|
اقتباس:
يالخامعي بعد مابينت مستورك=بانت نواياك ذي ف الصدر مكنونه ماهمّك الا الذي يدخل في امصورك=الله ليرد ابوها افكار ملعونه لقمه كبيره توقف وسط حنجورك=تكشف الاعيبكم واللي تخبوّنه الشعب ماهو على علمك ومخبورك=ماشي معك علم من شكله ومن لونه |
اقتباس:
ليهو ضعيف النظر ناوله ناظورك = وسهيل ما له أمل قد خابت إظنونه له طبع حجري أبد ما هو من إزقورك = وإنت من شبو لي بالحُسن مزيونه |
اقتباس:
سرياملكنا بميلك داخل ابحورك = واليسر والخير والارزاق بخنونه سر باالسلامه وربك يكفح اضرورك = ويصد عنك بلأ احزاب مفتونه فروا بلندن وحد داخل نيويورك = وحد في النيل والاّ خررحل بونه ولم يزالون باالدولار واليورك = اخلاق فوضى وتمزيقك يرومونه لن يستطيعوا عمل عاحسب مقدورك = وحاسب اذنابهم في مايلقونه مرسوم ملكي صدر ياسهيل بحضورك = وعقاب وحساب في كل ماتسوونه سيدي امرك تلقيته ومنشورك = وتحرياتي الى المدعوا يضبطونه انته ملكنا ونحنا ندفع اشرورك = جندك وطاعتك باالاسلام مصيونه |
فصل جديد
كل شي عرفناه ولذي ماعرف يعرف=من بعد ذلحين با كل العرب تعرف كلين يدلي بمنظوره وقد عرفه= حلوا قضية بلدكم إعملوا معروف البحر مايشترب لاشفت حد يغرف= قف واستقل قبل ماتدلي ولاتغرف وان غرك ابليس منه خذت لك غرفه=لعد تزيد على ذي قد معك مغروف |
اقتباس:
واحد يوفر وواحد ف البقش يصرف=ونته كماهم توفر ساعه وتصرف مسكين من مالقي حرفه ولا صرفه=مابا يضوي لزوم القدر والمصروف ون شافهم عمروا عالبوري ايظرّف=ونّته معي وقت بتعمّر وبتظرّف كلن-- بعّلته يارجّال 00وبظرفه=بايجبره يوم يخلي ذي في المظروف من بايغالط بكل حاجه وبيحرّف=الناس مثله تبا تغالط وبتحرّف ماعذر يخلق لهم مهنه مع حرفه=ويزيد ف السطر والكلمه ثنين احروف |
اقتباس:
مرحيب مرحيب كلام ياابو السريات جزل استمتع للحبك والربط والجزاله 2) لا عباره ولا مؤاخذه في السابق عاسبيل البسط وكلام يجي بدون طرب بعض احيان ولكن وقت الجد جد .... استمر سأبقى للاستمتاع لا للمشاركه مع جزيل الشكر والتقدير |
في انتظار ابو شاكر لئن الفصل فصله ونجم سهيل وفى وكمل بزياده نترك المجال لشاعرنا ابو شاكر |
اقتباس:
لانك انت المعلم والملهم مرحيب يالخمعي مرحيب ومشكور على الشهاده وهي وسام على صدري يالغالي |
اقتباس:
نا بانغني إذا حد قام بايدرف=وان شئ درافه معك من صدق باتدرف لاتسكر الباب في وجهي من الدرفه=بانغب بصوتي معك عاحنّة المدروف |
اقتباس:
|
اقتباس:
سهيل مسؤل عالدله وبيصرف = روعك بدريالمغني شل لحم الروف باب الملك بقفله بالقفل والزرفه = ليث الخطم ليث دائم يحفظ المعروف |
اقتباس:
|
وينك ياليث الخطم وينك مشتاقين لمطاييبك هت فصل من فصولك الزينه يابن الاجواد |
فصل جديد
اخبار متضاربه ياالشارع المصري = في ليبيا حول درنه هي ومصراته وين المجوره ووين الجيش والنصره = وفيين احفاد ناصر ... ايش فيهم صار |
اعذروني عن مواكبتكم لا انشغالي |
اقتباس:
دوّر على الانسي ياخوك والعصري=واشبي في الحيد شف نوفه وعصراته ون كان جاك الوجع ف البطن والعصره=يابو الجويد نشد عاوارد العصار عامد بقصرك ونا عامد علا قصري=خل ذي يزن لاكثر هرجه وقصراته احسب حسابك وشف طوله كما قصره=واحسب حساب الغلط لطوالها وقصار صاحبك ياعم حسن مبعد عرف قدري=ونا اعرفه زين واعرف كل قدراته ونته رجل شهم كلن قد عرف قدره=عند العرب لك معزه زود عامقدار |
اقتباس:
عالصوت ذا ياصليب الراس بانسري=ذكّرتني وقت عشناها مسرّاته وايام عدّت في الدوفه معا نسره= خليتني نذكر الماضي لذيهو سار من بعد ناصر وصلهم ولد بن عبري=والشعب منه يجر بالويل عبراته كمّين كهله تجر عبره ورا عبره=واطفال رضّع تشوف الذل هو والعار |
اقتباس:
موجود يا بن مُحمد وإذا هدت بنجيك أنا وبو فيصل وبنزم عليك من خلف إنشاء الله |
اقتباس:
يابلمساري ترى هذا الزمن يجري=والكون داير كما دارت مجرّاته وان حد تغطرس لزوم الوقت بيجرّه=والله يعينه على الزقله وعالجرجار وان ذي يزن قد وقعلك شخص جم عثري=قدنا ولفنا ونحمل دوب عثراته كمّين عثره سرطناها ورا عثره=والناس ملّو كثير الصبر على التعثّار |
[QUOTE=حسن محمد سالم باقديم;601830]
فصل جديد
اخبار متضاربه ياالشارع المصري = في ليبيا حول درنه هي ومصراته [/QUOTEوين المجوره ووين الجيش والنصره = وفيين احفاد ناصر ... ايش فيهم صار
مفتاح ما هو كما السلطان با هبري = مفتاح شفها غلط دائم قراراته دار المقدم بعُوره دار مشهوره = كُل من دخلها سلم من فتنة الأشرار |
اقتباس:
يابو السريات بن ناشر ومنتشري = ماشي تفاصيل رسميه بنشراته ولاخبر زين جاء في مقدم النشره = ماغير عاعلب ناشر .. حامل المنشار وتدخل الاجنبي بسفنه شي مزري = وان عاد يقتل ويقصف عاوزاراته يحمل كتابه وعاظهره يشل وزره = ماله مااّزر ... وظهره يحمل الاوزار |
اقتباس:
الجهل هدام لا يكتب ولا يقري = اغساق وظلام في داخل مقراته نطش بجهله وصاب العين والقره = ورجع يقاور .. ويخلط حلوها والقار وين الذي في الشدايد بايفك اسري = لا بار قرشه ولا ضاعت سواراته قولوا لعيبون ماشي منها سره = صابر وساير ... وكن الخين والاسرار |
لاحد يزايد على خيري وعابرّي =كل من عمل خير تشهد له مبراته من بروالده إبنه لازم إيبره = يابن الهدايه وقع في والدينك بار بردي عبر ذا السنه كله كماحرّي=كل من يحر لاجلس تبرد حراراته لمان يهدأوتبرد منّه الحره=بايعرف البلطجي من هو من الأحرار لما متى ياعرب درّس وباقرّي=ماوسي علق علي من كثر نقراته على الروابط نقر نقره قفى نقره=ننقر كما الصقربالخنتوب والمنقار |
اقتباس:
يامرحبابك ياالمسافر لا بلادك = والعايده في خير لا ارض الوطن
الله يغنمك السلامه ياالمسافر وتزور ارض الوالدين =
ياوادي الرحمن يعجبني برادك = ماشوف عندك اسمره ولا عدن
ياذي الى تفكرت في حيدك وقورك مادرابها تشرق منين=
|
للتعديل
يامرحبابك ياالمسافر لا بلادك = والعايده في خير لا ارض الوطن
نطلب من المولى يبلغنا لقاكم وتزور ارض الوالدين =
ياوادي الرحمن يعجبني برادك = ماشوف عندك اسمره ولا عدن
ياذي الى تفكرت في حيدك وقورك مادرابها تشرق منين=
..... |
اقتباس:
يابو الجويّد الله ايحقق مرادك =ويتم لك ماتشتهي ياعم حسن =وتشوف كل غالي وفيه اتقر عينك ويلتقون الغايبين يالخامعي ذلحين قم جهز شدادك=واشعف ذلولك يم عربانك تعن =بايبرد الخاطر وكل قلبن مولع والله يبطّل ف الونين |
اقتباس:
يابو السريه خذت ورثك من جدادك = وهم مصابيحك وضوك في اليمن =حقك ولك والزين مابايصدر الا منه وفاء وكلام زين = وان كان في الخطمان قد لافيت زادك = ساير سعيفك لا دواء راسك وحن =ياحجر عاباراس باقدم شكيه لا ماضوى حجر الحصين = |
اقتباس:
ساهر الى ذلحين مبعد نمت عادك=الظاهر الافكار قد شدن سرن =ياصاحب الباس الذي كلن شهد به بتخلي القاسي يلين ماقلت لي ايش الذي زعل رقادك=والعين ياصاحبي جافاها الوسن =هد اللعب يالخامعي واللي مقدّر مكتوب من فوق الجبين دعواك عا باراس من سبة عنادك=واللي معاند لازمن يدفع ثمن =رد القضاء دعواك مره والقضيّه ماخابوا المتصالحين |
اقتباس:
انته تبيت نيم وبلغته مرادك = وان قد فتر حدك طلعته عاالمسن
وانا قليل النوم لا ذكرت الخريبه وحلول عوره والقرين=
لا يا قلم غلق في العشقه مدادك = وعاد مولى عمد ماضوى لا يون
والمطل ماهو زين والعاشق محرق ولا غفت له كل عين=
|
اقتباس:
االيث بن جدك حسن لا جاك بيشاركك زادك = ليث الخطم في المضرب المشهور يكم قد قطن في الحالكيه با نصلكم يا حسن سعف الأسود الطامحين = لا قد وصلنا وإستعفنا ياحسن في شبو با تهنا رقادك = ماها نقي بالحفن نا نشربه ما نشرب بدن فيها المحبه والوفاء والناس ليهم صالحين = |
وين أهل الديوان ما لهم حس الليله |
اقتباس:
موجودين |
صباح الخير ياذي يزن من ارض السغيده وبكره واصلينكم بقعا تغلي حت الصومال يعسكرونهم
|
وين الفصل عجل هيا
|
اقتباس:
حياك من ارض اليمن الى ارض الحرمين والصومال يجندهم الرجال مرتزقه كما مرتزقة معمر |
اقتباس:
وين تقع أرض السغيده وأيش من رتبه عطوك ال////////////////////////////// قوم ذئ يزن لي تصبح عليه |
اقتباس:
ليتك فصلت بدل هيذه الخرطان ياهرة الخطم |
هذا الفصل يا أبان
يالسهل ذئ يزن بنحاصره في حدًه = والشعب مله لأنه حابس أنفاسه سيدك لي كان ما حد في البلد قدًه = منبوذ مثل الجذم وتفرقوا ناسه |
اقتباس:
تحت الأرض |
اقتباس:
من شرق للساحل الغربي وسط جده=الملك لّشر بيده نار قبّاسه ف العاصمه صوت له وتسمع الردّه=كتائبه ف الشوارع هي وحراسه والليث مسكين يده دوب عاخده=وذي يزن بايخلي الناس محتاسه ون مامعك علم بانكويك ع السرده=ولّا تعلم وخذ مرسم وكراسه |
| الساعة الآن 03:33 PM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir