يا بو حسن قلبي تقطع وانقسم=من لي يحبونك في اوقات السعه
لاماظهر صاحبك في الليل الظلم=لاتستمع قوله ولا تجلس معه

يامرحبا بالقول من شاعر نظم=حكم قوافيه وكلن يسمعه
شف صاحب العدي يحبونه امم=والجيد مايحبوه لو ماشي معه

ذي مامعه عدي يصيبه فقر دم= ويحس وسط الجوف مكوى يلذعه
ولي معه عدي تكبر وانتشم= ويحس بان المال هيبه ترفعه

كم من صحاب في وجوهم القسم = من دون دينار ولاشي منفعه
الناس بالناس ونت زايد نعم = العز قواريطه بخت من هو معه
طالب ولد نعمان لي له همم = جامع صفات التقدمه كلها معه
والرعد يدعي ياعسى راسه سلم = تاج المروه والعدو هو يخمعه

ذه البقش جابت لنا حوشة سقم = ممسوخة البركه ولافيها سعه
اليوم في اسهم وباكر في غنم = والراس يدوي على المكاسب يجمعه