قل لطارق كريم الجود ربي سقاكم=ليلة السبت شف نحنا كماكم سقينا
واحمد الله ياطارق بجوده رضاكم=رب يارب شف نحنا بجودك رضينا

قال باتيس يالحلان طارق ضواكم=رحبوا به ميه من قال هياء ضوينا
رحبوا به ميه واعطوا نص في عشاكم=ماتقدم تهدم عادنا الا بدينا

مرحبا قال طارق بالزعيم الملااااكم =الف حيا بذي حطوه مشرف علينا
ريت لي قل لطالب نص ذي هو معاكم =كان لفيت به في كل شاطي ومينا
نحمد الله عطانا من مطره وعطاكم =يا عسى رحمته توصل لصحراء سينا
انت واهل السقيفه اسعد الله مساكم =يومكم لا ظهرتو كل قاسي يلينا
با معاكم وبشرب من معايين ماكم =ان سمرتو سمرنا وان سريتو سرينا
لو عبرتو بحور الخوف بعبر قفاكم =قل لمرعي نصون العهد لا ما نسينا

يهل السقيفه جيت بارق في سماكم=والرعد بعدي بايلقي حنينا
مكرمين الضيف ذى هو لفاكم=بالطيب والمعروف واللحم السمينا
والخصم مايقدر يعكر صفاكم=صافيه منكم يشربه كنه عجينا
يابخت ياباتيس منهو في حماكم=انشهد انه عندكم والله زبينا
بن حيدور عنده كرع صافي سقاكم=وبن سميدع هو ربان السفينا

بانرحب بناجي الف حياء وسهلاء=عد ماالبرق يلمي في رباع المناشي
قل لناجي تفضل عندنا في المكلاء=بالقدم عشاء لك الف بكره وحاشي

الف حيا بناااجي نجم ساطع تعلااااا =طاب عندي السمر ماهم حاسد وواشي
مانجي في الزلل يابوك حاشا وكلاااا=اعرف الحق والباطل وعالصدق ماشي
كن قلبي مكدر سال دمعي وهلااااا=يوم عبد العزيز اغتاالته يد فااااشي
يوم مولى التواهي ما نشد عالمعلااا=قل لباتيس لي يومين مازل فراااشي

ياهل الزوامل منك لبغاء الجديد=لبغاء خبر من وسط ميدان الحروب
قالوا لنا اسرائيل تضرب بالحديد=والشعب لمريكي تغطرس عالشعوب