يطلع بطل همام = مايحسب احساب الخسائر

بالعلم وحده ترتقي لقوام=واعلومنا ترقى المنا بر
والجهل من بعده علل واسقام=انعام تسكن في حضاير

اابوداعر

10-24-2009, 09:34 PM

كلا م يل واثق كلا م

صوت سيبان

10-24-2009, 09:48 PM

فصل جديد على المثمون ياشعارنا الأكارم

بن احمد

10-24-2009, 10:00 PM

فصل جديد على المثمون ياشعارنا الأكارم
وين الفصل ياسعيدانا ماشي قدامي ولا عادك الاباتجيبه

صوت سيبان

10-24-2009, 10:11 PM

وين الفصل ياسعيدانا ماشي قدامي ولا عادك الاباتجيبه

لاتفهم الموضوع غلط قصدي أي واحد يجيب الفصل ومادام أتلقفت يا العباسي براسك وثبت عليك شرعاً ومنتظرين

الواقعي

10-24-2009, 10:15 PM

لاتفهم الموضوع غلط قصدي واحد يقوله ومادام أتلقفت يا العباسي براسك وثبت عليك شرعاً

وانا معك يا بو رائد وعارف ان الشيخ معه فصل من امس .....قل تم يا بو محمد

بن احمد

10-24-2009, 10:22 PM

ابشروا لكن المثمون لايفتى ومالك في المدينه وسعيد موجود

يالواقعي مابين ضرس وناب =باحط شعار العضيده
ماعاد بقبل عذرك الكذاب=لاعاد تشرحه او تعيده

صوت سيبان

10-24-2009, 10:23 PM

وانا معك يا بو رائد وعارف ان الشيخ معه فصل من امس .....قل تم يا بو محمد

باالرز ولاّ مع الخبز ههههههههههههههههههه

الواقعي

10-24-2009, 10:28 PM

باالرز ولاّ مع الخبز ههههههههههههههههههه

بالشنضي يا اهل الشنضي ههههههههههههههههه

صوت سيبان

10-24-2009, 10:31 PM

بالشنضي يا اهل الشنضي ههههههههههههههههه

من ذي عرفك بهذه الأسرار لان حقوق الطبع محفوظه وبانرفع عليه قضيه الله يخسه ههههههههههههههههههه

سبع الليل

10-24-2009, 10:34 PM

ابشروا لكن المثمون لايفتى ومالك في المدينه وسعيد موجود

يالواقعي مابين ضرس وناب =باحط شعار العضيده
ماعاد بقبل عذرك الكذاب=لاعاد تشرحه او تعيده

يابن حمد ماتفترق لصحاب=والزين كل واحد يريده
باجيك مهما قفلت لبواب=دار الكرم دنيا سعيده

الواقعي

10-24-2009, 10:35 PM

من ذي عرفك بهذه الأسرار لان حقوق الطبع محفوظه وبانرفع عليه قضيه الله يخسه ههههههههههههههههههه

مريود ههههههههههههههههه

بن احمد

10-24-2009, 10:43 PM

يابن حمد ماتفترق لصحاب=والزين كل واحد يريده
باجيك مهما قفلت لبواب=دار الكرم دنيا سعيده

يامرحبا بك ماقفلنا الباب=وانته معك همه شديده
الله يلعن شلة الارهاب=واصحاب لفكار البليده

أحمد العمودي أبوفيصل

10-24-2009, 10:44 PM

يابن حمد بانفتح الابواب = كل باب قد عندي قليده
وانك تدور عالذي قد غاب = قد ضاع في وادي عبيده

صوت سيبان

10-24-2009, 10:48 PM

ابشروا لكن المثمون لايفتى ومالك في المدينه وسعيد موجود

يالواقعي مابين ضرس وناب =باحط شعار العضيده
ماعاد بقبل عذرك الكذاب=لاعاد تشرحه او تعيده

كلام قال المشجري جذاب=من داخل اليمن السعيده
صاحب معي للأن مبعد خاب=والعبد بايرجع لسيده

بن احمد

10-24-2009, 10:49 PM

يابن حمد بانفتح الابواب = كل باب عندي قليده
وانك تدور عالذي قد غاب = قد ضاع في وادي عبيده

ياشيخ لك يومين ف المحراب=ماجبت شي فكره جديده
شف كل شي له عاملين احساب=واعلاننا وسط الجريده

صوت سيبان

10-24-2009, 10:52 PM

يابن حمد بانفتح الابواب = كل باب قد عندي قليده
وانك تدور عالذي قد غاب = قد ضاع في وادي عبيده

قل للعمودي شف سمرنا طاب=وأعلاج بن أحمد بأيده
فوق الذهب لويطرح التيزاب=بنشر سمه وسط الجريده

أحمد العمودي أبوفيصل

10-24-2009, 10:54 PM

ياشيخ لك يومين ف المحراب=ماجبت شي فكره جديده
شف كل شي له عاملين احساب=واعلاننا وسط الجريده

لاقمت ماباعمله باعتاب = لاقمت بقطع له وريده
كل من سعف بن درسه لحساب = في البنك بكشف له رصيده

بن احمد

10-24-2009, 10:57 PM

كلام قال المشجري جذاب=من داخل اليمن السعيده
صاحب معي للأن مبعد خاب=والعبد بايرجع لسيده

انته معك سهمين في ينساب=ماصاحبك فّلس رصيده
ولكل نمر يالمشجري مخلاب=خلوا علاقتكم وطيده

أحمد العمودي أبوفيصل

10-24-2009, 10:59 PM

قل للعمودي شف سمرنا طاب=وأعلاج بن أحمد بأيده
فوق الذهب لويطرح التيزاب=بنشر سمه وسط الجريده

يومه وقعلي ولد بامكراب = ياسعيد يتعشى بعيده
مابايحصل انسنا لي طاب = ولعاد شي طب بايفيده

بن احمد

10-24-2009, 11:12 PM

الليل شب النار ياشبّاب=خل جمرها يلهب وقيده
الواقعي غايب بدون اسباب=شفته قفل حتى بريده

أحمد العمودي أبوفيصل

10-24-2009, 11:19 PM

مابن حمد ياسعيد ماقدجاب = يومه مقيد وسط قيده
قله قرب للكير لي شباب = شفها عندنا ذه عنيده

محمد سعيد بن مخاشن

10-24-2009, 11:26 PM

ابشروا لكن المثمون لايفتى ومالك في المدينه وسعيد موجود

يالواقعي مابين ضرس وناب =باحط شعار العضيده
ماعاد بقبل عذرك الكذاب=لاعاد تشرحه او تعيده

لا ... لا تهاتر خالك الزّنقاب

خلـّـي كلامك دُعْر سيده

أو ولْد ضاهر ذي يسمّى قاب

شف لي علاقه به وطيده

زنقاب و قاب = من أخوال باوزير

محمد بن مخــاشــن

محمد سعيد بن مخاشن

10-24-2009, 11:32 PM

على شان مالتشتت تعال يابو صالح للزامل أنا والواقعي هنا ومنتظرين فصل من العباسي أبوأحمد
( صوت سيبان )

والمدارس؟ والعمل؟

وبعدين نسمر على الزامل الحالي ؛ أو ننتظر باوزير ؛ أو ننام؟ لا تقولوا لي برأسك ( من صدق ) لأن مريود جفلان

أحمد العمودي أبوفيصل

10-24-2009, 11:35 PM

لا ... لا تهاتر خالك الزّنقاب

خلـّـي كلامك دُعْر سيده

أو ولْد ضاهر ذي يسمّى قاب

شف لي علاقه به وطيده

زنقاب و قاب = من أخوال باوزير

محمد بن مخــاشــن

يالمخشني عدك من الاصحاب = خليك في دنيا بعيده
لاتجيك شضيه مننا تنساب = مادام ثورك عالوجيده

أحمد العمودي أبوفيصل

10-24-2009, 11:36 PM

صوت سيبان

10-24-2009, 11:37 PM

لا ... لا تهاتر خالك الزّنقاب

خلـّـي كلامك دُعْر سيده

أو ولْد ضاهر ذي يسمّى قاب

شف لي علاقه به وطيده

زنقاب و قاب = من أخوال باوزير

محمد بن مخــاشــن

ياعم محمد لاتوخذونا في الطوشه(زنقاب وقاب ) هل هي أسماء فعلاً ولاّ من باب المزح

بن احمد

10-24-2009, 11:38 PM

مابن حمد ياسعيد ماقدجاب = يومه مقيد وسط قيده
قله قرب للكير لي شباب = شفها عندنا ذه عنيده

سد النمر وش يفعل السنجاب=من بعد مايصبح طريده
ياحمد وساطتنا تفك ارقاب=كل من شكر ربه يزيده

بن احمد

10-24-2009, 11:40 PM

نعم يابورايد زنقاب من اخوالنا اللي نعزهم نقدرهم
وهو من اهل القاره ال محمد بن علي ماشي مزح في اسماء الرجال

صوت سيبان

10-24-2009, 11:45 PM

نعم يابورايد زنقاب من اخوالنا اللي نعزهم نقدرهم
وهو من اهل القاره ال محمد بن علي ماشي مزح في اسماء الرجال

والنعم بخوال خالد بن سعيد المشجري العباسيين وأنته ياصهر رديت على نص السؤال(زنقاب) ولم ترد على أسم (قاب)

أحمد العمودي أبوفيصل

10-24-2009, 11:45 PM

سد النمر وش يفعل السنجاب=من بعد مايصبح طريده
ياحمد وساطتنا تفك ارقاب=كل من شكر ربه يزيده

ماشي نماره عندكم واذياب = ياهل الكزم واهل العصيده
عندي سلب من خيرة الاسلاب = ماباتحصل لي تريده

محمد سعيد بن مخاشن

10-24-2009, 11:46 PM

ياعم محمد لاتوخذونا في الطوشه(زنقاب وقاب ) هل هي أسماء فعلاً ولاّ من باب المزح

هذه أسماء ناس حقيقيين من آل مخاشن أخوال باوزير في الرياض وجده وإستغربت إنه لم يجاوب على سؤآلك!

أحمد العمودي أبوفيصل

10-24-2009, 11:50 PM

هذه أسماء ناس حقيقيين من آل مخاشن أخوال باوزير في الرياض وجده وإستغربت إنه لم يجاوب على سؤآلك!
يالمخشني قصد خل الكلمان

محمد سعيد بن مخاشن

10-24-2009, 11:50 PM

يالمخشني عدك من الاصحاب = خليك في دنيا بعيده
لاتجيك شضيه مننا تنساب = مادام ثورك عالوجيده

يا ما حلاها لمّة الأحباب

والليل في هدأه وئيده

بس بيننا واحد أبد مشقاب

ولـْـد العمودي في القعيده

بن احمد

10-24-2009, 11:54 PM

ماشي نماره عندكم واذياب = ياهل الكزم واهل العصيده
عندي سلب من خيرة الاسلاب = ماباتحصل لي تريده

علقت نفسك ليه ف الكلّاب=تهرج مثيل اهل الحديده
ماقلت فيك اقصور يالجلاب=خابر بلعلوم المفيده

بن احمد

10-24-2009, 11:57 PM

ياسعيد يالصهر الغالي انا قلت لك ان مسرور سحبك من عند الشعار وخلاك من اهل الحوار
نحن بغينا قصيدك ياشاعر

سبع الليل

10-25-2009, 12:04 AM

ماتطرد الاسماء سوى للقاب=ياكم وكم اسماء عديده
لوبادعي بالاسم ماحد جاب=اما اللقب لحن النشيده

الواقعي

10-25-2009, 12:09 AM

شي مثمون والا نقوم ننام

أحمد العمودي أبوفيصل

10-25-2009, 12:09 AM

يا ما حلاها لمّة الأحباب

والليل في هدأه وئيده

بس بيننا واحد أبد مشقاب

ولـْـد العمودي في القعيده

يالمخشني خلك من الانساب = كل يوم تنسب لك وليده
للثور شفوني معي مشعاب = بعمد بها رجله وايده

محمد سعيد بن مخاشن

10-25-2009, 12:11 AM

ماشي نماره عندكم واذياب = ياهل الكزم واهل العصيده
عندي سلب من خيرة الاسلاب = ماباتحصل لي تريده

بن علّ بن سالم أسد في الغاب

والذيب خادم من عبيده

أما النمر عنده كما الحطـّــاب

والليث ميهاب المكيده

أحمد العمودي أبوفيصل

10-25-2009, 12:14 AM

علقت نفسك ليه ف الكلّاب=تهرج مثيل اهل الحديده
ماقلت فيك اقصور يالجلاب=خابر بلعلوم المفيده

يابن حمد لتوترة لعصاب = اللحم بنرده قديده
ماضنتي مثلكم ينعاب = ذلا سلا وسط العضيده

سبع الليل

10-25-2009, 12:16 AM

علقت نفسك ليه ف الكلّاب=تهرج مثيل اهل الحديده
ماقلت فيك اقصور يالجلاب=خابر بلعلوم المفيده

ايش بايقلٌب حيدكم قلاب=وانتو كما العصبه الشديده
انتو حكومه كلكم واحزاب=ذي بايقاومها تبيده

الواقعي

10-25-2009, 12:18 AM

خلاص يا جماعة الخير فكونا من ذا الفصل

بن احمد

10-25-2009, 12:20 AM

خلاص يا جماعة الخير فكونا من ذا الفصل
اثرك متابع واحنا قلنا سرى وين ابووليد

أحمد العمودي أبوفيصل

10-25-2009, 12:21 AM

بن علّ بن سالم أسد في الغاب

والذيب خادم من عبيده

أما النمر عنده كما الحطـّــاب

والليث ميهاب المكيده

يالي تدافع في السماء اسحاب = يبغالكم عالساس ميده
دافع على نفسك من المكراب = لو كنت في صحراء بريده

بن احمد

10-25-2009, 12:25 AM

يابن حمد لتوترة لعصاب = اللحم بنرده قديده
ماضنتي مثلكم ينعاب = ذلا سلا وسط العضيده
كفو يابوعمود والله انك صادق ذلا سلا
ولا مالخواطر محفوظه ياشيخ وشكرا للاخوه الذي تفاعلوا مع هذا الفصل
والاخوه المتابعين جميعا بارك الله فيكم وفين صوت سيبان نبغا المثمون

الواقعي

10-25-2009, 12:25 AM

اثرك متابع واحنا قلنا سرى وين ابووليد

الضاهر قماش الفرامل مصنوع في قويزه ..... يا الله اتفرج وشوف

محمد سعيد بن مخاشن

10-25-2009, 12:26 AM

شي مثمون والا نقوم ننام

قوّلوها مقاله (( خير من مال يثمر

عقل في الراس )) لو كانه مع أم البراقع

قال شاعر مسى مهموم في الخلق يفكر

وين عقل العرب والقدس خاضع وراكع

صوت سيبان

10-25-2009, 12:33 AM

محمد سعيد بن مخاشن

10-25-2009, 12:33 AM

تصبحون على خير

بن احمد

10-25-2009, 12:35 AM

قوّلوها مقاله (( خير من مال يثمر

عقل في الراس )) لو كانه مع أم البراقع

قال شاعر مسى مهموم في الخلق يفكر

وين عقل العرب والقدس خاضع وراكع

مرحبا مرحبا بالقول والهرج يسكر=من رجل نعرفه يالربع مقدام شاجع
والذي مامعه حجه طلبته يوخر=ياصحاب المصالح خبروا اهل المنافع

صالح بن احمد المشجري

10-25-2009, 12:40 AM

قوّلوها مقاله (( خير من مال يثمر

عقل في الراس )) لو كانه مع أم البراقع

قال شاعر مسى مهموم في الخلق يفكر

وين عقل العرب والقدس خاضع وراكع

من رسب جبت لي حمي وغيري يجمر=دام لك سبك في ربط القوافي وبارع
ما تعنيت لك في ليل داجي ويسهر=غير اني معيه فيك كم ظن شارع

سبع الليل

10-25-2009, 12:41 AM

قوّلوها مقاله (( خير من مال يثمر

عقل في الراس )) لو كانه مع أم البراقع

قال شاعر مسى مهموم في الخلق يفكر

وين عقل العرب والقدس خاضع وراكع

وين عقل العرب بين الحوانيت يسمر=في المراقص وفي السهرات شاهد وفارع
لا عروبه ولا استعراب فيهم يبشر=ماخلاف الدلل في السوق شاري وبايع

صوت سيبان

10-25-2009, 12:43 AM

مرحبا مرحبا بالقول والهرج يسكر=من رجل نعرفه يالربع مقدام شاجع
والذي مامعه حجه طلبته يوخر=ياصحاب المصالح خبروا اهل المنافع

يؤجل فصلي لمره أخرى أسمروا على فصل بن أحمد

بطلع الميم ط يوليد خمسين منبر= صنع روسي تفوّق عا جميع المصانع
يا الوزيري سمر مطلع بغينا ومندر=بين يافع وأرض العولقي والضوالع

محمد سعيد بن مخاشن

10-25-2009, 12:44 AM

مرحبا مرحبا بالقول والهرج يسكر=من رجل نعرفه يالربع مقدام شاجع
والذي مامعه حجه طلبته يوخر=ياصحاب المصالح خبروا اهل المنافع

الوزيري صَقـَــر في العول خمسين مدفر

ما يعوّل بشعار العوالق ويافع

سر مدفون في النقعه عيي ذيه يحفر

ما لقي السر ذي خبّاه خافض ورافع

أحمد العمودي أبوفيصل

10-25-2009, 12:44 AM

ذاك عامد على الشيشه يشيش ويجمر = مايبالي بشي يبات نازل وطالع
يومه الا على الدخان قالوا يعكبر = خيس الارض بالريحه قليل المنافع

عمر الذيب

10-25-2009, 12:45 AM

قوّلوها مقاله (( خير من مال يثمر

عقل في الراس )) لو كانه مع أم البراقع

قال شاعر مسى مهموم في الخلق يفكر

وين عقل العرب والقدس خاضع وراكع

كل واحد على كرسيه يمسي مهستر=خوفه الا على الكرسي ومال الودائع
باعو القدس والضفه بنص كاس مسكر=وانتهى الامر بالموصل وبغداد ضائع

الواقعي

10-25-2009, 12:45 AM

فل المجله قرينا شي وشي فا الصحيفه=كلها أخبار والواقع معد حد دريبه
قالوا النخل قصمه قد يبس هو وليفه=وأكلفونا على الجمرك ودفع الضريبه
يا الوزيري ورى صاحبك خلاّ حليفه= ومتعط قال بورايد ولاحد دريبيه
يل الأراضي الوسيعه والجبال المنيفه=أشهدي علذي خلا الجمال المنيبه

سيف بتار بيد اللي ذراعه مخيفه=يقطع ارقاب من كانت علومه مريبه
با احرق النخل يومه ما عجبني خريفه=عود كبريت والقبسه تراها قريبه

الواقعي

10-25-2009, 12:48 AM

سيف بتار بيد اللي ذراعه مخيفه=يقطع ارقاب من كانت علومه مريبه
با احرق النخل يومه ما عجبني خريفه=عود كبريت والقبسه تراها قريبه

عفواً لم اشاهد فصل بن احمد

أحمد العمودي أبوفيصل

10-25-2009, 12:49 AM

اسفين ياجماعه ماشفنا مشاركاتكم وكررنا قافية منافع الظاهر المشاركات نزلت سوى

محمد سعيد بن مخاشن

10-25-2009, 12:52 AM

السموحة. تصبحون على خير من صدق هذه المرّة

أحمد العمودي أبوفيصل

10-25-2009, 12:54 AM

عاده بدري ياعم محمد

صوت سيبان

10-25-2009, 12:57 AM

عاده بدري ياعم محمد

غلبه النوم يارجال

عمر الذيب

10-25-2009, 12:58 AM

من بغا الجود والنا موس قله يعسكر=في معسكر بني الاسلام لي كون تابع
في لواء البيت لسود لي له اسنين يهدر=دم لطفال ويلغم دروب الجوامع

أحمد العمودي أبوفيصل

10-25-2009, 01:03 AM

كل واحد على كرسيه يمسي مهستر=خوفه الا على الكرسي ومال الودائع
باعو القدس والضفه بنص كاس مسكر=وانتهى الامر بالموصل وبغداد ضائع

ريت في السوق خمسه مثل فارس ومنذر = يومه الارجم قد جات فوق المضالع
باتشوف المعلم في المدارس يحضر = والتلاميذ كل واحد دروسه يراجع

محمد سعيد بن مخاشن

10-25-2009, 01:04 AM

عفواً لم اشاهد فصل بن احمد

عفواً لم اشاهد فصل بن احمد
( الواقعي )

يؤجل فصلي لمره أخرى أسمروا على فصل بن أحمد
( صوت سيبان )

يا جماعة هذا المثمون فصلي وليس فصل بن أحمد وهو سكت بغى الناس يظنون إنه فصله وأنا ويّاه لسنا وحديين إلى هذه الدرجة. وما دامني أوردت هذا التصحيح ؛ وما دام بو طارق ظهر كالبدر من بين السحاب فــ (( قد )) أسمر معاكم شويه كمان.

الواقعي

10-25-2009, 01:06 AM

من بغا الجود والنا موس قله يعسكر=في معسكر بني الاسلام لي كون تابع
في لواء البيت لسود لي له اسنين يهدر=دم لطفال ويلغم دروب الجوامع

جمس مصدوم كل واحد يبا با يسمكر=ضاعو الناس ما بين الحوز والمراجع
جا لك الغول وانته ما سمعت المصفّر=ريتك الا تشوف الغش لي فا البضائع

محمد سعيد بن مخاشن

10-25-2009, 01:11 AM

كل واحد على كرسيه يمسي مهستر=خوفه الا على الكرسي ومال الودائع
باعو القدس والضفه بنص كاس مسكر=وانتهى الامر بالموصل وبغداد ضائع

ألف مرحيب بو طارق وسَطـْـنـا تبختر

قبل شهرين ظنيته بخير المراتع

يوم في عمد والثاني بشحر أو ببندر

وإنثر الذيب في وكره مريّح وخادع

سبع الليل

10-25-2009, 01:13 AM

فل المجله قرينا شي وشي فا الصحيفه=كلها أخبار والواقع معد حد دريبه
قالوا النخل قصمه قد يبس هو وليفه=وأكلفونا على الجمرك ودفع الضريبه
يا الوزيري ورى صاحبك خلاّ حليفه= ومتعط قال بورايد ولاحد دريبيه
يل الأراضي الوسيعه والجبال المنيفه=أشهدي علذي خلا الجمال المنيبه

صوت سيبان يبدل بالقوال النظيفه=لا عدمناك يامولاء اللسان اللبيبه
كم تمنيت شوفه واستقي من كريفه=نلتقي بين غزه لاتفقنا وطيبه

أحمد العمودي أبوفيصل

10-25-2009, 01:15 AM

شفت بومخشن السالي رجع بايغشر = بايجيب العشاء للثور لي بات جائع
يومه الذئب قاعد كل ساعه يعشر = بايصيب الهدف دامه الذيب طامع

محمد سعيد بن مخاشن

10-25-2009, 01:19 AM

من رسب جبت لي حمي وغيري يجمر=دام لك سبك في ربط القوافي وبارع
ما تعنيت لك في ليل داجي ويسهر=غير اني معيه فيك كم ظن شارع

المشاجر لهم في القلب موضع معطـّـر

لوه بايسيل فيما بيننا دم فاقع

إلعن أبليس ذي قنبره يا خس قنبر

بين لخوه خلق كمّين حاجز ومانع

أحمد العمودي أبوفيصل

10-25-2009, 01:22 AM

عم محمد قنبر ماهو مثل يغشر الظاهر انك خرفت لاتكون بك نطحه

محمد سعيد بن مخاشن

10-25-2009, 01:22 AM

شفت بومخشن السالي رجع بايغشر = بايجيب العشاء للثور لي بات جائع
يومه الذئب قاعد كل ساعه يعشر = بايصيب الهدف دامه الذيب طامع

عندي تعليمات وإلاّ با جوّب

محمد سعيد بن مخاشن

10-25-2009, 01:27 AM

عندين أبوكم ما تصلـّــون الفجر ألاّ جمع تأخير مع الظهر. نشوفكم القابلة إن شاء الله.

صالح بن احمد المشجري

10-25-2009, 01:27 AM

المشاجر لهم في القلب موضع معطـّـر

لوه بايسيل فيما بيننا دم فاقع

إلعن أبليس ذي قنبره يا خس قنبر

بين لخوه خلق كمّين حاجز ومانع

في ثراء ملك للسادس وديرة معمر=لو معي مامعي ماصوره مال شافع
وانت لي تبر في الخزنه ولا دال حمر=باتضل سيف لي بيدي وخنجر وفارع

شيخ القبايل.

10-25-2009, 01:43 AM

كل واحد على كرسيه يمسي مهستـر * خوفه الا على الكرسي ومال الودائـع
باعو القدس والضفه بنص كاس مسكر * وانتهى الامر بالموصل وبغداد ضائـع

يالمنادي على الشعار ، ينصح وينكـِـر * في السقيفة دخـَـل ما بين فازع و فارع

حط نفسه كما المتراس والسيل يهدر * حد يلكعه بالمزحاه وآخر يناتع !

قال يالردم ، لكن السواقي تدفر * و الحويسات تعصر به وكم با يدافع

ما لنا الا اذا ردفت علينا نسكر * نكسر السوم او نفتح جميع المضالع

خالد بن مهنا

10-25-2009, 01:59 AM

يالمنادي على الشعار ، ينصح وينكـِـر * في السقيفة دخـَـل ما بين فازع و فارع

حط نفسه كما المتراس والسيل يهدر * حد يلكعه بالمزحاه وآخر يناتع !

قال يالردم ، لكن السواقي تدفر * و الحويسات تعصر به وكم با يدافع

ياحيا الله شيخ القبائل..شرفت ونورت ..نتمنى ان يكون توصلك في صفحة الزامل دائمأ,,,سعداء جدأ والله بوجودك..

شيخ القبايل.

10-25-2009, 02:14 AM

ياحيا الله شيخ القبائل..شرفت ونورت ..نتمنى ان يكون توصلك في صفحة الزامل دائمأ,,,سعداء جدأ والله بوجودك..

خلقك الكريم وبشاشتك الدائمة ياخالد .. وكل الحاضرين شرواك يالغالي .. تجعل المرء يحب مجالستكم والحديث معكم والاستماع اليكم

تقبل خالص مودتي

أحمد العمودي أبوفيصل

10-25-2009, 02:22 AM

يوم خالد تكبر مابغى اليوم يظهر = بعدما كان يهاجم صار ماليوم يدافع
بعد ماكان يدافر شفت خالد يكسر = أحرموه البطوله أهل شبوه ويافع

خالد بن مهنا

10-25-2009, 02:29 AM

يوم خالد تكبر مابغى اليوم يظهر = بعدما كان يهاجم صار ماليوم يدافع
بعد ماكان يدافر شفت خالد يكسر = أحرموه البطوله أهل شبوه ويافع

ياحيا الله ابو فيصل..ياحيا الله نجم السقيفه الساطع..مايقع يابو فيصل كلنا هجوم لازم هجوم ودفاع ووسط..الله يعطيك العافيه..ومنوره الصفحه بعودتك..

خالد بن مهنا

10-25-2009, 02:30 AM

وتصبح على خير..والجميع

خالد بن مهنا

10-25-2009, 01:18 PM

وين اهل الزامل..من امس..ماحد..

بن احمد

10-25-2009, 01:36 PM

عفواً لم اشاهد فصل بن احمد
( الواقعي )

يؤجل فصلي لمره أخرى أسمروا على فصل بن أحمد
( صوت سيبان )

يا جماعة هذا المثمون فصلي وليس فصل بن أحمد وهو سكت بغى الناس يظنون إنه فصله وأنا ويّاه لسنا وحديين إلى هذه الدرجة. وما دامني أوردت هذا التصحيح ؛ وما دام بو طارق ظهر كالبدر من بين السحاب فــ (( قد )) أسمر معاكم شويه كمان.
ياخال محمد انا بعد مارديت على فصلك نمت والواقعي وصوت سيبان معذورين رخصتهم قضت
ولعاد يشوفون اما انته حسك ارطال يالباحص

خالد بن مهنا

10-25-2009, 01:47 PM

بغينا فصل ياوزران..

بن احمد

10-25-2009, 01:54 PM

فل المجله قرينا شي وشي فا الصحيفه=كلها أخبار والواقع معد حد دريبه
قالوا النخل قصمه قد يبس هو وليفه=وأكلفونا على الجمرك ودفع الضريبه
يا الوزيري ورى صاحبك خلاّ حليفه= ومتعط قال بورايد ولاحد دريبيه
يل الأراضي الوسيعه والجبال المنيفه=أشهدي علذي خلا الجمال المنيبه

مرحبا مرحبا يااخطبوط السقيفه=صوت سيبان ابد مافيه شكن وريبه
وخروا وخروا يهل القلوب السخيفه=لاتظنوا مراحلها البعيده قريبه
صاحبي نيته زينه ولا هي بعيفه=مير صاحبك قد شفته وقع ف المصيبه
قلب لنسان من تحت الضلوع النحيفه=محتمي لين يبقى الادمي كهل شيبه

الواثق بالله

10-25-2009, 01:55 PM

بينك وبين الوزيري
بعد العشاء
ونحنا منتضرين حد يفصل

بن احمد

10-25-2009, 01:55 PM

بغينا فصل ياوزران..
قده موجود ياخالد والزقور كلوا الغداء باي

خالد بن مهنا

10-25-2009, 01:56 PM

قده موجود ياخالد والزقور كلوا الغداء باي

الغداء مهو مهم..اهم شي العشاء لي اتفقنا علاه....ههههههه:FRlol::FRlol:

الواقعي

10-25-2009, 02:27 PM

صاحبي نيته زينه ولا هي بعيفه=مير صاحبك قد شفته وقع المصيبه

الضاهر انك من صدق جويع والزقور كلو الغدا عليك

بن احمد

10-25-2009, 02:36 PM

الضاهر انك من صدق جويع والزقور كلو الغدا عليك
صيد ياصياد عاد التعديل باقي عندي لكن نشد خالد من العشاء اللي اتفقنا عليه وتراك معزوم

بن احمد

10-25-2009, 02:37 PM

بينك وبين الوزيري
بعد العشاء
ونحنا منتضرين حد يفصل
ولا وعد شر يابوعمر

صالح بن احمد المشجري

10-25-2009, 06:01 PM

مرحبا مرحبا يااخطبوط السقيفه=صوت سيبان ابد مافيه شكن وريبه
وخروا وخروا يهل القلوب السخيفه=لاتظنوا مراحلها البعيده قريبه
صاحبي نيته زينه ولا هي بعيفه=مير صاحبك قد شفته وقع ف المصيبه
قلب لنسان من تحت الضلوع النحيفه=محتمي لين يبقى الادمي كهل شيبه

بن حمد جبت لك كلمه عساها ضريفه=يوم لك قدر بالخاطر سواسه صليبه
يشهد الله عاقولي نوايا نظيفه=مامعي غيرها ياهل الا صول العريبه