بنت الزناتي.. بدع وجواب سالم احمد بلخير باخضره والشاعر حسن بن مدوخ ابورامي
 

اسرجت بالفكر السياسي جوادي
وادعيت بن مدوخ واسرج جوادين ..

بدع وجواب .. سالم احمد بلخير باخضره
والشاعر القدير .. حسن بن مدوخ ابورامي

1 -
بنت الزناتي ..
سالم احمد بلخير باخضره
ذا فصل .. يحداني باالاقوال حادي
اذكر عرب . بدوان مابين حيدين
هل عاد حد منهم والا معاد حد
والا اظعنوا وخلوا الشعب والحيد

العشق يسقي لافرض كل وادي
وحد يشل نقدي وحد يشل دين
فاالعشق يسري ياحسن كل من ود
سابق معي الليل لاتقمس ارويد

باالصوت شؤق والحبايب بعادي
البارح اشكي بعد واليوم بعدين
لا قلت وانه قارب الشؤف ابعد
بنت الزناتي عشقها برقه ابعيد

جردان واهله ساكني في فؤادي
واهل الشراقي واهل وادي عمقين
واجواد من معبر واجواد من عمد
وجم عرب خيامهم داخله ميد

اسرجت بالفكر السياسي جوادي
وادعيت بن مدوخ واسرج جوادين
معزته بنيان سوس لها الجد
بنجوم جوده ينطرح ماطره جيد

ياليل بامواج السهر وين غادي
حيرتني ركب الهوى وين غادين
سنيين توعدني من الغد للغد
لما عبر عمري مساهن لقاء الغيد ..
16. No. 2019
اللهم صل وسلم وبارك على سيدنا وحبيبنا محمد
وعلى آله وصحبه أجمعين

2 -
بنت الزناتي ..
الشاعر القدير
حسن بن مدوخ ابورامي
يامرحبا .. بمن علينا ينادي
ياهاجسي واجبك لب المنادين
ومزج تراحيبك مع المسك والند
ترحيب يملا الشرق والغرب والنيد

العشق. ألوانه .ملون وعادي
من حب لايسمع كلام المعادين
من شان محبوبه يعد الكلم عد
وان قابله في يوم بايحسبه عيد

بنت الزناتي من عشقها يفادي
بالروح يفديها مثيل المفادين
اما خسر من شانها او تفود
كم فاالهوى خسروا وكمن معه فيد

ولاذكرت العول ذي هو رمادي
لون الرماد ايبن وانه رمادين
باجيب لك ذي هو دواء الطرف لرمد
من تحت خشم العين ولا من ارميد

لو عاد حد على القيم والمبادي
بيحافظوا يسقونها عبر بدين
انكين عاد الهيج بالحلي بيبد
ويتمي المحجور مابايقع بيد

لكن بعض الناس كالطير شادي
وان لزته دنياه راكب لشدين
ريته على موقفه ويشدها شد
يطلع امام الناس صليب وشديد ..
17.11.2919
اللهم صل وسلم وبارك على سيدنا وحبيبنا محمد
وعلى آله وصحبه أجمعين

طبتم وطابت اوقاتكم .