نويت اتصد وتفارق ونادى صوتي المبحوح=حسبت اني اذا ناديت كلمة عود تسمعها
جرحت القلب وادميته وضاعفت الجروح اجروح = مشاعر عشقنا العذري بغدرك كيف تخدعها
وليتك جيت واستاذنت يوم انك عزمت اتروح =تقول اني مفارقلك وارضك تبت مرجعها
وانا عندي امل شوفك ويدك من بعيد اتلوح = قبل متروح وتفارق جراس البعد تقرعها
ولو ناديت سامحني انا باقول لك مسموح = وطبع العشق ماهو غصب او صنعه نصنّعها
انا من قد بنا لك فلحشا داخلل فلل وصروح = خيوط الوصل متوقعت بيجي يوم تقطعها
لانك كنت في عيني حمامه من حمام الدوح = برااه صورتك عندي بغدرك صرت تطبعها
انا من بحت لك بالسر ماظنيت به بتبوح = وصكرت المسامع للعواذل لجل مسمعها
انا من عاملك بالود من شانك رخصت الروح = نسيت اني على شانك قمم واجبال نطلعها
نسيت اني معك صادق وانا من عاملك بوضوح = ونفسي لوعصتني يوم دور عذر واقنعها
فضحك الله يالخاين وربك يفضح المفضوح = وانا مبغاك تتراجع حساباتك تراجعها
لان الغدر قد له رائحه منك تبن وتفوح = ورجلي قصها من قبل ملشقعه لك اشقعها
انا ياما ترجيتك نصحتك مانفع منصوح = عوايد فيك ماتعجب وليتك كنت تقلعها
انا مبغاك تتعذر تجي في يوم لي وتنوح = لانك والقدم قد خالفت عن حد موضعها
بعد ذا اليوم لتقارب تقفل بابي المفتوح = وناري لاهدت ارجوك لاترجع تولعها
وقلبي قد هوى غيرك ومنه خاطري مشروح = تملك مملكة قلبي وسيطر عاشوارعها

المشاركة الأصلية كتبت بواسطة يسلم باكتيفه العكبري (المشاركة 423953) جرحت القلب وادميته وضاعفت الجروح اجروح = مشاعر عشقنا العذري بغدرك كيف تخدعها

المشاركة الأصلية كتبت بواسطة الواقعي (المشاركة 423966) ابداع يا با كتيفه اسجل اعجابي بهذا النص الرائع يسعدني ويسرني ان اتعرف اليك من خلال هذه القصيده الرائعه من اليوم سوف اكون من المتابعين لما كتبت وما ستكتب في المستقبل انت شاعر جدير بالمتابعه تقبل مروري باعجاب.... الواقعي

المشاركة الأصلية كتبت بواسطة عبدالله الجعيدي (المشاركة 424212) روعة اخوي يسلم تسلم على هذا الابداع والتألق اتمنى لك التوفيق والاستمرارية تحياتي