<<هنا المدروف الغياضي والساحلي <<الدان >>
هذا الصوت اخترناه لكم ونرجو ان ينال الأعجاب كما نرجو من اهل الذوق لهذه الأصوات التكرم بمالديهم من اصوات ويفصلون عليها والتقيد بالوزن والقافيه مهم جدا وعدم التكرار للقافيه
دورت لك يالذي عالناس ماتزهم =عدت رسائل وتلفونات نزهمها وانته مطنش وعالحلان ماتسأل =من بعد ذلحين شفني منني مسئول الذي عرفناه عنك شخص متفهم =من قبل تخرج من البلعوم تفهمها هذا عشمنا وما نرجو ومانأمل = حسن النوايا تتمي والرجاء المأمول عزتك عندي ومقدارك بها يعلم =الله ماحد خلاف الله يعلمها والهرج يصدق ويكذب شه ويتأول=واشيات جم في الزمن هذا تجي وتؤول |
فكره رائعه يابونمر وعوده حميده
احسنت والى الامام |
ياهـــــــــــــــــــلا بابو نمـــــــــــــــر
ابداع طيب من انسان طيب وفكرة تشكر عليهـــــــــــــــــــــــــا |
اقتباس:
|
اقتباس:
|
خلاص بانغير الفصل اذاكانه شديد ولاحد عرف من الشعار يدخل عليه
وين الوزيري ومعبد ذي لهم خبره =اهل السمر والوله هذا بهم خبري وهيين شيخ القبيله عليه نتخبر =قدني سبوعين عنه مالحقت اخبار |
حاولت يابونمر مالقيت لى عبره = وازهمت شفنى على صاحبك بن عبرى ان كان عنده بصر عاشان نتعبــر= شفته مصمم ولاله شف في المعبــــــار |
يامرحبا بالقوافي كنها دره=من شاعر البدو ماباقوله حضري وكل من كان بدوي غصب يتحضر=وقالها من زمن في شعره المحضار |
اقتباس:
ماباقنع عادني من شاتر العصره =ولانسجم لامع ناسي وهل عصري صاحبي ذي بالشياذر كان يتعصر = مابايسيب الشياذر للمهب وأعصار ونا معه مستقل من هفو اوقصره =مادام قصره بني في واجهة قصري باعطيه حق المجوره يوم ماقصر =للبعد يضرب بقصبه والقريب قصار |
اقتباس:
رحبت مره وبك رحب مية مره =يانسل نعمان وحدودك مع المري مثل العسل كلمتك لاجات تتمرر=وعلى خصيمك في اللعبه تشل المار ذي قسم الرزق بين الفيل والذره =يعلم اذا كان عن صدام شي ذري ماهو طهف بالمهب في القاع يتذرر=شفني سمع من بطي صفارة الأنذار |
ياهل السلا والمغانى جددوا السمره = باجيب كل مامعى ومــاخفي سرى قد جيــت عانى لكم وبغيت بتسمـــر = باقــــول ياراد لاقد عادوا السمـــار |
يابونمر مانعرف التقصور والعثره=والعذر منك بغيته وانت لي تدري عندي مشاغل ومنها كيف بتعذر = ولعاد حاجه تتم لاكثرة الاعذار من شان واجبك انا قد جيت بالبكره=وابغيت بحضر مع كل من حضر بدري وتعرفه انته ألوزيري الروع له يبدر=من سابق الوقت دائم روعه البدار تركت مالي وهو معروف في البصره=زين الثمرواعطيته القبلي مع الحدري لكن حان الوقت برجعله وباشمر= وبنعيد له مجده وباتثمر الاشجار |
هكذا ياشباب
|
حل السمر باعطي كل من حضر قدره = وباعلي قدر كل من بيعلي قدري وإن شي عليه وقع مكتوب ومقدر =باقول هذا من المولى قضى وأقدار صاحبي لي يالوزيري مانفتح صدره =بالرغم اني معه دايم فتح صدري وفي شفوفه وكل ماجوب نتصدر =وعلى قراه اطلع من ساعة الأصدار |
يامعبد الوقت يتكرر مئة كره =واهله يخلطون سمن الدار بالكري وكلامهم ذاك هو كل يوم يتكرر=من يوم كانوا وهم تكرار في تكرار ولعاد شي صفو عند الناس ومسره =ولعادباظهر لحد خيني ولاسري شفني نبيت ونصبح حالي مسمسر=ولعاد حاجه تذكر عالذي قد سار |
كل شي يصير في ذاالكون بامره ### والامر له وحده ولانملكه امري ونا ما نحـب عاصحابــــي نتأمّــر ### ولا نحب حــد يقــول علي امّــار صاحبي صبر ونا باشاركه صبره ### وعادنا معـــه باواصله صــبري ونفسي باسليـــها ومعه باتصبّــر ### لما كل واحـــد يقــول ذا صبـــار والصفو يالاخوان ماشي بايعكّره ### والكلام ماحد يفسره شي اخري ولا نبا مني حد منكم دمه يتعكّـر ### ونا ياعرب شونا مانحب التعكّار البكري |
ابونمر والبكري
احسنتوا انكم شعار حقاء |
اقتباس:
طاب السمر طاب من ذلحين لابكره=باسمر على الدان ناوياك يالبكري وبايصل حيث يبغي كل من بكر = حتى العمل ينقضي بالسهل في الأبكار والآدمي لاتواضع واترك الكبره =في الوجه لك يعترف ان ذارجل كبري تثبت معزته في الخاطر ولك يكبر = شأنه وتحسبه هو ثالث ثنين كبار |
الادمي با عمال الخيربا يخلد ذكره ### يالله عســـى بالخيــراتخلّــده ذكـــري ومن عمل خير بين الناس به يذكر ### مامات من له الناس دوب في تذكّار البكري |
بعد الحبايب كواني كي بالجمره =اشهور مرت علي وسنين من عمري لكن والله ماذلحين بافكر =برجع لداري وباترك انا لسفار |
جلجلك عاده بغاء عصره =لاتقول يكفيه ذا عصري الجلجل الزين يتعصر =في المعصره لالحق عصار |
اقتباس:
عاد الوطن ينتظر سفره =منك ونا جاد في سفري وبغيت مخلوق باسفر= عدني معي ماعرف ا لأسفار مالي في التيس والجفره= لكنه البيض والجفري يذبح وسكينه مجفر =ماهوهذا ذبح الجفار |
كل مخلوق بشره و خيره ### عسانا عيش دوب بخيري والزيــن للزيـــن يتخيّـــر ### ونا لكــــل زيـــن باختـــار ماحـد يبني عا كلام غيره ### ونا بنيــت عاكلام غيــري والكلام عــاده يتغيّــــــــر ### بانصلحـــه لوفيـــه غيـــار البكري |
يمكن في الارض شي طفره = يابونمر وانت ماتدري والشغل واجد ومتوفر = والرزق عالواحد القهار |
يالله عسى ذا السنه عد تسلم الجره= من ذي عليها بغاء باليد يتجري عدها تقع تعتعه له عده يتجرجر =لاقالوا الناس حكمه عالرعيه جار يامجمل اليوم من عشرين خذ عشره =خل الخريه تقع من حظ باعشري لاتقول نالي حدعشر قسم وثنعشر =عد ناس ماوصلوا لاخانت الأعشار |
مسكين يابو نمر يعيش في قهره ### ونا عليه اليوم زاد قهري وبسبــب عمـــاله دوب يتقـهّـــــر ### ذي حكمت الواح القهّــار الولـــد عادنا ماميــــزت بـــــــرّه ### ونا اهلي قـــد ميزوه برّي وهــو مسكين جابوه من بــربــر ### مايعــرف ايــش معنى بار البكري |
عليهم يالبكري لاتقصر
لله درك |
فكره ممتازه. وجهد تشكرون عليه.ولكن نرجوا الالتزام بالوزن
|
الى البكري مع التحيه
البنت وقعت لها قمره =ذي سايرت ولد باقمري للآن تبكي وتتقمر =وقعت عشاء ليلة قمار شهرين ماجاتها الدوره =وطبيبها اقبلي دوري والبطن تكبر وتتدور =والهرج بين الناس دار |
ممممممممممممششششششششششششششككككككووووووووووورررررر
|
ذا فصل والثاني مجمل =محنون والله في جباله باعيش بدوي في جبالي = ياخير هي ذيك الجبال |
عزمت شفني عام لوًل=وشفتها ياخس حاله جم ناس شف مانا لحالي=ذي ماتهنوا في الحلال الحقد نيرانه تشعل=وابليس حل واعيال خاله وش تنتظر لاالجيب خالي=مسوا مشاكل وانفعال وانك تبا سكروجلجل =خلك عل جال الزماله شاهيك باتطعمه حالي=مابايقر طعمه محال |
القوت من ربي مسهل = الله امرنا بالسهاله حاجات يالباشق ببالي = بلقي سباعيه وشال وانك تبا سعفي توكل = القي لبوريس وكاله قطب قيودك لاتبالي = ماشي في الدنيا محال |
يا بونمر معـك باتجمّـل ### شفها مــن الله الجمالـه ماليوم سـرحـت جمالي ### بايجيك الخبرمع الجمال ونااليوم ياصاحب تخيّل ### ماحـــد يصــــدق خيـاله ونا ياخل صـدّقت خيالي ### عدا العمر كله في خيال البكري |
نرحب بالاخ الباشق شاعر الوادي المحبوب
اهلا وسهلا وفي انتظار مشاركاته في مساجلات الزامل |
سمره معك تكفي ومقيل=وان عادها هشت سباله كل قلب باتنظره سالي=اخصوص لاكل شعب سال |
اقتباس:
|
لي معــي ميزانه معــــدّل ### يعجب دوب وقته في اعتداله وان معك لي سدّح وكالي ### مانا معـــك بعــد اليــوم كيّال البكري |
هاجس معي مبعد تعدل=كل يوم يطلبني عداله لا قلت له كلمه عدالي=اعوج ولا جا في اعتدال قد كان فالسابق مدلل=يجي على راس الدلاله ويجيب بنه فالدلالي=من شان بيقهوي دلال واليوم في المرصن معقل=خلوه يرزح في عقاله لجرب دواه الا العقالي=باتيس لتفك العقال |
يأهل الهوى كل من تجول = في العشق بيحصل مجاله ونا حرمتوني مجالي =قلتوا قعد مالك مجال مانامجد معكم تخزل =اوماتعرفون الخزاله اوذا تريدونه خزالي =يومني حب الخزال القطن ذي زرعوه دول =في جروبه والبداله مابدلوابه شي بدالي =ولارضوابه للبدال موسمه هذا العام طول = والذي ماحد مايطاله في العناقيد الطوالي =خلوه للناس الطوال |
الساعة الآن 05:30 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir