بلــــــــــد عمّــــــــــوري
بلــــــــــد عمّــــــــــوري
قَدَر مكتوب يا الأحقاف دايم ما يُذُكْرونش=برغم إنّش أساس العِلم والثّروه وساس الجود مليك الشّعْر إمْرُ القيس ضمّيتيه في جفونش=وجاء عندل وجاء دمّون في إسفوح الجبال السّود ومتنبّي القوفي بن حسن حِذْرِش يَغِبْنونش=يقولوا إنّه عراقي أو أثر في نجد له موجود وبن خلدون لونه يا بلاد القَبْوَلِه لونش=وياما كَلْ قرينيّه ... شبِع من لحمها المقدود وذي دوّخ بأمريكا تربّى بُوْه في دجونش=وبالباطل يردّونه تَبَع ذي يَزْن والإخدود وكم تاجر ترعرع في ربوع إقْراش وِقْطونش=معه ذي ما معا قارون في إيدِه ... ذهب وِنْقود ولكن ما لهم تأثير ... مَسْرَع توّ ينسونش=وذي في الهند قَع هندي وذي هو في قطر مقيود بهم أعراض (( ما سيبي )) حَجَتْهم دوب من دونش=وخلّت كل مِنْهم بعد حاله منشغل مقرود وجاء ذا اليوم عمّوري ... إماراتي؟ نسي ديونش!=كأنّه عا جلود الضب متربّي وعا المفرود نسي حِجْف الخمير ... الله يكرم فيش وِيْصونش=مصبّغ في قدح روبه ... ويمسي عا الوقا مبرود نسي شُعْبِة عمر في عَمْد ... يا حسرتش وِحْزونش=ولا هو لوّلي ذي قد تنكّر يا بلد لِجدود ويا الشُعبَه على رغم الهويّه سِرْي عا هونش=لأن أخوان عمّوري في التّرحيل شِبْه إطرود يمين الله يا الأعراب أبد ما بايكِرْمونش=ولا حد مِنّهم مخلص ولا حد ينقد المنقود إذا مدّوا لش الفضلات ... لا تظنّي يحبّونش=ولا يسهل عليهم لا وربّي لو يمُدّوا عود سوى ألاّ المكر ديدنهم وذر إرماد في عيونش=بغوا لش كل مصيبه قاضيه من حجْر لُمّا هود ويعجِب هرجهم عنّش ... وظُن بالرّوح يفدونش=واشوف أفعالهم عيفه وبيّت مِنّها مكبود جميعًا كلّهم يا زَينَتي قد خيّبوا ظنونش=ولا حد يرتجي من بارَكَب تطبيب للمارود صراحه شي بني عمّش يَكَرْهونش ويشنونش=بدل عمّور جابوا بُورَمي بوذي وسيخ إهنود مصيبه يا العزيزه يوم جيرانش يطِنْشونش=وذا مكتوب من ربِّش ... ولَيدِش عندهم مطرود قَدَر مكتوب يا جعيمه ... هل الماء ما يطرّونش=ولو سيلش وصل لُمّا صحاري الرُّبْع بعد إثمود تَبِيْن العذر؟ شي عذرش معش! من بايلومونش؟=لأن الخُوْ أكذب من أبو التّقيِه ومولى أسدود تعيشي يا بلد عمّور في مغناش وِلْحونش=وفي ثقافتش وِتْراثش برغم الحاسد المنكود وفي قلبي وفي عقلي أنا المُضنى ومضنونش=أنا العاشق ... أنا الولهان بش لا يا ذهب منضود ولازم با يجي لش يوم واهل الــ (( سَمْ )) يَعِذْرونش=وبا يتندّم الظالم وكل جاير وكل نمرود بطى ذا الوقت أو أسرع عليش إتشمّري ردونش=وحقّش با يجي مهما عرب طمسوه بالبارود وإذا ألاّ المسأله بهتان جم شجعان يحمونش=حديدي بايفل لِحْديد... وِزْنودي تصُد إزنود عشانش با نسيّل دم من هم بايذلّونش=وبعد اليوم ما نخشى سوى ألاّ الواحد المعبود كفايه صبر عا لِرْعاع ذي كل يوم يأذونش=ويا الطّارف ترفّع قبل تصبح في كفن ملحود صلاتي عا النّبي ... بجاهه يكون الله في عونش=إلُمّا البعث والمحشر وذاك اليوم ذي موعود |
اقتباس:
كللللللللللللللللللللللللللللللللللللللللللللللللل لللللللللللللللللللللللللللللللللللللللللللللللللم كللللللللللللللللللللللللللللللللللللللللللللللللل لللللللللللللللللللللللللللللللللللللللللللللللللم كلام غويط يالمخشني ظاهر فيه الوفاء من قائله . والعتب على أهل الدار والجيران . عسى الله يستر يا بو صالح تفال بالخير تجده إن شاء الله . تقبل مروري وجُل تقديري لشخصك الكريم . |
اقتباس:
صراحه قصيده لا بعدها ولا قبلها ولك عادات في الزين يا بوصالح؛؛؛؛؛ |
مالها الا التثبيت يابوصالح ولنا عوده ان احيانا الباري
|
قصيدة من عمق التاريخ ومن أعماق الفؤاد تخاطب أعماق الظرف
لله درّك يا أبا صالح |
اقتباس:
|
اقتباس:
( فعل وغيرك يخبّر ) حضرموت في الميزان
|
اقتباس:
يقال أن المعاناة تصنع الرجال |
لاحظ المفردات التي أتت عفوا من عمق جريح: يُذُكْرونـش ـ جفونـش ـ حِـذْرِش يَغِبْنونـش ـ ينسونـش ـ وِحْزونش ـ يَكَرْهونـش ويشنونـش ـ يطِنْشونـش ـ بايذلّـونـش ـ يأذونـش يكون الله في عونـش لوتأملنا في معاني المفردات ودلالاتها ، فما يسعنا إلا أن توجّه إلى العلي القدير ونقول كما قال ابو صالح:يكون الله في عونـش |
اقتباس:
أبدعت يا جد محمد في هذه الدره . وحفرت ونقبت في التاريخ يا بن عمرو . وقمة الإبداع تمثلت في قافية صدر الأبيات حيث ربطها بكلمه حضرميه تراثيه دارجه تستخدم لمخاطبة الأنثى عند الحضارم . وأنت وظفتها ببراعه فائقه في هذه الدره الرائعه . تقبل مروري يا جد محمد . |
الساعة الآن 06:47 PM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir