هاذي زوامل ترحيب بقبيلة بالحارث من الشاعر حسن بن محسن بن ناصر المشيعي ( بو شايع ) بمناسبة قدومهم

على قبيلة المشايعه في مدينة العين

بديت بـــك لا يا عظيم الشان أنت ألهي حـــــافظ الأنســـان يالله يــــا رب البــريـــه

تغفر لنا في طيت الاكفان لمسيت وحـــــدي في الثرا فزعان برحمتك فـــرج عــليه

خفف ذنوبي ذي على الأمتان في لحد ضيق يمسي الأنسان فقري ويـــــداته خـــليه

تشفع لنا من شعمة النيران نسكن جنانك في وسط عدنان من تحت الأغصان الطريه

ذا فصل ثاني قال بن شيعان ياهاجسي رحب ضوو ضيفان ذي جودهم ماحد نسيه

حيابكم يا ساعدي اليمان ياذري بالــــحارث من الشجعان اهــل الـــعــوايد الاوليه

مالاح بارق يسقي الضميان تصبح من عـــلا الوديـــــان من روس الاشعاب السقيه

انتو كــناني لابدالي شــــان جدي عوض ذي خــلــف الرميان لتقابلوا بالـــذايـبـيه

من يام اصله هو يا حصيان وربعهم ذي هم على العدان ذي يكسبون الــنامــســيه

اهل المدن وبدو في الخليان من بعدهم في أرضنا يافلان اهل الــوفا والــطالعيه

وجــدهم مــذكور من عيمان لاقد دخل في ساحة الميدان يــــهزم جيوش المعتديه

وأنه كرم يقول بن جحشان كمن ولــد يلاقي الـــضــيفان ويعقرون الــدوســريــه

واذكرعلي وأحمد من العمدان وخوه محسن جيد وكريمان ذي يلقو العوجه قديه

ياذري صالح مثل بن سرحان انتو لنا واحنا لكم بزيان في حصن وسواسه قويه

واليوم سعدي شهرنا قد بــان بشر عيالي هم ويا الاخوان هــلال قــد نـور عليه

وانا من السلمي وبا حيان ولـحد شبـــوه لأعلى جـــردان للــصوط لاقـــرن الثنيه

وأنشي طلـب بقلل الميزان للخال واجب بكسر العظمان قـــومي يغتون الســريه

ويدحقون الجمر والهيمان تشهد عبيده هم ويا هــمدان والطقم هـــو ولـمــدفعيه

والعفو لا زليت فالقيفان مــطلوب يا الحظرة لنا سمـــحان كثر الفرح غطى عليه

وفصل هلة الاعيان من دم ينزف داخـــل الشريــــان هــــاتو دواء مـــن صيدلـيــه

أحـــمــد ونــاصــر وعول يالاثنين وقتنا ثقله على وزنين والخو يحمل من خويه

حتى ولا زادت خــطــوط الدين عند الدلل شف قيمها قرشين قل للبيع والمشتريه

دنيا الندم صاعها صاعين أهل السبب تعيش عـــالحبلين حتى الــولد يكره أبيه

دقم البلق ماهو شبه عارين والمملكه ماهي كما البحرين أرض السعودي كامليه

والخو شظ الساق من شقين وأن أنكسر معاتشي ياهوين كل من عمل شغله لقيه

قدم عيالي عندكم عدلين والجاه شيبه عمر فالتسعين لجل الشرف يا اهل الحميه

نبغـى رضـى وتكفيه ذلحين بانلقى الكيلو أقبل رطلين وما مـضـى كــلــن نسيه

والخـتـم بخـر يالـبـخـورالـزين وعــود اصلي تــولته الــفين لــمن حظر مني هديه

وأذكر محمد ذي بعث للدين هو ويا علي جاهد بوحدين يهزم جيوش الكــافـريه