لا ثارت الشارة على الوديان=والرعد في راس النشية
شلّو نفسكم قال باعمران=رؤس الحيود المعتلية

المشاركة الأصلية كتبت بواسطة صوت سيبان (المشاركة 330993) يعجبني الزامل وصوت الدان= تحيا العوائد لوليه لي قد ورثناها من الشيبان= أهل الشروع النومسيه

لا قد سمعت الصوت من سيبان=باجيه و الهمّه قوية
لجل المخوّه يارفيع الشان=بنرجّع العوجاء سوية

النومسي يهدي لباعمران =صافي سلامه والتحيه
ريته يعدل شوكت الميزان =لكفاف ترجع مستويه

المشاركة الأصلية كتبت بواسطة النومسي (المشاركة 331129) النومسي يهدي لباعمران =صافي سلامه والتحيه ريته يعدل شوكت الميزان =لكفاف ترجع مستويه

يامرحبا ما حنت الرعدان=بالقول لي ذوقه بغية
ونته ذكي يا شاذر الرميان=تفهم ملفات القضية

المشاركة الأصلية كتبت بواسطة البكري (المشاركة 331069) مشتاق للزامل وجم حبان = يأهل العضيد الملتويه شعار جونا بعضهم خيبان = واشعارهم شر البليه ماتفند الصاحي من السكران = ومن صحاب العنصريه بين الشيابه دخلوا الزقران = وتعكست بقعه عليه كل من لقى وزنه في الميزان = خرب رطال البندريه وكل واحد له لقى اسمان = من يوم ماشي مرجعيه

وين الذي بايصلب البنيان=من بعد سالم بن عطيه
لاشفت حد انسي ولاحد جان=يقراء الذي هو في الوصيه

كثر الدعاوي تصلح الانسان=رحمتك يارب البريه
يالله بجودك ياعظيم الشان=والعفو منك والعطيه