طبخة السرنديبه ..... بالهناء والعافيه
 

السلام عليكم ورحمة الله وبركاته
بصراحه لي فتره طويله منتظر حد من الطباخين أو الطباخات المهره ينزل طبخه جديده ولكن طلع نقبي على شونه مثل ما يقول المصاريه
قلت يا وليد يا بن صران ليش انت ما تتطابز ( عدني ) وتطرح طبخة السرنديبه . أكيد كل من هو جويع مثلي .. أو ملقوف مثل بعضهم با يستفيد منها.
وعلى كل حال الطبخه ممكن تكفي واحد .. إثنين ... ثلاثه ...... وحتى ميه .
وذا طبعاً يعتمد على حجم الطس لي با تطبخ فيه وعدد المشاركين أو المدعيين
طيب نخش في الموضووووع ( الطبخه )
المقادير والمطلوب :
طماطم حبوب ، بصل ، ثوم ، نعناع ، كزبره ، ماء ، قليل زيت ، فلفل أسود ، كمون ، قرفه ، هيل ، بطاطس ، جزر،ملح ، وبيض و .....بس
العمل أو الطريقه :
تجيب طس حسب الطلب وتحط فيه ماء برضه حسب الطلب وكميه من البيض حسب الطلب كذلك
حط الطس فيه الماء والبيض فوق نار ( حسب الطلب ) وبعد ما يبداء الماء بالغليان يمكن تخفض النار شوي وتتركه لفتر عشر دقائق
خلال هذه الفتره قرب منحاز وصحن متوسط وكذلك غسل باقي الخضار المقربه سلفاً وضع كل منها في إناء مناسب

بعد العشر دقائق طفي النار واترك البيض يبرد وإذا كنت مستعجل يمكن تبداء بصقع البيض أو ضربه بخفة يد في جنب المنحاز ثم قشر البيض وضع القرش أو القشر في الصحن لي قربته وكل البيض بالهناء والعافيه

وبعد ما تقضي على الجوع يمكن تدعي أي واحد عنده خبره أكثر منك في فن الطبخ ( مثل لي فتحت السقيفه من أجلهم وتمارشوا حسب تعبير المدودي ) وقلهم يصلحون طبخة سريعه ...
المواد موجوده حسب الطلب .. والأواني موجوده حسب الطلب ... والشوله موجوده حسب الطلب ....والسقيفه موجوده حسب الطلب .... والجائعين ( مثلي ) موجودين حسب الطلب ... والملاقيف (مثل غيري ) موجودين حسب الطلب وبالهناء والعافييييييييييييييه

على فكره أنا خاطبت الرجال فقط لعمل هذه الطبخه لأنها متعبه جداً على الهوانم

وسلامتكم وتعيشون

كان من المفروض تشرح السرنديبه قبل ماتشرح الطبخه0:D :D :D

مشكور يابن صران

بسم الله الرحمن الرحيم
السلام عليكم ورحمة الله وبركاته
واشكرك من كل اعماق قلبي على طبختك المميزه هذه وارجوا من لديه اي انواع من الطبخات عليه ان يضهر لنا المزيد .
وفينكم يا غايبين البعد طول وعسى المانع خير في التاخير على هذا المطبخ وخصوصا الا يام هذه مع العيد نريد ان نبدع ويبدع من لديه شي جديد عن الطبخات . ولكم تحياتي وعيدكم مبارك وسعيد مقدما قبل الزحمه:D :D :D :D :D :D :D :D :D :D :) :) :) :) :) :) :) :) :) :) ;) ;) ;) ;) ;) ;) ;) ;) ;) ;) :D :D :D :D :D :D :D :D :D :D:D :D :D

بداية الغيث قطرة ..
 

بيض الله وجهك يابن صران ماشاء الله ايش التفنان ذا .. السرنديبة .. طبخة عجيبة .. :D ;)..

وشف الوصف وافي والشرح كافي .. والملاقيف من امثالي تحت الطلب :) :D;) ههههههه

حياك الله وابقاك .. وزدنا زادك المولى سعة وادراكا وبسطة في العلم والجسم .. وهت من طبخاتك العجيبة من امثال السرنديبة ... ولو ان اسمها يذكرنا بالزريبة :D:D:D

تحياتي ,,,
الشعف:)

مشكورين يا إبن سيئون وياود البدوي ويابوشعفان
حول السرنديبه ذي كلمه طلعت مع تخريفة الجوع ونقص الأنسولين في الدم .. أنا شخصياً الى حد الآن أبحث في قواميس المطابخ وعادنا ما حصلت لها تفسير
وصدقونا يا جماعه من كثر ما وعدت أم العيال بطبخات متنوعه من السقيفه (حسب وعود المشرفين عليها) زعلانه وقالت لي كذاب أنت وأصحاب السقيفه
ويا شعف خوفاً من أن تصبح سقيفة المطبخ خاليه من الداخل والخارج وحد ثاني يعتقد إنها مالها صاحب ويحولها زريبه ويحط كم رأس غنم ( مثل مولى جعيمه )تجرأت وطرحت السرنديبه
والعفو وسلامتكم

كلامك الظاهر في محله يابن صران
سقيفة الطبخ والقدح يوم فتحناها استبشرنا خير يوم شفنا الرقله لي فيها الداخل داخل والخارج خارج والريح لي تنفوح وعباد الله لي يمضغ ولي ينخّد بعد ما لحس له صحن وقلنا البركه في المنصوره مشرفه سقيفة الطبخ والقدح لكن الظاهر ان المنصوره انقلبت مهزومه في سقيفتها وشردت ولا شفنا لها اثر لايكون حد زعلها يابن صران ويابوشعفان!!!!!!

نستاااااااااااااااااهل
 

يا بوي اباه

يومنا جالس نقرب في المواعين .. والماقدير على حسب الطلب

وولعت الشوله على حسب الطلب

وجبت طس وماء على حسب الطلب

ــ
ــ
ــ
وفي النهايه .. يطلع لي ........... مطب

;baw ;baw ;baw ;baw

:D :D :D :D




تحياتي المدوديه :cool:

اخوووووي بن صران المثل يقول

اعطي العيش لخبازه ولو اكل نصــــــــــه0

يعني مهما طلعتو والا نزلتو ماباتعرفون للطباخه0
والعفو

لاعدمتك اخا0

:D :D