قال الفتى قلبي الليله سمع عنقه = وناحت العصر بالأنغام
يا غارة الله حس في صوتها رقه = باللحن تشجي
تميت حيثي ورجلي ما خطت دحقه = في الشمس قايم كما من قام
وانصت لتغريدها الزعقه قفا الزعقه = في حيط نجدي
يتبع الصوت من عثقه إلى عثقه (2) = مسكين حدّاد ما يلتام
ويودي إلا وسط بستانها نذقه (3) = بيّت وظلي (4)
بالطف وباكون بين الغصن والورقه = ونظرة الزين ما تقتام (6)
بامد بآلاف نقديه لها وثقه = بالروح بافدي
يا صاحب الحيط (7) للمحتاج مد صدقه = زكاه في ذي السنه والعام
والقصد من نخل بستانك نبا سقه (8) = من قرع هجري (9)
من لا يزكي وسط ماله تقع محقه (11) = ولعاد يرجع مكمّل تام
ويروح فيد الشرح (12) بعضه وشي سرقه = من لا يزكي
عشقان ولميد فن العشق والعشقه = كالف علل لي زمن مانام
صابر على الجور والتعذيب والحرقه = ذا كيف لقي
من عشق سود النبع عظمي غدا دقه = ومن التعب زحفت الأقدام
والجوف(13) يخلع بدم والجنب به دقه(14) = ياقطب قلبي
ياكم لطيفه خفيفه باهيه شمقه (15) = والوجه فيه الرضاء بسّام
وحاليه تقتلك بلسانها ذلقه (16) = من حين تبدي
وشعور متراسله فوق المتن(17) عذقه (18)= سوداء كما الليل لي ظلاّم
وكفوف بيضاء نديه وسطها بنقه (19) = ياريت كفي
في صبع يمناه وديته أقع حلقه = ولا أقع في يساره زام
راضي ولو أكون تحت الطين للدحقه = في جبر خلي
لا حل للولف يوم الولف له علقه = قد خالط الدم بالأعظام
وله محبه عنيه مهلكه غلقه = ولّت بحسي
ياعذب ما فيك لا رحمه ولا شفقه = في من تولّع بعشقك هام
واذا قطع في الهوى عرقه شبا عرقه (20) = يسرح ويضوي