قال الذي هام في بحر الهوى= يا اهل الهوى داركونا قبل موت
الهجر لطــام عندي استوى = البر والبحــر فــك الجــالبــوت
هل من دوى عندكم هل من دوى= ايش البصر يالمشاكيل الثبوت
هجران محبوب قلبي والنوى= خلاّ عظــامي في الدنيا ربــوت
مسكين من هو على القلب اكتوى= يطوي الفيافي البعيده والخبوت
من حــر نار المحبه والجوى= لي ما صفي له ولا طرب له قوت
يتبع قفاهم سوى والا غــوى = ولعاد با نحسب الفايت يفـــوت
في عشقة البيض لي سر انطوى= منسوج في القلب نسج العنكبوت
اصل السبب ليلة الجمعه ضوى= هيّا ارقلي ياجبال الرازبوت
حرك على العود واضربه سوى= ياصاحب العود قدها بالبخوت
داوي في الراس له مجرى دوى= ماشي مثيل اللطافه والسكوت
عذب اللما هاش عقلي والتوى= عن مشهدي في مقاصير البيوت
ابلج مفلج ازج ادعج حوى= بالحسن عهدي بهم لما اموت
من حيث ما قد سرح وإلا ضوى= الليل يااهل الميازر والهروت
قف حسبك الله شف ما ذا سوى= ياكامل الوصف دولة حضرموت
خذنا بقادي معك ماهو غوى= ما انساك لا والنبي طول الوقوت
العشق خامر فوادي والهوى= ما زج عظامي وخلاها ربوت
خذها نصيحه اذا بغيت الدوى= الكنز تحت الخبايا في البيوت
ياعاشق البيض شف ما هذا سوى= ولا استوين الربابي والسنوت
في خير بانجتمع تحت اللوى= خايل بهم في صلاتي والقنوت
واختمت بالمصطفى ذكره دوى= والآل نعم المشاكيل الثبوت

قال محسن لقيت ناقش جبينة وشامة=يوم شفتة كما صيني مقرطس من الصين
يوم شفتة وقابلتة هنيت السلامة=صك بابه ونا عا الباب بتقول مسكين
ريتني قمري انا يا ريت خلي حمامة =باطرح العش ما بين الخلف والرواشين
باسرق الكحل من عينه وهو في منامه=سبولة الهند ماتشبه سبول المراكين
ياضنيني غفر ذنبك نهار القيامة=يدخلك جنة الفردوس قبل المحبين
ان تبا مال باعطي لك خطور السلامة=وان تبا فلس باسلم ثلاثة ملايين
وان تبا جيزة السيد كبير العمامة =خير من سر وخير من سواقي عماقين
يوم قفوا صحاب الشام كلين شامه =قطعوا قلب بلشراف من غير سكين
سافرو سافروا ودعوا لنا بالسلامة=وضربوا الشوف لاشفتوا جزيرة مقاطين

قال يسلم بن علي وزعت قلبي عالمحبين=

قال المقعنى في الداجي فقد رشده = قاسى شدايد وغيظه بالحمق مكظوم
لاعتم الليل بوراضي يجر قهده = ساعه تقلب على جنبي وساعه قوم
يالله عسا اللطف لي من واسع المده = ضني ومشكاي لك ياحي ياقيوم
ذبتني اشواق من ذي قد فرق خده = وفي جبينه كتاب الفارسي مرسوم
اهيف ترف له شرف مايختلف وعده= والغره الباهي مثل القمر مقسوم
وتقول كفلت شبك لاقد نسع جعده= يغذاه بلمسك والعطر الشذي المشموم
واعيان حور الحدق تقتل بلا هده= كل من نظر لمحت اعيانه ضوى مغروم
والخشم منصوب كأنه سيف في غمده= والعذب بين الثنايا يشفي المسقوم
وكعوب حفّل كما الرمان في وهده= والصدر ميدان للظمّر تجي زمزوم
والبطن طاقه حرير اخضر من الكده=اصلي من العال جاء من مصر وارض الروم
والخصر كأنه لبو يدرج على الجده= وتقول ثعبان ذي هو بل حمه مسموم
والعجز مركب منول لاقدا جده = خاض القلازم وبحر الهند والفيوم
في خنه الخمر يسكر من بلغ عنده=افيون مفنون فيه الطب للمحموم
سيقان فيها الهلب شده قفاء شده = واقدام لاديعوا وداي ضوى مرحوم
ياهركلي يارضي ياخيل في قنده =يافايق الغيد ياخرعوب يامهضوم
سالك بخير الوراء عبدك يصل قصده=عالباب واقف ولا هو في الهوى مليوم
القصد قصده ولا بايختلف وعده = مازال عاد النسم يجري في الحلقوم
انه يباء مال بالعطيه لايده=بعطيه جاوه ومسقط والحبش والروم
وارض الاروبه وباريس الذي سده =واراض مدراس ذي فيها خزين القوم
والصين والشين والبصره مع صعده =والهند والسند هو والشحر ذي محكوم
والفين مهره تربت داخل البصره =والفين بكره عندي في العدد ملزوم
والفين ميزر جرامل ذي لها رده = والفين ميزر جرامل عالمقص محكوك
هذا في المهر والتقدوم بامده= الاف واكرور من جنه الذهب مختوم
وقهوة الخال يوخذ عطفة الجعده= وارض الكثيري ويوخذ صاط باكرشوم
هذه ملاكه وبلقي فوقها بنده= والناس في خدمته راضي وحد محتوم
وانه يباء السيد بوراضي يقع عبده =باسير في الامر من تحت الطلب محكوم
والختم صلوا على من لانبي بعده =صلاه تغشى ضريح الهاشمي المعصوم
والال والصحب والنورين من بعده= وعمر وبوبكر عندي في العدد ملزوم
والرابع الشهم لي سيفه روى حده =واهل المدينه ومن هاجر معه في القوم