|
مساجلات صوت الدان الكسري
السلام عليكم ورحمة الله وبركاته اخواني الكرام اليوم عندي لكم موضوع وامل منكم المشاركة شعارنا الكرام موضوعي هو مساجلات الكسري حيث ان هذا النوع من الشعر يقال عنه الكسري عندنا في حجاز العبيدي صوط ووادي وقد تغنى الكثير من الشعراء على هذا اللحن ويشتهر ايضاء عند سيبان وفي اغلب وديان حضرموت والمهم ان الوزن على هذا المنوال ولامانع من تغيير القافية عندما تتكر القوافي مثله مثل الزامل وانا متاكد ان كل اشعراء هنا سوف يبدعون على هذا الوزن واطلب من الاخوان النقاد شرح هذا الاسلوب الشعري والذي ينحصر في قافية واحدة تحياااتي للجميع ومنتظر ابداعاتكم
ابديت بسمه عظيم الشان بالبسمله=الواحد الفرد بيده كل شي كمله والادمي كرمه في كل شي فصله=بالعقل مده وبالتفكير والمرجله ذفصل يا صحبتي وفصل باعدله=وبفتح ابواب للشعارمتقفله من بعد ما زادت الونات والبلبله=واجمال تسرح بلا راعي وهي مهمله قد كانت مرصنه بالقيد والسلسله=والحبل في يد راعيها ولا يفتله تسرح وتضوي ولاشي منها مشكله=حمول من ميت كيلو بالرضى تحمله ومن بلد لابلد حرة ومتنقله=واليوم لاعاد تحمل شي ومتبهذله متعاركه بينها وضعيفها تقتله= |
ماشاء الله عليك يا بن قطمان
انا حكون متابع لاتعلم منك ومن بقية الشعار لك ودي وتقديري واحترامي ,,,, |
شعر جميل بورك فيك شاعرنا القدير باقطمان على التوثيق الجميل ساتابع بشغف ماسيجود به الشعراء :) تقبل مروري وشكري الجزيل.. تحياتي اليك. |
اقتباس:
واشكرك على طرح هذه الفكره الرائعه هنا في سقيفة الابداع وحبيت شارك معك بهذه الابيات ارجوا ان تكون على الوزن وحسب الطلب
يامرحبا بالقوافي جاتني مرسله=من عند شاعر عميد الشعر والمرجله شاعر وعاقل وما الميدان حقه وله=شيخ (ن) ولكن معه قسمين في القبوله جينا على الصوت والحمل الثقيل ازهله=جبت الدواسر وذي ماقدرت له حمله |
اقتباس:
حيا وسهلا بكم ياصاحب المنزلة=والشعر لك كسبت الشيبان وانت احمله جدك مثل يحتذى وانته هنا مثله=هذاك نبراس للاشعار مانجهله ومنتظر قول من شعارنا نقبله=يحمل معاني وشوق ايامنا الاوله والوضع ياصاحبي ماباك تستسهله=شف من زرع فلفله بايحصد الفلفله |
اقتباس:
حيا وسهلا بكم ياصاحب المنزلة=والشعر لك كسبت الشيبان وانت احمله جدك مثل يحتذى وانته هنا مثله=هذاك نبراس للاشعار مانجهله ومنتظر قول من شعارنا نقبله=يحمل معاني وشوق ايامنا الاوله والوضع ياصاحبي ماباك تستسهله=شف من زرع فلفله بايحصد الفلفله |
موضوع جميل ولحد الان محاورة شعرية
بين عمالقة الشعر بن قطمان و باتيس الله يوفقكم ومنتظرين توضيح اكثر عن الكسري و هل ينتمي للمحف .. تحياتي ولي عودة |
اولااسمحلي ان اهنيك على الفكره الجميله واطرح مشاركه متوضعه والي الامام يابن قطمان
=مابغيت مجهرللجروح المدمله =الوضع باين والهيوج مجددله =واضح امامك مهزله في مهزله =الحل باياتي لاطلقو الهيوج المعقله =امااذابقيت ماضن نطلع منزله =حتى الجماعه عادهامابينهم متخلخله =عدهم يهمون الجيوش المثقله =ولابغيت شاري عسى لبوهم زلزله |
اقتباس:
ياشاعر البدو شفت الغيث بالمسفله=عقّل جمالك واناء لي هيج باعقله صيّح على الناس باعمران من معقله=قال المخيايل قويه نحوكم مقبله ياواسع الجود لاتزلزل بنا زلزله=نشكوك من سعد ذي بهذل بناء بهذله يسري مع الليله في غمرة سحب مثقله=خايف يجي السيل واحجال العرب مهمله |
بعد الذره ديّكت ياخوي في لنجله= وبهذلتنا وهي قدها في البهذله= والهرج ذي وانت قاعد حوه يامسهله= مثل الذي منزمن صبّح على المعجله= يابرد بي وين بدفا شعّلوا شعلله= عيني وعينك وصلها ذي في المكحله= يابخت من قد كسر عيدانها القبوله= وسار بالدرب لاشطحه ولامرجله= ولابيزعل ولاحد قط بيزعّله= |
| الساعة الآن 10:38 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir