|
اقتباس:
اجمل مافي الدورة الأسبوعية لبعض من الأخوة الأحبة في الدمام تناول كل الأحداث الواقعة في بني قومنا هنا ,وكذلك الحاصلة في بلادنا الحبيبة . تواصلنا الاجتماعي الدوري له فوائد عدة من أهمها مناقشة ماتم بيننا من مساجلات وقعت خلال الأسبوع السابق ..والجدير ذكره هنا مانبهني عليه أبن عمي سالم أحمد بلحمر على توجيه رجاء لجميع الأخوة والأحبة في الدمام على تحديد يوم في الاسبوع أو الشهر للقاء الودي ,وبأمانة المذكور يلح على تنفيذ طلبه بل يزعجه عدم تلبية ذلك .. المهم نحن نجتمع ( أحمد قرزيز وعبدالله الخامدي باظافر وطالب باعقيل وعبدالله بلحمر وأخيه سالم بلحمر وسعيد محروس ومحسوبكم سالم البدوي بلحمر واحيانا يشرفنا محب أو زائر عابر )وفي الآونة الأخيرة بدأ الأخ عبدالله بلحمر يتغيب عن بعض سهرات الحضور وكون النكتة المضحكة والتعليق المقبول من سمات اللقاء ,ففي الاسبوع الماضي وتحديدا يوم الخميس اتصلت بأخي عبدالله بلحمر وأنا على دراية بأن السهرة في بيته وبعبارات منبهة لغيابه خاطبته وقلت له : اليوم بتجي للسمر أو كما العادة بتقول تعبان ولا شي همه . رد مضحكا وقال : يالبدوي اليوم عندي ومن المؤكد حضوري .رديت عليه وقلت : أنا عارف إن اليوم عندكم بس برضه بتجي أو لا؟.اخذ الموقف حقه بيننا ووصلت رسالتي له بأن غيابه غير مبرر وغير مقبول لدينا وبعد ساعات ارسلت له مايلي : اليوم عندك قل لنا لو باتجي = عادة جديده فيك ياخس عاده نا خوك مهما كان منك ماحتجي = روحي فداكم جاهزة سداده تم ارسال البيتين لكثير من الأخوة ومنهم العم احمد قرزيز والعم عبدالله باظافر الحامدي ..حصل النقاش ومواقف تدخل السرور والبهجة للنفس اثناء الحوار حول البيتين وحول غياب القشعة الأخ عبدالله وبعدا ارسلت للجميع مع البيتين السابقين الآتي : بعد الكلام الزين والهرج البتي = شفت القبائل كلهم والساده في طاق بوحامد يطلقون العكي = قرزيز واحد من كبار القاده وصلت الأبيات للعم قرزيز ( ومن فيه شيء مايخليه ) تحركت موهبته الشعرية التي لانكل ولانمل من سماع جزالة ابياته وقوة قوافيه وجمال نظمه وتفرده فقال : مبغيت شي منك ولابك مرتجي = حقك معك في كل شي وزياده لضويت من شغلي تعقب وانزجي = يا عا فراشي يا على السجاده تعبت من كثرة مراحي والمجي =مالحقت راحه في السمر وسعاده عدى زمان الدان والصوت الشجي = واليوم زام الشرح والمعباده طبعا العم أحمد كانه يتكلم بلسان الأخ عبدالله وفي نفس الوقت يتشوق ويتذكر زمان السهرات عندما كان بيننا الشيخ محمد بايعقوب رحمه الله !والأخ الشاعر أحمد باسد المشجري رحمه الله ! والشاعر محمد باكرموم حفظه الله ! والأخ سليمان بن كعيسمه والأخ صابر بابلغيث والأخ الكريم عبدالله باكرموم وكم من صمصوم وكذلك كان يحضر بين الفينة والفينة الأخ الشاعر عبدالله أحمد الحامدي من الرياض متحملا تعب السفر في سبيل حضور سهرتنا الملي برنامجها بالكلام الزين . |
اليوم عندك قل لنا لو باتجي = عادة جديده فيك ياخس عاده نا خوك مهما كان منك ماحتجي = روحي فداكم جاهزة سداده ونعم الروح الأصيله والفداء هكذا تكون المخوه
مبغيت شي منك ولابك مرتجي = حقك معك في كل شي وزياده لضويت من شغلي تعقب وانزجي = يا عا فراشي يا على السجاده تعبت من كثرة مراحي والمجي =مالحقت راحه في السمر وسعاده عدى زمان الدان والصوت الشجي = واليوم زام الشرح والمعباده صدق قرزيز فيما قاله عيدكم مبارك جميعاً ؛؛؛؛؛ |
اقتباس:
بوحمد قال يوم العيد واجبي هني = للمحبين لي بعد المحبة نسوني الحامدي شاعر رقيق الإحساس والمشاعر ,لديه خبرة وإدراك في مجال الشعر ,وقد تأثر بكبار الشعراء مثل العم أحمد قرزيز والأخ سالم باصره والأخ سعيد المشجري ومع هذا له مجاله المميز في الشعر .تهنيئه خالصة تبلغ لكل شخص مني = خاف من بعد هذا عادهم يذكروني لي لهم قدر ومعزات من صغر سني = ماتوقعت منهم أنهم يهجروني هو من الوقت لي هو عاف قد خاب ظني = أو حصل سهو أو تقصير خيب ظنوني |
استراحة عيد .
ياعيد حيابك = خبار اهل الوطن ماتشرح الخاطر وكل ماقد حصل نكد على سالي = يحن لى ارض فيها كاسبين الجود والمعروف ياالزين ماصابك = من عيون الحسد ذي تقطع السابر وانته الا بري من سلطة الوالي = وبيجيك الفرج والعين عدها في فرح بتشوف واديك وشعابك = يحن قلبي لهن لكنني صابر على الغربه وذكرك دوب ع بالي = واتمنى رجع لكنني ع فراقهم مكلوف ذره من اترابك = وورقه من غصون اشجارك الزاهر لهم عندي ثمن ياموطني الغالي = كثر من مال بن لاذن وباشنفر وبامردوف واقف على بابك = أنا المسكين يابالجود ياقادر تسهل أمرنا وتحقق آمالي = وتصلح ماخترب في ارض دمرها الطمع والخوف سنتك وكتابك = لنا منهج في التشريع ومصادر وقائد وحدوي ع الحق مايبالي = يساوي بيننا في كل شيء في الدخل والمصروف يالعيف من جابك = دمرت المال ذي له كم سنه عامر لقيت الأولي في الترقيه التالي = ولاهو ع الخبل يمشي على العاقل غلب مايطوف اهلك واصحابك = بغوا منك عمل ياالفاهم الشاطر ولاحد يعتمد ع البيض والدالي = وشف ماشي مغطىء ع الجنوبي كل شي مكشوف حضرتك وجنابك =يشوف الناس في الاسواق تتدافر ولكن البضاعه سعرها غالي = من التجار مكسبهم في الحاجة البسيطه الوف |
اقتباس:
من العائدين يابو عمر وكل عام وانت بخير وجميع الحلان ..... اللهم آمين وصح لسانك عزيزي سالم ومثلما قلت :
ذره من اترابك = وورقه من غصون اشجارك الزاهر لهم عندي ثمن ياموطني الغالي = كثر من مال بن لاذن وباشنفر وبامردوف واقف على بابك = أنا المسكين يابالجود ياقادر تسهل أمرنا وتحقق آمالي = وتصلح ماخترب في ارض دمرها الطمع والخوف ---------------------- أسأل الله الصلاح والرقي وتقبل تحياتي والسلام |
يرفع؛؛؛؛؛
|
بارك الله فيك اخي الخليفي على رفعك لموضوع هام كهذا ,
ولتذكير صاحب الموضوع الاخ الغالي حنطبة به , فشكرا لك ونرفع القبعه تقديرا واحتراما لك ولحنطبة وللجميع . Support |
اقتباس:
يرفع وهالمرّه من عندي |
اقتباس:
ينقل إلى سقيفة التميز مع خالص الود للشاعر الكبير حنطبه؛؛؛؛؛ |
| الساعة الآن 12:26 PM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir