اقتباس:
أخي عمر ... ماحد شارك الليله مع إنك من البارح منبّه عليهم. أنا خارج الأن ولكن من باب إثبات المرور أقول: لعنبوها الدنيّه با عطيها أنا تير=النّدم طبعها تتعب أمير(ن) معا إفْقير كيف تعشق وإنته شيخ خرفان وكْبير=وصورتك يا عمر فيها شبه ولْد شامير؟ محمد بن سعيــد بن مخــاشــن |
اقتباس:
للكلام المشفر الف معنى وتفسير=انما العشق ماله غير نظره وتعبير متعرف تاجر وفقري ولا طان وحرير=تقبض الا حجاب القلب تعصره تعصير من هنا سا محوني يا لمحبين با سير= |
اقتباس:
يالخشيني قعد عاد الجمر عالبوابير=لاستعجل على المسرى وتخلق تعاذير السمر قد سبر ماباقي الا المزامير=والرشب عامره تمباك من شغل تاسير |
اقتباس:
العشق في زمنا يملي الراس تفكير=لكن المشكله ما شي مروه وتقدير وفي الزمن لولي يلقون له الف تحذير=لا رسايل ولا تلفون يهذف وتصوير |
سلام
خايف الذيب ينشرنا بحد المناشير=يومنا قلت عالعشقه محبة مصاقير والخشيني مسلمها لحكم المقادير=قال كل ماكتبه الله للعبد بيصير |
مرحيب كلااااااااااااااااااااااااااااااااااام
|
سهل رص القوافي يمكن القصد تشهير = من عثر في حياته خط مائه والف تبرير ليت مجنون ليلى شاف ماصار في الزير = بايعيد المواقف في تأني وتدبير التوافق من الرحمن ياساقي العيير = كل خطوه حسبها .طول الحبل عالبير |
ياشعار هاكم دان حضرمي اصيل وفصله جاهز وعليكم الباقي !
مرحيب مرحيب بك ياالطيب الاصلي = شرفت دارك عقب سنين مسهونه والدار دارك واهلك عدهم اهلي = يافرحت الدار لاعادوا لها الحلان . |
اقتباس:
بعض المجالس لها عنوان متعلي = فيها التراحيب والحاضر يعزونه وبطيب خاطر فيها الضيف يتجلي = يسمع اصيل الطرب من اهلها والدان لاقدك فيها على مختارنا صلي = لان اصحابها دائم يذكرونه وكن مأدب في المجلس وتسلي = الناس بالناس والشيطان للشيطان |
بسألك ياذيب من فضلك هري قلي = هل انتماءك في الغربه تقولونه اولابس الثوب متخفي ولاتدلي = بالدلو في ارض عندي خيرت الاوطان ارضي عزيزه وفيها الخير متولي = وبغت رياييل وسواعد يظهرونه ماهو من البعد ياشمس الضحى ظلي = وغيمي فوق وادي عمد والجيلان ماسبق اقتباس عام من ديوانك الرائع والراقي بعد دراسة ومتابعة لكل كلمة قيلت فيه ..ايضا ماسبق موجه لكل شاعر هنا وفي مقدمتهم العم بن مخاشن والاخ بن مهنا وسبع الليل والماسه وبوشاكر ومجمل والقانص وطالب وبوزايد وكل الحاضرين هنا بدون تخصيص . |
الساعة الآن 05:44 PM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir