|
باغوزه يتنباء بكارثة سيول جديده
اعوذ بالله من الشيطان الرجيم
اللهم اجعله خير .. توف .. توف .. توف على اليسار . خلينى اتصل بأخوي جمال يمكن مايطلع حلم .. يمكن يطلع حقيقة .. ترن ترن .. ترن ترن .. ترن ترن الو .. الو من انته .؟ ( صوت ولد عمره تقريبا 9 سنوات ) انا صلاح من السعوديه وانته من؟ انا عبدالحافظ .. ( اللى اعرفه ان جمال اخوي ماعنده احد اولاد اسمهم عبدالحافظ ) عبدالحافظ من ؟ عبدالحافظ عمشوش . آآه ... الظاهر النمره غلط .. طيب يا عمشوش مع السلامه صبر .. صبر انته فى السعوديه ؟ ايوه فى السعوديه ليه تتخبر ؟ الا بغيتك ترسل لى قرمه عليها صورة ميس وشنطه حق المدرسه زينه وكنادر ( جزمات ) حق كره . اوووه . ذحين غلطان فى النمره وقدك تطلب . كيف ذا لو الا اعرفك ... طيب طيب برسلهن لك مع الجوهي عارضه فى بن عيفان من صدق ؟؟؟ افا كيه من صدق ؟ وانا بداء كذبت عليك .. سرح ذالحين لبن عيفان وقعد هناك لما يجي الجوهي راعي العفش . صكرت الخط خلينى اتاكد من النمره لعاد ندق فى واحد بغاء فيزه . ترن ترن .. ترن ترن .. الو .. ياهلا ومرحبا.. الله يحييك يابو مراد . شفنا سكتت فى الاول عشان اتاكد انه انت والا بصكر ايش اخبارك والله الحمد لله .. يااخى ما انا حلمت حلم يابو مراد يفزع . خير اللهم اجعله خير حلمت ياخوي انه طوفان جاء مره ثانيه لكن اللى استغربه فى الحلم انه جاي بالعكس من حدره . وجاب النخل لى سقطن وجاب الناس لى ماتو والديار اللى طاحن كل شوي تقوم لوحدها واتخيل الموضوع كأنى اشوف فلم يعاد من آخره . جمال : الا خاف بايعوضونها . صلاح : ماادري ياخوي هو تعويض والا نكبه جديده لاقدر الله . المهم اليومين هذه خلك مترفع فوق حتى ماشي سحاب والدنياء شمس لاتجازف جمال : لاتخاف الدنياء شمس والشاره نقوه ولا قطبة سحابة صلاح : والله لا تأمن ياخوي . وانتهت المكالمة .. ورجعت انام لان باقى على العمل ساعتين . ويرجع نفس الحلم ( تكمله ) ذالحين هوذا حلم والا مسلسل تركي . وافز من النوم واتصل بجمال .. الو جمال ايوه صلاح ايش فيك يااخى شغبتنا ؟ يااخى انته متاكد انه ماشي طوفان عندكم ؟ جمال : ايوه يااخى بقعة شمس والسماء صحو ومن صاعد؟ ومن صاعد كلها بقعة صحو وغبار غبار ؟؟؟؟؟؟؟؟؟ ايوه غبار وعج وطين ايوه.............. اكيد ورى الغبار شي . سمع ياجمال ذالحين تنقف انته وعيالك وعبر على جدتك شلها من البلاد ولاتقعد دقيقة واحده وسمع شور اخوك وشفنا برجع بانام ان شفتك فى الحلم انك عادك ماتحركت شفنا لا اعرفك ولاتعرفنا .. سمعت ؟؟؟ ياصلاح استهدى بالله وتعوذ من الشيطان شيطان فى كورك انته .. انا شيطان فى كوري ؟؟؟؟ طيب ياصلاح ( وصكر الخط فى وجهي ) صلاح : ترن ترن .. ترن ترن .. ترن ترن .. ترن ترن . مايرد احاول مره ثانيه : ترن ترن ترن ترن جمال ذالحين ايش معاك من صباح الله خير صلاح : ليش ياقليل الادب تصكر فى وجهى ؟ جمال : من كلامك اللى ماله داعى صلاح : اسمع ياجمال : احترم نفسك والصارون اللى ارسلته لك للعيد عطه عبداللاه اخوي والفلوس لى رسلتها لك قبل يومين عطها عمتي ولعاد اشوفك تتصل بي جمال : وانا ان اتصلت بك مره ثانيه تفل فى وجهي صلاح : عادك الا تقول كذا ؟؟؟ هي ماشي فيزه لولدك ودحق على رقبتى ان رسلتها جمال : يصكر فى وجهي مره ثانيه .. ( نتصل به والا نتركه .. ) تعقيبكم انتم والله رفع ظغطي .. |
|
عندي لك تفسير لحلمك يا باغوزه؛؛؛
باتفجّر ابار بترول وغاز في صحراء حضرموت بكميات كبيره وبا يمدوا القصاب عبر الوادي تعبر شبام غير قل لجمال خوك يمد له قصبه للغاز وقصبة للبترول ويلقي له عداد من شان مايصرف جم يقتصد وانته سق له سيارة همر واخرى f j لبنه من شان الشرده لو وقع حريق؛؛؛؛؛ |
حلمك بسيط تفسيره ياباغوزه
هو انك باتتزوج على وحده سوووداء وسمييينه وطوييييله واخوك بايعارضك على هذا الزواج .... بس خلاص |
السلام عليكم ورحمة الله وبركاته
اولا اتصل ذا ضروري (صلة رحم) ثانيا الحلم ذا حقيقه قلي ليه ؟؟؟ آآآآآآههها لان صندوق الاعمار هذه الايام بدا يعمر لانه طلب وثائق البيوت التي اخذها السيل ؟؟؟؟؟؟؟؟؟؟؟؟؟ منين بتجي تلك الوثائق معناه لازم يرجع الزمن الى الوراء لياخذوا وثائقهم ثم ياتي السيل ياخذ بيتوهم بس الوثائق معهم والا .......................................... هذا حلمك ياحلييييييييييييييييم السيل من حدره |
حلمك لعبدالحافظ هذا معناة انة بيجيك ولد وبيطلع متشرط يعني عمل حسابك قبل لاينولد تشيك ع المسلسلات التركية عشان تشوف
الجديد وتشترية لة:D امزح معاك اللهم خيرا راْيت شرا كفيت لاتشيل هم ولايرتفع ضغطك ياخوي مايصير الاالمقدر والمكتوب ارجع واتصل باْخوك انت من خوفك علية بهتة وماكان مستوعب كلامك عشان كذاانفعل:) واذا كان هذا حلم بالفعل انصحك ياخوى لاتخبر بة احد لان الحلم يكون ع جناح طير ان فسر وقع:) وبالمرة ارسل القرمة حق لميس لحافظ :D من حظك ابوة "عمشوش" طلع عضو بالسقيفة :) تحياتى |
ههههههههههههههه
ذلحين با أطبع الصفحه وبا رويها الجوهي با يفرح منك دعاااااااااااااااايه بالمجان وفي سقيفة الشبامي الشبامية ميسي الأرجنتيني اللاعب وليس لميس التركية الممثلة عيال المكلا لعيبة كرة ( وا دا ) ههههههههههه وعسى خير يا باغوزة حلم العقال مشكله ههههههههههههه |
[QUOTE=عمشوش بن قمشوش;412255]بو عبدالحافظ بن عمشوش جاب لكالحل
كل الشكر لك عزيزي عمشوش بن قمشوش ابو عبدالحافظ بن عمشوش لمرورك الكريم من هنا . وياخير حل . بس تخبر على الولد عاده قاعد في بن عيفان والا رجع . الجوهي فى الطريق . تحياتى لك |
اقتباس:
ذكرتنى بصاحبي تخبرته شي شوي عسل زين عندك فى الوسل يابو رياض ؟ قال لى ربك يحبك . امس جانا تانكي عسل من الكبار بس مادخل فى الاصنصير سلكت له مواصير للدور 17 وماطور دفع قوي ومن امس عاد ماشي ظهر عسل فى الشقة واذا ظهر بااعطيك تليفون تجي بتنكتك . مرورك اسعدنى وبارك الله فيك تحياتى |
اقتباس:
وثانيا : سوداء وسمينه وطويله ؟؟ هذه مواصفات دولاب درفتين .ومسألة ان اخوي يعارضني اشك فيها لكن خلي الليله تعدي على خير انا حتى نوم الظهر مانمت عشان ما احلم شي . لكن بكره ارد لك الخبر تحياتى لك واسعدنى مرورك الكريم |
| الساعة الآن 08:36 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir