|
حكاية ((باشقابه))
طرت عالبال قصة باشقابه=واقضت مضجعي خلتني اسهر حكايه تلحق الهم والكآبه=عن المهتوف راعي الحظ لقشر مسلسل كل حلقاته تشابه=وكل مشهد عن السابق مكرر مضت لحداث تمشي في رتابه=وانا تابعت والخاطر مكدر بدت نكبته من مقدم شبابه=وكل ماله كبر نكبته تكبر خلق في قطر مرت عا ترابه=حظارة عاد والقوا فيه منكر ولا خافوا من الله وعقابه=وكفروا بالقضاء هو والمقدر فحلّت بارضهم لعنة عذابه=وهبت عا وطنهم ريح صرصر منازلهم جعلها الله خرابه=وهو فيها سكن واسس وعمر فاصابه من وراها ما اصابه=نزل في دار منها الله حذّر رحل عنها وشد منها ركابه=فخاض البحر بعد المشي فالبر محيط الهند لي كلن يهابه=عبر وسطه على هوري مكسّر بريق النجم بالليل اهتدابه=وبانوار الأمل لا النجم غدّر وموج البحر لاتلاطم عبابه=ذكر خالقه سبحانه وكبر ومد ليدي لدعوه مستجابه=تهدي عاصفة طوفان زمجر ولو شاف البصر بر التجابه=وبين اهله بناء مسجد منور على منهج محمد والصحابه=دعاء للخير والتقواء وبشر عطاه الله ذكاء زائد نجابه=وقوة عزم زائد ع المقرر بلاد الهند لي فيها الذيابه=عمد فيها وصار الذئب لشقر يهابن كل ما نظرن لنابه=ويقفن كل ما للناب كشّر وسلطان الملايو فك بابه=وفتحت له فطاني لي مصكر وسكان الجزر سمعوا خطابه=ولبوا دعوة النور المسطر وشرق افريقيا لبّت هضابه=نداء ساحله لي ع ايده تحضر بلغ للصين سلطان انتدابه=وموزمبيق هي والراس لخضر ولكن للزمان الف انقلابه=كفا المؤمن زمانه لا تنكر رضي بالهم والهم ما رضابه=مكانه والشقابه كر في فر كأن دهره فرض حوله رقابه=تلاحقه المصائب حيث ما مر وكل ما دلهمت فوقه سحابه=نذاها شعف من حدرى وشعفر عن الاوطان قد طال اغترابه= ومن مهجر تنقل صوب مهجر تشوق للوطن حيث انتسابه=لان لخبار قالت قد تحرر وكل ثروته في صرّه ثيابه=وفي كسعته لا ابيض ولاصفر رجع من بعد ما طول غيابه=ولكن ما لحق شي قد تغير وجرحه زاد نزفه والتهابه=من الوضع الردي والحال لغبر تصادر نصف من كل ما ضوابه=من الخلقان والبز المشعطر لان الدار تحكمها عصابه=علمهم في وسطه النجم لحمر من الصدمه بدا يفقد صوابه=ومن واقعه لي بالفعل يقهر لجيرانه توجه والقرابه=على جال الحرم راضي ومستر بني عمه وربعه والنسابه=بلاد الخير حيث النفط يزغر ولكن حيهم نبحت كلابه=على المهتوف كل ما اقبل ودبّر وحطوا له حنش داخل جرابه=فعوّد هذه المره مسفّر وما حل بالوطن كلن درابه=على يد لي يخرب دار بصعر غلط كله من الأول حسابه=سرح وقّع وهو ما كان مضطر وضوا قوم ترعى في شعابه=جراد احمر كل اليابس ولخضر وختم القول عند الله ثوابه=ومن يصبر على التمحيص يؤجر تمحص في حياته باشقابه= الا يالله يتعوض ويضفر |
اقتباس:
يالطيف يالطيف قصيده ومعاني جزله امانه وعهد وصدق ان بدني قشعر لامادح ولا متزلف وشهود ويسلم عليك محمد سعيد بلحامض يالطيف يالطيف حقك ولك مرور مستعجل ثوروني وانا عالفراش عند نزولها وقرأتها مستعجل وقلنا لهم سجلوها باالتلفون بنطقكم وهاتوها بسمعها باالهاتف وبحفظها وان حصلت مدخل وعاد في الفصل نفس لك مني الوفاء ولاكن القصيده اذ اعجبتني تعلثمت منها وروح لكده من اعجابي بها ماعليك ياصقر نهد عاد اهل الذائقه واهل الشعر موجودين وللعلم البلحامض عندهم زواج حق عيال عامر بن سعيد يوم الخميس هذا ومصرين عانزول باقديم لاحيد كرزم وانا مريض ولا عطونا فكه قلنا لهم بنشوف الدكتور يالطيف يالطيف الشي ذي يعجب يلتكد الذائق منه لاقدام ياسقيفتنا العامره بتلك الهامات الشعريه ومانقول لك الا ماقلته سابق
مرحبا باالكلم ذي حرمتني تكلم = سادني صمت من غزر البيوت القويه ياجبل نهد هجسي من كلامك تلعثم=رحت لكده وشن يابس وقربه خليه شيل ثوبي كما اّم الكتاب المكرم=عابده الشمس ذي رسلت اليه الهديه وارث الملك من داؤود ذيهوا تبسم=ذي سمع لهجت النمله مكارم عليه فلقت البحر وتفجر بها بئر زمزم=بانرجم بها كم من ولايه عتيه ولو القدره بتسوق بوجمال الخليفي الهلالي باتكتمل طربوا له وباقديم عاوجه المذهب لاقدام ماهو من اهل النت واهل الزمان هذا ( وذولا ناس في هذا المنتدى عيال سوق مالهم باع وهامه في خدمة المنتدى ) لقوا جوده دعولي عاالخليفي معدن الناموس وحد يدخل وحد ينزل ياابو الوليد مايخلونا نتسمع لهذه العصماء |
اصابـه مـن وراهـا مــا اصـابـه ***** نـــزل فـــي دار مـنـهـا الله حـــذّر
رحـل عنـهـا وشــد منـهـا ركـابـه ***** فخاض البحـر بعـد المشـي فالبـر محـيـط الهـنـد لــي كـلــن يـهـابـه ***** عبر وسطه علـى هـوري مكسّـر بـريــق الـنـجـم بالـلـيـل اهـتـدابـه **** وبـانـوار الأمــل لا النـجـم غـــدّر ومــوج البـحـر لاتـلاطــم عـبـابـه **** ذكـــر خـالـقـه سـبـحـانـه وكــبــر الله اكبر تاريخ الحضرمي من الألف الى الياء. نص راقي ونسال الله: الا يالله يــتــعـــوض ويــضـــفـــر وتصلح حال ياالله ذا الشقابة ويصبح من عنا الدنيا محرر |
اقتباس:
جاك الخير والمطر وقد شفنا وسمعنا المحوّل يحوّل بالسيول العارمه( الواقعي) وكما قال لوّل ,,المحوّل يحوّل والسواقي ملانه طبتم؛؛؛؛؛ |
اقتباس:
اقتباس:
كانت سياسه بريطانيه تسلّط الغريب على القريب وبعد أن رحلت الشمطاء من الهند ضعف وأستكان النمر لشقر لا بل تمسكن وهان وتقمّص دور البسم:FRlol::FRlol: كعادتك التي عهدناها منك فأنت نبع يتدفّق من موج هادر سرعان ما ينتهي في بطن الوادي ويتبخّر في سكون;rai أبا الوليد دمت في صحه؛؛؛؛؛ |
محيط الهنـد لـي كلـن يهابـه=عبر وسطه على هوري مكسّـر بريـق النجـم بالليـل اهتدابـه=وبانوار الأمل لا النجـم غـدّر وموج البحـر لاتلاطـم عبابـه=ذكـر خالقـه سبحانـه وكبـر ومـد ليـدي لدعـوه مستجابـه=تهدي عاصفة طوفـان زمجـر ......... جدّي من أمّي غرق بهم مركب شراعي قرب ميناء بربرة كان يقل سبعين مسافرا متجهين صوب شرق أفريقيا . صعب الأمر على جدّي فترك ابنه ( الطفل ) خالي صالح يغرق وعام بصعوبة بالغة بيد واحدة والأخرى محتضنة ( الطفل ) خالي علي وكتب لهما الله النجاة وأكثر ركاب المركب الشراعي غرقوا. حديث كالأسطورة . |
كأن دهره فرض حولـه رقابـه=تلاحقه المصائب حيث مـا مـر وكل ما دلهمـت فوقـه سحابـه=نذاها شعف من حدرى وشعفـر أثبت التاريخ بأن الحضرمي تحت رقابه كحامل لدين يناهضه الأوروبيون ومن يتابع ما لحق به من نكبات في يوغندا واندونيسيا ويقرأ ما كتبه الرحالة والمستشرقون يعرف أن هذا الآدمي ملاحق . |
الله الله يا بو وليد قصيدة فعلا جميلة ومؤثرة جدا الله لا يحرمنا منك
ماجد بن كوير تحياتي الحارة لك من القلب |
الله الله يا بو وليد قصيدة فعلا جميلة ومؤثرة جدا الله لا يحرمنا منك
ماجد بن كوير تحياتي الحارة لك من القلب |
اقتباس:
انتظرنا ايها الشاعر العملاق ذه قصيدتك ومعانيك الغزيره بغت خلوه وهدوء وراضه ونباص القوافي |
| الساعة الآن 08:14 PM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir