ضــاعة الأمه وصبــحت مهــزله في مهــزله=والعرب من كل شق في القاهــره يــتمـهزلون
معاد باقي في الصّــور غير الرجــيل أمدلدله=والــذي قامــوا وقـــعــدوا غصــب ما يدلدلــون
ضاقــت الدنــيا بــنا من مرحــله الى مرحله=أمن وأستــقــرار ماشي والبــشر يتــرحــلـون
قــالــوا الميــزان وافي والقــســوم أمـعـدله=ما بــظـني شي عــداله قــبل مايــتــعــدلـون
جور وأســتهـزاء وسخــريه وظــلـم الديــوله=والظــروف القــاسـيه سمــحــت لهم يّديـولون
ريـت شي باليــد حيلـه والأمــور أمــسهـله=كــان خلــيــنــا عيــال المنــكري يـتـسهــلـون
لــكن العــقـبه عـسيـره والركــاب أمـعــقله=والبــواخـــر والســفــن رُبــانـهــا يـتــعــقـلـون
بالرشــاوي والهــدايا بطّــلـوا في المرجـلـه=يــاربـابــيــن الســفـــن هـل عـاد باتــتـرجلـون
شـعـب مــذّمر وأرضــه سايــبه ومبــهـذلـه=عاد شي في الروس نخــوه قبل ماتــتبهــذلون
خـاف لـلـشـاره مـرد بـطن السنين المقـبله=ذي نـصيــحه قالهـا شــاعـر عسى تـتقـبلــون
نُـصـح بوجمــعــان ماهـو زنـدقـه او هــذولـه=بادروا بالفـعـل يكــفـي الـى مـتى تــتهذولــون
قد شبعـنا من الهـذاوي والوعـود المـخـذلـه=في النفس ماحد كماكم وفي الشدائد تخذلون