مجالس اليوم بس جَمعه ، بدون إي كلام= كلن يسولف مع ربعه في ( الآيفون)
و(بلاك بيري) بعـد0 بـلـوى: رفـاقـه صـيام = مْن السوالف / تراهم بس يتبسمون
كلن يناظر فـ جوالـه وفي صمت تام = وماغـير يـنـطر مسج الأخـر ويـتـراسـلون
حسبي على العولمه ماهيب نــورٍ : ظلام! = دامس0ومدري أهَلَهْا ويش منا يبـون
وين القـدر للمجالس 0ذاك والآحــتـرام = قرمٍ يسولف وباقي القـوم له ينـصتـون
عز الله انْ من زعل منهم فهو مايلام = ياهل التـقاليـد والعادات هل تـسمعـون
علام وشْ في شباب العـصـر هـذا علام = من هالثقافه أبسأل ويش هم يرتجون
جهاز جوال أو حاسوب، مايك ، وكام = يمشي ويهرف كان به مس مدري جنـون
واحيان موظات قـد توصل لحد الحرام = مثل الذي هم باهل الغـرب يتـشبّهون
لاشاف فنان كافر 0بـه تأثـر وهام = هـذا مسوي كــدش وآخر مسوي قـرون
افـساد ذوقٍ مع فوضه وقـل إحتشام = يامانراهم في الأسواق يتـسكعون
ماني مِعِمم لان الأكــثـريه كـرام = وأبناء كرامٍ وعن هذا العمل يكرمون
لكن اذا راح ندفن رؤسنا كالنـعام = تخيلوا ويش ممكن عقـب هذا يكون
يمكن يظنون هاللي يفعلونه تمام = وفي غيبة النقد نخسرهم وهم يخسرون
رسالة الشعر تدعو لإحترام النـظام = وتــْوِعي المجتمع وتكون للكل عون
من أجل يحيا الجميع بخير وامن وسلام = والله ينفع بها دايم 0 ولي تسلمون
والختم صلوا على المختار خـيرالأنام = اللي الخلايق بهد يه دايما يقـتدون