سقيفة الشبامي

سقيفة الشبامي (http://www.alshibami.net/saqifa//index.php)
-   سقيفة عذب القوافي (http://www.alshibami.net/saqifa//forumdisplay.php?f=24)
-   -   الغربة للجوهي (http://www.alshibami.net/saqifa//showthread.php?t=79193)

الجوهي* 12-22-2010 11:55 PM

الغربة للجوهي
 
ابـدي كلامـــي بالعـلـي رب البشـــر=ياالله طـلبـتـك يامـهـيـمــــــــــن يــاودود
يـارازق الحيـوان فـي بحـرٍ وبـر=يا لي خلقت الأرض واعليت الوجـود
ذا فصل والثاني على المعنـى هـدر=هاجس عوض بالشعر من بعد الركود
منّي سلام الفيـن لـك يابـو عمـر= وسلام بالمليـون عـاأرض الجـدود
وسلام ثاني عام عاكـل مـن حضـر= من الاهل والإخوان موفيـن العهـود
كل من حضر مجلسك عـارأسه نثـر= تسليمنا مقـرون بأصنـاف الـورود
منك وصل مكتوب عـاثلاثـه شهـر= مـرّت علـى تاريـخ تحريـره وزود
ما راض لي هاجسـي بيّـت يعتكـر= بيّتت ديـر الفكـر ماشفـت الرقـود
عاذكركم سهران طـول الليـل جـر= لمّا اعتلت رمحين عارؤوس الحيـود
والبـدع يامحسنـه لكـنـه زهــر= وحصادهن عادته يأتي فـي الـردود
وان كان نوع الزرع حالي بـه بشـر= ساعـة حصـاده بالحـلاوة بايجـود
وان كان زرعك قار وش بـا تنتظـر= غيـر القـرّرة لـي تـزوّع بالكبـود
وذكرت في الغربـة وتبعـات السفـر= والمـال واتعابـه وتجميـع النقـود
واحد وواحد فوق خمسة فـي الكمـر= واثنيـن وثلاثـة حسبهـم ياعبـود
صاروا ثنعشـر قـرش باعداد الشهـر= في العام – ذا لاقدك من صنف القرود-
منهم خصم ستـة مقاضـي للسفـر= واثنيـن تفسيكـة لحـراس الحـدود
واثنين منهـم نـول لاتنسـى صبـر= خلّيك والحضّـار عالحسبـة شهـود
وان عاد شي زايد محض به في الستر= والّا نـزل بـه للسواقـي والـبـدود
والنول للمرجـاع مـن أهـل المـدر= شلّـه سلـف لاقـدك لهْنـا باتعـود
وان عدت قالوا لك تفضـل وانتظـر= ريّح قعد في البيت مع لي هـم قعـود
وقت العمل ما اليـوم ولّـى واندثـر= والناس بالعشرات في العزبـة رقـود
غربـة تعيبـة ذوقهـا قيّـر ومــر= كل من تجرّعهـا راى الايـام سـود
من ذاقها يمشـي كأنـه فـي غـدر= ما يفنّد الصاحب من الخصـم اللـدود
واجبـك ياعاقـل بغـيـرك تعتـبـر= لاقـد وقـع مسعـد تحـذّر ياسعـود
لاتنتظـر لمّـا يداهـمـك الخـطـر= قم واحتـزم للثعـل بحـزام الأسـود
من أجل نبني صرح شامـخ مزدهـر= واجـب علينـا كلنـا بـذل الجهـود
نحن هنـا نجمـع مـواده والحجـر= وانتم عليكـم حفر- للسّاس - المقـود
صبّوا سواس الصرح عـاصلب الوصر= وبنوا بناء شاهق مميّز فـي الوجـود
خلّوا الإضـآءة فيـه دايـم تستمـر= والنور نـور العلـم لانـور الوقـود
بانصحك عالتعليـم ياطالـب صبـر= واحسب صدورك قبل تحسب للـورود
ثبّت ركونـك فـي بـلادك واستقـر= واصبر عسى يأتي مهب ليلـة بنـود
وتشوف من قد شفت موقن بالبصـر= ماهو خبر تسمعه من واشي حسـود
من كان حافي لابـس الثـوب الغبـر= بالامس قـده اليـوم تأتيـه الوفـود
والدهر له يومان مـن خيـرٍ وشـر= وان كان لك مسهله بالشعـرة تقـود
وتدوم مع من كـان للمولـى شكـر= وحمده مخلص في ركوعه والسجـود
وتـزول مـن يـد ابـن آدم لابطـر= ماشفت آفـة للنعـم مثـل الجحـود
هـذا جوابـي يارفيعـيـن الـقـدر= وان كان عدتوا بـاذن ربـي بانعـود
وختمتهـا بسـلام عـا خيـر الديـر= لي حدها من حجـر لمـا قبـر هـود
والفي صلاتي عالنبـي عـدّ الشجـر= وازهارهن واوراقهن فـي كـل عـود
واعداد حب الرمل وطشـوش المطـر= واعداد ماحنّـت على الـرؤوس

صبي العول 12-23-2010 12:01 AM

مزلزله يالجوهي ومعلقة من المعلقات اعتبرها قصيدة الشهر بلا منازع
لله درك من شاعر وصح لسانك على كل حرف قمت بوضعة في هذة القصيدة القمة
تقبل مروري واحمد الله انني من اوائل المتصفحين لهذة القصيدة العصماء

الجوهي* 12-23-2010 12:14 AM

أشكرك أخي الفاضل الشاعر/ صبي العول عل مرورك وتعليقك وإطرائك وشهادتك وسام أعتز به ولايفوتني أن أنبه هنا على أن هذه القصيدة من قديمي قلتها قبل حوالي ثمان سنوات فلايتوهم متوهم أنني نزلتها هنا لمنافسة في مسابقة , أوغيره , فما نزلتها إلاليطّلع عليها إخوتي من شعراء هذا الصرح الشامخ ومرتاديه علّي أحظى منهم بنقد أوتنبيهٍ على قصور ؛ كي أحاول تقويم ماعوّج من منهجيتي في الطرح بما أملك من وسائل متواضعة والإنسان دوما معرض للخطأ والنقص فلاتبخلوا علينا بملاحظاتكم بارك الله فيكم وليتقبل تحياتي جميع المتصفحين ودمتم.

أبو بدر من سعاد 12-23-2010 12:45 AM

ماشاء الله تبارك الله
قصيدة ولا اروع
والنعم فيك يالجوهي
تحياتي

ملك اليمن 12-23-2010 12:51 AM

اقتباس:

المشاركة الأصلية كتبت بواسطة الجوهي* (المشاركة 582847)
ابـدي كلامـــي بالعـلـي رب البشـــر=ياالله طـلبـتـك يامـهـيـمــــــــــن يــاودود
يـارازق الحيـوان فـي بحـرٍ وبـر=يا لي خلقت الأرض واعليت الوجـود
ذا فصل والثاني على المعنـى هـدر=هاجس عوض بالشعر من بعد الركود
منّي سلام الفيـن لـك يابـو عمـر= وسلام بالمليـون عـاأرض الجـدود
وسلام ثاني عام عاكـل مـن حضـر= من الاهل والإخوان موفيـن العهـود
كل من حضر مجلسك عـارأسه نثـر= تسليمنا مقـرون بأصنـاف الـورود
منك وصل مكتوب عـاثلاثـه شهـر= مـرّت علـى تاريـخ تحريـره وزود
ما راض لي هاجسـي بيّـت يعتكـر= بيّتت ديـر الفكـر ماشفـت الرقـود
عاذكركم سهران طـول الليـل جـر= لمّا اعتلت رمحين عارؤوس الحيـود
والبـدع يامحسنـه لكـنـه زهــر= وحصادهن عادته يأتي فـي الـردود
وان كان نوع الزرع حالي بـه بشـر= ساعـة حصـاده بالحـلاوة بايجـود
وان كان زرعك قار وش بـا تنتظـر= غيـر القـرّرة لـي تـزوّع بالكبـود
وذكرت في الغربـة وتبعـات السفـر= والمـال واتعابـه وتجميـع النقـود
واحد وواحد فوق خمسة فـي الكمـر= واثنيـن وثلاثـة حسبهـم ياعبـود
صاروا ثنعشـر قـرش باعداد الشهـر= في العام – ذا لاقدك من صنف القرود-
منهم خصم ستـة مقاضـي للسفـر= واثنيـن تفسيكـة لحـراس الحـدود
واثنين منهـم نـول لاتنسـى صبـر= خلّيك والحضّـار عالحسبـة شهـود
وان عاد شي زايد محض به في الستر= والّا نـزل بـه للسواقـي والـبـدود
والنول للمرجـاع مـن أهـل المـدر= شلّـه سلـف لاقـدك لهْنـا باتعـود
وان عدت قالوا لك تفضـل وانتظـر= ريّح قعد في البيت مع لي هـم قعـود
وقت العمل ما اليـوم ولّـى واندثـر= والناس بالعشرات في العزبـة رقـود
غربـة تعيبـة ذوقهـا قيّـر ومــر= كل من تجرّعهـا راى الايـام سـود
من ذاقها يمشـي كأنـه فـي غـدر= ما يفنّد الصاحب من الخصـم اللـدود
واجبـك ياعاقـل بغـيـرك تعتـبـر= لاقـد وقـع مسعـد تحـذّر ياسعـود
لاتنتظـر لمّـا يداهـمـك الخـطـر= قم واحتـزم للثعـل بحـزام الأسـود
من أجل نبني صرح شامـخ مزدهـر= واجـب علينـا كلنـا بـذل الجهـود
نحن هنـا نجمـع مـواده والحجـر= وانتم عليكـم حفر- للسّاس - المقـود
صبّوا سواس الصرح عـاصلب الوصر= وبنوا بناء شاهق مميّز فـي الوجـود
خلّوا الإضـآءة فيـه دايـم تستمـر= والنور نـور العلـم لانـور الوقـود
بانصحك عالتعليـم ياطالـب صبـر= واحسب صدورك قبل تحسب للـورود
ثبّت ركونـك فـي بـلادك واستقـر= واصبر عسى يأتي مهب ليلـة بنـود
وتشوف من قد شفت موقن بالبصـر= ماهو خبر تسمعه من واشي حسـود
من كان حافي لابـس الثـوب الغبـر= بالامس قـده اليـوم تأتيـه الوفـود
والدهر له يومان مـن خيـرٍ وشـر= وان كان لك مسهله بالشعـرة تقـود
وتدوم مع من كـان للمولـى شكـر= وحمده مخلص في ركوعه والسجـود
وتـزول مـن يـد ابـن آدم لابطـر= ماشفت آفـة للنعـم مثـل الجحـود
هـذا جوابـي يارفيعـيـن الـقـدر= وان كان عدتوا بـاذن ربـي بانعـود
وختمتهـا بسـلام عـا خيـر الديـر= لي حدها من حجـر لمـا قبـر هـود
والفي صلاتي عالنبـي عـدّ الشجـر= وازهارهن واوراقهن فـي كـل عـود
واعداد حب الرمل وطشـوش المطـر= واعداد ماحنّـت على الـرؤوس

لا فظ فاك أخي الفاضل الكريم الجوهي قصيده في منتها الروعه

فيها من الحكمه والموعظه ما فيه الكفايه والبيان لؤلؤ الألباب

تقبل مروري وخالص شكري وتقديري لشخصك الكريم يالغلي

علي بن طالب الحامد 12-23-2010 12:55 AM

لله درك ثم لنا دررك يالجوهي

الجوهي* 12-23-2010 01:06 AM

أشكركم إخوتي الأعزاء:أبوبدر من سعاد , ملك اليمن وعلي بن طالب الحامد مروركم أثلج صدري ونور متصفحي بارك الله فيكم جميعا ولاعدمنا أمثالكم.

وادي الذكريات 12-23-2010 04:42 PM

تسلم يالجوهي كلام جميل وموثر ياريت كل يعتبر ويصبر ويتعلم ممكن يكون عندنا جيل جديد بثقافة غير الغربة تعبنا من هذي الحالة والامر في تزايد ما في شي يدل على الاستقرار في الاوطان

سالم الزير 12-24-2010 12:03 AM

شاعر كبييييييييييير يالجوهي

صح لسانك على هذه الملحمه

والله اني كلما رأيت أسم الشاعر " الجوهي " عرفت ان هناك ابداع و فن ينتظر محبي الشعر الاصيل

فلا تحرمنا من هذه الدرر

استمر يا شاعرنا وفالك التوفيق و النجاح دائما

تقبل مني خالص الود و التقدير

سالم الزير 12-24-2010 12:05 AM

شاعر كبييييييييييير يالجوهي

ما شاء الله عليك و صح لسانك على هذه الملحمه

والله اني كلما رأيت أسم الشاعر " الجوهي " عرفت ان هناك ابداع و فن ينتظر محبي الشعر الاصيل

فلا تحرمنا من هذه الدرر

استمر يا شاعرنا وفالك التوفيق و النجاح دائما

تقبل مني خالص الود و التقدير


الساعة الآن 03:39 PM.

Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

new notificatio by 9adq_ala7sas