|
خلاني الزين لاعاقل ولا مجنون (( كيبوردية في 23/10/2011م
كيبوردية كتبتها بعجل اتمنى ان تنل استحسانكم احبتي الاكارم
=((( خلاني الزين لاعاقل ولا مجنون ))) ودّي اقضّي بجنبك باقي أيامي = وأنسى همومي معك يا خل والأمي =واطفي حريقه بجوفي كيرها مرشون = خلاني الزين لاعاقل ولامجنون أسألك بالله وحدي لا تخليني = يسعدني القرب والهجران يشقيني =أرفق بحال الذي في عشقتك مفتون = خلاني الزين لاعاقل ولامجنون ليلة بقربك حبيبي كنها ساعة =فيها يهدّي وصالك نفس ملتاعة =والبال يهدا ويهدا قلبي المشطون = خلاني الزين لاعاقل ولامجنون صوتك انا لو سمعته زالت أحزاني = واسمك متى ماء نطقته تظهر أسناني =وافرح كأني بنطق اسمك ملكت الكون = خلاني الزين لاعاقل ولامجنون لا يمكن أنساك يا من غبت عن عيني = حتى ولو وقّف الدم في شراييني بذكرك لو كون من تحت الثراء مدفون= = خلاني الزين لاعاقل ولامجنون يا طيب القلب ما حبيت حد غيرك = والقلب يهواك في شرك وفي خيرك =لا يمكن أنساك وأصبح مثل لي ينسون = خلاني الزين لاعاقل ولامجنون بحفظ عهودك وبا حافظ على أسرارك = وأنت الذي من عروقي تنبع أنهارك =انهار بالعطف والحب والوفاء يجرون = خلاني الزين لاعاقل ولامجنون والله ما خون في عهدي وميثاقي = يا من وسط خافقي مسكنك وأحداقي =معقول فيك أنت يا أغلا الحبائب خون = خلاني الزين لاعاقل ولامجنون لاتذرف الدمع يالمحبوب من عينك = خائف حرارة دموعك تجرح أيدينك =لا تبكي أرجوك مثلي خلهم يبكون = خلاني الزين لاعاقل ولامجنون يا من خيالك وذكرك دوب في بالي = لو شافني خصم هذا اليوم يرثاء لي =من دمع فالعين قد غطاء الصبيّ والنون = خلاني الزين لاعاقل ولامجنون عندي أمل يوم من الأيام لي ترجع = منّك ومن عطف قلبك مستحيل اقنع =لو ما لحقتك هنا بلحقك في سيئون = خلاني الزين لاعاقل ولامجنون وان كان يرضيك بعدك يالمحب عني = بطلب من الله على بعدك يصبرني =وألقاك في يوم به الأحباب يتلاقون = خلاني الزين لاعاقل ولامجنون =شعر / عبدالله مبارك الجعيدي =2011/10/23 |
ياسلام ياعبدالله
قصيده عذبه وجميله هذا وانت مستعجل كيف لارضت تبقى صاحب حس شعري وكلمات تدخل القلوب دون استذاءن ونكهه فريده لك ياصاحبي ودي واحترامي واعجابي اخوك علي بن ماضي |
نص بنص واه دا الكلام لنت عاقل ولامجنون عجبتني 50% |
صح لسانك شاعرنا الكبير عبدالله الجعيدي
قصيده رائعه واكثر من رائعه اسجل اعجابي الشديد |
(( حنيت يامعسر الحنه على المحنون )) ردي على الشاعر عبدالله الجعيدي
ردي المتواضع على كيبوردية الشاعر عبدالله الجعيدي .. ارجو ان ينال اعجاب الجميع:
كيف البصر فيه لايسمع ولايرجع =حبان عاشق متيم عقله امضيع في عذب فتان عنده للهوى قانون=حنيت يامعسر الحنه على المحنون مسكين مسكين من قلبه بطى صابر=ودمع عينه يصب فوق الوجن ماطر واهل الهوى من دموعه بيتوا يسقون=حنيت يامعسر الحنه على المحنون ياناس في العشق عبدالله بلي قلبه=لو لا الملامه ولولا الخوف من ربه ياعود راوي يبا منك ورق وغصون=حنيت يامعسر الحنه على المحنون زين البدن رغم اني ما عرفت اسمه =بنيت ضني على المكتوب في رسمه ريم البوادي ولونه من ضباء سيئون=حنيت يامعس الحنه على المحنون مالوم عاشق يبات الليل يتضيم =ياويل كل من تولع في بنات آدم في عشقهن من بلي خذه الضنا والهون= حنيت يامعسر الحنه على المحنون وش جاك تسعف وتفتح باب للعشقه=الله يعينك على التعذيب والحرقه لاجات نفحات زينه من قدا المضنون=حنيت يامعسر الحنه على المحنون من حب مخلوق من واجبه يسري له =يمسح دموعه اذا هشت بمنديله ولايخلي العواذل باللقاء يدرون= حنيت يامعسر الحنه على المحنون والله خساره كبيره تترك امحبك =لا لا تخليه لي صوته قطب قلبك اهل الهوى دائما لا اوعدوا يوفون=حنيت يامعسر الحنه على المحنون قم اسر بالليل والا الصبح بالبكره =وحط عربون يرضي باهي الغره واذا طلب الف منك ارم له مليون= حنيت يامعسر الحنه على المحنون عالشرع كل من تحبه مد له يدك =تسعد ويحى فؤادك لاحصل قصدك لما متى باتتمي هكذا مغبون =حنيت يامعسر الحنه على المحنون والاتقنع وتب والعشق صك بابه =من حب حد بالصراحه عامل احبابه وباتعدي حياتك في هنا وسكون=حنيت يامعسر الحنه على المحنون كلمات ابو فضل سالم 25-11-1432هـ |
صح لسان صاحب البدع وصح لسان صاحب الجواب
بدع رائع وجواب كامل وشكرا للشاعرين |
|
قصيدة رائعة أخي عبد الله الجعيدي. أحسنت. |
لك مني تحيه بحجم روعتك وابداعك
يـعـجز لساني عن الشكروأناملي عن خط عـبارات الثناء الممزوجه بالاحترام ,, أخيك / بن بريك |
اقتباس:
الاخ العزيز والشاعر الجميل علي بن ماضي اشكر لك مرورك الرائع ودعمك اللامحدود كم تسعدني كلماتك وتدفعني الي تقديم المزيد اتمنى من الله ان ارضي لو بعض من ذائقتك وان اكون عند حسن ظنك ؟ اخيرا تقبل تحياتي , |
| الساعة الآن 06:57 PM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir