ألفي صلاتي عالنبي عدنان =صلوا على الهادي نبي الكون
يابن سميدع ليش لك حنقان =والمال في أربعميه مرهون
وتقول لي تزوير والعربان =قدهم بها يدرون ويعلمون
ماشي مخفي كل شي قد بان=لابعضهم بالكذب يستادون
والصدق برياصاحبي وإحسان =هذه نصيحه كان ينتصحون
والخير والشر مفرق الوديان =مايلتقوا لابد يفترقون

ذلحين لك باشنف الفيجان =والاكلامك كان مش مسهون
لما توطى في عطوف الطان =ماباصبر عالقاصره والهون
زعلت من قولك بهم غضبان =كلمه لقوها والعرب يدورون
يوم التقو في ساحة الميدان =بلكنش واجهيمان والمرشون
فوق المعلاء بيت الدخان =ملقي سحابه شابهة لحصون
بالي حصل والي وقع او كان =في الذاكره ماظن به تنسون
وان حد مسوي دحقة العميان=الناس ضده غصب بي وقفون

قد كان بن دهري وبن حمدان =ماينجرون إلا خشب مدهون
لأجل الرضه ماتؤكل العودان =بعد المساسه بالطلاء يطلون
وعلى عملهم عبروا أزمان =والناس فيهم دايم يوصفون
حرفه وكل حرفه لها فنان =حتى الخشب حركات له وفنون
لمان جو للمنجره الخيبان =أبوابهم بعد السنه يخربون
وخرابهم في الحلق والطيبان =ماهو في الترباس والكالون