|
بغيت الصدق ولا ود عمَه
((وطن يرقيك لاقبصتك عمَه ******** بغيت الصدق ولا ود عمَه))
هذه القصيدة لأستاذي:سعيد سالم بن غوث ،وعليها بنيت هذه الأبيات الركيكة وفي الأحزاب بلد محد كماها ******** تعب واحد لما يوم حصاها خذت عدات منُه فوق عدة ******** بغيت الصدق ولا ود عمَه ووحدة شعبنا صارت قوية ******** اذا هوكذب تخبر بن عطية ومن الفول شعبي زاد دمَه ******** بغيت الصدق ولا ود عمَه فواكهنا من لبنان طازج ******** والتبريد عندي ما يخارج فرش نأكله آه يابوي منَه ******** بغيت الصدق ولا ود عمَه والطيران معانا اسطول كامل ******** بيوصَلك لجميع المحافل سعر رمزي ماشي أقل منه ******** بغيت الصدق ولا ود عمَه ولا داعي الى الخارج تعالج ******** مراكزنا بالليزر تعالج والتقرير غض الطرف عنه ******** بغيت الصدق ولا ود عمَه وبلدية كل ساعة تنظف ******** دبل راتب لمن فيها توظف شوارعنا ولا برلين قمَة ******** بغيت الصدق ولا ود عمَه وفي التعليم همَه يامعلم ******** مناهجنا تعب فيها المعلم ولا تسمع للطلاب همة ******** بغيت الصدق ولا ود عمَه وكل طالب معه آيفون خمسة ******** ولا يلهى لجدول ضرب خمسة وكل موهوب يتفنن في فنه ******** بغيت الصدق ولا ود عمَه وبالتلفون مجان اتصالي ******** وبالأقمار راسا اتصالي ضغط سبعة بايعطيك رنة ******** بغيت الصدق ولا ود عمَه وما قصرت معنا يالعقاري ******** وثيقة جاهزة لمَان داري هدية منهم أيضا ومنَه ******** بغيت الصدق ولا ود عمَه وسقفي اليوم صبَة دور ثاني ******** حديدي اليوم سعره في تدا ني علاوة شهر هي تشطيب فلَة ******** بغيت الصدق ولا ود عمَه |
صح لسان قايلها
وبغيت الصدق والا ولد عمه اخوي الصبر تراني صدقت القصيدة ، وبحجز على اول طيارة :D ههههـ يعطيك الف عافية وتحياتي لك .. |
اقتباس:
زيونه بما انك فهمتيها ترجميها لي ولا هو لفت نظرهههههههههههه هههههه هههههههه |
شكر لأخوتي
شكرا لمروركم الطيب لقد أثلجتم صدري. أحسنتم ’ولا تنسوا تحجزولي تذكرة معكم هههههههههههه
|
اقتباس:
تشبه ( اعور وشارف في الخلفة ) :tongue: بس التذكرة لحضرموت مو لماليزيا :FRlol: |
اقتباس:
يعني كذا صارت 3 تذاكر ههههـ راجعوا مكتب الشبامي يمكن يصرفها لكم :D |
| الساعة الآن 08:58 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir