واسـلام مني على الصفراء شبــام = فيها الحبايب لهم عشرين عام
والشــوق زايــد لــحلان القــطون = ماقدر الله على العاشق يكون
وســلام ثـاني عـلى بنــدر عــمــر = مليون يتكرر ميه والفين كر
مصحوب بالكادي مع عود الدخون = ماقدر الله على العاشق يكون
والقلــب زاـيد الى هــبـورك يــحن = فيها الغذالب ليهن يرتعن
شــلن فــؤادي بنـظــرات العــيــون = ماقدر الله على العاشق يكون
ونـقـعــة الشــــيــخ ابـد ماتـنـتـســي = لي نورها راشن ولا باينطفي
باعــيش فــيهـا وباشــبع لي ســكـون = ماقدر الله على العاشق يكون
لا ذكـرتـها الــنوم مـن عيــني زعــل = بيت كما المارود اعضائي تصل
والدمــع من عيـني على خـدي مزون = ماقدر الله على العاشق يكون
هي مسقط الراس وهي حضن الحنان = ارض الوزيري لها عزه وشأن
ارض المشــايــخ حــمــران الــعيــون = ماقدر الله على العاشق يكون
اســس قــواعـدها علي قــرط الــذهـب = على العز والمعروف بلغ مايجب
نســل الــكرام القــطب هو رتن الركون = ماقدر الله على العاشق يكون
وعــرض ال مــخاشن خـوالي والجدود = تاريخهم شاهد نمارة والاسود
اهــل الرتــب والمــتارس والحــصــون = ماقدر الله على العاشق يكون
الـبـعــد اتــــعـبـنا واحـــرق مــهـجــتـي = يا غارة الله على من بشتكي
اشكــي هــمومي وحــزني والــشــجون = ماقدر الله على العاشق يكون

المشاركة الأصلية كتبت بواسطة نووووور (المشاركة 663814) صح لسانك قصيدة جزله من راس جزال لك ودي