يقولوا الناس لاتهتم وانا لي نفس مهمومه=ومن باالله في الغربه جلس سالي ومش مهموم
وراء نقل الكفاله طال والشاعر زعل نومه=ومن قلبه بشي مشغول عينه مايجيها النوم

انا واثق ومتأكد باان شغلتك محسومه=ولاتهتم ولاتفكر وعد ان الامر محسوم
ولا باينقضي موضوع ياصاحبي في يومه=وفي الايام ذي باينقضي لي منقضا ذا اليوم

نعم ياالهاشمي يامن بك القصرات معدومه=انا عارفك في وقت الطلب باتوجد المعدوم
صديقي لولي صورتك وسط القلب مرسومه=وكيف القلب باينسى بشر في داخله مرسوم

ومن مشربه من زمزم ابد مايقرب الحومه=ولكن لي مثيلي لابغا قطره يظلي يحوم
كلامي قد فهمته وانت لي مغازيك مفهومه=لحمد الله يوم القصدعندك قد صبح مفهوم
ومن ماله معزه فوق راسي باسلى لومه=وماصاحبي لهجرته مصيبه وان تركته لوم

انا وافي معك لكن نفسي مهي معصومه=وان زليت ولا اخطيت مانا من الخطاء معصوم
مرامك ياالحبيب الهاشمي ماعذر ماترومه=عسر.....على الفرس تضرب حاسبك وانته ضربت الروم
ومن يسقي صحابه دوب من كاسات مسمومه=يدور الوقت ويخليه يشرب كاسه المسموم

زمن نوياك كنا نقسم العجره مع الدومه=عسى المعروف هو والجبر مابين الصحاب ايدوم
وطبع الناس ماهي باالذي تعرفه ملزومه=ولكن لي تعزه انت به ملزم وهو ملزوم
وانا ياخالد المري صلت الحلي لاسومه=ولا لي ذنب لاغاله وانا طاول وشل السوم

وانا اشهد لك باانك كفو قلت ابيات منظومه=وانا حليلتي لي منك تجيب القول لي منظوم
حليله عاقله من شافها بايقول مغرومه=وفي هذا الزمن ماتعرف العاقل من المغروم

نٍدرنا من طريق الشعر خل لسرار مكتومه =ولا حاجه نوضح لي مخفّى والذي مكتوم
وياكم ماتكلمنا وقلنا النفس محرومه=وكل محروم لاتحاول يمر عمره وهو محروم
وصلى الله على طه النبي لي ماخذل قومه=على خير البشر واجب تصلوا ياكبار القوم

مساء الفل والنرجس مساء الخير وعلومه = مساء اعذب قوافي الشعر من معيانها المعلوم
مساء الصحبه الحلوه وذكرى ايام مرحومه = تلاشت ما بقى منها سِوا تذكارها المرحوم
هلا مليار ونزيده بكم مليون يشمومه = هلا باللي معانيهم تضاهي نفحة اليشموم
سلام الفين مضروبه بخمس إميه ومختومه = بصافي الود وبصافي شموع الدوعني المختوم
تصل للهاشمي النشمي خفيف الظل والقومه = وابوسالم شهم رسمي مأصل من خيار القوم

صادق تحياتي واطيب امنياتي

المشاركة الأصلية كتبت بواسطة علي فدعق الهاشمي (المشاركة 268519) الشاعر العزيز خالد المري صبحك الله بلخير والرضى والنعيم يسعدني أن احجز المقعد الأول في هالمساجله الشعرية الأجمل من راااااائعة صح الله لسانك مدد بلا عدد وهونها بتهون يابوسالم ويسلم الشاعر المعروف محمد بن هادون على رده الجزل تشرفت بالمرور من هنا وطاب لي المقام

المشاركة الأصلية كتبت بواسطة مجمل (المشاركة 268544) بدع وجواب في غاية الجمال كلام منسق جزل دمتم في اخير تحياتي

المشاركة الأصلية كتبت بواسطة عبدالقادر صالح فدعق (المشاركة 268653) شاعرنا الرائع بن مهنا حقيقة جمال مفصل من قبل أصحاب الحرفة والمهنة من ذوي الخبرة كيف يتم التفصيل والأناقة بخيوط من ذهب . وكل التقدير لك وللشاعر الجميل بن هادون . تقبل كل تقديري ..