المشاركة الأصلية كتبت بواسطة صالح بن احمد المشجري (المشاركة 403984) انت زادي ولي فالقول محسوب مصدر=وانت لي اخ لا ضاقت عليه هريبه لا نزلنا قدى المهرى رجعنا لمظهر=ياحمد قللي ايش الفعال الغريبه

كل هذا علينا يارفيقي مقدر = كل ليله تجيني يارفيقي مصيبه
كل ماهو حصل من ولد عمك منصر = كل منهو طغى عاد ربي حسيبه

العمودي وافي لكن جيشه تقهقر = ضاعت اخطوط علمه في صفوف الكتيبه
والمصاب الاسير اللي معاهم تحرر = وانتهى الوضع الاول والحياة الرتيبه

المشاركة الأصلية كتبت بواسطة أحمد العمودي أبوفيصل (المشاركة 404005) كل هذا علينا يارفيقي مقدر = كل ليله تجيني يارفيقي مصيبه كل ماهو حصل من ولد عمك منصر = كل منهو طغى عاد ربي حسيبه

ماوجدنا في الوديان واحد يذكر=ينصح الناس من مولى الفعول الغريبه
قد لقاء له نقط تفتيش فيها ومخفر=ياهل دوعن وراءماتدركون الخريبه

المشاركة الأصلية كتبت بواسطة بن احمد (المشاركة 404001) ذا خرج فصل ياللي تحسبون الدقايق=كل واحد يدقق لا حسب في حسابه نهد يانهد ياللي تشعلون الحرايق=كل واحد معه ثعبان داخل جرابه

دي معي ملك في مالي بوسط الوثائق=ذي ورثته من جدودي ومن ملك لابه
مابعد يوم قد قلت علي الشقائق=حمل الهجن ووفيها عطى في زهابه

المشاركة الأصلية كتبت بواسطة الواقعي (المشاركة 404004) بن مخاشن في الميدان يغلب ثنعشر=فيه همه يراطس عبد مركز سبيبه شفه شيبوب لاكن لا عدا مثل عنتر=سالم الزير قد صاهره واصبح نسيبه

بن مخاشن على محفوظ ظني مزرزر=شف دموعي على لخدود قدها صبيبه
نسم الحبل يامحمد ترانا مكدر=من محب مايقدر يوم فرقت حبيبه

المشاركة الأصلية كتبت بواسطة صالح بن احمد المشجري (المشاركة 404014) دي معي ملك في مالي بوسط الوثائق=ذي ورثته من جدودي ومن ملك لابه مابعد يوم قد قلت علي الشقائق=حمل الهجن ووفيها عطى في زهابه

النكاير نكاير والحقايق حقايق=يوم بعض العرب نشتاق له في غيابه
ون حضر بانقدم له زهور الحدايق=مثل باسد صالح يوم بالجود جابه

المشاركة الأصلية كتبت بواسطة بن احمد (المشاركة 404001) ذا خرج فصل ياللي تحسبون الدقايق=كل واحد يدقق لا حسب في حسابه نهد يانهد ياللي تشعلون الحرايق=كل واحد معه ثعبان داخل جرابه

من يبى الصدق بايهرج لقوا الف عايق=مجلس الشيخ عاده ماكتمل في نصابه
خافك اليوم باتظهر جميع الحقايق=مالبا صوت متحظر ولاحد درا به

المشاركة الأصلية كتبت بواسطة بن احمد (المشاركة 404001) ذا خرج فصل ياللي تحسبون الدقايق=كل واحد يدقق لا حسب في حسابه نهد يانهد ياللي تشعلون الحرايق=كل واحد معه ثعبان داخل جرابه

ليه ياشيخ تتنكر وتخفي الحقايق=وانت منصب ولا نحسبك واحد زلابه
نهد لا قد نوو ما يهمرون العوايق=خصمهم طير عشه جات ساعة خرابه