يقول بوجمعان ماشي من عبوده منفعه=القبص فيها والبلاء يمسك عراقيب الرجيل
حلّوا بها الكشفان لي ما من ابوهم منفعه=حد منهم خاين وحد باير وحد سارق ذليل
فرحوا بصحبتنا قلال الخير فرحه ممتعه=كله من اجل السمسره والقطع في أمات النخيل
خيره في الصحبه نباء كُلن يحدد موقعه=لا خير في صحبه ثمرها القتل والفعل الرذيل
لا حد يكلم حد ولا حتى يوشوش مسمعه=البغض فيهم والطمع فيهم ونكران الجميل
بعد الشبع بطروا لقوا ضربه قويه موجعه=رحنا ضحية غزو بالمدفع وبالغاز المسيل
وأحنا كما الثيران نتشرقع قفاء المتشرقعه=من حيد لما حيد في طوع المعلم والقبيل
وانتي مكانش ياعبوده في الدروب مضيعه=ساعه يزفونش وساعه يعرضونش للسبيل
أظاهر انش ذي السنه ياأم النخيل مودعه=الوضع شاهد والمجازر والمنافس بوعقيل
أن شي عليش اديون قولي للمعارض يدفعه=وأن طال عمرش حمدي الله وأشكر الشكر الجزيل
أهوين يوم السمسري ينهب ولا حد يردعه=قله قليله صربوا الموسم وعزموا عالرحيل
لا فين بايرحل قسم والا القروقر مرجعه=ماشي مفر ماليوم كل ضايع يدور له دليل
ماغير ختمها بكلمة جبر زينه مسنعه=وترك عبوده للمناصر والمعارض وأستقيل
شفها ثلاثه خصال في مابينكم متوزعه=اللوله توخذ وتعطي بالهداوه و القليل
والثانيه لا جاك مكتوب الوساطه وقعه=وابدي برايك ان لكم شي راي وهذا مستحيل
والثالثه حذرك من الباير عوض لا تتبعه= وأنظر بعين العقل لا تنظر بمنظار العميل
الوقت له تقلوب بايقلعك ماباتقلعه=وشواهد التاريخ ماتقدر عليها بالمزيل
القصد شفها ثايره ومن ثار ماباتفرعه =لان المثل بيقول كل فارع جزاه الا الصميل
مليون في مليون في مليون ماباتقنعه=السير يتقدم وكم من جيل بايتبعه جيل

المشاركة الأصلية كتبت بواسطة الواثق بالله (المشاركة 675948) سعدت بان اكون اول المارين على قصيدة الاخ الفاضل سبع الليل وهي قصيده تعبر عن واقع نعيشه وضروف وقعنا فيها شكرا لك اخي العزيز ابو جمعان على القصيده الجزله وانـتـي مـكـانـش يـاعـبـوده فـــي الـــدروب مضـيـعـه سـاعــه يـزفـونـش وســاعــه يـعـرضـونـش للـسـبـيـل ذكرتني بكمات المحضار مكانش ياحسر دوعن عسيره *** فلوس التاج ماقدرت توطيش صبرنا كم على عصرات حيره *** وكم حشنا بهاالحوشان تحويش شكرا والف شكر على القصيده

المشاركة الأصلية كتبت بواسطة عباس بن فرناس (المشاركة 675950) تسجيل مرور اولي ولي عوده

المشاركة الأصلية كتبت بواسطة عاشق رماله (المشاركة 675953) ابو جمعان ابيات من العيار الثقيل الثقيل الثقيل جدا لله درك دائما وابدا يا محفوظ والله رغم ان الشهادة مجروحة انك من النوادر في حبك القصيدة وتركيبها والتحليق بالمتلقي في فضاءات ابداعك الشاسعة تقبل مروري واعجابي يا استاذ

المشاركة الأصلية كتبت بواسطة قبع سكر (المشاركة 675989) ما بوعقيل مانباه اخي الشاعر سبع الليل , لاتنجم علينا :) خلونا على المحروق احسن ههههههههه مبطي ماسمعت كلمة شرقعة :) شكرا على التوظيف الجميل وصح لسانك , مع تحياتي0