دورت لك يالذي عالناس ماتزهم =عدت رسائل وتلفونات نزهمها
وانته مطنش وعالحلان ماتسأل =من بعد ذلحين شفني منني مسئول
الذي عرفناه عنك شخص متفهم =من قبل تخرج من البلعوم تفهمها
هذا عشمنا وما نرجو ومانأمل = حسن النوايا تتمي والرجاء المأمول
عزتك عندي ومقدارك بها يعلم =الله ماحد خلاف الله يعلمها
والهرج يصدق ويكذب شه ويتأول=واشيات جم في الزمن هذا تجي وتؤول

المشاركة الأصلية كتبت بواسطة طالب باتيس النعماني فكره رائعه يابونمر وعوده حميده احسنت والى الامام

المشاركة الأصلية كتبت بواسطة الحامـــدي ياهـــــــــــــــــــلا بابو نمـــــــــــــــر ابداع طيب من انسان طيب وفكرة تشكر عليهـــــــــــــــــــــــــا

وين الوزيري ومعبد ذي لهم خبره =اهل السمر والوله هذا بهم خبري
وهيين شيخ القبيله عليه نتخبر =قدني سبوعين عنه مالحقت اخبار

حاولت يابونمر مالقيت لى عبره = وازهمت شفنى على صاحبك بن عبرى
ان كان عنده بصر عاشان نتعبــر= شفته مصمم ولاله شف في المعبــــــار

يامرحبا بالقوافي كنها دره=من شاعر البدو ماباقوله حضري
وكل من كان بدوي غصب يتحضر=وقالها من زمن في شعره المحضار

المشاركة الأصلية كتبت بواسطة معبد حاولت يابونمر مالقيت لى عبره = وازهمت شفنى على صاحبك بن عبرى ان كان عنده بصر عاشان نتعبــر= شفته مصمم ولاله شف في المعبــــــار

ماباقنع عادني من شاتر العصره =ولانسجم لامع ناسي وهل عصري
صاحبي ذي بالشياذر كان يتعصر = مابايسيب الشياذر للمهب وأعصار
ونا معه مستقل من هفو اوقصره =مادام قصره بني في واجهة قصري
باعطيه حق المجوره يوم ماقصر =للبعد يضرب بقصبه والقريب قصار

المشاركة الأصلية كتبت بواسطة طالب باتيس النعماني يامرحبا بالقوافي كنها دره=من شاعر البدو ماباقوله حضري وكل من كان بدوي غصب يتحضر=وقالها من زمن في شعره المحضار

رحبت مره وبك رحب مية مره =يانسل نعمان وحدودك مع المري
مثل العسل كلمتك لاجات تتمرر=وعلى خصيمك في اللعبه تشل المار
ذي قسم الرزق بين الفيل والذره =يعلم اذا كان عن صدام شي ذري
ماهو طهف بالمهب في القاع يتذرر=شفني سمع من بطي صفارة الأنذار