رغم بعدي رغم ترحالي= دائما في الحل والترحال
ذكركم ماغاب عن بالي= في الهوى مانا خلي البال
يازمن مهما تغربنا =اوعن الصفراء تباعدنا
=حبها يبقى بقلبي عالدوام
=لاتظن القلب باينسى شبام
لوخسرت كل اموالي= والفوايد بعد راس المال
عادنا ماخابت آمالي= في صحابي بطرح الآمال
كل ساكن يامدينتنا= فيك يحسب من عشيرتنا
=بينهم ارتاح ويطيب المقام
=لاتظن القلب باينسى شبام
الصّبر من يدكم حالي= نطعمه مهما يكون الحال
بينكم عيشتي تحلالي= لوعلى جلسه في المسيال
في الوطن تزداد بهجتنا =لاحرمنا الله تربتنا
=ارضنا ارض المحبه والسلام
=لاتظن القلب باينسى شبام
ليلة التوديع ياوالي =خرجت الاحزان في موال
عانه الله قلبي السالي =عالوداعه حين دمعي سال
غصب ياحبابي تودعنا= والسفر ماهو بخيرتنا
=ذا قضائي عيش في الغربه حتام
=لاتظن القلب باينسى شبام