من القائل؟
 

حملتني يا الوقت عا ظهري حمولة جائرة
وبغيتني ما قول شي واصبر على باطل وجور

مطبخك في سيؤن والريحه ترجع في قسم
تجلس على اليدات لو غسلوك يالأصلي ثمان

الشاعر: سالم باصرة

قال الفتى الشاعر يحن الراس لاشاف اللخم=ذا قوت بوحضرم طوال الوقت والناس الزيان
كل من طعم ذوقك يجيب الا الفوايد والحكم=والطالب الي مايذوقك بايفرقز بالعيان
مطبخك في سيؤن والريحه ترجع في قسم = تجلس على اليدات لو غسلوك يالاصلي ثمان
لاشفت حيتان القريني شل لاتبايع بكم=ماشي شبيهك يالقريني يارصاص العيلمان
والقطقطه ماشي مثيله زاد عا لحم الغنم=صحه وقوه في عظامك لو تبي مني ضمان
والصدق حوت الربع ياربعي قوي وان كان حم=لاذاقه الشيبه صبح يربع كما ربع الحصان
مايصلح الكشري مع الترناك لو عنز الدسم=مايصلح الا باللخم ياهل الحراوه والكلان
لاكبسة البقري ولا السلته ولا خبز الكدم=يسوى قطيبه من متانك ياكبيرين المتان
والعفو يالاخوان لو زودت في الاقوال جم =:ذلا محبه للخم والجوف شو عاده ملان