اني انادي الشبامي بو عوض بصرار = وانادي امثال هذا الشخص بجداره
في حاجة اقلا مهم والرشد والاصدار = توجيه للضال عن منهجه ومساره

هل ضاع تاريخنا في الشعر ياالشعار = او حل به غزوا هذا العصر واقماره
او غادروا في ثراه اربابه الابرار = ذي هم بنوا له عليها صرح ومناره
هل راح معهم وغادر ومتحت لاثار = او طلعت الجيل هذا سقطوا شعاره

بسم الله ابديت بااسم الواحد القهار = بااسم الذي من طلع باالكون واسراره
ومن له الحمد عاما حكمت الاقدار = ولا لنا غير ماحكمت به اقداره
والان ياالهاجس البداع نق وختار = من طيب القول وتكلف باصداره
سلام مردوف وتحياتنا تكرار = اخص به العاليه ما ضجر بتكراره
ولمنتدى باالوفى مذكور باستمرار = سعي المؤسس وجهده يصعب انكاره
يصعب على كل من زور وجاها ضار = قلب الحقائق وحجب الشمس بستاره
برسل رساله لكم واكن لكم مقدار = مواهب الله فيكم خير وتجاره
سؤال ياباحث التاريخ واستفسار = جب في صراحه عطه كل بند معياره
اني انادي الشبامي بو عوض بصرار = وانادي امثال هذا الشخص بجداره
في حاجة اقلا مهم والرشد والاصدار = توجيه للضال عن منهجه ومساره
ارسل رساله لكم واكن لكم مقدار = مواهب الله فيكم خير وتجاره
انتم حماة الادب والشعر في المنظار = وانتم عصاء الردع ساعة تكثر اضراره
هل ضاع تاريخنا في الشعر ياالشعار = او حل به غزوا هذا العصر وقماره
او غادروا من ثراه اربابه الابرار = ذي هم عليها بنوا له صرح ومناره
هل راح معهم وغادر وامتحت لا ثار = او طلعت الجيل هذا سقطوا شعاره
راح السلف والخلف يلعب بورث الدار = عميت بصايره واقلامه تذل داره
ويذل تراث الادب والشعر بااستهتار = وبلا مبالاه وبكل وقح وحقاره
بات المناصح ومولى الذائقه محتار = نفسه تاالمه وبصايره محتاره
فعل الرداء جاب فعل الشؤم للزوار = كل منتدى له محبينه وزواره
باالسيئه ذي ملقي فخر وتمظهار = كم قد سئمنا وملينا تمظهاره
نهج الحضارم تجلاء واخترق لاغمار = في كل موطن وديره شاعت اخباره
رسموا لعذب القوافي صايته واخبار = والشعر صانوا مباديه وافكاره
نفخر ونعتز به في ساير الاقطار = وبنسل ذي شيدوا امجاد وحضاره
وحنا ضروري وراهم نكمل المشوار = نتبع سلفنا على خطوته واثاره
ونقول يارب جنبنا رمق لا شرار = او جار مايراقب المولى معا جاره
مولى الورع مادحق شوكه ولا مسمار = ومن الطريق السوي ماعميت ابصاره
كتبتها في عجل والقدر فوق النار = حصن الكرم والنفاعه ماانطفت ناره
والعفو مطلوب من غائب ومن حضار = من كل تقصير قد كم تقبلوا اعذاره
والحال ميدان يغشانا ورع وو قار = من كل طايش وصلني رجم بحجاره
كل من رجمني مسامح والفلك دوار = وعمارة الكون باالحسرات دواره