يا دريول
 

يـا دريـول رق لحـالي شـوف حـالاتـي نـكــيده
شلنـي لـديار محبوبي المسـافـه مـش بـعــيده
الفـراق اتـعـــب فـوادي والهـوى نـاره شـديـده
ما مـع الخـسران الا ما قـده فـي وسـط ايــده

لي سـنه ما شـفت خـلي و السـنه قدها جديده
والسـبب هـرج الشـواني لي يـحـبون المــكيده
الحـــواســــــد فـرقـونا واشـعلوا نـاراً وقــيده
ما مـع الخـسران الا ما قـده فـي وسـط ايــده

كان لي محبوب وافي وكنت خاتم وسط ايده
والـهوى لـي فـي فوداي دم يـجري فـي وريده
ويا خـساره صــــــدق اللي هرجـهم مابا يفيده
ما مـع الخـسران الا ما قـده فـي وسـط ايــده

كان فـرحة كـل عـيدي وكـنت افراحـه وعـيده
وكان طـبي لي يـداوي كل جراحـاتي العـنيده
كان لـي اكبر رصـيدي وكنـت انا اكـبر رصـيده
ما مـع الخـسران الا ما قـده فـي وسـط ايــده

نوفـي بـوعـدي وعـهدي دوب كـرر لـه واعيده
ما نسيته قـط وافعـالي علـى قـولي شــــهيده
ما حـسبت حـساب هذيك الخـسارات العديده
ما مـع الخـسران الا ما قـده فـي وسـط ايــده

ما بدا قـصرت ودام ان الـوفـاء قـــلبي يجيده
بوهـبه قلـبي واحسـاسـي ويــفعل مـــــايريده
والـذي قـد خـان احـبابـه عـسى ربـي يــــبيده
ما مـع الخـسران الا ما قـده فـي وسـط ايــده

طال صبري ضاع عمري راحت ايامي السعيده
هل تناسانا حبيبي شــــــي اجــــابه لي اكيده
هل تـناسى لـي يـحبه هـل تناســـى لي يريده
ما مـع الخـسران الا ما قـده فـي وسـط ايــده

يا فـوادي اصبـر عـليهم الصـبر حـكمه مــفيده
وادعـي الـمولى عـسى المـحبوب ياربي تعيده
ولـيّن فـواده عَلَـي قد صار اقسى من الحديده
ما مـع الخـسران الا ما قـده فـي وسـط ايــده

خالد دغاري

للإستماع والاستمتاع ادحق ع الرابط لي هابط 👇👇

https://b.top4top.net/m_804u9o7o0.mp3

صح بدنك ملايين يا النشمي اسعدني مرورك الراقي . مستمرين بوجود أرباب الذوق شرواك

صح بدنك اخوي بو جمعان