قـــل لــمــن بــاع مــن حـــبــه ومــغــلــي وشــاريـــه=مـــا مــعــي قــول غــــيــر الـلـه ربــي حـــــســيــبــه
ليــتــنـــي الــمــــوت بــامــده وســاعـــات بــطــويـــه=لــي بــلا قــيــم خــان الــعــهـــد وارخــص حـــبـيــبــه
قــلــه البــيـــع عــيــبــه بــقــتــل الــعــيــب راعـــيـــه=كــل مــن عـــاب مـــظـــــــــنـونــه زمــانــه يــعــيــبــه
مـــن خــذلــتــه بــغــدرك كــيــف قــلــبــه يــداويــــــه=بــعــد مــا عــاكــســه حـــــظـــه وخــانــه طــبــيــبــه

( عمر الذيب )




ثانيا: المجاراة

يا حلا القول هذا با نحاول نجاريه=جاب بو طارق إلّلي ما حدن با يجيبه
لا ذكرته وليد الذّيب أو مر طاريه=دار راسي وله خرمه كما أم الزّبيبه
ربّنا حلّل البيع الذي الكل ضاريه=والرّبا حلّلوه أهل الأمور العجيبه
مغفرة أو عذاب العبد من عند باريه=وسْط دنيا النّدم يا الذيب عض كل ذيبه

يقول من بيّت يطلّق في حبال معصبه=مايفتلي راس القور مثل الشعر لي في العحين
ليلة عرس دحمان ما شاف العروس معربه=يهوين يادحمان متفند يسار واليمين
ضحكوا عليك البدو جابوا لك عجوز منقبه=لو فيك ذرة خير ماطيّرت بكياس الطحين
لكنك الا ثور ماتعرف أصول المًقربه=مص العجم وتفقّد الرخله من الكبش السمين
وأم السلاسل عادها عند البخاري مصبصبه= سنتين في سنتين عندي في مقام اربع سنين
ياخس حكومه عاد أبوها مرعبله ومكركبه=والشعب في الرذله مجرس ضيّع الحرز المكين
ولسواق مليانه بضائع فاسده ومهربه=والغش والتزوير حتى في الدواء والبنسلين
والشيخ ود سالم مكانه في الشبك والمنصبه=وحراكه المزعزم يدحى بين حذيه والعنين
لعلام مرفوعه ترفرف جاهزه ومقربه = والشعب بايقرح كما الباروت في لحظه وحين
مقهور من لندن ومن روس الأفاعي قرطبه=ومن الذي هم سرقوا الياقوت والدَر الثمبن
ومن الحمار العيف لي خلّف حمير مدربه=والله مالانت ولا ظني من الشده تلين

محفوظ شف عادك نسيت الماي هو والكهربه=دايم يقطِّعْهم قطعه الله ولْد الظالمين
وفي المدن موية بواليع المجاري مكبكبه=يا خس من حاله يعيشوها لذي هم حالمين
حالمين بالوحده ... وصاروا اليوم يخبّوا خبخبه=من خلف كزمة خبز أو شمراخ من تمر القرين
والأمن ماشي أمن! كم ثعبان يدبي دبدبه=يقبصك في غفله وتمسي في حبال الزّاهدين
كسروا القعادِه يا رفيقي وبعد سرقوا المرتبه=والفَرْش والتّكيِه ... وصيّح لك بصوت الغافلين