كنكم خفشتوا ؟؟؟!!!
 

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/27.gif" border="none,2,gray" type=0 line=200% align=center use=ex char="" num="0,black"]
سلام للشعار يوصل عد مادار الفلك
ذا وينكم؟! وين القوافي؟! وينها ذيك الشعار
***
يالهاشمي .. باداهيه كذ من زمان اول افتك
و( جيانج زيمن ) قام وطّا نخرته للقاع خلاها مسار
***
والطايرة بالطايرة سقطت ووقعت عالمحك
واتشلّحت عاكلّ عينه مابقي فيها عمار
***
والمدعي خلّوه يرشح .. لين عارجله برك
يستاهل التحذيف .. لي سبّر يحذّف بالحجار
***
هو قام يتجسس .. وخان العهد لي معهم وفك
وهم على نهجه مشوا .. لمان شل عفشه وسار
[/poet]

سلام ياشعار ... كيفكم وكيف ايامكم ... وكنكم بردتوا .... ؟؟!! شوا البركة فيكم ومساهنينكم .. وسامحونا عالتأخير :D
الحضرمي 2003 : مشكور ياسيدي على سؤالك عن الشعف ;) ماقصرت والله ... انشاء الله باتشوف الشعف كل يوم ... وبغيناك معنا ;)
حبيبنا جمال : كيفك وكيف ايامك ... وملاحظ باقي الشعار صكوا الدار ؟؟
المهم بعد اذنك يالحبيب ... باوجه كلامي لهم ,,,, اذا كانوا يشوفون موضوع الفصل سقيم وحد عنده شي موضوع جديد ... الدار داره ويحط لي بغاه وبلا شور .... والا كيف ياحبيب جمال ؟؟!
ماقصدنا غير السلى واللمّه ... والسمر مايزين بلا سمّار ....
والعفو منكم جميعا ,,, وسلامتكم :)

حبا الله الشعف !!ألف أهلا وسهلا بك
والله خرمان لهرجك رأسي يدرج
المهم الف مرحبا بك مالها طعم المساجله اذا ماحد بوشعفان
يوم غبت تفركشت الشغله يومك ركن فيها وبقيت وحدي!!!
والجماعة اظنهم ماهم لا هيين!!!!ومثل ماقلت اذا الموضوع ماهو مناسب وحد عنده شئ يتفضل كلهم اهل المكان دون شك.
وخذوا هذا:[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/17.gif" border="outset,2,gray" type=0 line=200% align=center use=sp char="" num="0,black"]
يامرحبا. . بأبيات من شاعر. . فهمنا مقصدك
شعّارنا ماحد لهي منهم وحد سافر وسار

بقيت وحدي يالشعف لكنني دوّرت لك
شغبتنا ياصاحبي بس جاتنا زين الخبار

مثلك اذا قدغاب تظلم كل مدارات الفلك
(مثل القمر) تظلم اذا ماقد طلع تمسي غدار

باداهيه والله قد شبعوه في خورته صك
القبوله ذلا علينا يوم شِيبتنا صغار

ذلا عيال امهاتهم هبلان هاذولا الصكك
شف مالهم تأثير أو قيمه ولاحتى أعتبار

الفطس ياشعفان لاهدّت تهد وتجملك
طوال بيداهم ميازر والجنابي والشفار

(زيمين) تنين البلاء والله لو لحظه فتك
بايوكل (البرغر)وباتمسي له امريكا خصار


[/poet]

السلام عليكم ورحمة الله وبركاته
اخواني اعضاء ومشرفين السقيفة
انا سعيد بوجودي بينكم وهذه اول مشاركه لي
ارجو بها ان اجد لي مكان بينكم اخ بين اخوانه
وابدي اعجابي الشديد بالسقيفة وشعارها واعضاءها

اخوكم ذياب الهلالي


[poet font="Simplified Arabic,5,black,bold ,normal" bkcolor="" bkimage="http://www.alshibami.net/saqifa//backgrounds/44.gif" border="double,5,red" type=0 line=200% align=center use=sp char="" num="0,black"]
سلام يافرسان في ميدان شعر ومعترك
كلن وعنده بينه تظهر على نور النهار

في اول تدخل ما دريت الجمع وشبه مشبتك
وسأل عسا حد بايبين لي الحقيقه بختصار

ما شان شوف الحق لك ياذاك او ما هوب لك
لا بان راع راعي الحق بانوقف معه سر وجهار


[/poet]

الف اهلا وسهلا ومرحبا بك ياذياب الهلالي
انت فوق الراس
انت بين اخوانك هنا ونتمنى تواجدك يالعزيز الغالي
اخوك/ جمال العطاس

[poet font="Simplified Arabic,4,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
طريق الهوى وعره كل من سلك فيها سلك
فيها تلاقيهم عويله وسطهم نافع وضار
والحصحصة لاجات ليلة ماتشوف الا الحلك
والادمي لازم يؤخذ من ذا و هذا الاعتبار
دارت دوائر يارفيقي ماتبين لك محك
وانت مظلي وسطها ودور عليها دار دار
****
خرج فصل والثاني معنا قول ومعانا غرض
وانت دخل معنا والا بلاش قم خل الغراض
شفت مول الدقف لي قالوا عليه صابه مرض
ذلا طلع صاحي وهم طلعوا بهم عله مراض
حكم سواسه ماكنه وعليها استامن ورض
الخوف كل الخوف لا اثر جم فيها الرضاض
اما اذا هو وسطنا والله اشبع ابوه عض
ونحر في وسط المناحر والحناجروالعضاض


[/poet]

هلا ابومحمد
العفو ياخوي ويااخوان
والله الحرب ماخلت لنا مزاج ولعاد معنا خواطر
الله ينصر ويثبت اخواننا في العراق
ويدمر اهل الكفر والنفاق
وهذا الرد[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/17.gif" border="double,2,gray" type=0 line=200% align=center use=sp char="" num="0,black"]
البخص. . عامن هو طري عظمه وعاده فج غض
مولى الدقف صاحي ومنه باجعاله في اغتياض

بغوه يتهرشك ولكن المفلّس مانقبض
وباجعاله والحليف اليوم شفهم في انقباض

جاهم الي الدقف وبغى يشرب لبن قالوا مخض
والظاهر ان ولادة القادم عسيره والمخاض

ام قصر والبصره فزع منها وقع له صدق رض
ان كان مابكره صبح شارد وفي موطنه راض

عاد الاسد هاجد سليل الليث محمد بن عوض
ذاك الذي هو بالنواجذ صدق عالايمان عاض
[/poet]

السلام عليكم جميعا ..
آسفين عالتأخير ... ذلا مشغولين شوي ... ومن جد ماشي هاجس مع لي نشوفه ونسمعه كل يوم ..
نسأل الله اللطف والسلامة والنصر والثبات لاخواننا في العراق .. اللهم ارنا في امريكا وحلفائها يوما اسودا واهزمهم شر هزيمة ... آمين

الاخ ذياب الهلالي .. اهلا ومرحبا بك وبانتظار مشاركاتك
وتحياتي لكم جميعا ,,,,
[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/27.gif" border="ridge,2,gray" type=0 line=200% align=center use=ex char="" num="0,black"]
بقعه تقضقض جم و جذرالعلب ماكن مانتقض
مابايهزه ريح مولى الدقف لو بقعه تقاض
***
ياما صبر عالظلم والمنكر وللباطل رفض
بس الصبر لا زاد عن حده طفح كيله وفاض
***
ماقصدهم طرده ولا تفتيش داره ذا الغرض
لهم مطامع واجده من ضمنها نهب الغراض
***
جابوا له القوات بايحنون راسه ما ربض
هم يحسبونه صيد من جيز الثمد والا البياض
***
ماكان في الحسبان انه كالاسد لاانقض .. قض
ولي ماحسب للتالية خله يكالف الانقضاض
***
ذاالشعب لي قالوا معاهم .. ثار ثورة وانتفض
خلوا علوج الروم في خذلة ورقلة وانتفاض
[/poet]

باختصار
 

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/17.gif" border="none,2,gray" type=0 line=200% align=center use=sp char="" num="0,black"]
نحن ضوينا من شبام العاليه=باخبار ياسامع سمع
اللوله ماهي مثيل التاليه=قالوا مغني عند اصقع
بازوركم ياهل القلوب الساليه=هل عاد شي فيكم فزع
كله من القاضي وشيخ الباديه=صربوا مواسم حق شبع
النفس ياالاصحاب ماهي راضيه=لو شربوها ماء كرع
شفنا المجاري لي هي جاريه=في الحزم واطراف النقع
[/poet]
:) :) :) :) :) :)

سلام ياعربان
طولنا من المكان
وين القوم ماحد له شوفه
هيا ذافصل وبغيناكم تجون
[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/17.gif" border="double,2,gray" type=0 line=200% align=center use=sp char="" num="0,black"]
ذافصل يالشعار في دنيا ترويك العجب=في قلوبنا حلت وزاد اعجابها
وامرها والله كل ساعه عجيب

النجم ذي هو في سماء بغداد في لحظه غرب=وتخالطت عربانها باغرابها
واللي حصل فاجع على الدجله غريب

وين الجماعه وينهم طهموا ولامخلوق ذب=وين الكواسر وينها وذيابها
وين الذي قالوا لنا ماذاك ذيب

ولد الشعف وينك وعطنا من سواليف العرب=ماشي امل باكرادها واعرابها
والحاصل ان الوضع في بهمه وريب
[/poet]

نحن هنا
 

[poet font="Simplified Arabic,4,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
السبع في الميدان باقي ماانسحب=تماء تناظر للسماء وسحابها
اربع ميه سحبلتهم غصباء سحيب
لاقد وصلهم بوش قالوا له رحب=هذه بلادك بجبالها ورحابها
وان بايجي شارون نرحبه رحيب
ولعاد حد منهم لقاء كلمه خطب=كشفان شفهم بهذلوا بخطابها
أوراق مرسوله الى عند الخطيب
هذه عصابه مثل عصبت بولهب=لالهبوا الحمراء يزيد الهابها
مااليوم شف جوفي يعصره اللهيب
وبغداد والبصره ياناهب نهب=ولعاد خافوها ولاحد هابها
منهم وفيهم لي تعنوا للنهيب
حق مدح ماالحكام مثل تنفيخ القرب=وحق تباسي لا بداء قرابها
صقره ببوهم يقعدون الا قريب
[/poet]:) :) :) :rolleyes: :cool: :p