|
اذا الفصل صعب ياشباب مسموح الفصل
لاتترددون عن الفصل الجديد والكلام المفيد |
ذاء فصل والثاني مرادي والطلب=كلن يشارك في الزوامل والقصيد مابغيت حد مخلوق يذراء من مسب=فاضي بغينا حب للمذراء جديد |
جواب
يامرحبا جاقول مافيه العتب=من عاد بوراضي وذا الهرج المفيد وانا على داعيه بافعل مايجب=شف عادني موجود في الدنيا اكيد اخبار عندي لكل من هب ودب=تكفي عباد الله وان قلتو تزيد هذا كلامي واحترامي والادب= وتعاودو من بعد خمس ايام عيد |
ســلام
الكلام الزين في وقتة وجب = كل من لقالة كبن بايدفى اكيد كل من ذرأ ارضة باينصدة حب = المهم لرض لازانة باتنتج مزيد العيد في ارضي ونا جنب المحب = والنقش بالحنى نعم بتقول عيد الحمد لك والشكر ياملبى الطلب = لادعك العبد بماعندك تجيد |
سلام
حيا وسهلا بالذي جاب الحطب= بايوقد النيران في قلبي وقيد الهجر ماهو زين والغربه كرب= باعيش بين اربع ستروحدي بعيد باصارع امواج المحبه والغضب= لاقوت يستاكل ولاشرب المديد ياريت بيدي موس بعبرعالشنب=ذي هو خزاني في قيامي والقعيد وبرسل تحياتي لاهلي والمحب= والا رساله عبر صندوق البريد |
من واجبي رحب برميان السلب=اهل الميازر لي يفلون الحديد لي قولهم يوزن بميزان الذهب=فيها الحكم والشور والرائ السديد |
السلام عليكم وكل عام وانتم بخير
هاجس معي في الرأس يحضر عا لطلب=كل يوم له دسمال من نوعه فريد من حب صافي زين كلّته في رجب = بقسّمه بين القوم في جمعه وعيد ما بعتذر في برد وألا في مهب =بندر على صوت المغاني والنشيد لاقد ظهر لي عندكم شي شف ونب=باجي لكم حتى ولو كنتوا بعيد البعد ما همه ولاهم التعب=والميم طاء بيدي وبو شبّه جديد لا لحقت من عنده بوسط الرأس حب=بلقي كما الثقفي وهارون الرشيد وان ما حصل قصدي ولي ريده غلب = با قفّل الهاتف وصندوق البريد وان جت على ماريد 0 بيدي والسلب =بقبض بحلق الخصم حقي والوريد ما بانخلي كل من طوّل شنب=يدحق في البصره برجله والرشيد ما عذر مارويه من صدق العجب= بالذايبي والكنش لي فّل الحديد عالمرتزق بقضي وكل من هو ذنب=عليه ماشي عذر ما ترعد رعيد في المال مافكّر وتجميّع الذهب=او في بنوك الراجحي بالي رصيد فكر في الناس الذي مثل الجلب = بين البيّع والمشتريه من يزيد والخلق تتفرج عليهم في اللهب = ساعة وساعة في مطر وإلا جليد الله يعيّنه من لجمر الكير شب=وش با يطفيها وهي توقد وقيد كل من رجيله قال بلجذم عذب =مابايحقق في زمانه مايريد والعين لو مافوقها جفن وهدب= تمرض ولازم منها يطلع صديد والمال لي مولاه مابدا الجدب =منّه يلفّه طمل ماينصد نصيد يا اهل السقيفه شفت في الوقت العجب =السيد يرجع عبد به والعبد سيد لي ماحسبني ند له لما حسب = اقسم برب البيت ماهو لي قنيد واليوم بالحج والوقوف المرتقب= باهني أهل المملكة واهل الصعيّد |
يا اهل السقيفه شفت في الوقت العجب=السيد يرجع عبد به والعبد سيد لي ماحسبني ند له لما حسب=اقسم برب البيت ماهو لي قنيد
من عند عبدالله بغينا مايجب=وين المقدم والملازم والعميد كلمه كبير تلتهب مثل اللهب=واحنا فهمناها قريبه او بعيد |
سلام
قولوا لعبدالله حلب ماهي حلب=ما اليوم كل واحد من الثاني شريد :) :) :)وانت تريض لا تحذف باالرشب= باتكسر البوري ورشبت بوسعيد الوقت ماهو الوقت والزام انقلب=مستور بايرجع كما عبد المجيد |
مستور لاتدخل عصابة بولهب=لاتقرب النيران لي توقد وقيد مانا حلمت الوبر في قرية حبب=يمكن زمان الحزب يرجع من جديد |
من قلب متسلي ومن خاطر سلي=ببعث باجمل تهنيه في يوم عيد واعسى عيادة خير تقبل دعوتي=واتعود بالخيرات لليمن السعيد |
سلام
في العيد باتكمل مشاعر فرحتي=مااليوم بتنشر في الثوب الجديد باخالط اصحابي وبترك وحدتي=بانوكل المظبي وبانوكل عصيد ياهل السقيفه باعتبركم أسرتي=نرسل تهانينا لكم عبر البريد |
هذا الزامل للشاعر الكبير يسلم بن لكسر المشجري السيباني رحمه الله ويشكو فيه الناس وضعف همتهم وتقلب الأوضاع لأحد الشعار :
ياسالم الدنيا علينا مقفيه = بايجيلها بوّاش يعدي من بعيد **************ذي كانت الأول من خمجها صافيه = واليوم ماشي بايجينا عل عويد والنار قدها من حطبها طافيه = لاقام واحد قال الاخر بالرويد والوقت كلّه راجيين العافيه = لمّا يحل الهيج بخطامه وقيد هذا الزامل للشاعر أحمد بن سعيد المشجري حيث حضر مناسبة زواج لأحد القبائل المجاوره فدخل أحد الشعار وبدأ يحاول الفتنه والتذكير بنزاعات سابقه فدخل أحمد بن سعيد وأنشد هذه الأبيات الرائعه:
ياهاجسي لاجيت والشعّار = إتواجهو بينهم لابين بترك لك الولاء والشار = لإنك ماتجيب إلا الكلام الزين وذرع من الغالي ثلاث أمتار = لاسمعت هرج حسن ولا حسين وخل من يهوى ومايختار = يمشي مثيل الوعل بو قرنين ************ هذا الزامل لـ سعيد بن ناصر المشجري جابه يوم زواجه حيث كانت هناك إنشقاقات ونزاعات في صفوف القبيله فقدم مصلحين من عتق ويوم شافهم سعيد بن ناصر فرح بقدومهم فدخل وأنشد هذه الأبيات الرائعه :
يالهاجس المرصون فككها حلق= صح ماتشوف البحر ذي هو طافح ****************حيّاكم يلي جيتونا من عتق= لاحل حله تطرحون الطارح ضروف الوقت خلتنا فرق = ولا قرون المربعي باتناطح مسكين ذي مايعرف إن الموت الحق =ون العمل ماينفع إلا الصالح هذا الزامل في سريه بالليل إلتقى فيه قبيلة الديّن مع المشاجر وكلهم دخلو زامل في الليل دخل باخريبه وقال :
يالعرب لاتكلفوني عاخروج الليله=مانا خروج الليل ماقاويه (إعتذر الشاعر في هذه الابيات عن الدخول في الزامل في الليل )مافي زمان الفيل باحاجيه =لمّا يجي من كل وادي سيل فدخل بابدر الديني وقال :
ونا مثيلك خروج الليل ماقاويه =لاتكلفوني عاحمول الميل صاحبي ذي فيه ماخليه =حيّه وعقر ب يقبصو بالذيل (صف بابدر بجانب صاحبه في الإعتذار ) ************** إن شاء الله وفقت في إختيار هذه الابيات للزوامل ,,, |
شكرا لك اخي بالليث على تسجيل هذه المراجيز الرائعه
ونرجوا الاستمرار معنا وافادتنا بكل جديد ومفيد واعلمك اخي بانه هناك موضوع خاص بالمساجلات البدع والجواب نرجوا ان تفيدنا بالذي عندك في موضوع مساجلات البدع والجواب وتقبل تحيات اخوك ابوراضي |
Re: سلام
اقتباس:
نعود الى اخر قصيده في الزامل نرجوا من الاخوه المشاركه وان الفصل مسموح للجميع |
هذه الابيات من زامل في العيد في شرقي باتيس
للشاعر طالب باتيس ابوراضي وهذه قصيده واحده من عشرين قصيده في الزامل ارجوا ان تنال اعجابكم
ربي جمعناء في نهار العيد=يالله عسانا نجتمع كل عام لا بو حمد زفلت لنا التمهيد= في كل سنه بخرج ثلاث ايام |
سلام
والله ماباتحكم التسديد= أيش باتلقي لك ثلاث أيام في كل سنه وانت بعيد بعيد=لوغيبتك شهرين ماتلتام هذه ثنعشر شهر بالتعديد= كل شهر بايعبر كأنه عام والشوق ياصاحبي له تمديد=في القلب يتمدد وفي الاعظام |
يامرحبا بالجيد ولد الجيد=لي مايرد يمشي على قدام قله تعب قلبي من التعقيد=هذا السنه ماهي مثيل العام عندي زياره للوطن في العيد=ياصاحبي تسوى ثنعشر عام وعاد لي تمناه روح الصيد=وادحق برجلي عادكس وادقام |
ياهل اليمن يكفي من التمجيد=لا تمجدوا صالح في الاعلام لي هو يهدد عالامم تهديد=ماعذر مايقع له كما صدام |
سلام
أصحابنا مشيو مع التقليد=ماطبقوا شي من نظم الاسلام :) :) nar :confused: ;baw ;baw ;bouncحكموا وزادوا الحكم تشديد=والبخص في ذي هم هيك وايتام هل عادشي ناهي لكل عربيد=صدام أولهم مثيل الهام |
فصل
شي خبر من بايعاله لي يدحري في البعر=ردو الغومه علينا والملامه عاالبعير ;) :cool:قلت شوها مشكله ياناس لقوا لي بصر=ربنا يعلم بحالي ربنا وحده بصير في شبام العاليه عده تقشب باالشعر=وأهل بوزايد يخلطون الذره هي والشعير ليلة الجمعه سمعنا صوت عالي في السمر=قلت لهم ذا بازقامه بايصيح عاسمير |
يالسبع شف عادني معي وجهة نظر=باحطها عنوان لك راس النضير اعذروني على التاخير والغياب ياشبابفي شبام العاليه جاء بونصر=نكد على بقبق وعمه بو نصير كنت مسافر في عمل للامارات ولكن عدنا وشاهدنا العجائب في السقيفه نرجوا ا ان لاتبخلوا علينا بالجديد والمفيد |
وين اهل السقيفه وين الشعار
وين اهل الزوامل ايش هذا الركود والفتور |
سلام
مااليوم بانطرح على الساس المدر=والوعد لما بالسلامه ياالمدير ;bounc ;bouncعندي خبر ياناس مابعده خبر=لكن علي فرض باشاور خبير السبع ذي الايام ناوي عالسفر=محتار مابين المحافظ والسفير |
فصل,,,,,,,,,يالرجاجيل القروم
مني سلام الفين قال الصيعري=للي لهم مقدار من العهد القديم اهل المعزه دوب والشرع الوفي=لي نورهم ضوح فالليل الظليم فالقبوله تاريخهم ماينتسي=وافعالهم من عهد زمزم والحطيم يهل السقيفه جيت عاني معتني=مقداركم عالراس والبار الرحيم |
Re: سلام
اقتباس:
هذا الجواب وهذا الرائ
ياذي بغيت الشور لي وجهة نظر=خذها نصيحه خلها راس النظير ياشيخ زام المغترب عداء ومر=قد كان له موكب تقول الا امير واليوم قل العيش في بحرا وبر=لي كان متعلي وقع في عين بير |
Re: فصل,,,,,,,,,يالرجاجيل القروم
اقتباس:
نحنا نرحب بالذي جا معتني=الصيعري ذي جاب له قشعه وديم الفين حيابه عدد ماطر قوي=وقت الطلب بايرعض السيل الهميم عسكر يبا نفسه في الدنيا ولي=عسكر رجع واستفر الله العظيم احسن ترد نفسك الى الخط السوى=وتقول بسم الله باسمك يارحيم من لا طلب ربه وصلى عالني=باتيس بايرديه في نار الجحيم |
الاخوه الشعراء نرجوا المشاركه
نريد محاورات ترضي جمهور الشعر وخاص الزامل الشعبي |
هاجس معي عاده بايلقي دوي= بايلعن الثوره على بدو النسيم :D :D بيكسر انياب الخبيث المعتدي= لما يعرف وين خصمه والغريم هبت رياح الصيف من وادي حظي=زاعت حيود الساط وامست في تريم طالب بغانا اسير فالخبت الخلي= ولا خبه عالصراط المستقيم على فكره يابوراضي ....وين شعار السقيفه |
نبغا المثمــــــــــــون ياشباب.....
يالله يابوراضي عطنا فصل..... |
احسنت ياعسكر يابن كند
والفصل من عندك او من عند احد الاخوه والله شعار السقيفه يااخي عسكر غائبيين وفي انتظارهم |
ابشر هذا لون من الوان المثمون
هاجسي بايبدع على المثمون=لاقد لحق شعار بايبنون بلقي مصانع عاليه وحصون=من روس دوعن بارمي سيؤن |
اقتباس:
|
سلام
مرحبا بابيات زمل مثمون = لها في القلب وقع وشجون وتذكرنا بليالي هنيه مع شعار حمران العيون = يصيبون الهدف قبل مايكون ولبعضهم سند وحميه |
لهل السقيفة سلام مقرون = لشعارها كلهم ولي يقرون محبة صادقة بالله لوتدرون = وبوراضي مثل والسبع ماهودون |
حيا بكم ستين مليون يا اصحاب المعزه ماتهونون
من بن سلم شو هذه تحيه |
شعارنا قد حكموا القانون=وعرفوا العاقل من المجنون باقوالهلم بايطلقوا المرصون=لي يكسبون الكنش والمرشون |
نرحب بالاخ الشاعر سالم بن سلم
ونقول له اهلا وسهلا بك في سقيفة الشبامي سقيفه الكل وفي انتظار مشاركاتك اخي سالم لاتحرمنا من كل جديد ومفيد |
سلام
سجع ياهاجسي بقول موزون = وغنوا يالشعار بزين اللحون من كدر لزمان هي والسنون = عطروا لقوال بالعود والدهون بسقيه عسل صافي من بطون = نوب مرعاه سدرمضمون |
سلام( يالرعد)
الرعد ياطالب ضوى مغبون=نار في جوفه كما المرشون له قلب عاده فالهوى محنون= من سبة العشقه غدى مجنون |
| الساعة الآن 04:49 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir