عادها ماباتنفتح لك الخزنه ### لي فيها الاسرار مخزونه
وكل واحد قد عرفه ميزاني ###وقولي دوب مــــــــــوزون


البكري

لاتحسب ان اليوم بانفك الرهينه ### ودارك لي هي عندي مرهونه
وبايجي يوم تحديد جميع الرهاني### و المـــال لــــي مرهــــــون


البكري

بستانة الزين فية الورد لة بنه=تعجب زهوره بماء النبع يسقونه
ياريت من ماة مد بالكاس واسقاني=لكن للضيف مايسقون
يابونمر يعجبك نقشة مع فنة=اسس مباني وذاك الحصن يبنونه
بيدة يشيد وهو العامل الباني =ذا عام عدى وهم يبنون

الحمد والشكر له والفضل والمنه =ذي له جميع العرب بالفضل ممنونه
هوذي خلقنا وعمر الآدمي فاني =يحيون فيها وحد يفنون
لاهي بخيره بغينا نطفي الفتنه =ذي ثوروها لنا عربان مفتونه
حرموا المحب صوت أنغامي والحاني =ياخير انغام و لحون
وين الذي يسقي الضميان من دنه =لايقول لي العين من دونه
ويقول نا لاوصي هذاك وصاني =والناس بالناس يتواصون

نا الساقي نا الطافي لاهل المجنّه ### لي اجسادهم حيه وارواحهم مدفونه
جيت وبيدي السقا والقلاس ملآني ### باسقي منـــه لـــي بايشربــــــــــون


البكري

ايش قيمة المركب لشتعق خنّه ### بايصلح المركب لا صلحن خنونه
فين الحمول باينطرح ياخواني ### اذا المــــــركب بلا خنـــــــــــــون


البكري

سعادة لادمي لحظه في الدنياء يقظيها = ومن بعد السعاده لامحاله تكثر الاحزان
وهذا حالها الدنيا محال يدوم صافيها = تنكد دوب عا التاجر وما الفقري قده تعبان
ونا لذكرت ودياني تذرف من مآقيها = عيونى دمعها سايل سببه الشوق للوديان
وعلل نفس مشتاقه وبالآمال سليها = عسى من بعد غيبه باتقع عوده الى الاوطان

آنستنا شرفتنا بقولك النيران تطفيها ### ذي شاعله بيننا ونا ياعرب حيران
من سار عالزين بسقيه من مجانيها ### ومن بغا العيافه يشلهاوهو خسران


البكري

ذي الدنيا دنيه يحسب الواحد لتاليها ###ذا عاده بايقع موت ويطوونه بلكفان
عادها حفره ضيقه كلين بايندفن فيها###يحسب حسابه ايش بايجوب للملكان


البكري