سقيفة الشبامي - @@@@اليمن ارض الشهامه والبساله@@@@

من بلد الايمان والحكمة ... ومن ساس الأصالة

من سبأ بلقيس .. من مهد الحضارات العتيقـة

من أراضي ذي يزن حمير .. وهمدان البسالـة

من بلادٍ جنّ فيها المجد واضحت لـه عشيقـه

من جذور الأوس والخـزرج بهاليـل الرسالـة

قـوم للقمّـة .. وللعليـا .. بيارقهـم خليقـة

من ديار سهيل والصارم ومـن نبـع السلالـة

أرض من مبطي مع الطولـة عراويهـا وثيقـة

جيت والهاجس مقنّـد رأس . ومزهّـب دلالـه

في قصيدة بن صنعاني . وتحفـة مـن عقيقـة

ومن كفوفه ديم يتسبّـل علـى قاعـي جزالـة

ليـن ينبـت ورد بأوراقـي وتتشكـل حديقـة

والفريـدة لا بغاهـا .. مازهـم عمـه وخالـه

ساقها من حر مالـه ماشحتهـا مـن صديقـه

مرحبا والشعر سبـك وحبـك وإيحـاء ودلالـه

لبّه المعنـى ولفظـه هيكـل الشكـل وبريقـه

والطواريق النعوت .. وكل شاعـر لـه مجالـه

شاعرٍ ترقص طرب له . وآخر(ن) تلعن نعيقـه

شاعِرن يأرث درر .. وآخـر يودّعهـا كلالـه

ذاك تشفق له .. وذا من جـد قلبـك مايطيقـه

والتكلف في الشعر خلِه وضـرب مـن الهبالـه

ماحلاه الشعر لاجا . فطرة . وطبـع . وسليقـه

مثل شعري في بلـد زايـد ليـا سبّـل خيالـه

ابتسم بحر الخليـج ولوحـت يمنـى مضيقـه

أم وأعشقها . وعي . وادراك . وجنون . وثماله

أم يفداها زهـر شعـري ليـا مصّـت رحيقـه

كل ماغنيتها فـي بيـت رحـت أبغـي بدالـه

لين ماريقي نشف .. والشعر منها نشف ريقـه

ويش أقول بناسها اللي فسلهم راعـي جمالـه

وليه أردد والغلا مرسـي علـى قلبـي طويقـه

يارئيس الدولـة القـدوى .. وياتـاج الشكالـه

القصيد . أمجادك العظمى عن أوصافـك تعيقـه

يخجل الأيجاز منـك . ولاتفـي قـدرك أطالـه

والفرايد كل ابوها فـي غبـب مجـدك غريقـه

ياخليفـة . ياشقيـق المجـد . لا . يابوعيالـه

الشعر بحره خيال .. وبحر جودك مـن حقيقـة

أنت بدر الحكم وخوانـك حـوال البـدر هالـه

وأنت ساس المجد يارأسه . ورأسك شم أنيقـه

سيدي والشعر يصدح لك على النايـف . بلالـه

وايتباهى المجد بأفعالـك علـى كـل الخليقـة

ولو قصيدي عنك يافيض الندى . قصرت حباله

عذره أنك غير . يامن دوخ المجـد بـطريقـه

ويا إمارات الهوى .والشعـر ماياصـل كمالـه

كـود لاسطّـر بقيفانـه مـن أمجـادك وثيقـة

ياديار الولف الأول .. والصبا . وأعـذب ليالـه

ياقصيدة عشق بين أحضانهـا ضمّـت شفيقـه

يالصباح العذب وأنفاسـه . ونفحـات البيالـة

ياصدى فيروز للمشتل ..وللـورد .. وشقيقـه

يامراتع طفلـةً .. عنهـا حشـا مانيـب دالـه

كود عزرائيل كأس المـوت فـي فمـي يريقـه

ياديـاراً كـل ماغنيتـهـا فــي أي حـالـه

يسكـر المعنـى بطاريـهـا ولا ودي افيقه
مع تحيات @طلال حسين العموديَ@