والنّعم برجال الوفاء والشهامه = نسل البريكي له من الطيب قسمين
من حل في دار السخاء والكرامه = في دار زايد له من المجد مجدين
اسم سماء عالي لفوق الغمامه = فيها شيوخ العز والطيب واللين
ثبّت قواعد ساسها عالصلابه = وحط شعبه ...تحت دفه في العين
حتى غدت داره طلب كل هامه = فيها الرقي والزين موصوف بالزين
يالله برحمه واسعه والسلامه = تغفر لزايد ترفعه فوق علين
في جنة الفردوس عالي مقامه = سعف الصحابه والرسل والنبيين
وتوفق اشباله رجال البساله = نصيبهم بالحظ يارب حظين
سهروا عليها واكدوا عالعداله = هم موفيين الكيل بالمد مدين
يالله طلبتك وارتجي الاستجابه = عوّد عليهم عيدهم بالملايين
واجعل بلدهم خاليه من حرابه = تبقى بعون الله خضراء بساتين