مطرت والا سنينا
مطرت والا سنينا
حسب ظني واعتقادي في العصور الاوله=عصر بوعامر وجدي خير من تالي العصور عاشوا أيام المجاعه والظروف المخجله=في رباء الاوطان مابين السواقي والذبور القناعه كنز لايفناء ثماره مسبله=والرضى جبر الخواطر والحنايا والصدور ماشكوا من ارض ربتهم طباع المرجله=او تخلوا عن مساقط روسهم عمداً وجور شابوا الغربه وطاريها قنع لوتقتله=ماتحرك فتر من أرضه رضاء لأم الزقور لكن اليوم المراحل غير ذيك المرحله=التهينا والتبشنا بالتفاخر والغرور مافكرنا غير في جمع البقش والديوله=صاحب العوده وصلكم وسعوا له يالحضور وصاحب العوده يكالفها ديون املتلته=عامد الغربه يصاليها المساري والهجور ما من الغربه سوى قطب النسم والبهذله=ومن عرفها عاحقيقتها وما فيها يدور قال ماباعيش في غربة مهونه مخذله=خير لي ارض بلادي حيت فرعي والجذور أرض ربتنا هي الاولى وعندي مفضله=عالدول لي زرتها او عشت فيها في كدور ماباش يالعدي ولا باء الفشخره والقعزله=منتي حسن مني ولا من اهلي خماسي باتبور لن الوطن داري ومقداري ولا باتوله=كل من خرج من باب داره باتلفخه الصقور واليوم هذا ما استفدنا غير كثر البلبله=وياريت حد في ذا الزمن يمسي على ارضه غيور والناس ذي الايام تعرف للسّوق والمحيله=الصدق ماشي بين خلق الله وفي الهرجات زور القصد بانصبر وربك رزقنا بيسهله=ان شي مطر والا سنينا فوقنا رب (ن) غفور |
اقتباس:
كلمة (مسجله ) بدلاً عن (ملتلته) وصاحب العوده يكالفها ديون امسجله= عامد الغربه يصاليها المساري والهجور |
اقتباس:
انا هنا لم اقوم باي تعديل فقط اقتبست القصيده لا شرح لكم عن معنى بيت او بالاصح اوضح لكم ما اقصد==وذقت القوت ربغه لي بطن مملوح== اي ان الاكل فيه طن من الملح وانا اذوقه في بلاد الناس ربغه رغم ان فيه طن من الملح= القرنزح |
اقتباس:
اليكم التفسير الاتي للبيت التالي=وفي غربتي ذقت القوت ربغه لي بطن مملوح== اي ان الاكل مملوح بطن من الملح ومع ذلك اذوقه ربغه كانه ماهو مملوح القرنزح |
اقتباس:
فلله ذر كل من إغترب وفارق أوطانه وأحبابة ولعلي أرى صاحب/صاحبة القصيدة واحدا من هؤلاء الذين أضنتهم سنين الغربة. نسأل الله أن يقر أعين الجميع و يردهم الى أوطانهم سالمين غانمين. |
اقتباس:
فاعتقد ان المسأله صارت مكشوفه ايش تريد من وراء هذا المدح يعني نجحوا قصيدتي او قصيدة صاحبي يا لجنة يا اغبياء عليك ان تحترم اللجنة المسئولة عن التقييم ولايبغونك ترشدهم اللجنة فوق هذا المستوى وعلى مين تلعبها اخواني نرجو الامتناع عن مدح وذم القصائد المشاركة في المسابقه الا بعد اعلان النتيجة !!!!!!! |
|
بسم الله الرحمن الرحيم
ذا فصل قال بو صالح مثمون بأوزانه= ابيات تشرح الخاطر تعدل شوكة الميزان ياريت تنال اعجابكم هذا القصيده اخذت مني ودخلبها ابن الشرقيمسكين من فارق اهله وفارق اوطانه= باتعيش في قلبه حسرات عافرقة الاوطان قوتي سهر وبوصالح مارقدت اعيـانه=عادالمغترب صعب فيها تغمض له الاعيان والعمر مثيل البيت لاطاحت اركانه=هـذا حال المغترب دائم مكسر الاركان ماعزك الا بلادك والقلب انسد شريانه=لخماس دواء علتي مثيل الدم في الشريان بلاد العزوالناموس والجيب فك سكانه= وامش عالسنحات وخل الجيب والسكان وادخل الغبه وشوف قاع البحرومرجانه= ترابه مسك طيب والحصى لول ومرجان هذي الجبال النايفه الباروت تشم دخانه= رجال المعارك تفز عاريح الباروت والدخان ذا فصل في فنون العشق فتحت بيبانه=دائم سلي خاطري بشعر لاتقفلت البيبان وفي مجال العشق اضيع وسط وديانه= من لي جرالي دموعي كما الغيث عالوديان عشقت انسان سيد الكون مالك زمانه=فيه الحلا فيه الدلع مامثيله في هذا الزمان حوري الجنه خلى العقل في قمة جنانه= سيد البيض والسمر وسيد الانس والجان الشعر سواد الليل مثيل الموج عاأمتانه= الوجه قمر صاطع على الموج والامتـان الخشم السيف المهند فارق الوجه بحجبانه= العيون وساع والرموش اسهام عالحجبان الصدربستان لي فيه الثمرمدني بأغصان= فيه ثمار الليم والرمان ناضج في الاغصان الخصر باتحلق اليدين لاتشابكة عابنانه=كما عنق الزجاجه رهيف لابدأ منها يبـان افخاذ تذبح وتقتل الناظر لاهزسيقانه= يتمايل في مشيه وتذبحك مشيت السيقان وعمره ست زايدثمان واربع بأخر ثمانه= عا حرف الميم وقف قلبي وبأول ثمــان هذي وصافه ربي يحفظه بداخل اعيانه=من كل حاسد ويسلمه من شر الاعيـان الختم صلوا عالمختاركل مارعد بقنفانه= وعدد مالمع بارق وغاث غيثه على القنفان وانا صاحبها الاصلي (ابوصالح) واعذروني على التقصور.........وترقبوا الجديد شـكــ وبارك الله فيك ـــرا لك ... لك مني أجمل تحية . |
$$_ اليتيمتين_&&
ـــ القدس وبغداد ـــ
ابديت بك يالله يالفرد الصمد=يامحيي الانسان والعظم الرميم وسلام على المصطفى المختارماينعد=لي شفيع للأمه من نيران الجحيم والصحابه ماميز احد من دون حد=لي نصروا الاسلام بالشرع العظيم يارب تغفرلي لاجسمي بالقبر التحد=يارب تثبتني بالقول الثابت والسليم طرفي قال بوصالح عاده مارقد=وينكم اليوم يااهل الصراط المستقيم لاذكرت اهلي بغزه راسي ماوهد=من لي نشوفه بهم يفرمونهم فريم القتل والجوع فيهم وقوتهم مايجد=شي يحوش بالكبود يغلي بالصميم وعاد بغداد اليوم مثلها بابها ماانقلد=لي مهد الحضاره من الزام القديم خربوها وشتتوااهلها ملاعين الكبد=عادهم يلعبوا فيها وانته فهمها يافهيم وين قاداتنا اليوم لي عليهم عمد =بس للمفاخر والمناظر بها يمارون الحريم ياهوين على الرجاجيل كمين ناقد نقد=ماحركوا ساكن وين العاقل والحليم القدس تبكي وبغداد ماحد عليها نشد=وين خالد والمعتصم والجيش الهميم ماوطى على ارضنا بوش الاب والولد=يلعبوا فينا كيف مابغوا سين جيم وحنا نرحب بهم وانته ياشاهد شهد =وماهي من عوايدنا نرحب بالغريم عاد شي نخوه ياعرب باتعدون العدد=باتبروا العله لي عادها في الجرح السقيم ولموا الشمل وخلوا الحقد منكم والحسد=وارفعوا رايت التوحيد والقرآن الكريم على كل طاغيه بالسيف على طول الابد=واقهروا الكفر بالحق والشرع العظيم والختم صلوا عدد كل من صلى وسجد=وعدد ماغرد القمري وهرب النسيم على محمد وآله والصحابه طول الامد=لي مشوا على دربه بالصرط المستقيم |
حبر الـــــــــدموع
1_ بدمعي وانا سارح من ارض الوطن خطيت= شعــــــري وانا قلبي به الاحزان يصليها 2_ جــــارت علي دنيــــاي يــــاقلب لك عزيت= حتى حــــــــروفي جـــات تبكي واعزيها 3_ انـــــاظر اتــــــراب الوطن والدار لي حليت= ونفسي من الفـــرقا بها نيــــــران تكويها 4_ ابعدت عن لصــــــحاب والنــــاس لي حبيت= وعنك يـــاوطن بالجوف عبراتي مخبيها 5_ عــــزاه لك ياقلــب مــاينفعك صوت لو ونيت= ابكي ترى دمـعك يداوي اجــروح يبريها 6 _ مــــالي سوى ياكـــود صبري عليـــه اركيت= وعســــــــاه يتحمل صحاف الهم يطويها 7_ حتــــــى انت يادهري ... علــــــــــــي اقسيت= خــــليت لـــي طعنــــات.. مـن بايداويها 8_ســــــــــرحت جرناس..من لقلات واصبح ميت= مــــدفون ومكفـــــن بــورقه ذاع طاريها 9_وفيــــــــــــت لك ياوقــــــــت بس والله ما وفيت= طلــــعتني من دار.. مــــــا وديت خليها 10_ وافـــي انا طبـــعي ولاكـــــــن للاســف حسيت= ان الــــــوفا سلعه.. ولا حـد قام يشريها 11_ دنت علـــــــوم الـــــوقت بس والــــله مادنيت= رافع انا راسـي وزيــــــري من مظاويها 12_ لا صـــــكت الدنيــــــــــا عليه ونتخابي صيت= والــــــله لا قلب.. عالـي القاع واطيها 13 _ ولا انت.. يـــــالي ملكت الـــــــروح واتعليت=واسكنت في جوف الحشى لك دار بانيها 14_ حبـــــــــك اسرني وانا المجــــــروح كم حنيت=لشـــوفتك ياعـــــــــز من عالقاع يوطيها 15_ يــــــــــاما ضحكنا.. انـــــا وياك واتســــليت = ويــــاكم لك ذكــــرى صعب ليام تمحيها 16_ بسالك تذكرني معـــا نومك ويلا منك صحيت= وتحـــــن لـــي عينيك قبـــل البعد يعميها |
الساعة الآن 04:59 PM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir