|
|
اقتباس:
يستاهل المدح بو صالح زعيم السلا = شيبه وعاقل في التسعين يا با قديم وفوق ذا المدح ندعيه أناء باشفاء = الله يشفيه شيبتنا بأمره الكريم يصبح معفاء من أمراضه ومن كل بلاء = ذا جدنا يا حسن شيبه وجسمه ذميم |
ذي مايجيب الفاتحه يقرأ لنا في الم ترى=الغشم له حده ولاحد منكم ينكر غشيم والصدق بيدفونه اهل الكذب في وسط الثرى=ويرجعون السيف بالبهتان والغوبه شريم |
اقتباس:
الباس بعده عافيه والصيف يعقبه الشتاء= والغيث ماهو من قزع او من علاوي او نسيم ولا معي للجار والصاحب سوى غير الدعاء = سهم الدعاء وقت السحر فيه الطبابه للسقيم |
اقتباس:
الغيل لي في صنصله في ماه لشيبه دواء = الله يدخل صاحبه يا صاحبي جنة نعيم مشهور شف صاحبه يا بقديم من أهل التقى = والأبن جاء عكس الأبو وإنته فهمها يالفهيم |
اقتباس:
الله يحفظ عمير من تعب او شقاء = طيب وخير عمير ما لحقله نديم يالسبع بوصيك بعمير عطه ليباء = هذه وصية ملك من خانها با يهيم |
اقتباس:
اقتباس:
الحمد لله على سلا متك يابو صالح ذكر وعافيه من الله والعفو من اي تقصير كتب بعجل
يامرحبابك ياالحمومي عد ماقطر السماء = يبكي بكاء هطال من عارضه ذي يردم رديم حيا بذي مايطرحون القاديه في ذا وذا = دار القور والهوبره من سابق الوقت القديم يامن حويت الصيت مقدارك في الارض اعتلاء = شرق وغرب من مثاوي حيس للغناء تريم يااهل الشروع الوافيه واصل جزاكم والكفاء = حقك ولك عند العرب جودك كما السيل الهميم مغلا عرين القبوله والحكم واقطاب الولأ = والعرض ذي صيته بلغ لا كم وكم مجرى عظيم ذي سيفهم بتار وقت القطع مايشاتر دناء = عند القبائل قطعكم معروف عن كم من زميم والمعذره معجول للضيفان جهز باالعشاء = داري هدفها الضيف يطلب معذرتكم باقديم ضيفي سرى مجبور وفرحته بمن شرف وجاء = كل من كرم ضيفه وعزه بايكرمه الكريم يابن مخاشن لا تمل للجمع ساعه والجفاء = لا فكرت في الدنيا وشاغلها مساء قلبي اليم كثرت مشاكلها وكثر احزانها جاب الغثاء = من الفتن ذي حاكها الشيطان وبليس الرجيم لا تشل هم فوقك مدبر مانقفل باب الرجاء = ياذي تدير الكون دبرها لخلقك يارحيم لا تهتمر باالكون ومشاكله وافات الرداء = فوقه قوي ناظر على كونه وعينه ماتنيم صاح الشبامي ريت صيحه قد رقع شعق الكساء = ومخابي القدره عين وجناس والمولى عليم ولا تقول للنوب يجني عا الثب عاف الجناء = ولا تقول الرمح هو والرشخ في ظهر اليتيم والفال كلمه طيبه خذ من سبأ خير النباء = قال النبي هذا ونحنا عاالمقاله نستقيم والباس بعده عافيه والصيف يعقبه الشتاء = والغيث ماهو من قزع او من علاوي اونسيم ولا معي للجار والصاحب سوى غير الدعاء = سهم الدعاء وقت السحر فيه الطبابه للسقيم |
جدك بناء ذاء الساس ياصاحب وحكم فل بناء=يحسب حسابه راعي المعول لي خليه كيم ضن الرتب هي باتفيد لي معه رتبة لواء=ماباتفيده ياحسن هذه رتب من غير قيم |
اقتباس:
مابايدورها الذي يديه من تحت الرحاء=وش بتقرالي الف بعده لام بعد اللام ميم (ألم) ولعاد بنهامل علاجه بينفع او بارجاء=وضماد كنداره ولا الوصفات حقت بارحيم وان شئ امل عاده لكم بيكوف شوفوه الدعاء =ادعوا عسى الرحمن يهديكم صراط المستقيم وان مادعيتوا للأسف خيبة عناء بعده عناء=ذي ماورث في بوه معكم بيظهر عاده قسيم |
اقتباس:
في دار بخضر يا حسن لليث قد وجدوا إناء = بس ما درينا ايش يشرب به عسل أو ماء وليم يالله فتناء يا صاحبي في ما يخص هذا الإناء = وإنته ترى عندي كما هارون خو موسى الكليم |
اقتباس:
بركت جمالي كلها من دون واحد عالجناء=ماطاع يبرك يالملك عطني خبر عنه سليم اخي الملك انت من تريم اكيد انا غير متأكد منكانته ملك خبرتك قد لحقت في العالم صداء= صيتك وصل جاوه وانته داخل الغناء تريم |
| الساعة الآن 11:36 AM. |
|
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir