المشاركة الأصلية كتبت بواسطة عمر الذيب (المشاركة 327526) ليه تحسد عمر ياسبع وتريد كبحه=ما معه غير قرافه وكربه وليفه تحسده عا غواء ما ظن شي فيه فلحه=وبيني وبينه اذلاق الحيود النويفه وان طلع حسب خبرك كيف سوي بذبحه=ما بغيته نته والشيخ سووه ضيفه عمر الذيب

زاد خوفي عليك خايف تروح المصحه=ياعمر ماسخابك وانت نور السقيفه

انت عند كما جعفر وخالد وطلحه=في المعارك وفي الغزوات سيفك بسيفه

اليوم واليله نبا مأخذ ورد = وسط السقيفه بين حمران العيون

يا خير من ليله ولد فيها حمد = صلوا على المختار ياذي تسمعون

ذكر النبي وآل يطير بالنكد = وأهل النفوس الطيبه به يسعدون

اسلام بريح المسك مع كادي وند = للمصطفى يبلغ وعيدان الدخون

المشاركة الأصلية كتبت بواسطة الطامع (المشاركة 327709) بعد اذن الشعار اليوم واليله نبا مأخذ ورد = وسط السقيفه بين حمران العيون يا خير من ليله ولد فيها حمد = صلوا على المختار ياذي تسمعون ذكر النبي وآل يطير بالنكد = وأهل النفوس الطيبه به يسعدون اسلام بريح المسك مع كادي وند = للمصطفى يبلغ وعيدان الدخون

الفي صلاة الله عدد ساجد سجد =وتعداد لي هم في الصحف يصفحون
وتعداد مافي الكون من كائن عبد=ربه ونص الليل قاموا يقنتون

المشاركة الأصلية كتبت بواسطة الطامع (المشاركة 327709) بعد اذن الشعار اليوم واليله نبا مأخذ ورد = وسط السقيفه بين حمران العيون يا خير من ليله ولد فيها حمد = صلوا على المختار ياذي تسمعون ذكر النبي وآل يطير بالنكد = وأهل النفوس الطيبه به يسعدون اسلام بريح المسك مع كادي وند = للمصطفى يبلغ وعيدان الدخون

ليلة ثنعشر ذكرهاالطيب ورد =بولادة المختار لوماتعلمون
شرف على الدنيامحمد واجتهد=جده معه رباه اخير مايكون
وخلفه بوطالب محل جده وشد =الأزر به بن خوه من بد البنون
حتى كبر عمره على نفسه اعتمد=ورعى وتاجر لن صبح سيد لكون

توبوا الى الله ياجماعه الى الابد=ماشي كما التوبه ولا حسن الظنون
وتوحدوا وتكاتفوا يدا بيد=ولي ما اهدتوا يارب عساهم يهتدون
لبواب مفتوحه ولا باب انقلد=لا مال ينفعنا ولا ينفع بنون

واجب علي صلي مائه والفين عد = عالمصطفى الهادي واله اجمعون
ياخير من ليله ويالطامع بجد = فيها خلق طه سيد المرسلون
باقول مالليله وياشاهد شهد = المخشني غايب مثيل الغايبون
يهوين ثم يهوين علينا قد شرد = عنده عرب ماليوم قدهم يذبحون
عنده عزيمه قال بوفيصل حمد = هذا زواج ابنه عساكم تعرفون
يابوحمد ماشفت نا كرته ورد = ياريت قدرنا مثيل الحاضرون

الله يبارك في البنيه والولد= الله يبارك عالذي هم يعرسون
ماليله الا بن مخاشن يرتعد =عامد بباب القصر يرحب بذي يجون