هلا ومرحب وياسهلا بشهرنشتاق له كل عام = بشهر(ن)انزل القران به واهدى به الاخيار
ينور دربنا بنوره ويبعد عننا الاسقام = ويشفينا من امراض(ن) تصيب الجسم بالاخطار
يمتعنا بلمة اهل ويجمعنا على الاسلام = يحسسنا بكل جائع فقير وبائس ومحتار
فصوموا ياعباد الله واعطوا البائس الصوام = وجودوا الخير تلقونه كثيراًً مثلما الامطار
ولايقطع احد منكم على المحتاج والارحام = كريم الجود من يعطي عطيه مالها مقدار
وقوموا في صلاة الليل وادعوا خالق الاعلام = بتوبة ربي ينجينا عذاب القبرمِن النار
وكفوا واتركوا الشهوات في دنيا حلوها سمام = وقوموا لخالق الافلاك بذكر الله بالاسحار
ياحظه من يصوم الشهر بلا سهرة ولا افلام = يقوم الليل يقرا له تلاوه تخشع الابصار
ياويله من يضيع صومه وكل اوقاته في منام = واذا حل الغروب يبغى يقلب له على الاقمار
يدور له على فلم(ن) يمشي وقته لما ينام = ويصحى كالذي ملطوم يدور له على اعذار
هو شهر(ن) به الخيرات ياحظ اللي لها يغنام = يقوم الليل في نصفه يصلي ويذكر الاذكار
به ليله تساوي الدهر تساوي من شهور واعوام = ياحظ اللي ينول القدر ويكثر فيها استغفار
يحظى بجنة(ن) فيها من الخيرات والانعام = ويحظى بمرتبة فائز بقول الله في الابرار
وصلوا على النبي تعداد من صلى ومن قد صام = وتعداد الحجيج اللي تطوف البيت والزوار