رحب ببيات من شاعر بدع عالفصل وتوصل = من بلاد الكنانه مصر ذي فيهايفيض النيل معي قولوا هوى آنستنا وأرحبت يامجمل= لأنه يستحق دوب الثناء والقدر والتبجيل بنادم في صفاته بالوفاء والجود يتمثل = وللمعروف خير الأهل مثله في الزمان قليل وذا شي مخصر قلته وفيه القول بيطول = ونرجو العفو لاطلنا على ذي يكره التطويل |
ميازين الذهب يابونمر بالوزن ماتميَل=ولا مركبك لي هو في الغبب لاياعمربيميل مع الاجواد شفوه الوزيري ياعرب نول=ولاشي بايجي قاصر ولاشي للكلم تأويل ونفرح لويعم الغيث وكل موال به حول= يزيد الناس عند اهل الصرافه ذالسنه تحويل |
سعف اهل المخيره ياعرب معهم ماتــحوّل ### وذي هم سعفي باسقيهم من شبيــه السلسبيـــل يالوزيري الغيث لاعم كل من درك بايحصّل ### مابين يم وقليل بايحصّل قسمه من المحاصيـــل ولي ماتحرك مع الغيث وعمد داره تمهّـــل ### تقطّبت عليه الضمر و ضاع الماء عليه المهيل البكري |
|
ابوهارون اليوم يتكلّم كلامه صدق مايتقوّل ### قضيه جابها بالمختصر يومه مايحب الاقاويل المصيبه ذي شغلتهم لي تعلمها صعب يبطّل### البعض كم وكم كسبوا وبعضهم فيها جعــيل البكري |
غثي يابونمر حسني ولاضنيت يتعدل = ولاضنيت بايعرف وصول الحكم بالتفصيل بلانا الله في هذا الرجل ماطاع يتبدل = ولايفهم ويزعل ان ذكرت الصح والتعديل ونا فكرت باسافر ابا نوبين بتوسل = وبوخذلي كروزر شاص للتحميل والتنزيل وباجرب معيشه في بلادي خاف تتكلل = وتنجح تجربه واصبح مع الحرثان فالحاجيل |
ردعلى
|
نا حنّيت عاصاحب في عيشته يتكلكل ### يااللــه عساه يضوي بلاده قبل الاكليــل اذا عاد كل من هاجر اليهاماباتتزلزل ### بايعيش فيهابعزّه ومن تركهاعاش ذليل ماتدوم ارض غيرك لك وفيها تـتنـكّل ### شف كم وكم واحد قبلك نكّلوبـه تنكيــل البكري |
كفاك الله شره ذاك ياصاحبي ذي يجهل =ولاعنده بصيره غير هرج القال هو والقيل وهذه مشكله لابات طول الليل من نسأل=ومن تعنيه شكوتنا من اللي حرف الأنجيل لغير الله مانشكي ولا بالكف نتوسل =ومنا الصبر من ذلحين لما يجري التبديل ولاشي عذر ما تفرج لنا وان كان تتأجل =سنه سنتين او اربع تعودنا على التأجيل |
خرج ذا فصل والثاني مجمل قال بتعلم=في الازهر ولكنه شكى ويقول هومتعوب من القانون لي هو يفرضه حسني ولايرحم=يخرب في نظام الجامعه لي له زمن مكتوب بغى يظهر على الشاشه يحب هو دوب يتكلم=ولكن قد سمعنا من عمرموسى خبر مصلوب لكل دارس له التشجيع بغو كلين يتقدم= ويبقى للاوائل يامجمل كل شي محسوب |
الساعة الآن 04:22 PM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir