نهم ياراسي القاسي نهم يا راسي القاسي = ولاتفزع ولاترجع وفنّد كل شي بقياس
ولاتطمع ولاتخضع لعنتر هو وجسّاسي = وكن قايد لكل حاقد يمثّل سيطرت جسّاس
ولاتقرب ولاتهرب وخلك كالجبل راسي = شبك ناصر مع عامر يحطّو في ولد با راس
قد الضارب من الصاحب لقا فالصدر وسواسي = فجر جمبه يبي قلبه وبيزوّد له الوسواس
يبي المنعه وبه فزعه ويلقيني انا الماسي = وجده قال للرجال لاترقع ولاشي ماس
وحيّابك ومن جابك هلا ياصفوت الناسي = هلا طالب وقد جاوب ونضمه شاق كل الناس
وشرّبني وذوقني عسل من دون دبّاسي = تذوقته تطعمته ولانا عارف الدبّاس
يتعبني يغربلني يحمسني بمحماسه = كفاه الله يا مقساه يظبيني في المحماس
يجرمني ويظلمني يريد النيل من باسي = وانا يسلم وهو يعلم وباظلي شديد الباس
بعيد الشوع خاب الروع والله معلن افلاسي = وللمشروع جاله شوع مابا فلّسه فلاس
وانا واقف جبل نايف وبكشف كل دسّاسي = وانا القادر لكل ماكر اذا هو محترف دسّاس
وانا الحلتيت للعفريت بادخله فكياسي = يجيني طوع بالمربوع باعصبه في لكياس
كفا من صمت ماعلّمت حد والقلب منحاسي = حرق جوفي جلب خوفي وجسمي بالمرض منحاس
ولا مخلوق عنده ذوق قال الذيب فراسي = يردونه يصدونه لأنه بايظل فراس
وبو راضي طلع قاضي ولكن حاكمن قاسي = هداله قوس بو محروس متفوق على لقواس
اتا من وين مدري فين من بومبي ومدراسي = غريب اللون فيه افنون فوقه ختم من مدراس
يهدد به تقلد به يبي بدره ولخماسي = بعيد الشوفقد شريوف بايغلب على لخماس
يقول انه وضف يا للصلف بايقطع انفاسي = على اخواني وعرباني لقاني قاطع الانفاس
وانا عندي شيْم رافع علم من فوق لطعاسي = ولي تاريخ بالمريخ فوق اجبالها واطعاس
بغيت الموت بالنبوت جرمل يقطع اقلاسي = رفع ضربك وشف دربك ترا قدها تشم لقلاس
انا ماطيع للصنكيع يسحبني من احباسي = ولاقصده يقيّدني ويحبسني وانا الحبّاس
انا لي راي في مذراي مذرا بذر بسباسي = انا يسلم بحيد اصيم وراني تاجر البسباس
افا يابن حسن ساس المكن مابا يقع ساسي = وانا عدك وجدك ساس يالصمصوم واضخم ساس
تبا عكعوك شارح عند فالح جمب لدواسي = وانا في قصر عالي جمب خالي ما سكن لدواس
علاجي جمر اما التمر عندك مثل لنقاسي = وانا حب الحشف وامسك شنف وانته تحب لنقاس
ولعب النار فيه اشرار يمكن يحرق اجراسي = وقد غبر الخلق بين الطرق ذيهي تدق لجراس
وبحر النيل يبغي ميل يمسي فيه غطّاسي = تحذر وانته اخبر لاتكسر ميلك الغطّاس
ومن والاك ماعشّاك واحذر تقرب الماسي = ترى لسلاك فيها اشراك حطّو لرك فوق الماس
حذر شعفور ذي فالسور لي لفك بطلماسي = عدو الله قد ماواه في نارن جزا الطلماس

نهم ياراسي القاسي نهم يا راسي القاسي = ولاتفزع ولاترجع وفنّد كل شي بقياس
ولاتطمع ولاتخضع لعنتر هو وجسّاسي = وكن قايد لكل حاقد يمثّل سيطرت جسّاس
ولاتقرب ولاتهرب وخلك كالجبل راسي = شبك ناصر مع عامر يحطّو في ولد با راس
قد الضارب من الصاحب لقا فالصدر وسواسي = فجر جمبه يبي قلبه وبيزوّد له الوسواس
يبي المنعه وبه فزعه ويلقيني انا الماسي = وجده قال للرجال لاترقع ولاشي ماس
وحيّابك ومن جابك هلا ياصفوت الناسي = هلا طالب وقد جاوب ونضمه شاق كل الناس
وشرّبني وذوقني عسل من دون دبّاسي = تذوقته تطعمته ولانا عارف الدبّاس
يتعبني يغربلني يحمسني بمحماسي= كفاه الله يا مقساه يظبيني في المحماس
يجرمني ويظلمني يريد النيل من باسي = وانا يسلم وهو يعلم وباظلي شديد الباس
بعيد الشوع خاب الروع والله معلن افلاسي = وللمشروع جاله شوع مابا فلّسه فلاس
وانا واقف جبل نايف وبكشف كل دسّاسي = وانا القادر لكل ماكر اذا هو محترف دسّاس
وانا الحلتيت للعفريت بادخله فكياسي = يجيني طوع بالمربوع باعصبه في لكياس
كفا من صمت ماعلّمت حد والقلب منحاسي = حرق جوفي جلب خوفي وجسمي بالمرض منحاس
ولا مخلوق عنده ذوق قال الذيب فراسي = يردونه يصدونه لأنه بايظل فراس
وبو راضي طلع قاضي ولكن حاكمن قاسي = هداله قوس بو محروس متفوق على لقواس
اتا من وين مدري فين من بومبي ومدراسي = غريب اللون فيه افنون فوقه ختم من مدراس
يهدد به تقلد به يبي بدره ولخماسي = بعيد الشوفقد شريوف بايغلب على لخماس
يقول انه وضف يا للصلف بايقطع انفاسي = على اخواني وعرباني لقاني قاطع الانفاس
وانا عندي شيْم رافع علم من فوق لطعاسي = ولي تاريخ بالمريخ فوق اجبالها واطعاس
بغيت الموت بالنبوت جرمل يقطع اقلاسي = رفع ضربك وشف دربك ترا قدها تشم لقلاس
انا ماطيع للصنكيع يسحبني من احباسي = ولاقصده يقيّدني ويحبسني وانا الحبّاس
انا لي راي في مذراي مذرا بذر بسباسي = انا يسلم بحيد اصيم وراني تاجر البسباس
افا يابن حسن ساس المكن مابا يقع ساسي = وانا عدك وجدك ساس يالصمصوم واضخم ساس
تبا عكعوك شارح عند فالح جمب لدواسي = وانا في قصر عالي جمب خالي ما سكن لدواس
علاجي جمر اما التمر عندك مثل لنقاسي = وانا حب الحشف وامسك شنف وانته تحب لنقاس
ولعب النار فيه اشرار يمكن يحرق اجراسي = وقد غبر الخلق بين الطرق ذيهي تدق لجراس
وبحر النيل يبغي ميل يمسي فيه غطّاسي = تحذر وانته اخبر لاتكسر ميلك الغطّاس
ومن والاك ماعشّاك واحذر تقرب الماسي = ترى لسلاك فيها اشراك حطّو لرك فوق الماس
حذر شعفور ذي فالسور لي لفك بطلماسي = عدو الله قد ماواه في نارن جزا الطلماس