|
مسـاجلات الـــدان الشعبي
يادان نا دان يادانا دان = يادنا دان يادنا دان = يادانا دان يادنا دان
ذافصل ياطالب بغينا = الدان يدخل فالسقيفه = الدان ياطالب تراثي ان باتساعفني مشينا = قلبي يباك انته سعيفه = بازور حاذق في مكاني |
وين الموضوع اخي مجمل
وين الدان |
يادانا دان يادانا دان = يادنا دان يادانا دان يادانا دان يادنا دان = يادان نادان دانا دان ذا فصل ياطالب بغينا = الدان يدخل فالسقيفه الدان ياطالب تراثي = يحيي العروق الصالبات ان باتساعفني مشينا = قلبي يباك انته سعيفه بازور حاذق في مكاني = تحت الدقام النايفات |
عاد المغنيين الا سبروا وصاحب المدروف قبض اللحن يايجيك الخير يابوراضي والشعار انشاءالله بالطريق
انشاءلله سمره على المطلوب وياريت يشاركنا بن عكعوك نريد ان نسمع لمدرسة بو نشوة له الجنه |
نحنا نلبي لادعينا= ياصاحب النفس النضيفه لبي بصوته لادعاني=مولا الشروع الوافيات لا ياجمل لاقد سرينا=شل الثقيله والخفيفه يومين في داخل وطاني=تسوى القصور العاليات |
صح لسانكم ياشعارنا
ونحنا دايما نفتخر بكم والى الامام |
بايجونك الشعار
وبالسمر على عادة الشيبان |
ونحنا الجماهير
|
قلو لبو ا لبوراضي املنا = نطوف بالكعبه الشريفه نعزم في العشر المثاني = يالله بحسن الخاتمات وبعدها واصل سفرنا = ياصاحب النفس العفيفه الهجر ناره قد كواني = يطرح مكاوي ناجحات |
عالدان بايحلا سمرنا=باتسمع ابيوتي ضريفه فيها الحكم فيها المعاني=ترجم على كل اللغات |
شكرا كثيرللاخ ابوراضي واهتمامه بهذا الجانب من التراث العظيم( الدان ) وشكرا للاخ بورايد وشكرا
مخصوص لراس البركه الله يبارك فيه وبأ نتظار العمالقه غن يا مغني غن |
مااجمل ماتكتبونه وتنظمونه يامجمل
وياليت تكتبون بعض من اقوال الشيبان ياخير خلف لخير سلف تحياتي لك ولبوراضي ولكل الشعار |
حنت رعوده في سمانا= والبرق يلمي في قنيفه يالله برحمه عاوطاني=ويعم بها كل الجهات |
يابلكرم خفف علينا = لعمال ياطالب ضعيفه والمغترب دايم يعاني = البعد شتت به شتات ذي هو مقدربايجينا = ذي هو مسجل فالصحيفه وش ذي في الغربه هباني =سنين مرة قاسيات لكن بايصلح يمنا = والخير في بحره وريفه ذا صدق ماهذه تماني = باتشوف فيه الناطحات |
ماشي مصالح في وطنا=والرزق عنداهل الصحيفة لاياعمر خــــل التمــاني=شــف المصانع واقفــــات اللةعسايقـــبل دعـــــانا=دعواتكم ياهل الســــقيفة تصلح بلاد ك ياليمــاني=وتعـــود من بعــدالشـــتات |
غن غن يامغني
مرحيب مرحيب
ذا فصل واجب بالجدد = فصول لبغاها جديده لبغا يشارك كل شاعر = عاللحن والربط الجديد واجب علي اردف وعدد = امور في نفسي عديده يكذب علي مخلوق ماكر = ذي قابض اقليد الحديد **** |
والامن ماشي في يمنا=كل يوم باتقرح قذيفة والشعب كم قدلةياعني=طول السنين الماضيات البيض هوذي نكبنا=واهل العقول الخفيفة والصبح شردولاعاماني=اهل الشروع الناقصات |
يامحسن الكنش المحدد=ساعات يفتك في حديده والليل ياصحاب الميازر=حنت مراجيس الحديد بالفتح الباب المقلد=مادام قد جبنا قليده مابي رجع لهل المناجر=من جاب مفتاح القليد |
موقف علي واضح محدد = واعي وله نظره بعيده حتى المواطن والمهاجر = شوفة علي عنده بعيد ماهو علي ذي قد تمدد = خلى المكلا والسعيده فالسادسه شافوه عابر = يبغا حماية بن سعيد حتى رصيده قد تجمد = خباه في بنك الحديده وامسى علي مسكين حاير =من ذي جراله فالصعيد |
لاتحسبوا شعري مجرد = كلمات صُـفـت في جريده ياهل الفَكْر هذي مشاعر = كل من قراها يـسـتـفـيـد |
لا جيت باغـني وبقصُد = لقيت نفسي (عالحديده) وغادر الهاجس وسافر= يطرد قفا الدنيا 0 بعيد |
قول الحليله قد تبند = كذاب من يقدر يجيده خذ قولها حاضر بحاضر =تسكن معك وسط الوريد |
مافيه حد مثلي تسيد =عالشعر انا استاذه وسيده :)لله انا حامد وشاكر =تخضع لي ابيوت القصيد |
مافيه حد مثلي تسيد =عالشعر انا استاذه وسيده لله انا حامد وشاكر =تخضع لي ابيوت القصيد |
يامرحبابقوال تعــــــــتد=فيهاالقوافي فريـــــــدة قدجاتني الساعةثنعشر=من عبرصندوق البريد |
بعض العرب لاجاك يقـصد=ميجب لةجملةمفيدة من قولهم شوني تحــسر =والدم واقف فالوريد |
من صاحبي شوني تـــــــــــــنشد=قلة لابامنك نشــــــــــــــــيدة سعف العرب لازم تـــــــــــــسمر=ولافسحنافلقـــــــــــــــــصيد |
ذي هو لحق بارد مبرد = جاب الكتب ساعي بريده ومسا على صاحبه عاتر = لما شرد ساعي البريد ما شفت حد شارد تفيد = ون صاح ماحد بايفيده من ماطلع راس المنابر = والله لا با يستفيد وا فقت على حكم المشدد = ما دام دولتنا شديده عندي علي شاجع وثاير = وقت الشدايد هو شديد |
لاياعمرحالي منــــــــــكد=كل يوم في شغلة جد يدة فسوق دايم تخــــــــــسر=مايوم اضوي مستفــــــيد |
هكذا ياشباب
ولاتنسون الزامل |
خل الشاجاعة لاتهد د=صاحبك بالعرف لصيدة عندي جمال المعاصر=بد خل بهامن حيث ريد |
ذ لحين صاحبكم تـــــمرد=عاارضناقد طالت ايدة والشعب من حكمةتجور=وهويطالع لرصـــــــيد |
بوجودكم أفرح وأسعد =عسا لياليكم سعيدة باقولكم تحلى المسامر=هاتوا من القول المفيد لا يا مجمل لا تمجد = وشعارنا ثورة مجيدة وشعبنا مسكين حاير =بين الافندم والعميد آمالنا لليوم والغد =لا خوك تطبيق الشريعة والفسد في كل الدواير=والشعب شف ريقه عصيد |
هههههههههههه
نعم الشعب ريقه عصيد احسنت يابدر |
الله على ماقول يشهد = ان اليمن عانا مكيده شل الثمن مخلوق فاجر = من ذي حصل هو مستفيد |
ماحد في الدنيا مخلد=والله با ينصف عبيده والله يمحق كل جاير=يا ويلهم يوم الوعيد |
نظامنا العربي مهدد = تعـصف به الريح الشديده والمشكله الكل خاسر= مافيه حاكم مستفيد |
اليوم حالي منكد=ياذي فيكم المديده والموت باغت كل مسافر=باتبيت في القبر مديد |
غن يامغني وردد =والدم حامي في وريده خذ رساله من معاصر= وحلان شاشات البريد قصدي ومطلوبي مجرد= السمر لحكم قصيده بينكم بابيت ساهر= والقلب سا لي وسعيد بيجيه وقته دي تمرد= الحل في ثوره مجيده الشعب ياناس ثاير = والبخس في ام سويد |
شار العرب لاقد توحد = باتصبح الامه سعيده باينقهر كل شخص كافر = لاشافنا ليدا بليد ذا فصل ذه ليله نويره = يابن حسن قود المسيره شارك بقوه في سمرنا = انت المعلم والقبيل حاجات في بالي كثيره = الهيج باتسمع هديره والله يأن لحنا حزنا = على مبارك بن عقيل **** |
| الساعة الآن 10:54 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir